% Text title            : kenopaniShad
% File name             : kena.itx
% Category              : upanishhat, svara
% Location              : doc\_upanishhat
% Transliterated by     : NA
% Proofread by          : NA
% Description-comments  : From Eight Upanishads, translated by Gambhirananda
% Latest update         : April 29, 2010, August 3, 2022
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Kena Upanishad ..}##
\itxtitle{.. kenopaniShat ..}##\endtitles ##
          || atha kenopaniShat ||
OM ApyAyantu mamA~NgAni vAkprANashchakShuH
shrotramatho balamindriyANi cha sarvANi |
sarvaM brahmaupaniShadaM
mA.ahaM brahma nirAkuryAM mA mA brahma
nirAkarodanirAkaraNamastvanirAkaraNaM me.astu |
tadAtmani nirate ya
upaniShatsu dharmAste mayi santu te mayi santu |
          OM shAntiH shAntiH shAntiH ||
\medskip\hrule\medskip
OM keneShitaM patati preShitaM manaH
    kena prANaH prathamaH praiti yuktaH |
keneShitAM vAchamimAM vadanti
    chakShuH shrotraM ka u devo yunakti || 1||
shrotrasya shrotraM manaso mano yad.h
    vAcho ha vAchaM sa u prANasya prANaH |
chakShuShashchakShuratimuchya dhIrAH
    pretyAsmAllokAdamR^itA bhavanti || 2||
na tatra chakShurgachChati na vAggachChati no manaH |
na vidmo na vijAnImo yathaitadanushiShyAt || 3||
anyadeva tadviditAdatho aviditAdadhi |
iti shushruma pUrveShAM ye nastad.hvyAchachakShire || 4||
yadvAchA.anabhyuditaM yena vAgabhyudyate |
tadeva brahma tvaM viddhi nedaM yadidamupAsate || 5||
yanmanasA na manute yenAhurmano matam |
tadeva brahma tvaM viddhi nedaM yadidamupAsate || 6||
yachchakShuShA na pashyati yena chakShU.NShi pashyati |
tadeva brahma tvaM viddhi nedaM yadidamupAsate || 7||
yachChrotreNa na shR^iNoti yena shrotramidaM shrutam |
tadeva brahma tvaM viddhi nedaM yadidamupAsate || 8||
yatprANena na prANiti yena prANaH praNIyate |
tadeva brahma tvaM viddhi nedaM yadidamupAsate || 9||
          || iti kenopaniShadi prathamaH khaNDaH ||
\medskip\hrule\medskip
yadi manyase suvedeti daharamevApi ## var ## dabhramevApi
    nUnaM tvaM vettha brahmaNo rUpam |
yadasya tvaM yadasya deveShvatha nu
    mImA.Nsyameva te manye viditam || 1||
nAhaM manye suvedeti no na vedeti veda cha |
yo nastadveda tadveda no na vedeti veda cha || 2||
yasyAmataM tasya mataM mataM yasya na veda saH |
avij~nAtaM vijAnatAM vij~nAtamavijAnatAm || 3||
pratibodhaviditaM matamamR^itatvaM hi vindate |
AtmanA vindate vIryaM vidyayA vindate.amR^itam || 4||
iha chedavedIdatha satyamasti
    na chedihAvedInmahatI vinaShTiH |
bhUteShu bhUteShu vichitya dhIrAH
    pretyAsmAllokAdamR^itA bhavanti || 5||
       || iti kenopaniShadi dvitIyaH khaNDaH ||
\medskip\hrule\medskip
brahma ha devebhyo vijigye tasya ha brahmaNo
vijaye devA amahIyanta || 1||
ta aikShantAsmAkamevAyaM vijayo.asmAkamevAyaM mahimeti |
taddhaiShAM vijaj~nau tebhyo ha prAdurbabhUva tanna vyajAnata
kimidaM yakShamiti || 2||
te.agnimabruva~njAtaveda etadvijAnIhi
kimidaM yakShamiti tatheti || 3||
tadabhyadravattamabhyavadatko.asItyagnirvA
ahamasmItyabravIjjAtavedA vA ahamasmIti || 4||
tasmi{\m+}stvayi kiM vIryamityapIda{\m+} sarvaM
daheyaM yadidaM pR^ithivyAmiti || 5||
tasmai tR^iNaM nidadhAvetaddaheti |
tadupapreyAya sarvajavena tanna shashAka dagdhuM sa tata eva
nivavR^ite naitadashakaM vij~nAtuM yadetadyakShamiti || 6||
atha vAyumabruvanvAyavetadvijAnIhi
kimetadyakShamiti tatheti || 7||
tadabhyadravattamabhyavadatko.asIti vAyurvA
ahamasmItyabravInmAtarishvA vA ahamasmIti || 8||
tasmi.Nstvayi kiM vIryamityapIda.N
sarvamAdadIya yadidaM pR^ithivyAmiti || 9||
tasmai tR^iNaM nidadhAvetadAdatsveti
tadupapreyAya sarvajavena tanna shashAkAdAtuM sa tata eva
nivavR^ite naitadashakaM vij~nAtuM yadetadyakShamiti || 10||
athendramabruvanmaghavannetadvijAnIhi kimetadyakShamiti tatheti
tadabhyadravattasmAttirodadhe || 11||
sa tasminnevAkAshe striyamAjagAma bahushobhamAnAmumA.N
haimavatIM tA.NhovAcha kimetadyakShamiti || 12||
          || iti kenopaniShadi tR^itIyaH khaNDaH ||
\medskip\hrule\medskip
sA brahmeti hovAcha brahmaNo vA etadvijaye mahIyadhvamiti
tato haiva vidA~nchakAra brahmeti || 1||
tasmAdvA ete devA atitarAmivAnyAndevAnyadagnirvAyurindraste
hyenannediShThaM pasparshuste hyenatprathamo vidA~nchakAra brahmeti || 2||
tasmAdvA indro.atitarAmivAnyAndevAnsa
hyenannediShThaM pasparsha sa hyenatprathamo vidA~nchakAra brahmeti || 3||
tasyaiSha Adesho yadetadvidyuto vyadyutadA3
##Extra `A'kAr is used in the sense of comparison##
itIn nyamImiShadA3 ityadhidaivatam || 4||
athAdhyAtmaM yaddetad.hgachChatIva cha mano.anena
chaitadupasmaratyabhIkShNa.N sa~NkalpaH || 5||
taddha tadvanaM nAma tadvanamityupAsitavyaM sa ya etadevaM vedAbhi
haina{\m+} sarvANi bhUtAni sa.nvA~nChanti || 6||
upaniShadaM bho brUhItyuktA ta upaniShad.hbrAhmIM vAva ta
upaniShadamabrUmeti || 7||
tasyai tapo damaH karmeti pratiShThA vedAH sarvA~NgAni
satyamAyatanam || 8||
yo vA etAmevaM vedApahatya pApmAnamanante svarge
loke jyeye pratitiShThati pratitiShThati || 9||
          || iti kenopaniShadi chaturthaH khaNDaH ||
\medskip\hrule\medskip
OM ApyAyantu mamA~NgAni vAkprANashchakShuH
shrotramatho balamindriyANi cha sarvANi |
sarvaM brahmaupaniShadaM
mA.ahaM brahma nirAkuryAM mA mA brahma
nirAkarodanirAkaraNamastvanirAkaraNaM me.astu |
tadAtmani nirate ya
upaniShatsu dharmAste mayi santu te mayi santu |
          OM shAntiH shAntiH shAntiH ||

          || iti kenopaniShat ||
##

From Eight Upanishads, translated by Gambhirananda
var indicates variations

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}