% Text title            : Mandalabrahmana Upanishad
% File name             : mandala.itx
% Category              : upanishhat, upanishad
% Location              : doc\_upanishhat
% Author                : Vedic tradition
% Transliterated by     : Sunder Hattangadi (sunderh at hotmail.com)
% Proofread by          : Sunder Hattangadi (sunderh at hotmail.com)
% Description-comments  :  48 / 108; Shukla Yajurveda - Yoga upanishad
% Latest update         : Mar. 17, 2000
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Mandalabrahmana Upanishad ..}##
\itxtitle{.. maNDalabrAhmaNopaniShat ..}##\endtitles ##

bAhyAntastArakAkara.n vyomapa~nchakavigraham.h .
rAjayogaikasa.nsiddha.n rAmachandramupAsmahe ..
AUM pUrNamadaH pUrNamidaM pUrNAtpUrNamudachyate .
pUrNasya pUrNamAdAya pUrNamevAvashiShyate ..
AUM shAntiH shAntiH shAntiH ..
AUM yAj~navalkyo ha vai mahAmunirAdityaloka.n jagAma .
tamAditya.n natvA bho bhagavannAdityAtmatattvamanubrUhIti .
sahovAcha nArAyaNaH .
j~nAnayuktayamAdyaShTA~Ngayoga uchyate .
shItoShNAhAranidrAvijayaH sarvadA shAntirnishchalatva.n
viShayendriyanigrahashchaite yamAH .
gurubhaktiH satyamArgAnuraktiH sukhAgatavastvanubhavashcha
tadvastvanubhavena tuShTirniHsa~NgatA ekAntavAso manonivR^ittiH
phalAnabhilASho vairAgyabhAvashcha niyamAH .
sukhAsanavR^ittishchIravAsAshchaivamAsananiyamo bhavati .
pUrakakumbhakarechakaiH ShoDashachatuShShaShTi\-
dvAtri.anshatsa~NkhyayA yathAkrama.n prANAyAmaH .
viShayebhya indriyArthebhyo manonirodhanaM pratyAhAraH .
sarvasharIreShu chaitanyaikatAnatA dhyAnam.h .
viShayavyAvartanapUrvaka.n chaitanye chetaHsthApana.n
dhAraNaM bhavati .
dhyAnavismR^itiH samAdhiH .
eva.n sUkShmA~NgAni . ya eva.n veda sa muktibhAgbhavati .. 1..
dehasya pa~nchadoShA bhavanti kAmakrodhaniHshvAsabhayanidrAH .
tannirAsastu niHsa~NkalpakShamAlaghvAhArapramAdatAtattvasevanam.h .
nidrAbhayasarIsR^ipa.n hi.nsAditara~Nga.n tR^iShNAvarta.n
dArapa~Nka.n sa.nsAravArdhi.n tartu.n sUkShmamArgamavalambya
sattvAdiguNAnatikramya tAramavalokayet.h .
bhrUmadhye sachchidAnandatejaHkUTarUpa.n tArakaM brahma .
tadupAya.n lakShyatrayAvalokanam.h .
mUlAdhArAdArabhya brahmarandhraparyanta.n suShumnA sUryAbhA .
mR^iNAlatantusUkShmA kuNDalinI . tato tamonivR^ittiH .
taddarshanAtsarvapApanivR^ittiH . tarjanyagronmIlitakarNarandhradvaye
phUtkArashabdo jAyate . tatra sthite manasi chakShurmadhya nIlajyotiH
pashyati . eva.n hR^idaye.api . bahirlakShya.n tu nAsAgre chatuH\-
ShaDaShTadashadvAdashA~NgulIbhiH kramAnnIladyutishyAmatva\-
sadR^igraktabha~NgIsphuratpItavarNadvayopeta.n vyomatvaM pashyati
sa tu yogI chalanadR^iShTyA vyomabhAgavIkShituH puruShasya
dR^iShTyagre jyotirmayUkhA vartante . taddR^iShTiH sthirA bhavati .
