%@@1
% File name             : kundika.itx
%--------------------------------------------
% Text title            : Kundika Upanishad
% Author                : Vedic tradition
% Language              : Sanskrit
% Subject               : philosophy/hinduism/
% Description/comments  : # 74 / 108; Sama Veda - Sanyasa upanishad
% Transliterated by     : Sunder Hattangadi (sunderh@hotmail.com)
% Proofread by          : Sunder Hattangadi (sunderh@hotmail.com)
% Latest update         : August 11, 2000
% Send corrections to   : sanskrit@cheerful.com
%
% Special Instructions:
% i1h.hdr,ijag.inc,itrans.sty,multicol.sty,iarticle.sty
% Transliteration scheme: ITRANS 5.2
% Site access  :         
% http://sanskrit.gde.to
% http://www.alkhemy.com/sanskrit/
% ftp://jaguar.cs.utah.edu/sanskrit/sanskrit.html
%-----------------------------------------------------
% The text is to be used for personal studies and research only.
% Any use for commercial purpose is prohibited as a 'gentleman's'
% agreement.
% @@2
%
% Please ignore the following commands upto #indian and others with
% \ mark,
% which are needed for devanaagarii output and formatting.
%--------------------------------------------------------------------------


\documentstyle[11pt,multicol,itrans]{article}
%\documentclass[11pt]{article}
%\usepackage{multicol}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\large #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}

\engtitle{.. Kundika Upanishad  ..}##
\itxtitle{.. kuNDikopanishhat.h ..}##\endtitles##
kuNDikopanishhatkhyaataparivraajakasa.ntatiH .
yatra vishraantimagamattadraamapadamaashraye ..
AUM aapyaayantu mamaa~Ngaani vaakpraaNashchakshuH
shrotramatho balamindriyaaNi cha .. sarvaaNi sarvaM 
brahmopanishhadaM maahaM brahma niraakuryaaM
maa maa brahma niraakarodaniraakaraNamastvaniraakaraNaM
mestu tadaatmani nirate ya upanishhatsu dharmaaste mayi
santu te mayi santu .. AUM shaantiH shaantiH shaantiH ..
hariH AUM  
brahmacharyaashrame kshiiNe gurushushruushhaNe  rataH .
vedaanadhiityaanuj~naata uchyate guruNaashramii .. 1..
daaramaahR^itya sadR^ishamagnimaadhaaya shaktitaH .
braahmiimishhTi.n yajettaasaamahoraatreNa nirvapet.h .. 2..
sa.nvibhajya sutaanarthe graamyakaamaanvisR^ijya cha .
sa.ncharanvanamaargeNa shuchau deshe paribhraman.h .. 3..
vaayubhaksho.ambubhaksho vaa vihitaiH kandamuulakaiH .
svashariire samaapyaatha pR^ithivyaa.n naashru paatayet.h .. 4..
saha tenaiva purushhaH katha.n sa.nnyasta uchyate .
sanaamadheyo yasmi.nstu katha.n sa.nnyasta uchyate .. 5..
tasmaatphalavishuddhaa~Ngii sa.nnyaasa.n sa.nhitaatmanaam.h .
agnivarNa.n vinishhkramya vaanaprasthaM prapadyate .. 6..
lokavadbhaaryayaasakto vana.n gachchhati sa.nyataH .
sa.ntyaktvaa sa.nsR^itisukhamanutishhThati kiM mudhaa .. 7..
ki.nvaa duHkhamanusmR^itya bhogaa.nstyajati chochchhritaan.h .
garbhavaasabhayaadbhiitaH shiitoshhNaabhyaa.n tathaiva cha .. 8..
guhyaM praveshhTumichchhaami paraM padamanaamayamiti .
sa.nnyasyaagnimapunaraavartana.n yanmR^ityurjaayamaavahamiti ..
athaadhyaatmamantraa~njapet.h . diikshaamupeyaatkaashhaayavaasaaH . 
kakshopasthalomaani varjayet.h . uurdhvabaahurvimuktamaargo bhavati .
aniketashcharebhikshaashii . nididhyaasana.n dadhyaat.h . pavitra.n
dhaarayejjantusa.nrakshaNaartham.h . tadapi shlokaa bahvanti .
kuNDikaa.n chamaka.n shikya.n trivishhTapamupaanahau .
shiitopaghaatinii.n kanyaa.n kaupiinaachchhaadana.n tathaa .. 9..
pavitra.n snaanashaaTii.n cha uttaraasa~Ngameva cha .
ato.atirikta.n yatki.nchitsarva.n tadvarjayedyatiH .. 10..
