% Text title            : Ishopanishadbhashyam
% File name             : ishabhashyaGM.itx
% Category              : upanishhat, gaNapati-muni
% Location              : doc\_upanishhat
% Author                : Vasishtha Ganapati Muni
% Proofread by          : Sunder Hattangadi sunderh at hotmail.com
% Latest update         : July 21, 2013
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Ishopanishadbhashya - Ganapati Muni ..}##
\itxtitle{.. IshopaniShadbhAShyam ..}##\endtitles ##

atha vAjasaneyinAM saMhitopaniShadaM vyAkhyAsyAmaH |

        AUM IshAvAsyamidaM sarvaM yat kiM cha jagatyAM jagat |
        tena tyaktena bhu~njIthA mA gR^idhaH kasyasviddhanam || 1||

jagatyAM prapa~nche yat kiM cha jagat gatimat prANavaditi yAvat | tadidaM
sarvaM IshA sarvashaktena paramAtmanA vAsyamAchChAdyam vyApyamityarthaH |
tena jagadaMshena tyaktena parityaktena aviShayIkR^iteneti yAvat | bhu~njIthAH
anubhava Ishvaramiti sheShaH | ghaTe kambugrIvavatvAdervikArAMshasya parityAgena
mR^idanubhavavat jagatyAM nAmarUpAdivikArAMshaparityAgena kAraNabhUta\-
sadanubhavaH sidhyatIti tAtparyam | evamanayA tripAdyA j~nAnayoga uktH |
uttarayA pa~nchapAdyA karmayogamAha mA gR^idho mA kAmaM kR^ithAH | dhanaM kasyasvinna
kasyachidityarthaH |

        kurvanneveha karmANi jijIviShechChata.N samAH |
        evaM tvayi nAnyatheto.asti na karma lipyate nare || 2||

iha loke karmANi vihitAni kurvanneva shataM samAshchiraM jijIviShet
jIvitumichChet | shAshvatamevAtra (jIvitaM) vivakShitaM karmayogaphala\-
bhUtam | evaM tvayi nare karma na lipyate sa~NgAya na bhavati | ito
mArgAdanyathA nAsti | niShkAmavihitakarmAcharaNAdanyo mArgo nAsti
karmalepAbhAvAyetyarthaH |

        asuryA nAma te lokA andhena tamasAvR^itAH |
        tA.Nste pretyAbhigachChanti ye ke chAtmahano janAH || 3||

andhena tamasA vR^itAH j~nAnashaktipravilayanAt | asUn prANAn
rAntyapaharantyapagatapraj~nAn kurvantIti praj~nAparipanthino bhAvAH asurA
uchyante | taddhitatvAdasuryA nAma te.asmaddR^iShTiparokShAH lokAH santIti
sheShaH | ye ke chAtmahanaH prakaraNAdAtmaj~nAnashUnyatvAt karmalepatvAchcha
hetubhyAM sharIrAdvij~nAnamayasya pR^ithakkaraNAbhAvAdantakAle Atmano hantAraH
praj~nAparichyuteH sthAvarasAmyamitA ityarthaH | te tAn pUrvoktAnasuryA.nllokAn
pretyAbhigachChanti | mUrChitasya yAdR^isho lokastAdR^ishA eShAM lokA iti
vij~nAyate | j~nAnayogItvihaivAtmAnamanubhavati | karmayogi tvaliptatvAd
antataH prApnotyamR^itatvam | aparastvAtmahAjugupsitagatirbhavatIti
paryavasannaM tAtparyam |

        anejadekaM manaso javIyo nainaddevA ApnuvanpUrvamarShat |
        taddhAvato.anyAnatyeti tiShThattasminnapo mAtarishvA dadhAti || 4||

