% Text title            : Maha Upanishad
% File name             : maha.itx
% Category              : upanishhat
% Location              : doc\_upanishhat
% Author                : Vedic Tradition
% Transliterated by     : Sunder Hattangadi (sunderh at hotmail.com)
% Proofread by          : Sunder Hattangadi (sunderh at hotmail.com)
% Description-comments  :  61 / 108; Sama Veda Samanya upanishad
% Latest update         : June  24, 2000
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Maha Upanishad ..}##
\itxtitle{.. mahopaniShat ..}##\endtitles ##

yanmahopaniShadvedya.n chidAkAshatayA sthitam.h .
paramAdvaitasAmrAjya.n tadrAmabrahma me gatiH ..
AUM ApyAyantu mAmA~NgAni vAkprANashchakShuH
shrotramatho balamindriyANi cha .. sarvANi sarvaM brahmopaniShadaM
mAhaM brahma nirAkuryAM mA mA brahma nirAkarodanirakaraNama\-
stvanirAkAraNaM mestu tadAtmani nirate ya upaniShatsu dharmAste
mayi santu te mayi santu..
AUM shAntiH shAntiH shAntiH ..
athAto mahopaniShada.n vyAkhyAsyamastadAhureko ha vai nArAyaNa
AsInna brahmA neshAno nApo nAgnIShomau neme dyAvApR^ithivI na
nakShatrANi na sUryo na chandramAH . sa ekAkI na ramate . tasya
dhyAnAntaHsthasya yaj~nastomamuchyate . tasminpuruShAshchaturdasha
jAyante . ekA kanyA . dashendriyANi mana ekAdasha.n tejaH .
dvAdasho.aha~NkAraH . trayodashakaH prANaH . chaturdasha AtmA .
pa~nchadashI buddhiH . bhUtAni pa~ncha tanmAtrANi . pa~ncha mahAbhUtAni .
sa ekaH pa~nchavi.nshatiH puruShaH . tatpuruShaM puruSho niveshya nAsya
pradhAnasa.nvatsarA jAyante . sa.nvatsarAdadhijAyante . atha punareva
nArAyaNaH so.anyatkAmo manasAdhyAyata . tasya dhyAnAntaHsthasya
lalATAttryakShaH shUlapANiH puruSho jAyate . bibhrachChriya.n yashaH
satyaM brahmacharya.n tapo vairAgyaM mana aishvarya.n sapraNavA vyAhR^itaya
R^igyajuHsAmAtharvA~NgirasaH sarvANi ChandA.nsi tAnya~Nge
samAshritAni . tasmAdIshAno mahAdevo mahAdevaH . atha punareva
nArAyaNaH so.anyatkAmo manasAdhyAyata . tasya dhyAnAntaHsthasya
lalATAtsvedo.apapat.h . tA imAH pratatA ApaH . tatastejo hiraNmayamaNDalam.h .
tatra brahmA chaturmukho.ajAyata . so.adhyAyt.h . pUrvAbhimukho bhUtvA
bhUriti vyAhR^itirgAyatra.n Chanda R^igvedo.agnirdevatA . pashchimAbhimukho
bhUtvA bhuvariti vyAhR^itistraiShTubha.n Chando yajurvedo vAyurdevatA .
uttarAbhimukho bhUtvA svariti vyAhR^itirjAgrata.n ChandaH sAmavedaH sUryo
devatA . dakShiNAbhimukho bhUtvA maharitivyAhR^itirAnuShTabha
Chando.atharvavedAH somo devatA .
sahasrashIrSha.n deva.n sahasrAkShaM vishvasambhuvam.h .
vishvataH parama.n nitya.n vishva.n nArAyaNa.n harim.h .
vishvameveda.n puruShastadvishvamupajIvati .
pati.n vishveshvara.n deva.n samudre vishvarUpiNam.h .
padmakoshapratIkAsha.n lambatyAkoshasa.nnibham.h .
hR^idaya.n chApyadhomukha.n santatyai sItkarAbhIshcha .
tasya madhye mahAnarchirvishvarchirvishvatomukham.h .
tasya madhye vahnishikhA aNIyordhvA vyavasthitA .
tasyAH shikhAyA madhye paramAtmA vyavasthitA .
sa brahmA sa IshAnaH sendraH so.akSharaH paramaH svarADiti mahopaniShat.h ..
iti prathamodhyAyaH .. 1..
shuko nAma mahAtejAH svarUpAnandatatparaH .
jAtamAtreNa munirAD yatsatya.n tadavAptavAn.h .. 1..
tenAsau svavivekena svayameva mahAmanAH .
pravichArya chira.n sAdhu svAtmanishchayamAptavAn.h .. 2..
anAkhyatvAdagamyatvAnmanaHShaShThendriyasthiteH .
chinmAtramevamAtmANurAkAshAdapi sUkShmakaH .. 3..
chidaNoH paramasyAntaH koTibrahmANDareNavaH .
utpattisthitimabhyetya lIyante shaktiparyayAt.h .. 4..
AkAshaM bAhyashUnyatvAdanAkAsha.n tu chittvataH .
na ki.nchidyadanirdeshya.n vastu satteti ki.nchana .. 5..
chetano.asau prakAshatvAdvedyAbhAvAchChilopamaH .
svAtmani vyomani svasthe jagadunmeShachitrakR^it.h .. 6..
tadbhAmAtramida.n vishvamiti na syAttataH pR^ithak.h .
jagadbhedo.api tadbhAnamiti bhedo.api tanmayaH .. 7..
sarvagaH sarvasambandho gatyabhAvAnna gachChati .
nAstyasAvashrayAbhAvAtsadrUpatvAdathAsti cha .. 8..
vij~nAnamAnandaM brahma rAterdAtuH parAyaNam.h .
sarvasa.nkalpasa.nnyAsashchetasA yatparigrahaH .. 9..
jAgrataH pratyayAbhAva.n yasyAhuH pratyayaM budhAH .
yatsa.nkochavikAsAbhyA.n jagatpralayasR^iShTayaH .. 10..
niShThA vedAntavAkyAnAmatha vAchAmagocharaH .
aha.n sachchitparAnandabrahmaivAsmi na chetaraH .. 11..
svayaiva sUkShmayA buddhyA sarva.n vij~nAtavA~nChukaH .
svayaM prApte pare vastunyavishrAntamanAH sthitaH .. 12..
ida.n vastviti vishvAsa.n nAsAvAtmanyupAyayau .
kevala.n virarAmAsya cheto viShayachApalam.h .
bhogebhyo bhUribha~Ngebhyo dhArAbhya iva chAtakaH .. 13..
ekadA so.amalapraj~no merAvekAntasa.nsthitaH .
paprachCha pitaraM bhaktyA kR^iShNadvaipAyanaM munim.h .. 14..
sa.nsArADambaramida.n kathamabhyutthitaM mune .
katha.n cha prashama.n yAti ki.n yatkasya kadA vada .. 15..
evaM pR^iShTena muninA vyAsenAkhilamAtmaje .
yathAvadakhilaM prokta.n vaktavya.n viditAtmanA .. 16..
aj~nAsiShaM pUrvamevamahamityatha tatpituH .
sa shukaH svakayA buddhyA na vAkyaM bahu manyate .. 17..
vyAso.api bhagavAnbuddhvA putrAbhiprAyamIdR^isham.h .
pratyuvAcha punaH putra.n nAha.n jAnAmi tattvataH .. 18..
janako nAma bhUpAlo vidyate mithilApure .
yathAvadvettyasau vedya.n tasmAtsarvamavApsyasi .. 19..
pitretyuktaH shukaH prAyAtsumerorvasudhAtalam.h .
videhanagarIM prApa janakenAbhipAlitAm.h .. 20..
Avedito.asau yAShTIkairjanakAya mahAtmane .
dvAri vyAsasuto rAja~nChuko.atra sthitavAniti .. 21..
jij~nAsArtha.n shukasyAsAvAstAmevetyavaj~nayA .
uktvA babhUva janakastUShNI.n sapta dinAnyatha .. 22..
tataH praveshayAmAsa janakaH shukama~NgaNe .
tatrAhAni sa saptaiva tathaivAvasadunmanAH .. 23..
tataH praveshayAmAsa janako.antaHpurAjire .
rAjA na dR^ishyate tAvaditi saptadinAni tam.h .. 24..
tatronmadAbhiH kAntAbhirbhojanairbhogasa.nchayaiH .
janako lAlayAmAsa shuka.n shashinibhAnanam.h .. 25..
te bhogAstAni bhojyAni vyAsaputrasya tanmanaH .
nAjahvurmandapavano baddhapIThamivAchalam.h .. 26..
kevala.n susamaH svachCho maunI muditamAnasaH .
sampUrNa iva shItA.nshuratiShThadamalaH shukaH .. 27..
parij~nAtasvabhAva.n ta.n shuka.n sa janako nR^ipaH .
AnIya muditAtmAnamavalokya nanAma ha .. 28..
niHsheShitajagatkAryaH prAptAkhilamanorathaH .
kimIpsita.n tavetyAha kR^itasvAgata Aha tam.h .. 29..
sa.nsArADambaramida.n kathamabhyutthita.n guro .
kathaM prashamamAyAti yathAvatkathayAshu me ..30..
yathAvadakhilaM prokta.n janakena mahAtmanA .
tadeva tatpurA prokta.n tasya pitrA mahAdhiyA .. 31..
svayameva mayA pUrvamabhij~nAta.n visheShataH .
etadeva hi pR^iShTena pitrA me samudAhR^itam.h .. 32..
bhavatApyeSha evArthaH kathito vAgvidA.n vara .
eSha eva hi vAkyArthaH shAstreShu paridR^ishyate .. 33..
manovikalpasa.njAta.n tadvikalpaparikShayAt.h .
kShIyate dagdhasa.nsAro niHsAra iti nishchitaH .. 34..
tatkimetanmahAbhAga satyaM brUhi mamAchalam.h .
tvatto vishramamApnomi chetasA bhramatA jagat.h .. 35..
shruNu tAvadidAnI.n tva.n kathyamAnamidaM mayA .
shrIshuka.n j~nAnavistAra.n buddhisArAntarAntaram.h .. 36..
yadvij~nAnAtpumAnsadyo jIvanmuktatvamApnuyAt.h .. 37..
dR^ishya.n nAstIti bodhena manaso dR^ishyamArjanam.h .
sampanna.n chettadutpannA parA nirvANanirvR^itiH .. 38..
asheSheNa parityAgo vAsanAyA.n ya uttamaH .
mokSha ityuchyate sadbhiH sa eva vimalakramaH .. 39..
ye shuddhavAsanA bhUyo na janmAnarthabhAginaH .
j~nAtaj~neyAsta uchyante jIvanmuktA mahAdhiyaH .. 40..
padArthabhAvanAdArDhyaM bandha ityabhidhIyate .
vAsanAtAnavaM brahmanmokSha ityabhidhIyate .. 41..
tapaH prabhR^itinA yasmai hetunaiva vinA punaH .
bhogA iha na rochante sa jIvanmukta uchyate .. 42..
Apatatsu yathAkAla.n sukhaduHkheShvanArataH .
na hR^iShyati glAyati yaH sa jIvanmukta uchyate .. 43..
harShAmarShabhayakrodhakAmakArpaNyadR^iShTibhiH .
na parAmR^ishyate yo.antaH sa jIvanmukta uchyate .. 44..
aha.nkAramayI.n tyaktvA vAsanA.n lIlayaiva yaH .
tiShThati dhyeyasa.ntyAgI sa jIvanmukta uchyate .. 45..
