%@@1
% File name             : mundaka.itx
%--------------------------------------------
% Text title            : muNDakopaniShat
% Author                : Vedic Rishis
% Language              : Sanskrit
% Subject               : philosophy/hinduism/religion
% Description/comments  : #5/108; Atharva Veda, Mukhya upanishad
% Transliterated by     : Kim Paulsen
% Proofread by          : Avinash Sathaye, P.P.Narayanaswami. John Manetta
% Latest update         : July 20,1999, Nov 1,10
% Send corrections to   : sanskrit@cheerful.com
%
% Special Instructions:
% i1h.hdr,ijag.inc,itrans.sty,multicol.sty,iarticle.sty
% Transliteration scheme: ITRANS 5.2
% Site access  :
% http://sanskritdocuments.org
% http://sanskrit.gde.to/
%-----------------------------------------------------
% The text is to be used for personal studies and research only.
% Any use for commercial purpose is prohibited as a 'gentleman's'
% agreement.
% @@2
%
% Commands upto engtitle are
% needed for devanaagarii output and formatting.
%--------------------------------------------------------

\documentstyle[11pt,multicol,itrans]{article}
%\documentclass[11pt]{article}
%\usepackage{multicol}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}

\engtitle{.. Mundaka Upanishad..}##
\itxtitle{.. muNDakopaniShat ..}##\endtitles ##
             || shrIH||
               || muNDakopaniShat.h  ||
AUM bhadraM karNebhiH shruNuyAma devA bhadraM pashyemAxabhiryajatrAH |
sthiraira~NgaistuShTuvA{\m+}sastanUbhirvyashema devahitaM yadAyuH |
svasti na indro vR^iddhashravAH svasti naH pUShA vishvavedAH |
svasti nastArkShyo ariShTanemiH svasti no bR^ihaspatirdadhAtu|
|| AUM shAntiH shAntiH shAntiH ||
|| AUM brahmaNe namaH ||
|| prathamamuNDake prathamaH khaNDaH ||
AUM brahmA devAnAM prathamaH saMbabhUva vishvasya kartA
bhuvanasya goptA | sa brahmavidyAM sarvavidyApratiShThAmatharvAya
jyeShThaputrAya prAha || 1||
\medskip
atharvaNe yAM pravadeta brahmA.atharvA taM
purovAchA~Ngire brahmavidyAm.h |
sa bhAradvAjAya satyavAhAya prAha
bhAradvAjo.a~Ngirase parAvarAm.h || 2||
\medskip
shaunako ha vai mahAshAlo.a~NgirasaM vidhivadupasannaH paprachCha |
kasminnu bhagavo vij~nAte sarvamidaM vij~nAtaM bhavatIti || 3||
\medskip
tasmai sa hovAcha |
dve vidye veditavye iti ha sma
yad.hbrahmavido vadanti parA chaivAparA cha || 4||
\medskip
tatrAparA R^igvedo yajurvedaH sAmavedo.atharvavedaH
shikShA kalpo vyAkaraNaM niruktaM Chando jyotiShamiti |
atha parA yayA tadakSharamadhigamyate || 5||
\medskip
yattadadreshyamagrAhyamagotramavarNa\-
      machakShuHshrotraM tadapANipAdam.h .
  nityaM vibhuM sarvagataM susUkShmaM
      tadavyayaM yadbhUtayoniM paripashyanti dhIrAH || 6||
\medskip
yathorNanAbhiH sR^ijate gR^ihNate cha
yathA pR^ithivyAmoShadhayaH saMbhavanti |
yathA sataH puruShAt.h keshalomAni
tathA.akSharAt.h saMbhavatIha vishvam.h || 7||
\medskip
tapasA chIyate brahma tato.annamabhijAyate |
annAt.h prANo manaH satyaM lokAH karmasu chAmR^itam.h || 8||
\medskip
yaH sarvaj~naH sarvavidyasya j~nAnamayaM tApaH |
tasmAdetadbrahma nAma rUpamannaM ca jAyAte || 9||
\medskip
|| iti muNDakopaniShadi prathamamuNDake prathamaH khaNDaH ||
\bigskip
|| prathamamuNDake dvitIyaH khaNDaH ||
\medskip
