% Text title            : Jabali  Upanishad
% File name             : jabali.itx
% Category              : upanishhat, shiva
% Location              : doc\_upanishhat
% Author                : Vedic Tradition
% Transliterated by     : Sunder Hattangadi
% Proofread by          : Sunder Hattangadi
% Description-comments  :  104 / 108; Sama Veda - Shaiva upanishad
% Latest update         : April, 19, 2000
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Jabali Upanishad ..}##
\itxtitle{.. jAbAlyupaniShat ..}##\endtitles ##

jAbAlyupaniShadvedyapadatattvasvarUpakam.h .
pAramaishvaryavibhava.n rAmachandrapadaM bhaje ..
AUM ApyAyantu mAmA~NgAni vAkprANashchakShuH
shrotramatho balamindriyANi cha .. sarvANi sarvaM
brahmopaniShadaM mAhaM brahma nirAkuryAM mA mA
brahma nirAkarodanirAkaraNamastvanirAkaraNaM mestu
tadAtmani nirate ya upaniShatsu dharmAste mayi santu te mayi santu ..
AUM shAntiH shAntiH shAntiH ..
hariH AUM .. atha hainaM bhagavanta.n jAbAliM paippalAdiH
paprachCha bhagavanme brUhi paramatattvarahasyam.h . ki.n
tattva.n ko jIvaH kaH pashuH ka IshaH ko mokShopAya iti .
sa ta.n hovAcha sAdhu pR^iShTa.n sarva.n nivedayAmi
yathAj~nAtamiti . punaH sa tamuvAcha kutastvayA j~nAtamiti .
punaH sa tamuvAcha ShaDAnanAditi . punaH sa tamuvAcha
tenAtha kuto j~nAtamiti . punaH sa tamuvAcha teneshAnAditi .
punaH sa tamuvAcha katha.n tasmAttena j~nAtamiti . punaH sa
tamuvAcha tadu[pAsanAditi . punaH sa tamuvAcha bhagavankR^ipayA
me sarahasya.n sarva.n nivedayeti . sa tena pR^iShTaH sarva.n
nivedayAmAsa tattvam.h . pashupatiraha~NkArAviShTaH
sa.nsArI jIvaH sa eva pashuH . sarvaj~naH pa~nchakR^ityasampannaH
sarveshvara IshaH pashupatiH . ke pashava iti punaH sa tamuvAcha jIvAH
pashava uktAH . tatpatitvAtpashupatiH . sa punasta.n hovAcha katha.n
jIvAH pashava iti . katha.n tatpatiriti . sa tamuvAcha yathA tR^iNAshino
vivekahInAH parapreShyAH kR^iShyAdikarmasu niyuktAH
sakaladuHkhasahAH svasvAmibadhyamAnA gavAdayaH pashavaH .
yathA tatsvAmina iva sarvaj~na IshaH pashupatiH . tajj~nAna.n
kenopAyena jAyate . punaH sa tamuvAcha vibhUtidhAraNAdeva .
tatprakAraH kathamiti . kutrakutra dhAryam.h . punaH sa tamuvAcha
sadyojAtAdipa~nchabrahmamantrairbhasma sa.ngR^ihyAgniriti
bhasmetyanenAbhimantrya mAnastoka iti samuddhR^itya jalena
sa.nsR^ijya tryAyupamiti shirolalATavakShaHskandheShviti
tisR^ibhistryAyupaistriyambakaistisro rekhAH prakurvIta .
vratametachChAmbhava.n sarveShu vedeShu vedavAdibhiruktaM
bhavati . tatsamAcharenmumukShurna punarbhavAya . atha
sanatkumAraH pramANaM pR^ichChati . tripuNDradhAraNasya
tridhaH rekhA AlalATAdAchakShuShorAbhruvormadhyatashcha .
yAsya prathamA rekhA sA gArhapatyashchAkAro rajo bhUrlokaH
svAtmA kriyAshaktiH R^igvedaH prAtaHsavanaM prajApatirdevo
devateti . yAsya dvitIyA rekhA sA dakShiNAgnirukAraH
satvamantarikShamantarAtmA chechChAshaktiryajurvedo
mAdhyandinasavana.n viShNurdevo devateti . yAsya tR^itIyA rekhA
sAhavanIyo makArastamo dyaurlokaH paramAtmA j~nAnashaktiH
sAmavedastR^itIyasavanaM mahAdevo devateti tripuNDra.n bhasmanA
karoti . yo vidvAnbrahmachArI gR^ihI vAnaprastho yatirvA sa
mahApAtakopapAtakebhyaH pUto bhavati . sa sarvAndevAndhyAto
bhavati . sa sarveShu tIrtheShu snAto bhavati . sa sakalarudramantrajApI
bhavati . na sa punarAvartate na sa punarAvartate .. iti . AUM satyamityupaniShat.h ..
AUM ApyAyantu mAmA~NgAni vAkprANashchakShuH
shrotramatho balamindriyANi cha .. sarvANi sarvaM
brahmopaniShadaM mAhaM brahma nirAkuryAM mA mA
brahma nirAkarodanirAkaraNamastvanirAkaraNaM mestu
tadAtmani nirate ya upaniShatsu dharmAste mayi santu te mayi santu ..
AUM shAntiH shAntiH shAntiH .. hariH AUM tatsat.h ..
iti shrIjAbAlyupaniShatsamAptA ..
##
Encoded by Sunder Hattangadi

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}