%@@1
% File name             : katharudra.itx
%--------------------------------------------
% Text title            : Katharudra Upanishad
% Author                : Vedic tradition
% Language              : Sanskrit
% Subject               : philosophy/hinduism
% Description/comments  : # 83 / 108; Krishna Yajurveda - Sanyasa upanishad
% Transliterated by     : Sunder Hattangadi (sunderh@hotmail.com)
% Proofread by          : Sunder Hattangadi (sunderh@hotmail.com)
% Latest update         : August  14, 2000
% Send corrections to   : sanskrit@cheerful.com
%
% Special Instructions:
% i1h.hdr,ijag.inc,itrans.sty,multicol.sty,iarticle.sty
% Transliteration scheme: ITRANS 5.2
% Site access  :         
% http://sanskrit.gde.to
% http://www.alkhemy.com/sanskrit/
% ftp://jaguar.cs.utah.edu/sanskrit/sanskrit.html
%-----------------------------------------------------
% The text is to be used for personal studies and research only.
% Any use for commercial purpose is prohibited as a 'gentleman's'
% agreement.
% @@2
%
% Please ignore the following commands upto #indian and others with
% \ mark,
% which are needed for devanaagarii output and formatting.
%--------------------------------------------------------------------------


\documentstyle[11pt,multicol,itrans]{article}
%\documentclass[11pt]{article}
%\usepackage{multicol}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\large #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}

\engtitle{.. Katharudra Upanishad ..}##
\itxtitle{.. kaTharudropanishhat.h   ..}##\endtitles##
parivrajyaadharmapuugaala.nkaaraa yatpada.n yayuH .
tadaha.n kaThavidyaartha.n raamachandrapadaM bhaje ..
AUM sahanaavavatu saha nau bhunaktu saha viirya.n karavaavahai ..
tejasvinaavadhiitamastu maa vidvishhaavahai ..
AUM shaantiH shaantiH shaantiH ..
hariH AUM .. devaa ha vai bhagavantamabruvannadhiihi bhagavanbrahmavidyaam.h .
sa prajaapatirabraviitsashikhaankeshaannishhkR^itya visR^ijya yaj~nopaviita.n
nishhkR^itya putra.n dR^ishhTvaa tvaM brahmaa tva.n yaj~nastva.n vashhaTkaara\-
stvamo~Nkaarastva.n svaahaa tva.n svadhaa tva.n dhaataa tva.n vidhaataa tvaM
pratishhThaa.asiiti vadet.h . atha putro vadatyahaM brahmaaha.n yaj~no.aha.n 
vashhaTkaaro.ahamo.nkaaro.aha.n svaahaaha.n svadhaaha.n dhaataaha.n 
vidhaataaha.n tvashhTaahaM pratishhThaasmiiti . 
taanyetaanyanuvrajannaashrumaapaatayet.h .
yadashrumaapaatayetprajaa.n vichchhindyaat.h . 
pradakshiNamaavR^ittyaitachchaitachchaanavekshamaaNaaH pratyaayanti .
sa svargyo bhavati brahmachaarii vedamadhiitya vedoktaacharitabrahmacharyo 
daaraanaahR^itya putraanutpaadya taananupaadibhirvitatyeshhTvaa cha 
shaktito yaj~naiH . tasya sa.nnyaaso gurubhiranuj~naatasya baandhavaishcha .
so.araNyaM paretya dvaadasharaatraM payasaagnihotra.n juhuyaat.h .
dvaadasharaatraM payobhakshaa syaat.h . dvaadasharaatrasyaante 
agnaye vaishvaanaraaya prajaapataye cha praajaapatya.n charu.n 
vaishhNava.n trikapaalamagni.n sa.nsthitaani puurvaaNi daarupaatraaNyaagnau
juhuyaat.h . mR^iNmayaanyapsu juhuyaat.h . taijasaani gurave dadyaat.h .
maa tvaM maamapahaaya paraagaaH . naaha.n tvaamapahaaya paraagaamiti . 
gaarhapatyadakshiNaagnyaahavaniiyeshhvaraNideshaadbhasmamushhTiM
pibedityeke . sashikhaankeshaannishhkR^itya visR^ijya yaj~nopaviitaM
bhuuHsvaahetyapsu juhuyaat.h . ata uurdhvamanashanamapaaM pravesha\-
magnipravesha.n viiraadhvaanaM mahaaprasthaana.n vR^iddhaashrama.n vaa 
gachchhet.h . payasaa yaM praashniiyaatso.asya saaya.nhomaH . yatpraataH
so.ayaM praataH . yaddarshe taddarshanam.h . yatpaurNamaasye  tatpaurNamaasyam.h .
