% Text title            : herambopaniShat
% File name             : herambopaniShat.itx
% Category              : upanishhat, ganesha
% Location              : doc\_upanishhat
% Transliterated by     : Gopal Upadhyay gopal.j.upadhyay at gmail.com
% Proofread by          : Gopal Upadhyay gopal.j.upadhyay at gmail.com
% Description-comments  : aprakAshitA upaniShadaH page 390
% Latest update         : December 18, 2017
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Herambopanishad ..}##
\itxtitle{.. herambopaniShat ..}##\endtitles ##

OM sahanAvavatu | saha nau bhunaktu |
saha vIrya.n karavAvahai |
tejasvi nAvadhItamastu | mA vidviShAvahai ||
OM shAntiH shAntiH shAntiH ||

athAto herambopaniShadaM vyAkhyAsyAmaH |
gaurI sA sarvama~NgalA sarvaj~naM parisametyovAcha |
adhIhi bhagavannAtmavidyAM prashastAM yayA janturmuchyate mAyayA cha |
yato duHkhAdvimukto yAti lokaM paraM shubhraM kevalaM sAtvikaM cha || 1||
tAM vai sa hovAcha mahAnukampAsindhurbandhubhuvanasya goptA |
shraddhasvaitadgaurI sarvAtmanA tvaM mA te bhUyaH saMshayo.asmin kadAchit || 2||
herambatattve paramAtmasAre no vai yogAnnaiva tapobalena |
naivAyudhaprabhAvato maheshi dagdhaM purA tripuraM daivayogAt || 3||
tasyApi herambaguroH prasAdAdyathA viri~nchirgaruDo mukundaH |
devasya yasyaiva balena bhUyaH svaM svaM hitaM prApya sukhena sarvam || 4||
modante sve sve pade puNyalabdhe savairdevaiH pUjanIyo gaNeshaH |
prabhuH prabhUNAmapi vighnarAjaH sindUravarNaH puruShaH purANaH || 5||
lakShmIsahAyo.advayaku~njarAkR^itishchaturbhujashchandrakalAkalApaH |
mAyAsharIro madhurasvabhAvastasya dhyAnAt pUjanAttatsvabhAvAH || 6||
saMsArapAraM munayo.api yAnti sa vA brahmA sa prajesho hariH saH |
indraH sa chandraH paramaH parAtmA sa eva sarvo bhuvanasya sAkShI || 7||
sa sarvalokasya shubhAshubhasya taM vai j~nAtvA mR^ityumatyeti jantuH |
nAnyaH panthA duHkhavimuktihetuH sarveShu bhUteShu gaNeshamekam || 8||
vij~nAya taM mR^ityumukhAt pramuchyate sa evamAsthAya sharIramekam |
mAyAmayaM mohayatIva sarvasa pratyahaM kurute karmakAle || 9||
sa eva karmANi karoti devo hyeko gaNesho bahudhA niviShTaH |
sa pUjitaH san sumukho.abhibhUtvA dantImukho.abhIShTamanantashaktiH || 10||
sa vai balaM balinAmagraNyaH puNyaH sharaNyaH sakalasya jantoH |
tamekadantaM gajavaktramIshaM vij~nAya duHkhAntamupaiti sadyaH || 11||
lambodaro.ahaM puruShottamo.ahaM vighnAntako.ahaM vijayAtmako.aham |
nAgAnano.ahaM namatAM susiddhaH skandAgragaNyo nikhilo.ahamasmi || 12||
na me.antarAyo na cha karmalopo na puNyapApe mama tanmanasya |
evaM viditvA gaNanAthatattvaM nirantarAyaM nijabodhabIjam || 13||
kShema~NkaraM santata\-saukhyahetuM prayAnti shuddha gaNanAthatattvam |
vidyAmimA prApya gaurI maheshAdabhIShTasiddhiM samavApa sadyaH |
pUjyA parA sA cha jajApa mantraM shambhuM patiM prApya mudaM hyavApa || 14||
ya imAM herambopaniShadamadhIte sa sarvAn kAmAn labhate |
sa sarvapApairmukto bhavati | sa sarvairvedairj~nAto bhavati |
sa sarvairdevaiH pUjito bhavati | sa sarvavedapArAyaNaphalaM labhate |
sa gaNeshasAyujyamavApnoti ya evaM veda |
iti upaniShat |

OM sahanAvavatu | saha nau bhunaktu |
saha vIrya.n karavAvahai |
tejasvi nAvadhItamastu | mA vidviShAvahai ||
OM shAntiH shAntiH shAntiH ||

##
Encoded and proofread by Gopal Upadhyay gopal.j.upadhyay at gmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}