shIrShopari dvAdashA~NgulimAnajyotiH pashyati tadA.amR^itatvameti .
madhyalakShya.n tu prAtashchitrAdivarNasUryachandravahnijvAlA\-
valIvattadvihInAntarikShavatpashyati .
tadAkArAkArI bhavati . abhyAsAnnirvikAra.n
guNarahitAkAshaM bhavati . visphurattArakAkAragADha\-
tamopamaM parAkAshaM bhavati . kAlAnalasama.n
dyotamAnaM mahAkAshaM bhavati . sarvotkR^iShTa\-
paramAdvitIyapradyotamAna.n tattvAkAshaM bhavati .
koTisUryaprakAsha.n sUryAkAshaM bhavati .
evamabhyAsAttanmayo bhavati . ya eva.n veda .. 2..
tadyoga.n cha dvidhA viddhi pUrvottaravibhAgataH .
pUrva.n tu tAraka.n vidyAdamanaska.n taduttaramiti .
tAraka.n dvividham.h . mUrtitArakamamUrtitArakamiti .
yadindriyAnta.n tanmUrtitArakam.h . yadbhrUyugAtIta.n
tadamUrtitArakamiti . ubhayamapi manoyuktamabhyaset.h .
manoyuktAntaradR^iShTistArakaprakAshAya bhavati .
bhrUyugamadhyabile tejasa AvirbhAvaH . etatpUrvatArakam.h .
uttara.n tvamanaskam.h . tAlumUlordhvabhAge mahAjyotirvidyate .
taddarshanAdaNimAdisiddhiH . lakShye.antarbAhyAyA.n
dR^iShTau nimeShonmeShavarjitAyA.n cha iya.n shAmbhavI
mudrA bhavati . sarvatantreShu gopyamahAvidyA bhavati .
tajj~nAnena sa.nsAranivR^ittiH . tatpUjanaM mokShaphaladam.h .
antarlakShya.n jalajyotiHsvarUpaM bhavati . maharShivedyaM
antarbAhyendriyairadR^ishyam.h .. 3..
sahasrAre jalajyotirantarlakShyam.h . buddhiguhAyA.n
sarvA~NgasundaraM puruSharUpamantarlakShyamityapare .
shIrShAntargatamaNDalamadhyagaM pa~nchavaktramumAsahAya.n
nIlakaNThaM prashAntamantarlakShyamiti kechit.h .
a~NguShThamAtraH puruSho.antarlakShyamityeke .
uktavikalpa.n sarvamAtmaiva . tallakShya.n shuddhAtmadR^iShTyA
vA yaH pashyati sa eva brahmaniShTho bhavati . jIvaH
pa~nchavi.nshakaH svakalpitachaturvi.nshatitattvaM parityajya
ShaDvi.nshaH paramAtmAhamiti nishchayAjjIvanmukto bhavati .
evamantarlakShyadarshanena jIvanmuktidashAyA.n svayamantarlakShyo
bhUtvA paramAkAshAkhaNDamaNDalo bhavati .. 4..
iti prathamaM brAhmaNam.h ..
atha ha yAj~navalkya AdityamaNDalapuruShaM paprachCha .
bhagavannantarlakShyAdikaM bahudhoktam.h . mayA tanna
j~nAtam.h . tadbrUhi mahyam.h . taduhovAcha pa~nchabhUta\-
kAraNa.n taDitkUTAbha.n tadvachchatuHpITham.h . tanmadhye
tattvaprakAsho bhavati . so.atigUDha avyaktashcha .
tajj~nAnaplavAdhirUDhena j~neyam.h .  tadbAhyAbhyantarlakShyam.h .
tanmadhye jagallInam.h . tannAdabindukalAtItamakhaNDamaNDalam.h .
tatsaguNanirguNasvarUpam.h . tadvettA vimuktaH . AdAvagnimaNDalam.h .
tadupari sUryamaNDalam.h . tanmadhye sudhAchandramaNDalam.h .