IpsitAnIpsite na sto yasyAntarvartidR^iShTiShu .
suShuptivadyashcharati sa jIvanmukta uchyate .. 46..
adhyAtmaratirAsInaH pUrNaH pAvanamAnasaH .
prAptAnuttamavishrAntirna ki.nchidiha vA~nChati .
yo jIvati gatasnehaH sa jIvanmukta uchyate .. 47..
sa.nvedyena hR^idAkAshe manAgapi na lipyate .
yasyAsAvajaDA sa.nvitsa jIvanmukta uchyate .. 48..
rAgadveShau sukha.n duHkha.n dharmAdharmau phalAphale .
yaH karotyanapekShyaiva sa jIvanmukta uchyate .. 49..
maunavAnnirahaMbhAvo nirmAno muktamatsaraH .
yaH karoti gatodvegaH sa jIvanmukta uchyate .. 50..
sarvatra vigatasneho yaH sAkShivadavasthitaH .
nirichCho vartate kArye sa jIvanmukta uchyate .. 51..
yena dharmamadharma.n cha manomananamIhitam.h .
sarvamantaH parityakta.n sa jIvanmukta uchyate .. 52..
yAvatI dR^ishyakalanA sakaleya.n vilokyate .
sA yena suShThu sa.ntyaktA sa jIvanmukta uchyate .. 53..
kaTvamlalavaNa.n tiktamamR^iShTaM mR^iShTameva cha .
samameva cha yo bhu~Nkte sa jIvanmukta uchyate .. 54..
jarAmaraNamApachcha rAjya.n dAridryameva cha .
ramyamityeva yo bhu~Nkte sa jIvanmukta uchyate .. 55..
dharmAdharmau sukha.n duHkha.n tathA maraNajanmanI .
dhiyA yena susa.ntyakta.n sa jIvanmukta uchyate .. 56..
udvegAnandarahitaH samayA svachChayA dhiyA .
na shochate na chodeti sa jIvanmukta uchyate .. 57..
sarvechChAH sakalAH sha~NkAH sarvehAH sarvanishchayAH .
dhiyA yena parityaktAH sa jIvanmukta uchyate .. 58..
janmasthitivinAsheShu sodayAstamayeShu cha .
samameva mano yasya sa jIvanmukta uchyate .. 59..
na ki.nchana dveShTi tathA na ki.nchidapi kA~NkShati .
bhu~Nkte yaH prakR^itAnbhogAnsa jIvanmukta uchyate .. 60..
shAntasa.nsArakalanaH kalAvAnapi niShkalaH .
yaH sachitto.api nishchittaH sa jIvanmukta uchyate .. 61..
yaH samastArthajAleShu vyavahAryapi niHspR^ihaH .
parArtheShviva pUrNAtmA sa jIvanmukta uchyate .. 62..
jIvanmuktapada.n tyaktvA svadehe kAlasAtkR^ite .
vishatyadehamuktatvaM pavano.aspandatAmiva .. 63..
videhamukto nodeti nAstameti na shAmyati .
na sannAsanna dUrastho na chAha.n na cha netaraH .. 64..
tataH stimitagaMbhIra.n na tejo na tamastatam.h .
anAkhyamanabhivyakta.n satki.nchidavashiShyate .. 65..
na shUnya.n nApi chAkAro na dR^ishya.n nApi darshanam.h .
na cha bhUtapadArthaughasadanantatayA sthitam.h .. 66..
kimapyavyapadeshAtmA pUrNAtpUrNatarAkR^itiH .
na sannAsanna sadasanna bhAvo bhAvana.n na cha .. 67..
chinmAtra.n chaityarahitamanantamajara.n shivam.h .
anAdimadhyaparyanta.n yadanAdi nirAmayam.h .. 68..
draShTR^idarshanadR^ishyAnAM madhye yaddarshana.n smR^itam.h .
nAtaH paratara.n ki.nchinnishchayo.astyaparo mune .. 69..
svayameva tvayA j~nAta.n gurutashcha punaH shrutam.h .
svasa.nkalpavashAdbaddho niHsa.nkalpAdvimuchyate .. 70..
tena svaya.n tvayA j~nAta.n j~neya.n yasya mahAtmanaH .
bhogebhyo hyaratirjAtA dR^ishyAdvA sakalAdiha .. 71..
prAptaM prAptavyamakhilaM bhavatA pUrNachetasA .
svarUpe tapasi brahmanmuktastvaM bhrAntimutsR^ija .. 72..
atibAhya.n tathA bAhyamantarAbhyantara.n dhiyaH .
shuka pashyanna pashyestva.n sAkShI sampUrNakevalaH .. 73..
vishashrAma shukastUShNI.n svasthe paramavastuni .
vItashokabhayAyAso nirIhashChinnasa.nshayaH .. 74..
jagAma shikharaM meroH samAdhyarthamakhaNDitam.h .. 75..
tatra varShasahasrANi nirvikalpasamAdhinA .
deshe sthitvA shashAmAsAvAtmanyasnehadIpavat.h .. 76..
vyapagatakalanAkala~NkashuddhaH
     svayamamalAtmani pAvane pade.asau .
salilakaNa ivAMbudhau mahAtmA
     vigalitavAsanamekatA.n jagAma .. 77..
iti mahopaniShat.h . iti dvitIyo.adhyAyaH .. 2..
nidAgho nAma munirAT prAptavidyashcha bAlakaH .
vihR^itastIrthayAtrArthaM pitrAnuj~nAtavAnsvayam.h .. 1..
sArdhatrikoTitIrtheShu snAtvA gR^ihamupAgataH .
svodanta.n kathayAmAsa R^ibhu.n natvA mahAyashAH .. 2..
sArdhatrikoTitIrtheShu snAnapuNyaprabhAvataH .
prAdurbhUtomanasi me vichAraH so.ayamIdR^ishaH .. 3..
jAyate mriyate loko mriyate jananAya cha .
asthiraH sarva eveme sacharAcharacheShTitAH .
sarvApadAM padaM pApA bhAvA vibhavabhUmayaH .. 4..
ayaHshalAkAsadR^ishAH parasparamasa~NginaH .
shuShyante kevalA bhAvA manaHkalpanayAnayA .. 5..
bhAveShvaratirAyAtA pathikasya maruShviva .
shAmyatIda.n katha.n duHkhamiti tapto.asmi chetasA .. 6..
chintAnichayachakrANi nAnandAya dhanAni me .
samprasUtakalatrANi gR^ihANyugrApadAmiva .. 7..
iyamasmi sthitodArA sa.nsAre paripelavA .
shrIrmune parimohAya sApi nUna.n na sharmadA .. 8..
AyuH pallavakoNAgralambAmbukaNabha~Nguram.h .
unmatta iva sa.ntyajya yAmyakANDe sharIrakam.h .. 9..
viShayAshI viShAsa~NgaparijarjarachetasAm.h .
aprauDhAtmavivekAnAmAyurAyAsakAraNam.h .. 10..
yujyate veShTana.n vAyorAkAshasya cha khaNDanam.h .
granthana.n cha tara~NgANAmAsthA nAyuShi yujyate .. 11..
prApya.n samprApyate yena bhUyo yena na shochyate .
parAyA nirvR^iteH sthAna.n yattajjIvitamuchyate .. 12..
taravo.api hi jIvanti jIvanti mR^igapakShiNaH .
sa jIvati mano yasya mananenopajIvati .. 13..
jAtAsta eva jagati jantavaH sAdhujIvitAH .
ye punarneha jAyante sheShA jaraThagardabhAH .. 14..
bhAro vivekinaH shAstraM bhAro j~nAna.n cha rAgiNaH .
ashAntasya mano bhAro bhAro.anAtmavido vapuH .. 15..
aha.nkAravashAdApadaha.nkArAddurAdhayaH .
aha.nkAravashAdIhA nAha.nkArAtparo ripuH .. 16..
aha.nkAravashAdyadyanmayA bhukta.n charAcharam.h .
tattatsarvamavastveva vastvaha.nkArariktatA .. 17..
itashchetashcha suvyagra.n vyarthamevAbhidhAvati .
mano dUratara.n yAti grAme kauleyako yathA .. 18..
krUreNa jaDatA.n yAtA tR^iShNAbhAryAnugAminA .
vashaH kauleyakeneva brahmanmukto.asmi chetasA .. 19..
apyabdhipAnAnmahataH sumerUnmUlanAdapi .
api vahnyashanAdbrahmanviShamashchittanigrahaH .. 20..
chitta.n kAraNamarthAnA.n tasminsati jagattrayam.h .
tasminkShINe jagatkShINa.n tachchikitsyaM prayatnataH .. 21..
yA.n yAmahaM munishreShTha sa.nshrayAmi guNashriyam.h .
tA.n tA.n kR^intati me tR^iShNA tantrImiva kumUShikA .. 22..
pada.n karotyala~Nghye.api tR^iptA viphalamIhate .
chira.n tiShThati naikatra tR^iShNA chapalamarkaTI .. 23..
kShaNamAyAti pAtAla.n kShaNa.n yAti nabhasthalam.h .
kShaNaM bhramati dikku~nje tR^iShNA hR^itpadmaShaTpadI .. 24..
sarvasa.nsAraduHkhAnA.n tR^iShNaikA dIrghaduHkhadA .
antaHpurasthamapi yA yojayatyatisa.nkaTe .. 25..
tR^iShNAviShUchikAmantrashchintAtyAgo hi sa dvija .
stokenAnandamAyAti stokenAyAti khedatAm.h .. 26..
nAsti dehasamaH shochyo nIcho guNavivarjitaH .. 27..
kalevaramaha.nkAragR^ihasthasya mahAgR^iham.h .
luThatvabhyetu vA sthairya.n kimanena guro mama .. 28..
pa~Nktibaddhendriyapashu.n valgattR^iShNAgR^ihA~NgaNam.h .
chittabhR^ityajanAkIrNa.n neShTa.n dehagR^ihaM mama .. 29..
jihvAmarkaTikAkrAntavadanadvArabhIShaNam.h .
dR^iShTadantAsthishakala.n neShTa.n dehagR^ihaM mama .. 30..
raktamA.nsamayasyAsya sabAhyAbhyantare mune .
nAshaikadharmiNo brUhi kaiva kAyasya ramyatA .. 31..
taDitsu sharadabhreShu gandharvanagareShu cha .
sthairya.n yena vinirNIta.n sa vishvasitu vigrahe .. 32..
shaishave guruto bhItirmAtR^itaH pitR^itastathA .
janato jyeShThabAlAchcha shaishavaM bhayamandiram.h .. 33..
svachittabilasa.nsthena nAnAvibhramakAriNA .
balAtkAmapishAchena vivashaH paribhUyate .. 34..
dAsAH putrAH striyashchaiva bAndhavAH suhR^idastathA .
hasantyunmattakamiva nara.n vArdhakakampitam.h .. 35..
dainyadoShamayI dIrghA vardhate vArdhake spR^ihA .
sarvApadAmekasakhI hR^idi dAhapradAyinI .. 36..
kvachidvA vidyate yaiShA sa.nsAre sukhabhAvanA .
AyuH stambamivAsAdya kAlastAmapi kR^intati .. 37..
tR^iNaM pA.nsuM mahendra.n cha suvarNaM merusarShapam.h .