tadetat.h satyaM mantreShu karmANi kavayo
yAnyapashyaMstAni tretAyAM bahudhA saMtatAni |
tAnyAcharatha niyataM satyakAmA eSha vaH
panthAH sukR^itasya loke || 1||
\medskip
yadA lelAyate hyarchiH samiddhe havyavAhane |
tadA.a.ajyabhAgAvantareNA.a.ahutIH pratipAdayet.h || 2||
\medskip
yasyAgnihotramadarshamapaurNamAsa\-
      machAturmAsyamanAgrayaNamatithivarjita.n cha |
ahutamavaishvadevamavidhinA huta\-
      mAsaptamAMstasya lokAn.h hinasti || 3||
\medskip
kAlI karAlI cha manojavA cha
sulohitA yA cha sudhUmravarNA |
sphuli~NginI vishvaruchI cha devI
lelAyamAnA iti sapta jihvAH || 4||
\medskip
eteShu yashcharate bhrAjamAneShu yathAkAlaM
chAhutayo hyAdadAyan.h |
taM nayantyetAH sUryasya rashmayo yatra
devAnAM patireko.adhivAsaH || 5||
\medskip
ehyehIti tamAhutayaH suvarchasaH
sUryasya rashmibhiryajamAnaM vahanti |
priyAM vAchamabhivadantyo.archayantya
eSha vaH puNyaH sukR^ito brahmalokaH || 6||
\medskip
plavA hyete adR^iDhA yaj~narUpA
aShTAdashoktamavaraM yeShu karma |
etachChreyo ye.abhinandanti mUDhA
jarAmR^ityuM te punarevApi yanti || 7||
\medskip
avidyAyAmantare vartamAnAH
svayaM dhIrAH paNDitaM manyamAnAH |
ja~N.hghanyamAnAH pariyanti mUDhA
andhenaiva nIyamAnA yathAndhAH || 8||
\medskip
avidyAyaM bahudhA vartamAnA vayaM
kR^itArthA ityabhimanyanti bAlAH |
yat.h karmiNo na pravedayanti rAgAt.h
tenAturAH kShINalokAshchyavante || 9||
\medskip
iShTApUrtaM manyamAnA variShThaM
nAnyachChreyo vedayante pramUDhAH |
nAkasya pR^iShThe te sukR^ite.anubhUtvemaM
lokaM hInataraM vA vishanti || 10||
\medskip
tapaHshraddhe ye hyupavasantyaraNye
shAntA vidvAMso bhaikShyacharyAM charantaH |
sUryadvAreNa te virajAH prayAnti
yatrAmR^itaH sa puruSho hyavyayAtmA || 11||
\medskip
parIkShya lokAn.h karmachitAn.h brahmaNo
nirvedamAyAnnAstyakR^itaH kR^itena |
tadvij~nAnArthaM sa gurumevAbhigachChet.h
samitpANiH shrotriyaM brahmaniShTham.h || 12||
\medskip
tasmai sa vidvAnupasannAya samyak.h
prashAntachittAya shamAnvitAya |
yenAkSharaM puruShaM veda satyaM provAcha
tAM tattvato brahmavidyAm.h || 13||
\medskip
|| iti muNDakopaniShadi prathamamuNDake dvitIyaH khaNDaH ||
\bigskip
|| dvitIya muNDake prathamaH khaNDaH ||
\medskip
tadetat.h satyaM
yathA sudIptAt.h pAvakAdvisphuli~NgAH
      sahasrashaH prabhavante sarUpAH |
tathA.akSharAdvividhAH somya bhAvAH
      prajAyante tatra chaivApi yanti || 1||
\medskip
divyo hyamUrtaH puruShaH sa bAhyAbhyantaro hyajaH |
aprANo hyamanAH shubhro hyakSharAt.h parataH paraH || 2||
\medskip
etasmAjjAyate praNo manaH sarvendriyANi cha |
khaM vAyurjyotirApaH pR^ithivI vishvasya dhAriNI || 3||
\medskip
agnIrmUrdhA chakShuShI chandrasUryau
dishaH shrotre vAg.h vivR^itAshcha vedAH |
vAyuH praNo hR^idayaM vishvamasya pad.hbhyAM
pR^ithivI hyeSha sarvabhUtAntarAtmA || 4||
\medskip
tasmAdagniH samidho yasya sUryaH
somAt.h parjanya oShadhayaH pR^ithivyAm.h |
pumAn.h retaH si~nchati yoShitAyAM
bahvIH prajAH puruShAt.h saMprasUtAH || 5||
\medskip
tasmAdR^ichaH sAma yajU.nShi dIkShA
yaj~nAshcha sarve kratavo dakShiNAshcha |
saMvatsarashcha yajamAnashcha lokAH
somo yatra pavate yatra sUryaH || 6||
\medskip
tasmAchcha devA bahudhA saMprasUtAH
sAdhyA manuShyAH pashavo vayA.nsi |
prANApAnau vrIhiyavau tapashcha
shraddha satyaM brahmacharya.n vidhishcha || 7||