tanmadhye.akhaNDabrahmatejomaNDalam.h . tadvidyullekhAvachChukla\-
bhAsvaram.h . tadeva shAmbhavIlakShaNam.h . taddarshane tisro mUrtaya
amA pratipatpUrNimA cheti . nimIlitadarshanamamAdR^iShTiH .
ardhonmIlitaM pratipat.h . sarvonmIlanaM pUrNimA bhavati . tAsu
pUrNimAbhyAsaH kartavyaH tallakShya.n nAsAgram.h . tadA
tAlumUle gADhatamo dR^ishyate . tadabhyAsAdakhaNDamaNDalAkAra\-
jyotirdR^ishyate . tadeva sachchidAnandaM brahma bhavati . eva.n
sahajAnande yadA mano lIyate tadA shAnto bhavI bhavati . tAmeva
khecharImAhuH . tadabhyAsAnmanaHsthairyam.h . tato vAyusthairyam.h .
tachchihnAni . Adau tArakavaddR^ishyate . tato vajradarpaNam.h . tata
upari pUrNachandramaNDalam.h . tato vahnishikhAmaNDala.n kramAddR^ishyate .. 1..
tadA pashchimAbhimukhaprakAshaH sphaTikadhUmra\-
bindunAdakalAnakShatrakhadyotadIpanetrasavarNanava\-
ratnAdiprabhA dR^ishyante . tadeva praNavasvarUpam.h .
prANApAnayoraikya.n kR^itvA dhR^itakumbhako nAsAgra\-
darshanadR^iDhabhAvanayA dvikarA~NgulibhiH ShaNmukhI\-
karaNena praNavadhvani.n nishamya manastatra lInaM bhavati .
tasya na karmalepaH . raverudayAstamayayoH kila karma
kartavyam.h . eva.nvidashchidAdityasyodayAstamayAbhAvA\-
tsarvakarmAbhAvaH . shabdakAlalayena divArAtryatIto bhUtvA
sarvaparipUrNaj~nAnenonyAnyavasthAvashena brahmaikyaM
bhavati . unmanyA amanaskaM bhavati . tasya nishchintA
dhyAnam.h . sarvakarmanirAkaraNamAvAhanam.h .
nishchayaj~nAnamAsanam.h . unmanIbhAvaH pAdyam.h .
sadA.amanaskamarghyam.h . sadAdIptirapArAmR^itavR^ittiH
snAnam.h . sarvatra bhAvanA gandhaH . dR^iksvarUpAvasthAna\-
makShatAH . chidAptiH puShpam.h . chidagnisvarUpa.n dhUpaH .
chidAdityasvarUpa.n dIpaH . paripUrNachandrAmR^itarasasyaikIkaraNa.n
naivedyam.h . nishchalatvaM pradakShiNam.h . sohaMbhAvo namaskAraH .
mauna.n stutiH . sarvasantoSho visarjanamiti ya eva.n veda . .. 2..
eva.n tripuTyA.n nirastAyA.n nistara~NgasamudravannivAta\-
sthitadIpavadachalasampUrNabhAvAbhAvavihInakaivalyadyotirbhavati .
jAgrannindAntaHparij~nAnena brahmavidbhavati .
suShuptisamAdhyormanolayAvisheShe.api mahadastyubhayo\-
rbhedastamasi lInatvAnmuktihetutvAbhAvAchcha . samAdhau
mR^iditatamovikArasya tadAkArAkAritAkhaNDAkAra\-
vR^ittyAtmakasAkShichaitanye prapa~nchalayaH sampadyate
prapa~nchasya manaHkalpitatvAt.h . tato bhedAbhAvAtkadAchi\-
dbahirgate.api mithyAtvabhAnAt.h . sakR^idvibhAtasadAnandA\-
nubhavaikagocharo brahmavittadeva bhavati . yasya sa~NkalpanAshaH
syAttasya muktiH kare sthitA . tasmAdbhAvAbhAvau parityajya
paramAtmadhyAnena mukto bhavati . punaHpunaH sarvAvasthAsu
j~nAnaj~neyau dhyAnadhyeyau lakShyAlakShye dR^ishyAdR^ishye
chohApohAdi parityajya jIvanmukto bhavet.h . ya eva.n veda .. 3..