ekaM sarvopAdAnatvAt sarvAtmakamiti kevalaM kimapi vastu | anejat
svabhAvAdacha~nchalam | manaso javIyo vegavattaraM dharmabhUtaj~nAnadvArA |
pUrvamarShadgachChadenaddevAnApnuvan pashchAnna prApuH | tattiShThadacha~nchalameva dhAvato\-
.anyAnatyeti atila~Nghate | tasmin mAtarishvA nijakriyAshaktirUpo
vAyuraporasandadhAti dhArayati | yadalepatvAt sUkShmAtisUkShmatvAt
sarvAtigatvAchchAnyAbhirvibhUtibhiraspR^ishyamAsIttatra mAtarishvanA nimittena
rasaH sUkShmo bhUtvA prANAtmako dhriyamANo yogaM prApetyarthaH |

        tadejati tannaijati taddUre tadvantike |
        tadantarasya sarvasya tadu sarvasyAsya bAhyataH || 5||

tadejati tannaijati prAguktarItyA | taddUre sUryamaNDalAntarvartitvAt |
tadantike hR^idayAntarvartitvAt | tadasya sarvasyAntarna kevalaM maNDala\-
hR^idayayoH | tadasya sarvasya bAhyataH | pUrNamityuktaM bhavati | dviruH
pAdapUraNaH |

        yastu sarvANi bhUtAnyAtmanyevAnupashyati |
        sarvabhUteShu chAtmAnaM tato na vijugupsate || 6||

yastu sarvANi bhUtAnyAtmanyevAnupashyati | AtmAnaM cha sarvabhUteShu |
tato.anubhavAnna vijugupsate na kasmi.Nshchidvastuni jugupsAvAn bhavati |
sarvatrAtmadarshanAt | asyAnubhavastu tena tyaktenetyeva |

        yasminsarvANi bhUtAnyAtmaivAbhUdvijAnataH |
        tatra ko mohaH kaH shoka ekatvamanupashyataH || 7||

vijAnata Atmaj~nAnino yasmin dashAvisheShe sarvANi bhUtAnyAtmaivAbhUt
apR^ithagbhAvena darshanAt | tatra dashAvisheShe ekatvamanupashyataH puruShasya
ko mohaH kaH shokaH | mohashokau na syAtAmityarthaH | pUrvatra vikArAMsha\-
tyAgena brahmAnubhUtirvivakShitA | atra sarvasyApi brahmatvena darshanaM
vivakShitam | vikArANAM viShayatvena sevAsaMsAraH | vibhUtitvenopAsanaM
tu pUrNAnubhUtyapratidvandvIti |

        sa paryagAchChukramakAyamavraNamasnAviraM shuddhamapApaviddham |
        kavirmanIShIparibhUH svayaMbhUryAthAtathyato.arthAn vyadadhA\-
        chChAshvatIbhyaH samAbhyaH || 8||

sa muktaH puruSho.akAyamasharIraM avraNamabhedyatvAt asnAviramabhautika\-
tvAt | shuddhamamalinam | apApaviddhaM asa~NgatvAt | shukramamR^itaM jyotirmayaM
divyaM vapuH paryagAt prApa | kavirmantradarshI manIShI manasa IshaH paribhUH
sarvAtmabhAvena vyAptaH svayaMbhUramR^ite divye vapuShi svayamAvirbhAvAt | sa
puruSho.arthAn veditavyAnaMshAn yAthAtathyataH satyatayA shAshvatIbhyaH
samAbhyaH chiraM loke jij~nAsUnAmarthe sthitaye vyadadhAdrachayAmAsa | abhi\-
dadhAvityarthaH | R^iSherAtmAnvitaiva parokShavadeShoktiH | IshvarAdhi\-
kAro.ayamityeke |

        andhaM tamaH pravishanti ye.avidyAmupAsate |
        tato bhUya iva te tamo ya u vidyAyA.N ratAH || 9||