yadvasante keshashmashrulomanakhaani vaapayetso.asyaagnishhTomaH .
sa.nnyasyaagni.n na punaraavartayenmR^ityurjayamaavahamityadhyaatma\-
mantraanpaThet.h . svasti sarvajiivebhya ityuktvaatmaanamananya.n dhyaayan taduurdhvabaahurvimuktamaargo bhavet.h .
aniketashcharet.h . bhikshaashii yatki.nchinnaadyaat.h . lavaika.n na dhaavayejjantusa.nrakshaNaartha.n varshhavarjamiti . tadapi shlokaa bhavanti .  
kuNDikaa.n chamasa.n shikya.n trivishhTamupaanahau .
shiitopaghaatinii.n kanthaa.n kaupiinaachchhaadana.n tathaa .. 1..
pavitra.n j~naanashaaTii.n cha uttaraasa~Ngameva cha . 
yaj~nopaviita.n vedaa.nshcha sarva.n tadvarjayedyatiH .. 2..
snaanaM paana.n tathaa shauchamadbhiH puutaabhiraacharet.h .
nadiipulinashaayii syaaddevaagaareshhu vaa svapet.h .. 3..
naatyartha.n sukhaduHkhaabhyaa.n shariiramupataayet.h .
stuuyamaano na tushheta nindito na shapetparaan.h .. 4..
brahmacharyeNa sa.ntishhThedapramaadena maskarii .
darshana.n sparshana.n keliH kiirtana.n guhyabhaashhaNam.h .. 5..
sa.nkalpo.adhyavasaayashcha kriyaannirvR^ittireva cha .
etanmaithunamashhTaa~NgaM pravadanti maniishhiNaH .. 6..
vipariitaM brahmacharyamanushhTheyaM mumukshubhiH .
yajjagadbhaasakaM bhaana.n nityaM bhaati svataH sphurat.h .. 7..
sa eva jagataH saakshii sarvaatmaa vimalaakR^itiH .
pratishhThaa sarvabhuutaanaaM praj~naanaghanalakshaNaH .. 8..
na karmaNaa na prajayaa na chaanyenaapi kechit.h .
brahmavedanamaatreNa brahmaapnotyeva maanavaH .. 9..
tadvidyaa vishhayaM brahma satyaj~naanasukhaadvayam.h .
sa.nsaare cha guhaavaachye maayaaj~naanaadisa.nj~nake .. 10..
nihitaM brahma yo veda parame vyomni sa.nj~nite .
so.ashnute sakalaankaamaankrameNaiva dvijottamaH .. 11..
pratyagaatmaanamaj~naanamaayaashakteshcha saakshiNam.h .
ekaM brahmaahamasmiiti brahmaiva bhavati svayam.h .. 12..
brahmabhuutaatmanastasmaadetasmaachchhktimishritaat.h .
apa~nchiikR^ita aakaashasaMbhuuto rajjusarpavat.h .. 13..
aakaashaadvaayusa.nj~nastu sparsho.apa~nchiikR^itaH punaH .
vaayoragnistathaa chaagneraapa adbhyo vasundharaa .. 14..
taani bhuutaani suukshmaaNi pa~nchiikR^ityeshvarastadaa .
tebhya eva visR^ishhTa.n tadbrahmaaNDaadi shivena ha .. 15..
brahmaaNDasyodare devaa daanavaa yakshakinnaraaH .
manushhyaaH pashupakshyaadyaastattatkarmaanusaarataH .. 16..
asthisnaayvaadiruupo.aya.n shariiraM bhaati dehinaam.h .
yo.ayamannamayo hyaatmaa bhaati sarvashariiriNaH .. 17..
tataH praaNamayo hyaatmaa vibhinnashchaantaraH sthitaH .
tato vij~naana aatmaa tu tato.anyashchaantaraH svataH .. 18..
aanandamaya aatmaa tu tato.anyashchaantarasthitaH .
yo.ayamannamayaH so.ayaM puurNaH praaNamayena tu .. 19..
manomayena praaNo.api tathaa puurNaH svabhaavataH .