AtmaMbharitayA sarvamAtmasAtkartumudyataH .
kAlo.aya.n sarvasa.nhArI tenAkrAnta.n jagattrayam.h .. 38..
mA.nsapA~nchAlikAyAstu yantralolea~Ngapa~njare .
snAyvasthigranthishAlinyAH striyaH kimiva shobhanam.h .. 39..
tva~NmA.nsaraktabAShpAmbu pR^ithakkR^itvA vilochane .
samAlokaya ramya.n chetkiM mudhA parimuhyasi .. 40..
merushR^i~NgataTollAsiga~NgAchalarayopamA .
dR^iShTA yasminmune muktAhArasyollAsashAlitA .. 41..
shmashAneShu diganteShu sa eva lalanAstanaH .
shvabhirAsvAdyate kAle laghupiNDa ivAndhasaH .. 42..
keshakajjaladhAriNyo duHsparshA lochanapriyAH .
duShkR^itAgnishikhA nAryo dahanti tR^iNavannaram.h .. 43..
jvalatAmatidUre.api sarasA api nIrasAH .
striyo hi narakAgnInAmindhana.n chAru dAruNam.h .. 44..
kAmanAmnA kirAtena vikIrNA mugdhachetasaH .
nAryo naraviha~NgAnAma~NgabandhanavAgurAH .. 45..
janmapalvalamatsyAnA.n chittakardamachAriNAm.h .
pu.nsA.n durvAsanArajjurnArI baDishapiNDikA .. 46..
sarveShA.n doSharatnAnA.n susamudgikayAnayA .
duHkhashR^i~NkhalayA nityamalamastu mama striyA .. 47..
yasya strI tasya bhogechChA niHstrIkasya kva bhogabhUH .
striya.n tyaktvA jagattyakta.n jagattyaktvA sukhI bhavet.h .. 48..
disho.api na hi dR^ishyante desho.apyanyopadeshakR^it.h .
shailA api vishIryante shIryante tArakA api .. 49..
shuShyantyapi samudrAshcha dhruvo.apyadhruvajIvanaH .
siddhA api vinashyanti jIryante dAnavAdayaH .. 50..
parameShThyapi niShThAvAnhIyate harirapyajaH .
bhAvo.apyabhAvamAyAti jIryante vai digIshvarAH .. 51..
brahmA viShNushcha rudrashcha sarvA vA bhUtajAtayaH .
nAshamevAnudhAvanti salilAnIva vADavam.h .. 52..
ApadaH kShaNamAyAnti kShaNamAyAnti sampadaH .
kShaNa.n janmAtha maraNa.n sarva.n nashvarameva tat.h .. 53..
ashUreNa hatAH shUrA ekenApi shata.n hatam.h .
viSha.n viShayavaiShamya.n na viSha.n viShamuchyate .. 54..
janmAntaraghnA viShayA ekajanmahara.n viSham.h .
iti me doShadAvAgnidagdhe samprati chetasi .. 55..
sphuranti hi na bhogAshA mR^igatR^iShNAsaraHsvapi .
ato mAM bodhayAshu tva.n tattvaj~nAnena vai guro .. 56..
no chenmauna.n samAsthAya nirmAno gatamatsaraH .
bhAvayanmanasA viShNu.n lipikarmArpitopamaH .. 57..
iti mahopaniShat.h . iti tR^itIyo.adhyAyaH .. 3..
nidAgha tava nAstanyajj~neya.n j~nAnavatA.n vara .
praj~nayA tva.n vijAnAsi IshvarAnugR^ihItayA .
chittamAlinyasa.njAtaM mArjayAmi bhramaM mune .. 1..
mokShadvAre dvArapAlashchatvAraH parikIrtitAH .
shamo vichAraH santoShashchaturthaH sAdhusa~NgamaH .. 2..
eka.n vA sarvayatnena sarvamutsR^ijya sa.nshrayet.h .
ekasminvashage yAnti chatvAro.api vasha.n gatAH .. 3..
shAstraiH sajjanasamparkapUrvakaishcha tapodamaiH .
Adau sa.nsAramuktyarthaM praj~nAmevAbhivardhayet.h .. 4..
svAnubhUteshcha shAstrasya guroshchevaikavAkyatA .
yasyAbhyAsena tenAtma satata.n chAvalokyate .. 5..
sa.nkalpAshAnusandhAnavarjana.n chetpratikShaNam.h .
karoShi tadachittatvaM prApta evAsi pAvanam.h .. 6..
chetaso yadakartR^itva.n tatsamAdhAnamIritam.h .
tadeva kevalIbhAva.n sAshubhA nirvR^itiH parA .. 7..
chetasA samparityajya sarvabhAvAtmabhAvanAm.h .
yathA tiShThasi tiShTha tvaM mUkAndhabadhiropamaH .. 8..
sarvaM prashAntamajamekamanAdimadhya\-
    mAbhAsvara.n svadanamAtramachaityachihnam.h .
sarvaM prashAntamiti shabdamayI cha dR^iShTi\-
    rbAdhArthameva hi mudhaiva tadomitIdam.h .. 10..
nityaprabuddhachittastva.n kurvanvApi jagatkriyAm.h .
Atmaikatva.n viditvA tva.n tiShThAkShubdhamahAbdhivat.h .. 11..
tattvAvabodha evAsau vAsanAtR^iNapAvakaH .
proktaH samAdhishabdena natu tUShNImavasthitiH .. 12..
nirichChe sa.nsthite ratne yathA lokaH pravartate .
sattAmAtre pare tattve tathaivAya.n jagadgaNaH .. 13..
atashchAtmani kartR^itvamakartR^itva.n cha vai mune .
nirichChatvAdakartAsau kartA sa.nnidhimAtrataH .. 14..
te dve brahmaNi vindeti kartR^itAkartR^ite mune .
yatraivaiSha chamatkArastamAshritya sthiro bhava .. 15..
tasmAnnityamakartAhamiti bhAvanayeddhayA .
paramAmR^itanAmnI sA samataivAvashiShyate .. 16..
nidAgha shR^iNu sattvasthA jAtA bhuvi mahAguNAH .
te nityamevAbhyuditA muditAH sva ivendavaH .. 17..
nApadi glAnimAyAnti nishi hemAmbuja.n yathA .
nehante prakR^itAdanyadramante shiShTavartmani .. 18..
AkR^ityaiva virAjante maitryAdiguNavR^ittibhiH .
samAH samarasAH saumya satata.n sAdhuvR^ittayaH .. 19..
abdhivaddhatamaryAda bhavati vishadAshayAH .
niyati.n na vimu~nchanti mahAnto bhAskarA iva .. 20..
ko.aha.n kathamida.n cheti sa.nsAramalamAtatam.h .
pravichAryaM prayatnena prAj~nena sahasAdhunA .. 21..
nAkarmasu niyoktavya.n nAnAryeNa sahAvaset.h .
draShTavyaH sarvasa.nhartA na mR^ityuravahelayA .. 22..
sharIramasthimA.nsa.n cha tyaktvA raktAdyashobhanam.h .
bhUtamuktAvalItantu.n chinmAtramavalokayet.h .. 23..
upAdeyAnupatana.n heyaikAntavisarjanam.h .
yadetanmanaso rUpa.n tadbAhya.n viddhi netarat.h .. 24..
gurushAstroktamArgeNa svAnubhUtyA cha chidghane .
brahmaivAhamiti j~nAtvA vItashoko bhavenmuniH .. 25..
yatra nishitAsishatapAtanamutpalatADanavatsoDhavyamagninA
dAho himasechanamivA~NgAravartana.n chandanacharcheva
niravadhinArAchavikirapAto nidAghavinodanadhArA\-
gR^ihashIkaravarShaNamiva svashirachChedaH sukhanidreva
mUkIkaraNamAnanamudreva bAdhiryaM mahAnupachaya iveda.n
nAvahelanayA bhavitavyameva.n dR^iDhavairAgyAdbodho bhavati ..
guruvAkyasamudbhUtasvAnubhUtyAdishuddhayA .
yasyAbhyAsena tenAtmA satata.n chAvalokyate .. 26..
vinaShTadigbhramasyApi yathApUrva.n vibhAti dik.h .
tathA vij~nAnavidhvasta.n jagannAstIti bhAvaya .. 27..
na dhanAnypakurvanti na mitrANi na bAndhavAH .
na kAyakleshavaidhurya.n na tIrthAyatanAshrayaH .
kevala.n tanmanomAtramayenAsAdyate padam.h .. 28..
yAni duHkhAni yA tR^iShNA duHsahA ye durAdhayaH .
shAntachetaHsu tatsarva.n tamo.arkeShviva nashyati .. 29..
mAtarIva para.n yAnti viShamANi mR^idUni cha .
vishvAsamiha bhUtAni sarvANi shamashAlini .. 30..
na rasAyanapAnena na lakShmyAli~Ngitena cha .
na tathA sukhamApnoti shamenAntaryathA janaH .. 31..
shrutvA spR^iShTvA cha bhuktvA cha dR^iShTvA j~nAtvA shubhAshubham.h .
na hR^iShyati glAyati yaH sa shAnta iti kathyate .. 32..
tuShArakarabiMbAchChaM mano yasya nirAkulam.h .
maraNotsavayuddheShu sa shAnta iti kathyate .. 33..
tapasviShu bahuj~neShu yAjakeShu nR^ipeShu cha .
balavatsu guNADhyeShu shamavAneva rAjate .. 34..
santoShAmR^itapAnena ye shAntAstR^iptimAgatAH .
AtmArAmA mahAtmAnaste mahApadamAgatAH .. 35..
aprApta.n hi parityajya samprApte samatA.n gataH .
adR^iShTakhedAkhedo yaH santuShTa iti kathyate .. 36..
nAbhinandatyasamprAptaM prAptaM bhu~Nkte yathepsitam.h .
yaH sa saumyasamAchAraH santuShTa iti kathyate .. 37..
ramate dhIryatAprApte sAdhvIvA.antaHpurAjire .
sA jIvanmuktatodeti svarUpAnandadAyinI .. 38..
yathAkShaNa.n yathAshAstra.n yathAdesha.n yathAsukham.h .
yathAsaMbhavasatsa~NgamimaM mokShapathakramam.h .
tAvadvichArayetprAj~no yAvadvishrAntimAtmani .. 39..
turyavishrAntiyuktasya nivR^ittasya bhavArNavAt.h .
jIvato.ajIvatashchaiva gR^ihasthasyAthavA yateH .. 40..
nAkR^itena kR^itenArtho na shrutismR^itivibhramaiH .
nirmandara ivAmbodhiH sa tiShThati yathAsthitaH .. 41..
sarvAtmavedana.n shuddha.n yadodeti tavAtmakam.h .
bhAti prasR^itidikkAlabAhya.n chidrUpadehakam.h .. 42..
evamAtmA yathA yatra samullAsamupAgataH .
tiShThatyAshu tathA tatra tadrUpashcha virAjate .. 43..
yadida.n dR^ishyate sarva.n jagatsthAvaraja~Ngamam.h .
tatsuShuptAviva svapnaH kalpAnte pravinashyati .. 44..
R^itamAtmA paraMbrahma satyamityAdikA budhaiH .
kalpitA vyavahArArtha.n yasya sa.nj~nA mahAtmanaH .. 45..
yathA kaTakashabdArthaH pR^ithagbhAvo na kA~nchanAt.h .
na hemakaTakAttadvajjagachChabdArthatA parA .. 46..
teneyamindrajAlashrIrjagati pravitanyate .
draShTudR^ishyasya sattAntarbandha ityabhidhIyate .. 47..
draShTA dR^ishyavashAdbaddho dR^ishyAbhAve vimuchyate .
jagattvamahamityAdisargAtmA dR^ishyamuchyate .. 48..
manasaivendrajAlashrIrjagati pravitanyate .
yAvadetatsaMbhavati tAvanmokSho na vidyate .. 49..
brahmaNA tanyate vishvaM manasaiva svayaMbhuvA .
manomayamato vishva.n yannAma paridR^ishyate .. 50..
na bAhye nApi hR^idaye sadrUpa.n vidyate manaH .
yadartha.n pratibhAna.n tanmana ityabhidhIyate .. 51..
sa.nkalpanaM mano viddhi sa.nkalpastanna vidyate .
yatra sa.nkalpana.n tatra mano.astItyavagamyatAm.h .. 52..
sa.nkalpamanasI bhinne na kadAchana kenachit.h .
sa.nkalpajAte galite svarUpamavashiShyate .. 53..
aha.n tva.n jagatityAdau prashAnte dR^ishyasaMbhrame .
syAttAdR^ishI kevalatA dR^ishye sattAmupAgate .. 54..
mahApralayasampattau hyasattA.n samupAgate .
asheShadR^ishye sargAdau shAntamevAvashiShyate .. 55..
astyanastamito bhAsvAnajo devo nirAmayaH .
sarvadA sarvakR^itsarvaH paramAtmetyudAhR^itaH .. 56..
yato vAcho nivartante yo muktairavagamyate .
yasya chAtmAdikAH sa.nj~nAH kalpitA na svabhAvataH .. 57..
chittAkAsha.n chidAkAshamAkAsha.n cha tR^itIyakam.h .
dvAbhyA.n shUnyatara.n viddhi chidAkAshaM mahAmune .. 58..
deshAddeshAntaraprAptau sa.nvido madhyameva yat.h .
nimeSheNa chidAkAsha.n tadviddhi munipu~Ngava .. 59..
tasminnirastaniHsheShasa.nkalpasthitimeShi chet.h .
sarvAtmakaM pada.n shAnta.n tadA prApnoShyasa.nshayaH .. 60..
uditaudAryasaundaryavairAgyarasagarbhiNI .