nadiipulinashaayii syaaddevaagaareshhu baahyataH .
naatyartha.n sukhaduHkhaabhyaa.n shariiramupataapayet.h .. 11..
snaanaM paana.n tathaa shauchamadbhiH puutaabhiraachiret.h .
stuuyamaano na tushhyeta nindito na shapetparaan.h .. 12..
bhikshaadivaidalaM paatra.n snaanadravyamavaaritam.h .
eva.n vR^ittimupaasiino yatendriyo japetsadaa .. 13..
vishvaaya manusa.nyogaM manasaa bhaavayetsudhiiH .
aakaashaadvaayurvaayorjyotirjyotishha aapo.adbhyaH pR^ithivii .
eshhaaM bhuutaanaaM brahma prapadye . ajaramamaramaksharamavyayaM prapadye . 
mayyakhaNDasukhaaMbhodhau bahudhaa vishvaviichayaH . 
utpadyante viliiyante maayaamaarutavibhramaat.h .. 14..
na me dehena saMbandho megheneva vihaayasaH .
ataH kuto me taddharmaa jaagratsvapnasushhuptishhu .. 15..
aakaashavatkalpaviduuragoha\-
     maadityavadbhaasyavilakshaNo.aham.h .
ahaaryavannityavinishchalo.aha\-
     mambodhivatpaaravivarjito.aham.h .. 16..
naaraayaNo.aha.n narakaantako.ahaM
     puraantako.ahaM purushho.ahamiishaH .
akhaNDabodho.ahamasheshhasaakshii
     niriishvaro.aha.n niraha.n cha nirmamaH .. 17..
tadabhyaasena praaNaapaanau sa.nyamya tatra shlokaa bhavanti ..
vR^ishhaNaapaanayormadhye paaNii aasthaaya sa.nshrayet.h .
sa.ndashya shanakairjihvaa.n yavamaatre vinirgataam.h .. 18..
maashhamaatraa.n tathaa dR^ishhTi.n shrotre sthaapya tathaa bhuvi .
shravaNe naasike gandhaa yataH sva.n na cha sa.nshrayet.h .. 19..
atha shaivapada.n yatra tadbrahma brahma tatparam.h .
tadabhyaasena labhyeta puurvajanmaarjitaatmanaam.h .. 20..
saMbhuutairvaayusa.nshraavairhR^idaya.n tapa uchyate .
uurdhvaM prapadyate dehaadbhittvaa muurdhaanamavyayam.h .. 21..
svadehasya tu muurdhaana.n ye praapya paramaa.n gatim.h .
bhuuyaste na nivartante paraavaravido janaaH .. 22..
na saakshiNa.n saakshyadharmaaH sa.nspR^ishanti vilakshaNam.h .
avikaaramudaasiina.n gR^ihadharmaaH pradiipavat.h .. 23..
jale vaapi sthale vaapi luThatveshha jaDaatmakaH .
naaha.n vilipye taddharmairghaTadharmairnabho yathaa .. 24..
nishhkriyo.asmyavikaaro.asmi nishhkalo.asmi niraakR^itiH .
nirvikalpo.asmi nityo.asmi niraalambo.asmi nirdvayaH .. 25..
sarvaatmako.aha.n sarvo.aha.n sarvaatiito.ahamadvayaH .
kevalaakhaNDabodho.aha.n svaanando.aha.n nirantaraH .. 26..
svameva sarvataH pashyanmanyamaanaH svamadvayam.h .
svaanandamanubhu~njaano nirvikalpo bhavaamyaham.h .. 27..
gachchha.nstishhThannupavisha~nchhayaano vaanyathaapi vaa .
yathechchhayaa vasedvidvaanaatmaaraamaH sadaa muniH .. 28.. ityupanishhat.h ..
AUM aapyaayantu mamaa~Ngaani vaakpraaNashchakshuH
shrotramatho balamindriyaaNi cha .. sarvaaNi sarvaM 
brahmopanishhadaM maahaM brahma niraakuryaaM
maa maa brahma niraakarodaniraakaraNamastvaniraakaraNaM
mestu tadaatmani nirate ya upanishhatsu dharmaaste mayi
santu te mayi santu .. AUM shaantiH shaantiH shaantiH ..
hariH AUM tatsat.h ..
iti kuNDikopanishhatsamaaptaa ..
##\medskip\hrule\obeylines
Encoded by Sunder Hattangadi (sunderh@hotmail.com)
{\rm Please send corrections to sanskrit@cheerful.com}
{\rm Last updated \today}
\end{document}