tathaa manomayo hyaatmaa puurNo j~naanamayena tu .. 20..
aanandena sadaa puurNaH sadaa j~naanamayaH sukham.h .
tathaanandamayashchaapi brahmaNo.anyena saakshiNaa .. 21..
sarvaantareNa puurNashcha brahma naanyena kenachit.h .
yadidaM brahmapuchchhaakhya.n satyaj~naanadvayaatmakam.h .. 22..
saarameva rasa.n labdhvaa saakshaaddehii sanaatanam.h .
sukhii bhavati sarvatra anyathaa sukhataa kutaH .. 23..
asatyasminparaanande svaatmabhuute.akhilaatmanaam.h .
ko jiivati naro jantuH ko vaa nitya.n vicheshhTate .. 24..
tasmaatsarvaatmanaa chitte bhaasamaano hyasau naraH .
aanandayati duHkhaaDhya.n jiivaatmaana.n sadaa janaH .. 25..
yadaa hyevaishha etasminnadR^ishyatvaadilakshaNe .
nirbhedaM paramaadvaita.n vindate cha mahaayatiH .. 26..
tadevaabhayamatyantakalyaaNaM paramaamR^itam.h .
sadruupaM paramaM brahma triparichchhedavarjitam.h .. 27..
yadaa hyevaishha etasminnalpamapyantara.n naraH .
vijaanaati tadaa tasya bhaya.n syaannaatra sa.nshayaH .. 28..
asyaivaanandakoshena stambaantaa vishhNupuurvakaaH .
bhavanti sukhino nitya.n taaratamyakrameNa tu .. 29..
tattatpadaviraktasya shrotriyasya prasaadinaH .
svaruupabhuuta aanandaH svayaM bhaati pare yathaa .. 30..
nimitta.n ki.nchidaashritya khalu shabdaH pravartate .
yato vaacho nivartante nimittaanaamabhavataH .. 31..
nirvisheshhe paraanande katha.n shabdaH pravartate .
tasmaadetanmanaH suukshma.n vyaavR^ita.n sarvagocharam.h .. 32..
yasmaachchhrotratvagakshyaadikhaadikarmendriyaaNi cha .
vyaavR^ittaani paraM praaptu.n na samarthaani taani tu .. 33..
tadbrahmaanandamadvandva.n nirguNa.n satyachidghanam.h .
viditvaa svaatmaruupeNa na bibheti kutashchana .. 34..
eva.n yastu vijaanaati svagurorupadeshataH .
sa saadhvaasaadhukarmabhyaa.n sadaa na tapati prabhuH .. 35..
taapyataapakaruupeNa vibhaatamakhila.n jagat.h .
pratyagaatmatayaa bhaati j~naanaadvedaantavaakyajaat.h .. 36..
shuddhamiishvarachaitanya.n jiivachaitanyameva cha .
pramaataa cha pramaaNa.n cha prameya.n cha phala.n tathaa .. 37..
iti saptavidhaM proktaM bhidyate vyavahaarataH .
maayopaadhivinirmukta.n shuddhamityabhidhiiyate .. 38..
maayaasaMbandhatashchesho jiivo.avidyaavashastathaa .
antaHkaraNasaMbandhaatpramaatetyabhidhiiyate .. 39..
tathaa tadvR^ittisaMbandhaatpramaaNamiti kathyate .
aj~naatamapi chaitanyaM prameyamiti kathyate .. 40..
tathaa j~naata.n cha chaitanyaM phalamityabhidhiiyate .
sarvopaadhivinirmukta.n svaatmaanaM bhaavayetsudhiiH .. 41..
eva.n yo veda tattvena brahmabhuuyaaya kalpate .
sarvavedaantasiddhaantasaara.n vachmi yathaarthataH .. 42..
svayaM mR^itvaa svayaM bhuutvaa svayamevaavashishhyate .. ityupanishhat.h ..
AUM sahanaavavatu saha nau bhunaktu saha viirya.n karavaavahai ..
tejasvinaavadhiitamastu maa vidvishhaavahai ..
AUM shaantiH shaantiH shaantiH .. hariH AUM tatsat.h ..
iti kaTharudropanishhatsamaaptaa ..
##
\medskip\hrule\obeylines
Encoded by Sunder Hattangadi (sunderh@hotmail.com)
{\rm Please send corrections to sanskrit@cheerful.com}
{\rm Last updated \today}
\end{document}