AnandasyandinI yaiShA samAdhirabhidhIyate .. 61..
dR^ishyAsaMbhavabodhena rAgadveShAditAnave .
ratirbaloditA yAsau samAdhirabhidhIyate .. 62..
dR^ishyAsaMbhavabodho hi j~nAna.n j~neya.n chidAtmakam.h .
tadeva kevalIbhAva.n tato.anyatsakalaM mR^iShA .. 63..
matta airAvato baddhaH sarShapIkoNakoTare .
mashakena kR^ita.n yuddha.n si.nhaughaireNukoTare .. 64..
padmAkShe sthApito merurnigIrNo bhR^i~NgasUnunA .
nidAgha viddhi tAdR^iktva.n jagatetadbhramAtmakam.h .. 65..
chittameva hi sa.nsAro rogAdikleshadUShitam.h .
tadeva tairvinirmuktaM bhavAnta iti kathyate .. 66..
manasA bhAvyamAno hi dehatA.n yAti dehakaH .
dehavAsanayA mukto dehadharmairna lipyate .. 67..
kalpa.n kShaNIkarotyantaH kShaNa.n nayati kalpatAm.h .
manovilAsasa.nsAra iti me nishchitA matiH .. 68..
nAvirato dushcharitAnnAshAnto nAsamAhitaH .
nAshAntamanaso vApi praj~nAnenainamApnuyAt.h .. 69..
tadbrahmAnandamadvandva.n nirguNa.n satyachidghanam.h .
viditvA svAtmano rUpa.n na bibheti kadAchana .. 70..
parAtpara.n yanmahato mahAntaM
     svarUpatejomayashAshvata.n shivam.h .
kaviM purANaM puruSha.n sanAtanaM
     sarveshvara.n sarvadevairupAsyam.h .. 71..
ahaM brahmeti niyataM mokShaheturmahAtmanAm.h .
dve pade bandhamokShAya nirmameti mameti cha .
mameti badhyate janturnirmameti vimuchyate .. 72..
jIveshvarAdirUpeNa chetanAchetanAtmakam.h .
IkShaNAdipraveshAntA sR^iShTirIshena kalpitA .
jAgradAdivimokShAntaH sa.nsAro jIvakalpitaH .. 73..
triNAchikAdiyogAntA IshvarabhrAntimAshritAH .
lokAyatAdisA.nkhyAntA jIvavibhrAntimAshritAH .. 74..
tasmAnmumukShibhirnaiva matirjIveshavAdayoH .
kAryA ki.ntu brahmatattva.n nishchalena vichAryatAm.h .. 75..
avisheSheNa sarva.n tu yaH pashyati chidanvayAt.h .
sa eva sAkShAdvij~nAnI sa shivaH sa harirvidhiH .. 76..
durlabho viShayatyAgo durlabha.n tattvadarshanam.h .
durlabhA sahajAvasthA sadguroH karuNA.n vinA .. 77..
utpannashaktirbodhasya tyaktaniHsheShakarmaNaH .
yoginaH sahajAvasthA svayamevopajAyate .. 78..
yadA hyevaiSha etasminnalpamapyantara.n naraH .
vijAnAti tadA tasya bhaya.n syAnnatra sa.nshayaH .. 79..
sarvaga.n sachchidAnanda.n j~nAnachakShurnirIkShate .
aj~nAnachakShurnekSheta bhAsvantaM bhAnumandahvat.h .. 80..
praj~nAnameva tadbrahma satyapraj~nAnalakShaNam.h .
evaM brahmaparij~nAnAdeva martyA.amR^ito bhavet.h .. 81..
bhidyate hR^idayagranthishChidyante sarvasa.nshayAH .
kShIyante chAsya karmANi tasmindR^iShTe parAvare .. 82..
anAtmatAM parityajya nirvikArau jagatsthitau .
ekaniShThatayAntasthaH sa.nvinmAtraparo bhava .. 83..
marubhUmau jala.n sarvaM marubhUmAtrameva tat.h .
jagattrayamida.n sarva.n chinmAtra.n svavichArataH .. 84..
lakShyAlakShyamati.n tyaktvA yastiShThetkevalAtmanA .
shiva eva svaya.n sAkShAdayaM brahmaviduttamaH .. 85..
adhiShThAnamanaupamyamavA~Nmanasagocharam.h .
nitya.n vibhu.n sarvagata.n susUkShma.n cha tadavyayam.h .. 86..
sarvashaktermaheshasya vilAso hi mano jagat.h .
sa.nyamAsa.nyamAbhyA.n cha sa.nsAra.n shAntimanvagAt.h .. 87..
manovyAdheshchikitsArthamupAya.n kathayAmi te .
yadyatsvAbhimata.n vastu tattyajanmokShamashnute .. 88..
svAyattamekAntahita.n svepsitatyAgavedanam.h .
yasya duShkaratA.n yAta.n dhiktaM puruShakITakam.h .. 89..
svapauruShekasAdhyena svepsitatyAgarUpiNA .
manaHprashamamAtreNa vinA nAsti shubhA gatiH .. 90..
asa.nkalpanashastreNa Chinna.n chittamida.n yadA .
sarva.n sarvagata.n shAntaM brahma sampadyate tadA .. 91..
bhava bhAvanayA mukto muktaH paramayA dhiyA .
dhArayAtmAnamavyagro grastachitta.n chitaH padam.h .. 92..
paraM pauruShamAshritya nItvA chittamachittatAm.h .
dhyAnato hR^idayAkAshe chiti chichchakradhArayA .. 93..
mano mAraya niHsha~Nka.n tvAM prabadhnanti nArayaH .. 94..
aya.n so.ahamida.n tanma etAvanmAtrakaM manaH .
tadabhAvanamAtreNa dAtreNeva vilIyate .. 95..
ChinnAbhramaNDala.n vyomni yathA sharadi dhUyate .
vAtena kalpakenaiva tathAntardhUyate manaH .. 96..
kalpAntapavanA vAntu yAntu chaikatvamarNavAH .
tapantu dvAdashAdityA nAsti nirmanasaH kShatiH .. 97..
asa.nkalpanamAtraikasAdhye sakalasiddhide .
asa.nkalpAtisAmrAjye tiShThavaShTabdhatatpadaH .. 98..
na hi cha~nchalatAhInaM manaH kvachana dR^ishyate .
cha~nchalatvaM manodharmo vahnerdharmo yathoShNatA .. 99..
eShA hi cha~nchalAspandashaktishchittatvasa.nsthitA .
tA.n viddhi mAnasI.n shakti.n jagadADaMbarAtmikAm.h .. 100..
yattu cha~nchalatAhIna.n tanmano.amR^itamuchyate .
tadeva cha tapaH shAstrasiddhAnte mokSha uchyate .. 101..
tasya cha~nchalatA yaiShA tvavidyA vAsanAtmikA .
vAsanAparanAmnI.n tA.n vichAreNa vinAshaya .. 102..
pauruSheNa prayatnena yasminnaiva pade manaH .
yojyate tatpadaM prApya nirvikalpo bhavAnagha .. 103..
ataH pauruShamAshritya chittamAkramya chetasA .
vishokaM padamAlambya nirAta~NkaH sthiro bhava .. 104..
mana eva samartha.n hi manaso dR^iDhanigrahe .
arAjakaH samarthaH syAdrAj~no nigrahakarmaNi .. 105..
tR^iShNAgrAhagR^ihItAnA.n sa.nsArArNavapAtinAm.h .
AvartairUhyamAnAnA.n dUra.n svamana eva nauH .. 106..
manasaiva manashChittvA pAshaM paramabandhanam.h .
bhavAduttArayAtmAna.n nAsAvanyena tAryate .. 107..
yA yodeti manonAmnI vAsanA vAsitAntarA .
tA.n tAM pariharetprAj~nastato.avidyAkShayo bhavet.h .. 108..
bhogaikavAsanA.n tyaktvA tyaja tvaM bhedavAsanAm.h .
bhAvAbhAvau tatastyaktyA nirvikalpaH sukhI bhava .. 109..
eSha eva manonAshastvavidyAnAsha eva cha .
yattatsa.nvedyate ki.nchittatrAsthAparivarjanam.h .. 110..
anAsthaiva hi nirvANa.n duHkhamAsthAparigrahaH .. 111..
avidyA vidyamAnaiva naShTapraj~neShu dR^ishyate .
nAmnaivA~NgIkR^itAkArA samyakpraj~nasya sA kutaH .. 112..
tAvatsa.nsArabhR^iguShu svAtmanA saha dehinam.h .
Andolayati nIrandhra.n duHkhakaNTakashAliShu .. 113..
avidyA yAvadasyAstu notpannA kShayakAriNI .
svayamAtmAvalokechChA mohasa.nkShayakAriNI .. 114..
asyAH paraM prapashyantAH svAtmanAshaH prajAyate .
dR^iShTe sarvagate bodhe svaya.n hyeShA vilIyate .. 115..
ichChAmAtramavidyeya.n tannAsho mokSha uchyate .
sa chAsa.nkalpamAtreNa siddho bhavati vai mune .. 116..
manAgapi manovyomni vAsanArajanI kShaye .
kAlikA tanutAmeti chidAdityAprakAshanAt.h .. 117..
chaitAnyupAtarahita.n sAmAnyena cha sarvagam.h .
yachchittattvamanAkhyeya.n sa AtmA parameshvaraH .. 118..
sarva.n cha khalvidaM brahma nityachidghanamakShatam.h .
kalpanAnyA manonAmnI vidyate na hi kAchana .. 119..
na jAyate na mriyatte ki.nchidatra jagattraye .
na cha bhAvavikArANA.n sattA kvachana vidyate .. 120..
kevala.n kevalAbhAsa.n sarvasAmAnyamakShatam.h .
chaityAnupAtarahita.n chinmAtramiha vidyate .. 121..
tasminnitye tate shuddhe chinmAtre nirupadrave .
shAnte shamasamAbhoge nirvikAre chidAtmani .. 122..
yaiShA svabhAvAbhimata.n svaya.n sa.nkalpya dhAvati .
chichchaitya.n svayamamlAnaM mAnanAnmana uchyate .
ataH sa.nkalpasiddheya.n sa.nkalpenaiva nashyati .. 123..
nAhaM brahmeti sa.nkalpAtsudR^iDhAdbadhyate manaH .
sarvaM brahmeti sa.nkalpAtsudR^iDhAnmuchyate manaH .. 124..
kR^isho.aha.n duHkhabaddho.aha.n hastapAdAdimAnaham.h .
iti bhAvAnurUpeNa vyavahAreNa badhyate .. 125..
nAha.n duHkhI na me deho bandhaH ko.asyAtmani sthitaH .
iti bhAvAnurUpeNa vyavahAreNa muchyate .. 126..
nAhaM mA.nsa.n na chAsthIni dehAdanyaH paro.asmyaham.h .
iti nishchitavAnantaH kShINAvidyo vimuchyate .. 127..
kalpiteyamavidyeyamanAtmanyAtmabhAvanAt.h .
paraM pauruShamAshritya yatnAtparamayA dhiyA .
bhogechChA.n dUratastyaktvA nirvikalpaH sukhI bhava .. 128..
mama putro mama dhanamaha.n so.ayamidaM mama .
itIyamindrajAlena vAsanaiva vivalgati .. 129..
mA bhavAj~no bhava j~nastva.n jahi sa.nsArabhAvanAm.h .
anAtmanyAtmabhAvena kimaj~na iva rodiShi .. 130..
kastavAya.n jaDo mUko deho mA.nsamayo.ashuchiH .
yadartha.n sukhaduHkhAbhyAmavashaH paribhUyase .. 131..
aho nu chitra.n yatsatyaM brahma tadvismR^ita.n nR^iNAm.h .
tiShThatastava kAryeShu mAstu rAgAnura~njanA .. 132..
aho nu chitraM padmotthairbaddhAstantubhiradrayaH .
avidyamAna yA vidyA tayA vishva.n khilIkR^itam.h .. 133..
ida.n tadvajratA.n yAta.n tR^iNamAtra.n jagattrayam.h ..
ityupaniShat.h .. iti chaturtho.adhyAyaH .. 4..
