% Text title            : Hansa Upanishad
% File name             : hansa.itx
% Category              : upanishhat
% Location              : doc\_upanishhat
% Author                : Vedic Tradition
% Transliterated by     : Sunder Hattangadi sunderh at hotmail.com
% Proofread by          : Sunder Hattangadi sunderh at hotmail.com
% Description-comments  : 15/108; Shukla-Yajur-Veda, Yoga Upanishad
% Latest update         : September 29, 1999
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Hansa Upanishad  15 ..}##
\itxtitle{.. ha.nsopaniShat ..}##\endtitles ##

ha.nsAkhyopaniShatproktanAdAliryatra vishramet |
tadAdhAra.n nirAdhAraM brahmamAtramahaM mahaH ||
AUM pUrNamada iti shAntiH ||
gautama uvAcha |
bhagavansarvadharmaj~na sarvashAstravishArada |
brahmavidyAprabodho hi kenopAyena jAyate || 1||
sanatkumAra uvAcha |
vichArya sarvavedeShu mata.n j~nAtvA pinAkinaH |
pArvatyA kathita.n tattva.n shR^iNu gautama tanmama || 2||
anAkhyeyamida.n guhya.n yoginA.n koshasa.nnibham |
ha.nsasyAkR^itivistAraM bhuktimuktiphalapradam || 3||
atha ha.nsaparamaha.nsanirNaya.n vyAkhyAsyAmaH |
brahmachAriNe shAntAya dAntAya gurubhaktAya |
ha.nsaha.nseti sadA dhyAyansarveShu deheShu vyApya vartate ||
yathA hyagniH kAShTheShu tileShu tailamiva ta.n viditvA
mR^ityumatyeti |
gudamavaShTabhyAdhArAdvAyumutthApyasvAdhiShThA.n triH
pradikShiNIkR^itya maNipUraka.n cha gatvA anAhatamatikramya
vishuddhau
prANAnnirudhyAj~nAmanudhyAyanbrahmarandhra.n dhyAyan.h
trimAtro.ahamityeva.n sarvadA dhyAyan | atho
nAdamAdhArAdbrahmarandhraparyanta.n shuddhasphaTikasa~NkAsha.n
sa vai brahma paramAtmetyuchyate || 1||
atha ha.nsa R^iShiH | avyaktA gAyatrI ChandaH | paramaha.nso
devatA | ahamiti bIjam | sa iti shaktiH |
so.ahamiti kIlakam | ShaT sa~NkhyayA
ahorAtrayorekavi.nshatisahasrANi ShaT shatAnyadhikAni
bhavanti |
sUryAya somAya nira~njanAya nirAbhAsAya tanu sUkShmaM
prachodayAditi agnIShomAbhyA.n vauShaT.h
hR^idayAdya~NganyAsakaranyAsau bhavataH | eva.n kR^itvA hR^idaye
aShTadale ha.nsAtmAna.n dhyAyet | agnIShomau
pakShAvo~NkAraH shiro bindustu netraM mukha.n rudro rudrANI
charaNau bAhU kAlashchAgnishchobhe pArshve bhavataH |
pashyatyanAgArashcha shiShTobhayapArshve bhavataH | eSho.asau
paramaha.nso bhAnukoTipratIkAshaH | yeneda.n vyAptam |
tasyAShTadhA vR^ittirbhavati | pUrvadale puNye matiH Agneye
nidrAlasyAdayo bhavanti yAmye krUre matiH nairR^ite pApe
manIShA vAruNyA.n krIDA vAyavye gamanAdau buddhiH saumye
ratiprItiH IshAne dravyAdAnaM madhye vairAgya.n kesare
jAgradavasthA karNikAyA.n svapna.n li~Nge suShuptiH padmatyAge
turIya.n yadA ha.nso nAde lIno bhavati tadA
turyAtItamunmananamajapopasa.nhAramityabhidhIyate | eva.n sarva.n
ha.nsavashAttasmAnmano ha.nso vichAryate | sa eva japakoTyA
nAdamanubhavati eva.n sarva.n ha.nsavashAnnAdo dashavidho jAyate
. chiNIti prathamaH | chi~nchiNIti dvitIyaH |
ghaNTAnAdastR^itIyaH | sha~NkhanAdashchaturthaH |
pa~nchamatantrInAdaH | ShaShThastAlanAdaH | saptamo veNunAdaH
. aShTamo mR^ida~NganAdaH | navamo bherInAdaH |
dashamo meghanAdaH | navamaM parityajya dashamamevAbhyaset |
prathame chi~nchiNIgAtra.n dvitIye gAtrabha~njanam | tR^itIye
khedana.n yAti chaturthe kampate shiraH ||
pa~nchame sravate tAlu ShaShThe.amR^itaniShevaNam | saptame
gUDhavij~nAnaM parA vAchA tathAShTame ||
adR^ishya.n navame deha.n divya.n chakShustathAmalam | dashame
paramaM brahma bhavedbrahmAtmasa.nnidhau ||
tasminmano vilIyate manasi sa~Nkalpavikalpe dagdhe puNyapApe
sadAshivaH shaktyAtmA sarvatrAvasthitaH svaya.njyotiH shuddho
buddho nityo nira~njanaH shAntaH prakAshata iti ||
iti vedapravachana.n vedapravachanam || 2||
AUM pUrNamada iti shAntiH ||
iti ha.nsopaniShatsamAptA ||
##

Encoded and proofread by Sunder Hattangadi sunderh at hotmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}