ye avidyAM kevalAM nidrAmityarthaH | sA hyavidyA kevalA | yatastadA na
ki~nchidvijAnAti | te andhaM tamaH pravishanti j~nAnashUnyatvAt | ye
vidyAyAM kevalAyAM trayyAdividyAyAM lokaj~nAnAtmikAyAM charatAH saktAH |
te tataH pUrvoktAttamasaH bhUya iva tamaH pravishanti |
vikArAvij~nAnenAsamuchchitaM vij~nAnaM kadAchinna brahmaj~nAne |
bhedena vikAragrahaH | abhedena brahmAnubhava
iti parasparavirodhAt | naivaM vibhUtyupAsanochChedaH | tatra vikArANAM
pR^ithaktvenAgrahaNAdavidyaiveti | uH pAdapUraNaH |

        anyadevAhurvidyayAnyadAhuravidyayA |
        iti shushruma dhIrANAM ye nastadvichachakShire || 10||

vidyayA vakShyamANayA anyadeva phalamAhuH | avidyayA vakShyamANayA
anyatphalamAhuH | ye nastat prakaraNaM vichachakShire teShAM dhIrANAM
sakAshAditi sheShaH | iti pUrvoktaprakAreNa shushruma shrutavantaH smaH |
yadyapyavidyAvidye niShphale kevale tathApi te prakArAntareNa samuchchite
phalade iti bhAvaH |

        vidyAM chAvidyAM cha yastadvedobhaya.N saha |
        avidyayA mR^ityuM tIrtvA vidyayA.amR^itamashnute || 11||

vidyAM chAvidyAM chobhayaM tatsaha samuchyayena yo veda yugapadvidvAnavidvA.Nshcha
bhavatItyarthaH | kasya vidvAn kasyAvidvAniti chet Ishvarasya vidvAn
pArthakyena vikArANAmavidvAniti vyAkhyAsyAmaH | sa chAvidyayA pArthakyena
vikArANAmaparij~nAnena nimittena mR^ityuM pramAdaM tIrtvA vidyayeshvarAnubhUtyA
amR^itaM shAshvataM brahmabhAvena sthitimashnute prApnoti | jagadyaH pR^ithagbhAvena
jAnannanubhavati sa IshvaraM lakShaNato jAnannapi naivAnubhavati | ata eva
kevalAM vidyAM nyaShedhat | IshvarasyAvidvAn prapa~nchamavijAnannapi na
samAdhisthaH | taM tu nidritameva pashyAmaH | ataH kevalAmavidyAM nininda |
avidyAvidyayoH prAguktarItyA samuchchayaH sa samAdhireva |

        andhaM tamaH pravishanti ye.asambhUtimupAsate |
        tato bhUya iva te tamo ya u sambhUtyA.N ratAH || 12||

ye asambhUtiM sambhUtipratidvandvinaM vinAshamupAsate kevalaM mriyanta iti
yAvat | te andhaM tamaH pravishanti | ye sambhUtyAM ratAH janma prAptA iti
yAvat | te tato bhUya iva tamaH pravishanti | kevalebhyo mR^itebhyo jAtAH
kevalA adhike tamasi praviShTA iti bhAvaH |

        anyadevAhuH sambhavAdanyadAhurasambhavAt |
        iti shushruma dhIrANAM ye nastadvichachakShire || 13||

sambhavAdanyadeva phalamAhurvakShyamANAt | asambhavAdvinAshAdanyadeva
phalamAhurvakShyamANAt | ye naH (asmabhyaM) tat prakaraNaM vichachakShire |
teShAM dhIrANAM sakAshAditi sheShaH | iti pUrvoktaprakAreNa shushruma shrutavantaH
smaH | yadyapi maraNajanmanI kevale tamaH pravishahetU tathApi prakArAntareNa
samuchchite phalade iti bhAvaH |

        sambhUtiM cha vinAshaM cha yastadvedobhaya.N saha |
        vinAshena mR^ityuM tIrtvA sambhUtyA.amR^itamashnute || 14||