R^ibhuH .. athAparaM pravakShyAmi shR^iNu tAta yathAyatham.h .
aj~nAnabhUH saptapadA j~nabhUH saptapadaiva hi .. 1..
padAntarANyasa.nkhyAni prabhavantyanyathaitayoH .
svarUpAvasthitirmuktistadbhra.nsho.aha.ntvavedanam.h .. 2..
shuddhasanmAtrasa.nvitteH svarUpAnna chalanti ye .
rAgadveShAdayo bhAvAsteShA.n nAj~natvasaMbhavaH .. 3..
yaH svarUpaparibhra.nshashchetvArthe chiti majjanam.h .
etasmAdaparo moho na bhUto na bhaviShyati .. 4..
arthAdarthAntara.n chitte yAti madhye tu yA sthitiH .
sA dhvastamananAkArA svarUpasthitiruchyate .. 5..
sa.nshAntasarvasa.nkalpA yA shilAvadavasthitiH .
jAgrannidrAvinirmuktA sA svarUpasthitiH parA .. 6..
ahantA.nshe kShate shAnte bhedaniShpandachittatA .
ajaDA yA prachalati tatsvarUpamitIritam.h .. 7..
bIja.n jAgrattathA jAgranmahAjAgrattathaiva cha .
jAgratsvapnastathA svapnaH svapnajAgratsuShuptikam.h .. 8..
iti saptavidho mohaH punareSha parasparam.h .
shliShTo bhavatyanekAgrya.n shruNu lakShaNamasya tu .. 9..
prathama.n chetana.n yatsyAdanAkhya.n nirmala.n chitaH .
bhaviShyachchittajIvAdinAmashabdArthabhAjanam.h .. 10..
bIjarUpasthita.n jAgradbIjajAgrattaduchyate .
eShA j~napternavAvasthA tvajAgratsa.nsthiti.n shruNu .. 11..
navaprasUtasya parAdaya.n chAhamidaM mama .
iti yaH pratyayaH svasthastajjAgratprAgabhAvanAt.h .. 12..
aya.n so.ahamida.n tanma iti janmAntaroditaH .
pIvaraH pratyayaH prokto mahAjAgraditi sphuTam.h .. 13..
arUDhamathavA rUDha.n sarvathA tanmayAtmakam.h .
yajjAgrato manorAjya.n yajjAgratsvapna uchyate .. 14..
dvichandrashuktikArUpyamR^igatR^iShNAdibhedataH .
abhyAsaM prApya jAgrattatsvapno nAnAvidho bhavet.h .. 15..
alpakAlaM mayA dR^iShTametannodeti yatra hi .
parAmarShaH prabuddhasya sa svapna iti kathyate .. 16..
chira.n sa.ndarshanAbhAvAdapraphullaM bR^ihadvachaH .
chirakAlAnuvR^ittistu svapno jAgradivoditaH .. 17..
svapnajAgraditi prokta.n jAgratyapi parisphurat.h .
ShaDavasthA parityAgo jaDA jIvasya yA sthitiH .. 18..
bhaviShyadduHkhabodhADhyA sauShuptiH sochyate gatiH .
jagattasyAmavasthAyAmantastamasi lIyate .. 19..
saptAvasthA imAH proktA mayA j~nAnasya vai dvija .
ekaikA shatasa.nkhyAtra nAnAvibhavarUpiNI .. 20..
imA.n saptapadA.n j~nAnabhUmimAkarNayAnagha .
nAnayA j~nAtayA bhUyo mohapa~Nke nimajjati .. 21..
vadanti bahubhedena vAdino yogabhUmikAH .
mama tvabhimatA nUnamimA eva shubhapradAH .. 22..
avabodha.n vidurj~nAna.n tadida.n sAptabhUmikam.h .
muktistu j~neyamityuktA bhUmikAsaptakAtparam.h .. 23..
j~nAnabhUmiH shubhechChAkhyA prathamA samudAhR^itA .
vichAraNA dvitIyA tu tR^itIyA tanumAnasI .. 24..
sattvApattishchaturthI syAttato.asa.nsaktinAmikA .
padArthabhAvanA ShaShThI saptamI turyagA smR^itA .. 25..
AsAmantasthitA muktiryasyAM bhUyo na shochati .
etAsAM bhUmikAnA.n tvamida.n nirvachana.n shruNu .. 26..
sthitaH kiM mUDha evAsmi prekShe.aha.n shAstrasajjanaiH .
vairAgyapUrvamichCheti shubhechChetyuchyate budhaiH .. 27..
shAstrasajjanasamparkavairAgyAbhyAsapUrvakam.h .
sadAchArapravR^ittiryA prochyate sA vichAraNA .. 28..
vichAraNAshubhechChAbhyAmindriyArtheShu raktatA .
yatra sA tanutAmeti prochyate tanumAnasI .. 29..
bhUmikAtritayAbhyAsAchchitte tu viratervashAt.h .
sattvAtmani sthite shuddhe sattvApattirudAhR^itA .. 30..
dashAchatuShTayAbhyAsAdasa.nsargakalA tu yA .
rUDhasattvachamatkArA proktA sa.nsaktinAmikA .. 31..
bhUmikApa~nchakAbhyAsAtsvAtmArAmatayA dR^iDham.h .
AbhyantarANAM bAhyAnAM padArthAnAmabhAvanAt.h .. 32..
paraprayuktena chiraM prayatnenAvabodhanam.h .
padArthabhAvanA nAma ShaShThI bhavati bhUmikA .. 33..
bhUmiShaTkachirAbhyAsAdbhedasyAnupalambanAt.h .
yatsvabhAvaikaniShThatva.n sA j~neyA turyagA gatiH .. 34..
eShA hi jIvanmukteShu turyAvastheti vidyate .
videhamuktiviShaya.n turyAtItamataH param.h .. 35..
ye nidAgha mahAbhAgAH sAptamIM bhUmimAshritAH .
AtmArAmA mahAtmAnaste mahatpadamAgatAH .. 36..
jIvanmuktA na majjanti sukhaduHkharasasthite .
prakR^itenAtha kAryeNa ki.nchitkurvanti vA na vA .. 37..
pArshvasthabodhitAH santaH pUrvAcharakramAgatam.h .
AchAramAcharatyeva suptabuddhavadutthitAH .. 38..
bhUmikAsaptaka.n chaitaddhImatAmeva gocharam.h .
prApya j~nAnadashAmetAM pashumlechChAdayo.api ye .. 39..
sadehA vApyadehA vA te muktA nAtra sa.nshayaH .
j~naptirhi granthivichChedastasminsati vimuktatA .. 40..
mR^igatR^iShNAmbubuddhyyAdishAntimAtrAtmakastvasau .
ye tu mohArNavAttIrNAstaiH prAptaM paramaM padam.h .. 41..
te sthitA bhUmikAsvAsu svAtmalAbhaparAyaNAH .
manaHprashamanopAyo yoga ityabhidhIyate .. 42..
saptabhUmiH sa vij~neyaH kathitAstAshcha bhUmikAH .
etAsAM bhUmikAnA.n tu gamaM brahmAbhidhaM padam.h .. 43..
tvattAhantAtmatA yatra paratA nAsti kAchana .
na kvachidbhAvakalanA na bhAvAbhAva gocharA .. 44..
sarva.n shAnta.n nirAlamba.n vyomastha.n shAshvata.n shivam.h .
anAmayamanAbhAsamanAmakamakAraNam.h .. 45..
na sannasanna madhyAnta.n na sarva.n sarvameva cha .
manovachobhiragrAhyaM pUrNAtpUrNa.n sukhAtsukham.h .. 46..
asa.nvedanamAshAntamAtmavedanamAtatam.h .
sattA sarvapadArthAnA.n nAnyA sa.nvedanAdR^ite .. 47..
saMbandhe draShTR^idR^ishyAnAM madhye dR^iShTirhi yadvapuH .
draShTR^idarshanadR^ishyAdivarjita.n tadidaM padam.h .. 48..
deshAddesha.n gate chitte madhye yachchetaso vaouH .
ajADyasa.nvinmanana.n tanmayo bhava sarvadA .. 49..
ajAgratsvapnanidrasya yatte rUpa.n sanAtanam.h .
achetana.n chAjaDa.n cha tanmayo bhava sarvadA .. 50..
jaDatA.n varjayitvaikA.n shilAyA hR^idaya.n hi tat.h .
amanaskasvarUpa.n yattanmayo bhava sarvadA .
chitta.n dUre parityajya yo.asi so.asi sthiro bhava .. 51..
pUrvaM manaH samuditaM paramAtmatattvA\-
     ttenAtata.n jagadida.n savikalpajAlam.h .
shUnyena shUnyamapi vipra yathAmbareNa
     nIlatvamullasati chArutarAbhidhAnam.h .. 52..
sa.nkalpasa.nkShayadgalite tu chitte
     sa.nsAramohamihikA galitA bhavanti .
svachCha.n vibhAti sharadIva khamAgatAyAM
     chinmAtramekamajamAdyamanantamantaH .. 53..
akartR^ikamara~Nga.n cha gagane chitramutthitam.h .
adraShTR^ika.n svAnubhavamanidrasvapnadarshanam.h .. 54..
sAkShibhUte same svachChe nirvikalpe chidAtmani .
nirichChaM pratibimbanti jaganti mukure yathA .. 55..
ekaM brahma chidAkAsha.n sarvAtmakamakhaNDitam.h .
iti bhAvaya yatnena chetashchA~nchalyashAntaye .. 56..
rekhoparekhAvalitA yathaikA pIvarI shilA .
tathA trailokyavalitaM brahmaikamiha dR^ishyatAm.h .. 57..
dvitIyakAraNAbhAvAdanutpannamida.n jagat.h .
j~nAta.n j~nAtavyamadhunA dR^iShTa.n draShTavyamadbhutam.h .. 58..
vishrAnto.asmi chira.n shrAntashchinmAtrAnnAsti ki.nchana .
pashya vishrAntasandeha.n vigatAsheShakautukam.h .. 59..
nirastakalpanAjAlamachittatvaM paraM padam.h .
ta eva bhUmatAM prAptAH sa.nshAntAsheShakilbiShAH .. 60..
mahAdhiyaH shAntadhiyo ye yAtA vimanaskatAm.h .
jantoH kR^itavichArasya vigaladvR^ittichetasaH .. 61..
manana.n tyajato nitya.n ki.nchitpariNataM manaH .