pa~nchAvasthAH jAgratsvapnasuShuptiturIyaturIyAtItAH .
jAgrati pravR^itto jIvaH pravR^ittimArgAsaktaH .
pApaphalanarakAdimA.nstu shubhakarmaphalasvargamastviti
kA~NkShate . sa eva svIkR^itavairAgyAtkarmaphalajanmA.ala.n
sa.nsArabandhanamalamiti vimuktyabhimukho nivR^ittimArga\-
pravR^itto bhavati . sa eva sa.nsAratAraNAya gurumAshritya
kAmAdi tyaktvA vihitakarmAcharansAdhanachatuShTayasampanno
hR^idayakamalamadhye bhagavatsattAmAtrAntarlakShyarUpamAsAdya
suShuptyavasthAyA muktabrahmAnandasmR^iti.n labdhvA
eka evAhamadvitIyaH ka~nchitkAlamaj~nAnavR^ittyA
vismR^itajAgradvAsanAnuphalena taijaso.asmIti tadubhayanivR^ittyA
prAj~na idAnImasmItyahameka eva sthAnabhedAdavasthAbhedasya
para.ntu nahi madanyaditi jAtavivekaH shuddhAdvaitabrahmAhamiti
bhidAgandha.n nirasya svAntarvijR^imbhitabhAnumaNDaladhyAna\-
tadAkArAkAritaparaMbrahmAkAritamuktimArgamArUDhaH
paripakvo bhavati . sa~NkalpAdikaM mano bandhahetuH . tadviyuktaM
mano mokShAya bhavati . tadvA.nshchakShurAdibAhyaprapa~ncharato
vigataprapa~nchagandhaH sarvajagadAtmatvena pashya.nstyaktAha~NkAro
brahmAhamasmIti chintayannida.n sarva.n yadayamAtmeti
bhAvayankR^itakR^ityo bhavati .. 4..
sarvaparipUrNaturIyAtItabrahmabhUto yogI bhavati .
taM brahmeti stuvanti . sarvalokastutipAtraH sarvadesha\-
sa.nchArashIlaH paramAtmagagane bindu.n nikShipya
shuddhAdvaitAjADyasahajAmanaskayoganidrAkhaNDA\-
nandapadAnuvR^ittyA jIvanmukto bhavati . tachchAnanda\-
samudramagnA yogino bhavanti . tadapekShayA indrAdayaH
svalpAnandAH . evaM prAptAnandaH paramayogI bhavatItyupaniShat.h .. 5..
iti dvitIyaM brAhmaNam.h .. 2..
yAj~navalkyo mahAmunirmaNDalapuruShaM paprachCha
svAminnamanaskalakShaNamuktamapi vismR^itaM
punastallakShaNaM brUhIti . tatheti maNDalapuruSho.abravIt.h .
idamamanaskamatirahasyam.h . yajj~nAnena kR^itArtho
bhavati tannitya.n shAMbhavImudrAnvitam.h . paramAtmadR^iShTyA
tatpratyayalakShyANi dR^iShTvA tadanu sarveshamaprameyamaja.n
shivaM paramAkAsha.n nirAlambamadvayaM brahmaviShNurudrAdInA\-
mekalakShya.n sarvakAraNaM paraMbrahmAtmanyeva pashyamAno
guhAviharaNameva nishchayena j~nAtvA bhAvAbhAvAdidvandvAtItaH
sa.nviditamanonmanyanubhavastadanantaramakhilendriyakShayavashAdamanaska\-
sukhabrahmAnandasamudre manaHpravAhayogarUpanivAtasthitadIpavadachalaM
paraMbrahma prApnoti . tataH shuShkavR^ikShavanmUrchChAnidrAmaya\-
niHshvAsochChvAsAbhAvAnnaShTadvandvaH sadAcha~nchalagAtraH
paramashAnti.n svIkR^itya manaH prachArashUnyaM paramAtmani lInaM bhavati .