\medskip
sapta prANAH prabhavanti tasmAt.h
saptArchiShaH samidhaH sapta homAH |
sapta ime lokA yeShu charanti prANA
guhAshayA nihitAH sapta sapta || 8||
\medskip
ataH samudrA girayashcha sarve.asmAt.h
syandante sindhavaH sarvarUpAH |
atashcha sarvA oShadhayo rasashcha
yenaiSha bhUtaistiShThate hyantarAtmA || 9||
\medskip
puruSha evedaM vishvaM karma tapo brahma parAmR^itam.h |
etadyo veda nihitaM guhAyAM
so.avidyAgranthiM vikiratIha somya || 10||
\medskip
|| iti muNDakopaniShadi dvitIyamuNDake prathamaH khaNDaH ||
\bigskip
|| dvitIya muNDake dvitIyaH khaNDaH ||
\medskip
AviH saMnihitaM guhAcharaM nAma
mahatpadamatraitat.h samarpitam.h |
ejatprANannimiShachcha yadetajjAnatha
sadasadvareNyaM paraM vij~nAnAdyadvariShThaM prajAnAm.h || 1||
\medskip
yadarchimadyadaNubhyo.aNu cha
        yasmi.NllokA nihitA lokinashcha |
tadetadakSharaM brahma sa prANastadu vA~NmanaH
        tadetatsatya.n tadamR^ita.n tadveddhavyaM somya viddhi || 2||
\medskip
dhanur.h gR^ihItvaupaniShadaM mahAstraM
sharaM hyupAsA nishitaM sandhayIta |
Ayamya tad.hbhAvagatena chetasA
lakShyaM tadevAkSharaM somya viddhi || 3||
\medskip
praNavo dhanuH shAro hyAtmA brahma tallakShyamuchyate |
apramattena veddhavyaM sharavat.h tanmayo bhavet.h || 4||
\medskip
yasmin.h dyauH pR^ithivI chAntarikShamotaM
manaH saha prANaishcha sarvaiH |
tamevaikaM jAnatha AtmAnamanyA vAcho
vimu~nchathAmR^itasyaiSha setuH || 5||
\medskip
arA iva rathanAbhau saMhatA yatra nADyaH  |
sa eSho.antashcharate bahudhA jAyamAnaH |
omityevaM dhyAyatha AtmAnaM svasti vaH
pArAya tamasaH parastAt.h || 6||
\medskip
yaH sarvaj~naH sarvavid.h yasyaiSha mahimA bhuvi |
divye brahmapure hyeSha vyomnyAtmA pratiShThitaH ||
\medskip
manomayaH prANasharIranetA
pratiShThito.anne hR^idayaM sannidhAya |
tad.h vij~nAnena paripashyanti dhIrA
AnandarUpamamR^itaM yad.h vibhAti || 7||
\medskip
bhidyate hR^idayagranthishChidyante sarvasaMshayAH |
kShIyante chAsya karmANi tasmin.h dR^iShTe parAvare || 8||
\medskip
hiraNmaye pare koshe virajaM brahma niShkalam.h |
tachChubhraM jyotiShaM jyotistad.h yadAtmavido viduH || 9||
\medskip
na tatra sUryo bhAti na chandratArakaM
nemA vidyuto bhAnti kuto.ayamagniH |
tameva bhAntamanubhAti sarvaM
tasya bhAsA sarvamidaM vibhAti || 10||
\medskip
brahmaivedamamR^itaM purastAd.h brahma pashchAd.h brahma dakShiNatashchottareNa |
adhashchordhvaM cha prasR^itaM brahmaivedaM vishvamidaM variShTham.h || 11||
\medskip
|| iti muNDakopaniShadi dvitIyamuNDake dvitIyaH khaNDaH ||
\bigskip
|| tR^itIya muNDake prathamaH khaNDaH ||
\medskip
dvA suparNA sayujA sakhAyA samAnaM vR^ikShaM pariShasvajAte |
tayoranyaH  pippalaM svAdvattyanashnannanyo abhichAkashIti || 1||
\medskip
samAne vR^ikShe puruSho nimagno.anishayA shochati muhyamAnaH |
juShTaM yadA pashyatyanyamIshamasya
mahimAnamiti vItashokaH || 2||
\medskip
yadA pashyaH pashyate rukmavarNaM
kartAramIshaM puruShaM brahmayonim.h |
tadA vidvAn.h puNyapApe vidhUya
nira~njanaH paramaM sAmyamupaiti || 3||
\medskip
praNo hyeSha yaH sarvabhUtairvibhAti
vijAnan.h vidvAn.h bhavate nAtivAdI |
AtmakrIDa AtmaratiH kriyAvA\-
neSha brahmavidAM variShThaH || 4||
\medskip
satyena labhyastapasA hyeSha AtmA
samyagj~nAnena brahmacharyeNa nityam.h |