dR^ishya.n santyajato heyamupAdeyamupeyuShaH .. 62..
draShTAraM pashyato nityamadraShTAramapashyataH .
vij~nAtavye pare tattve jAgarUkasya jIvataH .. 63..
suptasya dhanasaMmohamaye sa.nsAravartmani .
atyantapakvavairAgyAdaraseShu raseShvapi .. 64..
sa.nsAravAsanAjAle khagajAla ivAdhunA .
troTite hR^idayagranthau shlathe vairAgyara.nhasA .. 65..
kAtakaM phalamAsAdya yathA vAri prasIdati .
tathA vij~nAnavashataH svabhAvaH samprasIdati .. 66..
nIrAga.n nirupAsa~Nga.n nirdvandva.n nirupAshrayam.h .
viniryAti mano mohAdviha~NgaH pa~njarAdiva .. 67..
shAntasandehadaurAtmya.n gatakautukavibhramam.h .
paripUrNAntara.n chetaH pUrNenduriva rAjate .. 68..
nAha.n na chAnyadastIha brahmaivAsmi nirAmayam.h .
ittha.n sadastormadhyAdyaH pashyati sa pashyati .. 69..
ayatnopateShvakShidR^igdR^ishyeShu yathA manaH .
nIrAgameva patati tadvatkAryeShu dhIradhIH .. 70..
parij~nAyopabhukto hi bhogo bhavati tuShTaye .
vij~nAya sevitashchoro maitrImeti na choratAm.h .. 71..
asha~NkitApi samprAptA grAmayAtrA yathAdhvagaiH .
prekShyate tadvadeva j~nairbhogashrIravalokyate .. 72..
manaso nigR^ihItasya lIlAbhogo.alpako.api yaH .
tamevAlabdhavistAra.n kliShTatvAdbahu manyate .. 73..
baddhamukto mahIpAlo grAsamAtreNa tuShyati .
parairabaddho nAkrAnto na rAShTraM bahu manyate .. 74..
hasta.n hatena sampIDya dantairdantAnvichUrNya cha .
a~NgAnya~NgairivAkramya jayedAdau svakaM manaH .. 75..
manaso vijayAnnAnyA gatirasti bhavArNave .
mahAnarakasAmrAjye mattaduShkR^itavAraNAH .. 76..
AshAsharashalAkADhyA durjayA hIndriyArayaH .
prakShINachittadarpasya nigR^ihItendriyadviShaH .. 77..
padminya iva hemante kShIyante bhogavAsanAH .
tAvannishIva vetAlA vasanti hR^idi vAsanAH .
ekatattvadR^iDhAbhyAsAdyAvanna vijitaM manaH .. 78..
bhR^ityo.abhimatakartR^itvAnmantrI sarvArthakAraNAt.h .
sAmantashchendriyAkrAntermano manye vivekinaH .. 79..
lAlanAtsnigdhalalanA pAlAnAtpAlakaH pitA .
suhR^iduttamavinyAsAnmano manye manIShiNaH .. 80..
svAlokataH shAstradR^ishA svabuddhyA svAnubhAvataH .
prayachChati parA.n siddhi.n tyaktvAtmAnaM manaHpitA .. 81..
suhR^iShTaH sudR^iDhaH svachChaH sukrAntaH suprabodhitaH .
svaguNenorjito bhAti hR^idi hR^idyo manomaNiH .. 82..
enaM manomaNiM brahmanbahupa~Nkakala~Nkitam.h .
vivekavAriNA siddhyai prakShAlyAlokavAnbhava .. 83..
vivekaM paramAshritya buddhyA satyamavekShya cha .
indriyArInala.n ChittvA tIrNo bhava bhavArNavAt.h .. 84..
AsthAmAtramanantAnA.n duHkhAnAmAkara.n viduH .
anAsthAmAtramabhitaH sukhAnAmAlaya.n viduH .. 85..
vAsanAtantubaddho.aya.n loko viparivartate .
sA prasiddhAtiduHkhAya sukhAyochChedamAgatA .. 86..
dhIro.apyatibahuj~no.api kulajo.api mahAnapi .
tR^iShNayA badhyate jantuH si.nhaH shR^i~NkhalayA yathA .. 87..
paramaM pauruSha.n yatnamAsthAdAya sR^idyamam.h .
yathAshAstramanudvegamAcharanko na siddhibhAk.h .. 88..
aha.n sarvamida.n vishvaM paramAtmAhamachyutaH .
nAnyadastIti sa.nvittyA paramA sA hyaha~NkR^itiH .. 89..
sarvasmAdvyatirikto.aha.n vAlAgrAdapyaha.n tanuH .
iti yA sa.nvido brahmandvitIyAha~NkR^itiH shubhA .. 90..
mokShAyaiShA na bandhAya jIvanmuktasya vidyate .. 91..
pANipAdAdimAtro.ayamahamityeSha nishchayaH .
aha.nkArastR^itIyo.asau laikikastuchCha eva saH .. 92..
jIva eva durAtmAsau kandaH sa.nsAradustaroH .
anenAbhihato janturadho.adhaH paridhAvati .. 93..
anayA duraha.nkR^ityA bhAvAtsa.ntyaktayA chiram.h .
shiShTAha.nkAravA~njantuH shamavAnyAti muktatAm.h .. 94..
prathamau dvAvaha.nkArAva~NgIkR^itya tvalaukikau .
tR^itIyAha.nkR^itistyAjyA laukikI duHkhadAyinI .. 95..
atha te api sa.ntyajya sarvAha.nkR^itivarjitaH .
sa tiShThati tathAtyuchchaiH paramevAdhirohati .. 96..
bhogechChAmAtrako bandhastattyAgo mokSha uchyate .
manaso.abhyudayo nAsho manonAsho mahodayaH .. 97..
j~namano nAshamabhyeti mano.aj~nasya hi shR^i~NkhalA .
nAnanda.n na nirAnanda.n na chala.n nAchala.n sthiram.h .
na sannAsanna chaiteShAM madhya.n j~nAnimano viduH .. 98..
yathA saukShmyAchchidAbhAsya AkAsho nopalakShyate .
tathA nira.nshashchidbhAvaH sarvago.api na lakShyate .. 99..
sarvasa.nkalparahitA sarvasa.nj~nAvivarjitA .
saiShA chidavinAshAtmA svAtmetyAdikR^itAbhidhA .. 100..
AkAshashatabhAgANChA j~neShu niShkalarUpiNI .
sakalAmalasa.nsArasvarUpaikAtmadarshinI .. 101..
nAstameti na chodeti nottiShThati na tiShThati .
na cha yAti na chAyAti na cha neha na cheha chit.h .. 102..
saiShA chiyamalAkArA nirvikalpA nirAspadA .. 103..
Adau shamadamaprAyairguNaiH shiShya.n vishodhayet.h .
pashchAtsarvamidaM brahma shuddhastvamiti bodhayet.h .. 104..
aj~nasyArdhaprabuddhasya sarvaM brahmeti yo vadet.h .
mahAnarakajAleShu sa tena viniyojitaH .. 105..
prabuddhabuddheH prakShINabhogechChasya nirAshiShaH .
nAstyavidyAmalamiti prAj~nastUpadishedguruH .. 106..
sati dIpa ivAlokaH satyarka iva vAsaraH .
sati puShpa ivAmodashchiti satya.n jagattathA .. 107..
pratibhAsata eveda.n na jagatparamArthataH .
j~nAnadR^iShTau prasannAyAM prabodhavitatodaye .. 108..
yathAvajj~nAsyasi svastho madvAgvR^iShTibalAbalam.h .
avidyayaivottamayA svArthanAshodyamArthayA .. 109..
vidyA samprApyate brahmansarvadoShApahAriNI .
shAmyati hyastramastreNa malena kShAlyate malam.h .. 110..
shama.n viSha.n viSheNaiti ripuNA hanyate ripuH .
IdR^ishI bhUtamAyeya.n yA svanAshena harShadA .. 111..
na lakShyate svabhAvo.asyA vIkShyamANaiva nashyati .
nAstyeShA paramArthenetyevaM bhAvanayeddhayA .. 112..
sarvaM brahmeti yasyAntarbhAvanA sA hi muktidA .
bhedadR^iShTiravidyeya.n sarvathA tA.n visarjayet.h .. 113..
mune nAsAdyate taddhi padamakShayamuchyate .
kuto jAteyamiti te dvija mAstu vichAraNA .. 114..
imA.n kathamaha.n hanmItyeShA te.astu vichAraNA .
asta.n gatAyA.n kShINAyAmasyA.n j~nAsyasi tatpadam.h .. 115..
yata eShA yathA chaiShA yathA naShTetyakhaNDitam.h .
tadasyA rogashAlAyA yatna.n kuru chikitsane .. 116..
yathaiShA janmaduHkheShu na bhUyastvA.n niyokShyati .
svAtmani svaparispandaiH sphuratyachChaishchidarNavaH .. 117..
ekAtmakamakhaNDa.n tadityantarbhAvyatA.n dR^iDham.h .
ki.nchitkShubhitarUpA sA chichChaktishchinmayArNave.. 118..
tanmayaiva sphuratyachChA tatraivormirivArNave .
AtmanyevAtmanA vyomni yathA sarasi mArutaH .. 119..
tathaivAtmAtmashaktyaiva svAtmanyevaiti lolatAm.h .
kShaNa.n sphurati sA devI sarvashaktitayA tathA .. 120..
deshakAlakriyAshaktirna yasyAH samprakarShaNe .
svasvabhAva.n viditvochchairapyanantapade sthitA .. 121..
rUpaM parimitenAsau bhAvayatyavibhAvitA .
yadaivaM bhAvita.n rUpa.n tayA paramakAntayA .. 122..
tadaivainAmanugatA nAmasa.nkhyAdikA dR^ishaH .
vikalpakalitAkAra.n deshakAlakriyAspadam.h .. 123..
chito rUpamidaM brahmankShetraj~na iti kathyate .
vAsanAH kalpayanso.api yAtyaha.nkAratAM punaH .. 124..
aha~NkAro vinirNetA kala~NkI buddhiruchyate .
buddhiH sa.nkalpitAkArA prayAti mananAspadam.h .. 125..
mano ghanavikalpa.n tu gachChatIndriyatA.n shanaiH .
pANipAdamaya.n dehamindriyANi vidurbudhAH .. 126..
eva.n jIvo hi sa.nkalpavAsanArajjuveShTitaH .
duHkhajAlaparItAtmA kramAdAyAti nIchatAm.h .. 127..
iti shaktimaya.n cheto ghanAha.nkAratA.n gatam.h .
koshakArakrimiriva svechChayA yAti bandhanam.h .. 128..
svaya.n kalpita tanmAtrAjAlabhyantaravarti cha .
parA.n vivashatAmeti shR^i~NkhalAbaddhasi.nhavat.h .. 129..
kvachinmanaH kvachidbuddhiH kvachijj~nAna.n kvachitkriyA .
kvachidetadaha.nkAraH kvachichchittamiti smR^itam.h .. 130..
kvachitprakR^itirityukta.n kvachinmAyeti kalpitam.h .
kvachinmalamiti prokta.n kvachitkarmeti sa.nsmR^itam.h .. 131..
kvachidbandha iti khyAta.n kvachitpuryaShTaka.n smR^itam.h .
prokta.n kvachidavidyeti kvachidichCheti saMmatam.h .. 132..
iama.n sa.nsAramakhilamAshApAshavidhAyakam.h .
dadhadantaHphalairhIna.n vaTadhAnA vaTa.n yathA .. 133..
chintAnalashikhAdagdha.n kopAjagaracharvitam.h .
kAmAbdhikallolarata.n vismR^itAtmapitAmaham.h .. 134..
samuddhara mano brahmanmAta~Ngamiva kardamAt.h .
eva.n jIvAshritA bhAvA bhavabhAvanayAhitAH .. 135..
brahmaNA kalpitAkArA lakShasho.apyatha koTishaH .
sa.nkhyAtItAH purA jAtA jAyante.adyApi chAbhitaH .. 136..
utpatsyante.api chaivAnye kaNaughA iva nirjharAt.h .
kechitprathamajanmAnaH kechijjanmashatAdhikAH .. 137..
kechichchAsa.nkhyajanmAnaH kechiddvitribhavAntarAH .
kechitkinnaragandharvavidyAdharamahoragAH .. 138..
kechidarkenduvaruNAstryakShAdhokShajapadmajAH .
kechidbrahmaNabhUpAlavaishyashUdragaNAH sthitAH .. 139..
kechittR^iNauShadhIvR^ikShaphalamUlapata~NgakAH .
kechitkadambajambIrasAlatAlatamAlakAH .. 140..
kechinmahendramalayasahyamandarameravaH .
kechitkShArodadhikShIraghR^itekShujalarAshayaH .. 141..
kechidvishAlAH kukubhaH kechinnadyo mahArayAH .
vihAyasyuchchakaiH kechinnipatantyutpatanti cha .. 142..
kantukA iva hastena mR^ityunA.avirata.n hatAH .
bhuktvA janmasahasrANi bhUyaH sa.nsArasa.nkaTe .. 143..
patanti kechidabudhAH samprApyApi vivekatAm.h .
dikkAlAdyanavachChinnamAtmatattva.n svashaktitaH .. 144..
lIlayaiva yadAdatte dikkAlakalita.n vapuH .
tadeva jIvaparyAyavAsanAveshataH param.h .. 145..
manaH sampadyate lola.n kalanAkalanonmukham.h .
kalayantI manaHshaktirAdau bhAvayati kShaNAt.h .. 146..