payasrAvAnantara.n dhenustanakShIramiva sarvendriyavarge parinaShTe
manonAshaM bhavati tadevAmanaskam.h . tadanu nityashuddhaH
paramAtmAhameveti tattvamasItyupadeshena tvamevAhamahameva
tvamiti tArakayogamArgeNAkhaNDAnandapUrNaH kR^itArtho bhavati .. 1..
paripUrNaparAkAshamagnamanAH prAptonmanyavasthaH
sa.nnyastasarvendriyavargaH anekajanmArjitapuNyapu~njapakva\-
kaivalyaphalo.akhaNDAnandanirastasarvakleshakashmalo brahmAhamasmIti
kR^itakR^ityo bhavati . tvamevAha.n na bhedo.asti pUrNatvAtparamAtmanaH .
ityuchcharantsamAli~Ngya shiShya.n j~naptimanInayat.h .. 2..
iti tR^itIyaM brAhmaNam.h .. 3..
atha ha yAj~navalkyo maNDalapuruShaM paprachCha
vyomapa~nchakalakShaNa.n vistareNAnubrUhIti . sa
hovAchAkAshaM parAkAshaM mahAkAsha.n
sUryAkAshaM paramAkAshamiti pa~ncha bhavanti .
bAhyAbhyantaramandhakAramayamAkAsham.h .
bAhyasyAbhyantare kAlAnalasadR^ishaM parAkAsham.h .
sabAhyAbhyantare.aparimitadyutinibha.n tattvaM mahAkAsham.h .
sabAhyAbhyantare sUryanibha.n sUryAkAsham.h .
anirvachanIyajyotiH sarvavyApaka.n niratishayAnandalakShaNaM
paramAkAsham.h . eva.n tattallakShyadarshanAttattadrUpo bhavati .
navachakra.n ShaDAdhAra.n trilakShya.n vyomapa~nchakam.h .
samyagetanna jAnAti sa yogI nAmato bhavet.h .. 1..
iti chaturthaM brAhmaNam.h .. 4..
saviShayaM mano bandhAya nirviShayaM muktaye bhavati .
ataH sarva.n jagachchittagocharam.h . tadeva chitta.n nirAshrayaM
manonmanyavasthAparipakva.n layayogyaM bhavati . tallayaM
paripUrNe mayi samabhyaset.h . manolayakAraNamahameva .
anAhatasya shabdasya tasya shabdasya yo dhvaniH .
dhvanerantargata.n jyotirjyotirantargataM manaH .
yanmanastrijagatsR^iShTisthitivyasanakarmakR^it.h .
tanmano vilaya.n yAti tadviShNoH paramaM padam.h .
tallayAchChuddhAdvaitasiddhirbhedAbhAvAt.h .
etadeva paramatattvam.h . sa tajj~no bAlonmatta\-
pishAchavajjaDavR^ittyA lokamAcharet evamamanaskAbhyAsenaiva
nityatR^iptiralpamUtrapurIShamitabhojanadR^iDhA~NgA\-
jADyanidrAdR^igvAyuchalanAbhAvabrahmadarshanAjj~nAta\-
sukhasvarUpasiddhirbhavati . eva.n chirasamAdhijanita\-
brahmAmR^itapAnaparAyaNo.asau sa.nnyAsI paramaha.nsa
avadhUto bhavati . taddarshanena sakala.n jagatpavitraM bhavati .
tatsevAparo.aj~no.api mukto bhavati . tatkulamekottarashata.n tArayati .
tanmAtR^ipitR^ijAyApatyavarga.n cha muktaM bhavatItyupaniShat.h ..
AUM pUrNamadaH pUrNamidaM pUrNAtpUrNamudachyate .
pUrNasya pUrNamAdAya pUrNamevAvashiShyate ..
AUM shAntiH shAntiH shAntiH ..
iti maNDalabrAhmaNopaniShatsamAptA ..
##
Encoded by Sunder Hattangadi (sunderh@hotmail.com)

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}