antaHsharIre jyotirmayo hi shubhro
yaM pashyanti yatayaH kShINadoShAH || 5||
\medskip
satyameva jayate nAnR^itaM
     satyena panthA vitato devayAnaH |
yenA.a.akramantyR^iShayo hyAptakAmA
     yatra tat.h satyasya paramaM nidhAnam.h || 6||
\medskip
bR^ihachcha tad.h divyamachintyarUpaM
sUkShmAchcha tat.h sUkShmataraM vibhAti |
dUrAt.h sudUre tadihAntike cha
pashyantvihaiva nihitaM guhAyAm.h || 7||
\medskip
na chakShuShA gR^ihyate nApi vAchA
nAnyairdevaistapasA karmaNa vA |
j~nAnaprasAdena vishuddhasattva-
statastu taM pashyate niShkalaM
dhyAyamAnaH || 8||
\medskip
eSho.aNurAtmA chetasA veditavyo
yasmin.h prANaH pa~nchadhA saMvivesha |
prANaishchittaM sarvamotaM prajAnAM
yasmin.h vishuddhe vibhavatyeSha AtmA || 9||
\medskip
yaM yaM lokaM manasA saMvibhAti
vishuddhasattvaH kAmayate yAMshcha kAmAn.h |
taM taM lokaM jayate tAMshcha kAmAM\-
stasmAdAtmaj~naM hyarchayet.h bhUtikAmaH || 10||
\medskip
|| iti muNDakopaniShadi tR^itIyamuNDake prathamaH khaNDaH ||
\bigskip
||  tR^itIyamuNDake dvitIyaH khaNDaH ||
\medskip
sa vedaitat.h paramaM brahma dhAma
yatra vishvaM nihitaM bhAti shubhram.h |
upAsate puruShaM ye hyakAmAste
shukrametadativartanti dhIrAH ||  1||
\medskip
kAmAn.h yaH kAmayate manyamAnaH
sa kAmabhirjAyate tatra tatra |
paryAptakAmasya kR^itAtmanastu
ihaiva sarve pravilIyanti kAmAH || 2||
\medskip
nAyamAtmA pravachanena labhyo
na medhayA na bahunA shrutena |
yamevaiSha vR^iNute tena labhya\-
stasyaiSha AtmA vivR^iNute tanU.n svAm.h || 3||
\medskip
nAyamAtmA balahInena labhyo
na cha pramAdAt.h tapaso vApyali~NgAt.h |
etairupAyairyatate yastu vidvAM-
stasyaiSha AtmA vishate brahmadhAma || 4||
\medskip
saMprApyainamR^iShayo j~nAnatR^iptAH
kR^itAtmAno vItarAgAH prashAntAH
te sarvagaM sarvataH prApya dhIrA
yuktAtmAnaH sarvamevAvishanti || 5||
\medskip
vedAntavij~nAnasunishchitArthAH
saMnyAsayogAd.h yatayaH shuddhasattvAH |
te brahmalokeShu parAntakAle
parAmR^itAH parimuchyanti sarve || 6||
\medskip
gatAH kalAH pa~nchadasha pratiShThA
devAshcha sarve pratidevatAsu |
karmANi vij~nAnamayashcha AtmA
pare.avyaye sarve ekIbhavanti || 7||
\medskip
yathA nadyaH syandamAnAH samudre.a
staM gachChanti nAmarUpe vihAya |
tathA vidvAn.h nAmarUpAdvimuktaH
parAtparaM puruShamupaiti divyam.h || 8||
\medskip
sa yo ha vai tat.h paramaM brahma veda
brahmaiva bhavati nAsyAbrahmavitkule bhavati |
tarati shokaM tarati pApmAnaM guhAgranthibhyo
vimukto.amR^ito bhavati || 9||
\medskip
tadetadR^ichA.abhyuktam.h |
kriyAvantaH shrotriyA brahmaniShThAH
svayaM juhvata ekarShiM shraddhayantaH |
teShAmevaitAM brahmavidyAM vadeta
shirovrataM vidhivad.h yaistu chIrNam.h || 10||
\medskip
tadetat.h satyamR^iShira~NgirAH
purovAcha naitadachIrNavrato.adhIte |
namaH paramaR^iShibhyo namaH paramaR^iShibhyaH || 11||
\medskip
|| iti muNDakopaniShadi tR^itIyamuNDake dvitIyaH khaNDaH ||
\medskip
|| ityatharvavedIya muNDakopaniShatsamAptA ||
\medskip
AUM bhadra.n karNebhiH....shAntiH ..
|| AUM shAntiH shAntiH shAntiH ||
##


Encoded by Kim Paulsen
Proofread by          : Avinash Sathaye, P.P.Narayanaswami. John Manetta
\medskip\hrule\obeylines
\medskip
{\rm Please send corrections to sanskrit@cheerful.com}
{\rm Last updated \today}
{\rm http://sanskritdocuments.org}
\end{document}