AkAshabhAvanAmachChA.n shabdabIjarasonmukhIm.h .
tatastadghanatA.n yAta.n ghanaspandakramAnmanaH .. 147..
bhAvayatyanilaspanda.n sparshabIjarasonmukham.h .
tAbhyAmAkAshavAtAbhyA.n dR^iDhAbhyAsavashAttataH .. 148..
shabdasparshasvarUpAbhyA.n sa.ngharShAjjanyate.analaH .
rUpatanmAtrasahita.n tribhistaiH saha saMmitam.h .. 149..
manastAddR^igguNagata.n rasatanmAtravedanam.h .
kShaNAchchetatyapA.n shaitya.n jalasa.nvittato bhavet.h .. 150..
tatastAdR^igguNagataM mano bhAvayati kShaNAt.h .
gandhatanmAtrametasmAdbhUmisa.nvittato bhavet.h .. 151..
athetthaMbhUtatanmAtraveShTita.n tanutA.n jahat.h .
vapurvahnikaNAkAra.n sphurita.n vyomni pashyati .. 152..
aha.nkArakalAyuktaM buddhibIjasamanvitam.h .
tatpuryaShTakamityuktaM bhUtahR^itpadmaShaTpadam.h .. 153..
tasmi.nstu tIvrasa.nvegAdbhAvayadbhAsura.n vapuH .
sthUlatAmeti pAkena mano bilvaphala.n yathA .. 154..
mUShAsthadrutahemAbha.n sphurita.n vimalAmbare .
sa.nniveshamathAdatte tattejaH svasvabhAvataH .. 155..
Urdhva.n shiraHpiNDamayamadhaH pAdamaya.n tathA .
pArshvayorhastasa.nsthAnaM madhye chodaradharmiNam.h .. 156..
kAlena sphuTatAmetya bhavatyamalavigraham.h .
buddhisattvabalotsAhavij~nAnaishvaryasa.nsthitaH .. 157..
sa eva bhagavAnbrahmA sarvalokapitAmahaH .
avalokya vapurbrahmA kAntamAtmIyamuttamam.h .. 158..
chintAmabhyetya bhagavA.nstrikAlAmaladarshanaH .
etasminparamAkAshe chinmAtraikAtmarUpiNI .. 159..
adR^iShTapAraparyante prathama.n kiM bhavediti .
iti chintitavAnbrahmA sadyo jAtAmalAtmadR^ik.h .. 160..
apashyatsargavR^indAni samatItAnyanekashaH .
smaratyatho sa sakalAnsarvadharmaguNakramAt.h .. 161..
lIlayA kalpayAmAsa chitrAH sa.nkalpataH prajAH .
nAnAchArasamArambhA gandharvanagara.n yathA .. 162..
tAsA.n svargApavargArtha.n dharmakAmArthasiddhaye .
anantAni vichitrANi shAstrANi samakalpayat.h .. 163..
vira~nchirUpAnmanasaH kalpitatvAjjagatsthiteH .
tAvatsthitiriyaM proktA tannAshe nAshamApnuyAt.h .. 164..
na jAyate na mriyate kvachitki.nchitkadAchana .
paramArthena viprendra mithyA sarva.n tu dR^ishyate .. 165..
koshamAshAbhuja~NgAnA.n sa.nsArADaMbara.n tyaja .
asadetaditi j~nAtvA mAtR^ibhAva.n niveshaya .. 166..
gandharvanagarasyArthe bhUShite.abhUShite tathA .
avidyA.nshe sutAdau vA kaH kramaH sukhaduHkhayoH .. 167..
dhanadAreShu vR^iddheShu duHkhayukta.n na tuShTatA .
vR^iddhAyAM mohamAyAyA.n kaH samAshvAsavAniha .. 168..
yaireva jAyate rAgo mUrkhasyAdhikatA.n gataiH .
taireva bhAgaiH prAj~nasya virAga upajAyate .. 169..
ato nidAgha tattvaj~na vyavahAreShu sa.nsR^iteH .
naShTa.n naShTamupekShasva prAptaM prAptamupAhara .. 170..
anAgatAnAM bhogAnAmavA~nChanamakR^itrimam.h .
AgatAnA.n cha saMbhoga iti paNDitalakShaNam.h .. 171..
shuddha.n sadasatormadhyaM padaM buddhvAvalaMbya cha .
sabAhyAbhyantara.n dR^ishyaM mA gR^ihANa vimu~ncha mA .. 172..
yasya chechChA tathAnichChA j~nasya karmaNi tiShThataH .
na tasya lipyate praj~nA padmapatramivAmbubhiH .. 173..
yadi te nendriyArthashrIH spandate hR^idi vai dvija .
tadA vij~nAtavij~neyA samuttIrNo bhavArNavAt.h .. 174..
uchchaiHpadAya parayA praj~nayA vAsanAgaNAt.h .
puShpAdgandhamapohyAra.n chetovR^ittiM pR^ithakkuru .. 175..
sa.nsArAmbunidhAvasminvAsanAmbupariplute .
ye praj~nAnAvamArUDhAste tIrNAH paNDitAH pare .. 176..
na tyajanti na vA~nChanti vyavahAra.n jagadgatam.h .
sarvamevAnuvartante pArAvAravido janAH .. 177..
anantasyAtmatattvasya sattAsAmAnyarUpiNaH .
chitashchetyonmukhatva.n yattatsa.nkalpA~Nkura.n viduH .. 178..
leshataH prAptasattAkaH sa eva ghanatA.n shanaiH .
yAti chittatvamApUrya dR^iDha.n jADyAya meghavat.h .. 179..
bhAvayanti chitishchaitya.n vyatiriktamivAtmanaH .
sa.nkalpatAmivAyAti bIjama~NkuratAmiva .. 180..
sa.nkalpana.n hi sa.nkalpaH svayameva prajAyate .
vardhate svayamevAshu duHkhAya na sukhAya yat.h .. 181..
mA sa.nkalpaya sa.nkalpaM mA bhAvaM bhAvaya sthitau .
sa.nkalpanAshane yatto na bhUyo.ananugachChati .. 182..
bhAvanAbhAvamAtreNa sa.nkalpaH kShIyate svayam.h .
sa.nkalpenaiva sa.nkalpaM manasaiva mano mune .. 183..
ChittvA svAtmani tiShTha tva.n kimetAvati duShkaram.h .
yathaiveda.n nabhaH shUnya.n jagachChUnya.n tathaiva hi .. 184..
taNDulasya yathA charma yathA tAmrasya kAlimA .
nashyati kriyayA vipra puruShasya tathA malam.h .. 185..
jIvasya taNDulasyeva mala.n sahajamapyalam.h .
nashyatyeva na sandehastasmAdudyogavAnbhavet.h .. 186..
iti mahopaniShat.h .. iti pa~nchamo.adhyAyaH .. 5..
antarAsthAM parityajya bhAvashrIM bhAvanAmayIm.h .
yo.asi so.asi jagatyasmi.nllIlayA viharAnagha .. 1..
sarvatrAhamakarteti dR^iDhabhAvanayAnayA .
paramAmR^itanAmnI sA samataivAvashiShyate .. 2..
khedollAsavilAseShu svAtmakartR^itayaikayA .
svasa.nkalpe kShaya.n yAte samataivAvashiShyate .. 3..
samatA sarvabhAveShu yAsau satyaparA sthitiH .
tasyAmavasthita.n chitta.n na bhUyo janmabhAgbhavet.h .. 4..
athavA sarvakartR^itvamakartR^itva.n cha vai mune .
sarva.n tyaktvA manaH pItvA yo.asi so.asi sthiro bhava .. 5..
sheShasthiro samAdhAno yena tyajasi tattyaja .
chinmanaHkalanAkAraM prakAshatimirAdikam.h .. 6..
vAsanA.n vAsitAra.n cha prANaspandanapUrvakam.h .
samUlamakhila.n tyaktvA vyomasAmyaH prashAntadhIH .. 7..
hR^idayAtsamparityajya sarvavAsanapa~NktayaH .
yastiShThati gatavyagraH sa muktaH parameshvaraH .. 8..
dR^iShTa.n draShTavyamakhilaM bhrAntaM bhrAntyA disho dasha .
yuktyA vai charato j~nasya sa.nsAro goShpadAkR^itiH .. 9..
sabAhyAbhyantare dehe hyadha Urdhva.n cha dikShu cha .
ita AtmA tato.apyAtmA nAstyanAtmamaya.n jagat.h .. 10..
na tadasti na yatrAha.n na tadasti na tanmayam.h .
kimanyadabhivA~nChAmi sarva.n sachchinmaya.n tatam.h .. 11..
samasta.n khalvidaM brahma sarvamAtmedamAtatam.h .
ahamanya ida.n chAnyaditi bhrAnti.n tyajAnagha .. 12..
tate brahmaghane nitye saMbhavanti na kalpitAH .
na shoko.asti na moho.asti na jarAsti na janma vA .. 13..
yadastIha tadevAsti vijvaro bhava sarvadA .
yathAprAptAnubhavataH sarvatrAnabhivA~nChanAt.h .. 14..
tyAgAdAnaparityAgI vijvaro bhava sarvadA .
yasyeda.n janma pAshchAtya.n tamAshveva mahAmate .. 15..
vishanti vidyA vimalA muktA veNumivottamam.h .
viraktamanasA.n samyaksvaprasa~NgAdudAhR^itam.h .. 16..
draShTurdR^ishyasamAyogAtpratyayAnandanishchayaH .
yasta.n svamAtmatattvottha.n niShpanda.n samupAsmahe .. 17..
draShTR^idarshanadR^ishyAni tyaktvA vAsanayA saha .
darshanapratyayAbhAsamAtmAna.n samupAsmahe .. 18..
dvayormadhyagata.n nityamastinAstIti pakShayoH .
prakAshanaM prakAshAnAmAtmAna.n samupAsmahe .. 19..
santyajya hR^idguheshAna.n devamanyaM prayAnti ye .
te ratnamabhivA~nChanti tyaktahastasthakaustubhAH .. 20..
utthitAnutthitAnetAnindriyArInpunaH punaH .
