% Text title            : Mudgala Upanishad
% File name             : mudgala.itx
% Category              : upanishhat
% Location              : doc\_upanishhat
% Author                : Vedic tradition
% Transliterated by     : Sunder Hattangadi
% Proofread by          : Sunder Hattangadi
% Description-comments  :  57 / 108; Rig Veda - Samanya upanishad
% Latest update         : Mar. 21, 2000
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. MudgalaUpanishad ..}##
\itxtitle{.. mudgalopaniShat ..}##\endtitles ##

shrImatpuruShasUktArthaM pUrNAnandakalevaram.h .
puruShottamavikhyAtaM pUrNaM brahma bhavAmyaham.h ..
AUM vA~N me manasi pratiShThitA
mano me vAchi pratiShThitamAvirAvIrma edhi ..
vedasya ma ANIsthaH . shrutaM me mA prahAsIranenAdhIte\-
nAhorAtrAnsandadhAmyR^ita.n vadiShyAmi satya.n vadiShyAmi ..
tanmAmavatu tadvaktAramavatu avatu mAmavatu vaktAramavatu vaktAram.h ..
AUM puruShasUktArthanirNaya.n vyAkhyAsyAmaH
puruShasa.nhitAyAM puruShasUktArthaH sa.ngraheNa prochyate .
sahasrashIrShetyatra sashabdo.anantavAchakaH .
anantayojanaM prAha dashA~NgulavachastathA .. 1..
tasya prathamayA viShNordeshato vyAptirIritA .
dvitIyayA chAsya viShNoH kAlato vyAptirucyate .. 2..
viShNormokShapradatva.n cha kathita.n tu tR^itIyayA .
etAvAniti mantreNa vaibhava.n kathita.n hareH .. 3..
etenaiva cha mantreNa chaturvyUho vibhAShitaH .
tripAdityanayA proktamaniruddhasya vaibhavam.h .. 4..
tasmAdvirADityanayA pAdanArAyaNAddhareH .
prakR^iteH puruShasyApi samutpattiH pradarshitA .. 5..
yatpuruSheNetyanayA sR^iShTiyaj~naH samIritaH .
saptAsyAsanparidhayaH samidhashcha samIritAH .. 6..
ta.n yaj~namiti mantreNa sR^iShTiyaj~naH samIritaH .
anenaiva cha mantreNa mokShashcha samudIritaH .. 7..
tasmAditi cha mantreNa jagatsR^iShTiH samIritA .
vedAhamiti mantrAbhyA.n vaibhava.n kathita.n hareH .. 8..
yaj~nenetyupasa.nhAraH sR^iShTermokShasya cheritaH .
ya evametajjAnAti sa hi mukto bhavediti .. 9.. 1..
atha tathA mudgalopaniShadi puruShasUktasya vaibhava.n
vistareNa pratipAditam.h . vAsudeva indrAya bhagavajj~nAnamupadishya
punarapi sUkShmashravaNAya praNatAyendrAya paramarahasyabhUtaM
puruShasUktAbhyA.n khaNDadvayAbhyAmupAdishat.h .
dvau khaNDAvuchyete . yo.aya muktaH sa puruSho
nAmarUpaj~nAnAgochara.n sa.nsAriNAmatidurj~neya.n
viShaya.n vihAya kleshAdibhiH sa.nkliShTadevAdijihIrShayA
sahasrakalAvayavakalyANa.n dR^iShTamAtreNa mokShada.n
veShamAdade . tena veSheNa bhUmyAdiloka.n vyApyAnanta\-
yojanamatyatiShThat.h . puruSho nArAyaNo bhUtaM bhavyaM
bhaviShyachchAsIt.h . sa cha sarvasmAnmahimno jyAyAn.h .
tasmAnna ko.api jyAyAn.h . mahApuruSha AtmAna.n
chaturdhA kR^itvA tripAdena parame vyomni chAsIt.h . itareNa
chaturthenAniruddhanArAyaNena vishvAnyAsan.h . sa cha
pAdanArAyaNo jagatsraShTuM prakR^itimajanayat.h . sa
samR^iddhakAyaH sansR^iShTikarma na jaj~nivAn.h .
so.aniruddhanArAyaNastasmai sR^iShTimupAdishat.h .
brahma.nstavendriyANi yAjakAni dhyAtvA koshabhUta.n
dR^iDha.n granthikalevara.n havirdhyAtvA mA.n havirbhuja.n
dhyAtvA vasantakAlamAjya.n dhyAtvA grIShmamidhma.n
dhyAtvA sharadR^itu.n rasa.n dhyAtvaivamagnau hutvA~Nga\-
sparshAtkalevaro vajra.n hIShyate . tataH svakAryAnsarva\-
prANijIvAnsR^iShTvA pashvAdyAH prAdurbhaviShyanti .
tataH sthAvaraja~NgamAtmaka.n jagadbhaviShyati . etena
jIvAtmanoryogena mokShaprakArashcha kathita ityanusandheyam.h .
ya ima.n sR^iShTiyaj~na.n jAnAti mokShaprakAra.n cha
sarvamAyureti .. 2..
eko devo bahudhA niviShTa ajAyamAno bahudhA vijAyate .
tametamagnirityadhvaryava upAsate . yajurityeSha hIda.n
sarva.n yunakti . sAmeti ChandogAH . etasminhIda.n sarvaM
pratiShThitam.h . viShamiti sarpAH . sarpa iti sarpavidaH .