sambhUtiM cha vinAshaM cha tadubhayaM saha samuchchayena yo vedAnubhavati yugapajjAto
mR^itashcha bhavatItyarthaH | abhimAnatyAgAdatra sharIre mR^itaH | tapasA.a.abhyantare
jyotiShi tAdAtmyAjjAta iti vivekaH | sa cha vinAshena
dehAbhimAnatyAgenAtra sharIre maraNena mR^ityuM pramAdaM tIrtvA |
sambhUtyA.a.abhyAntare jyotiShi tAdAtmyAddivyena janmanA.amR^itaM
brahmabhAvamashnute pApnoti |

        hiraNmayena pAtreNa satyasyApihitaM mukham |
        tattvaM pUShannapAvR^iNu satyadharmAya dR^iShTaye || 15||

satyasya pratyagAtmano mukhaM bhrUmaNDalavarti divyamAntaraM chakShurhiraNmayena
pAtreNAkShNoruparibhAgena pAtrAkAratvAdeSha bhAgaH pAtraM hiraNmayamiti
rUpitaH | apihitamAchChAditam | ato vayamantarandhAH | pUShan
sUryamaNDalAntarvartin puruSha tvaM tadapAvR^iNu kurvapAvR^itam | kasmai prayojanAya
satyadharmAya pratyagAtmadharmAya dR^iShTaye pratIchyai dR^iShTaya iti bhAvaH |

        pUShannekarShe yama sUrya prAjApatya vyUha rashmIn samUha |
        tejo yatte rUpaM kalyANatamaM tatte
        pashyAmi yo.asAvasau puruShaH so.ahamasmi || 16||

pUShan poShaka ekarShe sarvamantrANAM draShTaH | yama niyAmaka prAjApatya
prajApaterakhaNDAtmano hiraNyagarbhAtmanA maNDale prAdurbhUtasUrya\- bhagavan,
vyUha sannAhaya rashmIn kiraNAn | samUha ekIkuru | mama prANAnAM
sarveShAM sajAtIyAnAmanugrahAyeti bhAvaH | rashmayo hi prANA adhyAtmam |
tejastejomayaM yatte kalyANatamaM rUpaM tatte pashyAmi | yo.asau asau
puruShaH so.ahamasmi | sAkShAtkArAdantaramidamuchyate |

        vAyuranilamamR^itamathedaM bhasmAnta.N sharIram |
        AUM krato smara kR^ita.N smara krato smara kR^ita.N smara || 17||

vAyuranilaM nilayanarahitamamR^itaM vastu | sa~Ngarahita iti yAvat | athedaM
sharIraM bhasmAntaM nashvaramityarthaH | mAtarishvana evaiShA stutirbhavati | AUM
praNavarUpakrato sarvakriyAkArin vAyo smara mAmiti sheShaH | kR^itaM mayA
kR^itaM puNyaM smara | vAkyasya dvirvachanaM prArthanAyAmAdarAtishayArtham |

        agne naya supathA rAye asmAn
                vishvAni deva vayunAni vidvAn |
        yuyodhyasmajjuhurANameno bhUyiShThAM
                te nama uktiM vidhema || 18||

dyusthAnamantarikShasthAnaM cha daivate prArthite | atha pR^ithivIsthAnaM prArthayate |
agne deva asmAn rAye sampade vishvAni sarvANi vayunAni sthAnAni
vidvAn tvaM supathA shobhanena mArgeNa naya | asman matto juhurANaM
lajjAkarameno yuyodhi pR^ithakkuru | te tubhyaM bhUyiShThAM nama uktiM vidhema |
yadIshopakramya sUryavAyuvaishvAnarANAM stutyopasaMharati | tat
j~nApayatyupaniShat Ishastisra etA devatA vibhUtaya iti vibhUtaya iti |

atrAyaM shloko bhavati |
saMhitAntAnuvAko.ayaM gopyo vAjasaneyinAm |
bhAShyeNa ladhunA.anena dIpeneva prakAshitaH ||
|| iti shrIbhagavanmaharShiramaNAntevAsino vAsiShThasya narasiMhasUno\-
rgaNapateH kR^itirvAjasaneyisaMhitopaniShadbhAShyaM samAptam ||

##

Proofread by Sunder Hattangadi sunderh at hotmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}