hanyAdvivekadaNDena vajreNeva harirgirIn.h .. 21..
sa.nsArarAtriduHsvapne shUnye dehamaye bhrame .
sarvamevApavitra.n taddR^iShTa.n sa.nsR^itivibhramam.h .. 22..
aj~nAnopahato bAlye yauvane vanitAhataH .
sheShe kalatrachintArtaH ki.n karoti narAdhamaH .. 23..
sato.asattA sthitA mUrdhni ramyANAM mUrdhnyaramyatA .
sukhAnAM mUrdhniduHkhAni kimeka.n sa.nshrayAmyaham.h .. 24..
yeShA.n nimeShaNAmeShau jagataH pralayodayau .
tAdR^ishAH puruShA yAnti mAdR^ishA.n gaNanaiva kA .. 25..
sa.nsAra eva duHkhAnA.n sImAnta iti kathyate .
tanmadhye patite dehe sukhamAsAdyate katham.h .. 26..
prabuddho.asmi prabuddho.asmi duShTashchoro.ayamAtmanaH .
mano nAma nihanmyenaM manasAsmi chira.n hR^itaH .. 27..
mA khedaM bhaja heyeShu nopAdeyaparo bhava .
heyAdeyAdR^ishau tyaktvA sheShasthaH susthiro bhava .. 28..
nirAshatA nirbhayatA nityatA samatA j~natA .
nirIhatA niShkriyatA saumyatA nirvikalpatA .. 29..
dhR^irmaitrI manastuShTirmR^idutA mR^idubhAShitA .
heyopAdeyanirmukte j~ne tiShThantyapavAsanam.h .. 30..
gR^ihItatR^iShNAshabarIvAsanAjAlamAtatam.h .
sa.nsAravAriprasR^ita.n chintAtantubhirAtatam.h .. 31..
anayA tIkShNayA tAta Chindhi buddhishalAkayA .
vAtyayevAmbuda.n jAla.n ChittvA tiShTha tate pade .. 32..
manasaiva manashChittvA kuThAreNeva pAdapam.h .
padaM pAvanamAsAdya sadya eva sthiro bhava .. 33..
tiShThangachChantsvapa~njAgrannivasannutpatanpatan.h .
asadevedamityanta.n nishchityAstAM parityaja .. 34..
dR^ishyamAshrayasIda.n chettatsachchito.asi bandhavAn.h .
dR^ishya.n santyajasIda.n chettadA.achitto.asi mokShavAn.h .. 35..
nAha.n nedamiti dhyAya.nstiShTha tvamachalAchalaH .
Atmano jagatashchAntardraShTR^idR^ishyadashAntare .. 36..
darshanAkhya.n svamAtmAna.n sarvadA bhAvayanbhava .
svAdyasvAdakasa.ntyakta.n svAdyasvAdakamadhyagam.h .. 37..
svadana.n kevala.n dhyAyanparamAtmamayo bhava .
avalambya nirAlambaM madhyemadhye sthiro bhava .. 38..
rajjubaddhA vimuchyante tR^iShNAbaddhA na kenachit.h .
tasmAnnidAgha tR^iShNA tva.n tyaja sa.nkalpavarjanAt.h .. 39..
etAmahaMbhAvamayIpapuNyA.n
        ChittvAnahaMbhAva shalAkayaiva ..
svabhAvajAM bhavyabhavantabhUmau
        bhava prashAntAkhilabhUtabhItiH .. 40..
ahameShAM padArthAnAmete cha mama jIvitam.h .
nAhamebhirvinA ki.nchinna mayaite vinA kila .. 41..
ityantarnishchaya.n tyaktvA vichArya manasA saha .
nAhaM padArthasya na me padArtha iti bhAvite .. 42..
antaHshItalayA buddhyA kurvato lIlayA kriyAm.h .
yo nUna.n vAsanAtyAgo dhyeyo brahmanprakIrtitaH .. 43..
sarva.n samatayA buddhyA yaH kR^itvA vAsanAkShayam.h .
jahAti nirmamo deha.n neyo.asau vAsanAkShayaH .. 44..
aha.nkAramayI.n tyaktvA vAsanA.n lIlayaiva yaH .
tiShThati dhyeyasa.ntyAgI sa jIvanmukta uchyate .. 45..
nirmUla.n kalanA.n tyaktvA vAsanA.n yaH shama.n gataH .
j~neya.n tyAgamima.n viddhi mukta.n taM brAhmaNottamam.h .. 46..
dvAvetau brahmatA.n yAtau dvAvetau vigatajvarau .
Apatatsu yathAkAla.n sukhaduHkheShvanAratau .
sa.nnyAsiyoginau dAntau viddhi shAntau munIshvara .. 47..
IpsitAnIpsite na sto yasyAntarvartidR^iShTiShu .
suShuptavadyashcharati sa jIvanmukta uchyate .. 48..
harShAmarShabhayakrodhakAmakArpaNyadR^iShTibhiH .
na hR^iShyati glAyati yaH parAmarshavivarjitaH .. 49..
bAhyArthavAsanodbhUtA tR^iShNA baddheti kathyate .
sarvArthavAsanonmuktA tR^iShNA mukteti bhaNyate .. 50..
idamastu mametyantamichChAM prArthanayAnvitAm.h .
tA.n tIkShNA.n shR^i~NkhalA.n viddhi duHkhajanmabhayapradAm.h .. 51..
tAmetA.n sarvabhAveShu satsvasatsu cha sarvadA .
sa.ntyajya paramodAraM padameti mahAmanAH .. 52..
bandhAsthAmatha mokShAsthA.n sukhaduHkhadashAmapi .
tyaktvA sadasadAsthA.n tva.n tiShThAkShubdhamahAbdhivat.h .. 53..
jAyate nishchayaH sAdho puruShasya chaturvidhaH .. 54..
ApAdamastakamahaM mAtApitR^ivinirmitaH .
ityeko nishchayo brahmanbandhAyAsavilokanAt.h .. 55..
atItaH sarvabhAvebhyo vAlAgrAdapyaha.n tanuH .
iti dvitIyo mokShAya nishchayo jAyate satAm.h .. 56..
jagajjAla padArthAtmA sarva evAhamakShayaH .
tR^itIyo nishchayashchokto mokShAyaiva dvijottama .. 57..
aha.n jagadvA sakala.n shUnya.n vyoma sama.n sadA .
evameSha chaturtho.api nishchayo mokShasiddhidaH .. 58..
eteShAM prathamaH proktastR^iShNayA bandhayogyayA .
shuddhatR^iShNAstrayaH svachChA jIvanmuktA vilAsinaH .. 59..
sarva.n chApyahameveti nishchayo yo mahAmate .
tamAdAya viShAdAya na bhUyo jAyate matiH .. 60..
shUnya.n tatprakR^itirmAyA brahmavij~nAnamityapi .
shivaH puruSha IshAno nityamAtmeti kathyate .. 61..
dvaitAdvaitasamudbhUtairjagannirmANalIlayA .
paramAtmamayIshaktiradvaitaiva vijR^imbhate .. 62..
sarvAtItapadAlambI paripUrNaikachinmayaH .
nodvegI na cha tuShTAtmA sa.nsAre nAvasIdati .. 63..
prAptakarmakaro nitya.n shatrumitrasamAnadR^ik.h .
IhitAnIhitairmukto na shochati na kA~NkShati .. 64..
sarvasyAbhimata.n vaktA choditaH peshaloktimAn.h .
Ashayaj~nashcha bhUtAnA.n sa.nsAre nAvasIdati .. 65..
pUrvA.n dR^iShTimavaShTabhya dhyeyatyAgavilAsinIm.h .
jIvanmuktatayA svastho loke vihara vijvaraH .. 66..
antaHsa.ntyaktasarvAsho vItarAgo vivAsanaH .
bahiHsarvasamAchAro loke vihara vijvaraH .. 67..
bahiHkR^itrimasa.nraMbho hR^idi sa.nrambhavarjitaH .
kartA bahirakartAntarloke vihara shuddhadhIH .. 68..
tyaktAha.nkR^itirAshvastamatirAkAshashobhanaH .
agR^ihItakala~NkA~Nko loke vihara shuddhadhIH .. 69..
udAraH peshalAchAraH sarvAchArAnuvR^ittimAn.h .
antaHsa~NgaparityAgI bahiHsaMbhAravAniva .
antarvairAgyamAdAya bahirAshonmukhehitaH .. 70..
ayaM bandhuraya.n neti gaNanA laghuchetasAm.h .
udAracharitAnA.n tu vasudhaiva kuTumbakam.h .. 71..
bhAvAbhAvavinirmukta.n jarAmaraNavarjitam.h .
prashAntakalanArabhya.n nIrAgaM padamAshraya .. 72..
eShA brAhmI sthitiH svachChA niShkAmA vigatAmayA .
AdAya viharanneva.n sa.nkaTeShu na muhyati .. 73..
vairAgyeNAtha shAstreNa mahattvAdiguNairapi .
yatsa.nkalpaharArtha.n tatsvayamevonnayenmanaH .. 74..
vairAgyAtpUrNatAmeti mano nAshavashAnugam.h .
AshayA raktatAmeti sharadIva saro.amalam.h .. 75..
tameva bhuktivirasa.n vyApAraughaM punaH punaH .
divasedivase kurvanprAj~na kasmAnna lajjate .. 76..
chichchaityakalito bandhastanmuktau muktiruchyate .
chidachaityA kilAtmeti sarvasiddhAntasa.ngrahaH .. 77..
etannishchayamAdAya vilokaya dhiyeddhayA .
svayamevAtmanAtmAnamAnandaM padamApsyasi .. 78..
chidaha.n chidime lokAshchidAshAshchidimAH prajAH .
dR^ishyadarshananirmuktaH kevalAmalarUpavAn.h .. 79..
nityodito nirAbhAso draShTA sAkShI chidAtmakaH .. 80..
chaityanirmuktachidrUpaM pUrNajyotiHsvarUpakam.h .
sa.nshAntasarvasa.nvedya.n sa.nvinmAtramahaM mahat.h .. 81..
sa.nshAntasarvasa.nkalpaH prashAntasakaleShaNaH .
nirvikalpapada.n gatvA svastho bhava munIshvara .. 82.. iti .
ya imAM mahopaniShadaM brAhmaNo nityamadhIte .
ashrotriyaH shrotriyo bhavati . anupanIta upanIto bhavati .
so.agnipUto bhavati . sa vAyupUto bhavati . sa somapUto bhavati .
sa satyapUto bhavati . sa sarvapUto bhavati . sa sarvardevairj~nAto bhavati .
sa sarveShu tIrtheShu snAto bhavati . sa sarvairdevairanudhyAto bhavati .
sa sarvakratubhiriShTavAnbhavati . gAyatryAH ShaShTisahasrANi
japtAni phalAni bhavanti . itihAsapurANAnA.n shatasahasrANi japtAni
phalAni bhavanti . praNavAnAmayuta.n japtaM bhavati .
AchakShuShaH pa~NktiM punAti . AsaptamAnpuruShayugAnpunAti .
ityAha bhagavAn hiraNyagarbhaH . japyenAmR^itattva.n cha
gachChatItyupaniShat.h . .. iti ShaShTho.adhyAyaH .. 6..
AUM ApyAyantu mamA~NgAni vAkprANashchakShuH shrotramatho
balamindriyANi cha .. sarvANi sarvaM brahmopaniShadaM mAhaM
brahma nirAkuryAM mA mA brahma nirAkarodanirAkaraNama\-
stvanirAkaraNaM mestu tadAtmani nirate ya upaniShatsu dharmAste
mayi santu te mayi santu .. AUM shAntiH shAntiH shAntiH ..
iti mahopaniShatsamAptA..
##
Encoded by Sunder Hattangadi (sunderh@hotmail.com)

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}