Urgiti devAH . rayiriti manuShyAH . mAyetyasurAH .
svadheti pitaraH . devajana iti devajanavidaH . rUpamiti gandharvAH .
gandharva iti apsarasaH . ta.n yathAyathopAsate tathaiva bhavati .
tasmAdbrAhmaNaH puruSharUpaM paraMbrahmaivAhamiti
bhAvayet.h . tadrUpo bhavati . ya eva.n veda .. 3..
tadbrahma tApatrayAtIta.n ShaTkoshavinirmukta.n ShaDUrmivarjitaM
pa~nchakoshAtIta.n ShaDbhAvavikArashUnyamevamAdi\-
sarvavilakShaNaM bhavati . tApatraya.n tvAdhyAtmikAdhibhauti\-
kAdhidaivika.n kartR^ikarmakAryaj~nAtR^ij~nAnaj~neya\-
bhoktR^ibhogabhogyamiti trividham.h . tva~NmA.nsashoNitAsthi\-
snAyumajjAH ShaTkoshAH . kAmakrodhalobhamohamada\-
mAtsaryamityariShaDvargaH . annamayaprANamayamanomaya\-
vij~nAnamayAnandamayA iti pa~nchakoshAH .
priyAtmajananavardhanapariNAmakShayanAshAH ShaDbhAvAH .
ashanAyApipAsAshokamohajarAmaraNAnIti ShaDUrmayaH .
kulagotrajAtivarNAshramarUpANi ShaD bhramAH .
etadyogena paramapuruSho jIvo bhavati nAnyaH .
ya etadupaniShada.n nityamadhIte so.agnipUto bhavati . sa vAyupUto
bhavati . sa AdityapUto bhavati . arogI bhavati . shrImA.nshcha bhavati .
putrapautrAdibhiH samR^iddho bhavati . vidvA.nshcha bhavati .
mahApAtakAtpUto bhavati . surApAnAtpUto bhavati .
agamyAgamanAtpUto bhavati . mAtR^igamanAtpUto bhavati .
duhitR^isnuShAbhigamanAtpUto bhavati . svarNasteyAtpUto bhavati .
vedijanmahAnAtpUto bhavati . gurorashushrUShaNAtpUto bhavati .
ayAjyayAjanAtpUto bhavati . abhakShyabhakShaNAtpUto bhavati .
ugrapratigrahAtpUto bhavati . paradAragamanAtpUto bhavati .
kAmakrodhalobhamoherShyAdibhirabAdhito bhavati . sarvebhyaH
pApebhyo mukto bhavati . iha janmani puruSho bhavati tasmAdeta\-
tpuruShasUktArthamatirahasya.n rAjaguhya.n devaguhya.n guhyAdapi
guhyatara.n nAdIkShitAyopadishet.h .
nAnUchAnAya . nAyaj~nashIlAya . nAvaiShNavAya .
nAyogine . na bahubhAShiNe . nApriyavAdine .
nAsa.nvatsaravedine . nAtuShTAya . nAnadhItavedAyopadishet.h .
gururapyeva.nvichChuchau deshe puNyanakShatre
prANAnAyamya puruSha.n dhyAyannupasannAya
shiShyAya dakShiNakarNe puruShasUktArthamupadishedvidvAn.h .
na bahusho vadet.h . yAtayAmo bhavati . asakR^itkarNamupadishet.h .
etatkurvANo.adhyetAdhyApakashcha iha janmani puruSho
bhavatItyupaniShat.h ..
AUM vA~Nme manasi pratiShThitA mano me vAchi pratiShThita\-
mAvirAvIrma edhi .. vedasya ma ANIsthaH shrutaM me mA
prahAsIranenAdhItenAhorAtrAnsandadhAmyR^ita.n vadiShyAmi
satya.n vadiShyAmi .. tanmAmavatu tadvaktAramavatu avatu
mAmavatu vaktAramavatu vaktAram.h ..
AUM shAntiH shAntiH shAntiH ..
iti mudgalopaniShatsamAptA ..
##
Encoded by Sunder Hattangadi

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}