% Text title            : nArAyaNottaratApinIyopaniShat
% File name             : nArAyaNottaratApinIyopaniShat.itx
% Category              : upanishhat, vishhnu, upanishad
% Location              : doc\_upanishhat
% Proofread by          : Kasturi navya sahiti kasturinsahiti at gmail.com
% Description-comments  : aprakAshitA upaniShadaH
% Latest update         : March 20, 2020
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Narayanottaratapiniya Upanishad ..}##
\itxtitle{.. nArAyaNottaratApinIyopaniShat ..}##\endtitles ##
\section{prathamaH khaNDaH |}
sa hovAcha bhagavAn brahmA AnandaM brahmaNo vidvAn
sachchidAnandambarUpo bhavati |
dvA suparNA sayujA sakhAyA samAnaM vR^ikShaM pariShasvajAte |
tayoranyaH pippalaM svAdvattyanashnannanyo abhichAkashIti ||
yo vedAdau svaraH prokto vedAnte cha pratiShThitaH |
tasya prakR^itilInasya yaH paraH sa maheshvaraH ||
aNoraNIyAnmahato mahIyAnAtmA guhAyAM nihito.asya jantoH |
tamakratuM pashyati vItashoko dhAtuH prasAdAnmahimAnamIsham ||
vAsanAdvAsudevasya vAsitaM hi jagattrayam |
sarvabhUtanivAso.asi vAsudeva namo.astu te ||
bhUshcha nArAyaNaH | bhuvashcha nArAyaNaH | suvashcha nArAyaNaH |
mahashcha nArAyaNaH | janashcha nArAyaNaH | tapashcha nArAyaNaH |
satyaM cha nArAyaNaH | nArAyaNaH paraM brahma | nArAyaNa evedaM sarvam |
nArAyaNAnna ki~nchidasti | satyaM j~nAnamanantaM brahma | yo veda nihitaM
guhAyAM parame vyoman | tasmAdvA etasmAdAtmana AkAshaH sambhUtaH |
AkAshAdvAyuH | vAyoragniH | agnerApaH | adbhyaH pR^ithivI | pR^ithivyA
oShadhayaH | oShadhIbhyo.annam | annAtpuruShaH | nArAyaNaH sarvapuruSha
evedaM parabrahma | nArAyaNaH sarvabhUtAntaryAmyAtmA | AtmedaM sarvaM
nArAyaNaH | nArAyaNaH svayaM jyotiH | tasmAtprakAshAtmA ||

nIvArashUkavattanvI pItA bhAsvatyaNUpamA |
tasyAH shikhAyA madhye paramAtmA vyavasthitaH ||
pAshabaddhaH smR^ito jIvaH pAshamuktaH sanAtanaH |
tuSheNa baddho vrIhiH syAttuShAbhAvena taNDula ||
parabrahma svayaM chAtmA sAkShAnnArAyaNaH smR^itaH |
nArAyaNamanAdiM cha yoganidrAparAyaNam ||
jAgratsvapnasuShuptIShu sarvakAlavyavasthitam |
nArAyaNaM mahAtmAnaM mahAdhyAnaparAyaNam |
sarvavedAntasaMlakShyaM tadbrahmetyabhidhIyate ||
sa hovAcha bhagavAn nArAyaNa evedaM sarvaM pratiShThitaM ya evaM veda |
ityupaniShat ||
ityAtharvaNarahasye nArAyaNottaratApinIye prathamaH khaNDa |

\section{dvitIyaH khaNDaH |}
sa hovAcha bhagavAn brahmA nArAyaNaH paravastu bhavatIti vij~nAyate |
sachchidAnandarUpAya j~nAnAyAmitatejase |
parabrahmasvarUpAya nArAyaNa namo.astu te ||
nityashuddhAya buddhAya nityAyAdvaitarUpiNe |
AnandAyAtmarUpAya nArAyaNa namo.astu te ||
OM namo bhagavate shrImannArAyaNAya mahAviShNave amitabalaparAkramAya
sha~NkhachakragadAdharAya lakShmIsametAya garuDavAhanAya dashAvatArAya
sarvaduShTadaityadAnavasaMharaNAya shiShTapratipAlakAya parabrahmarUpAya
mahAtmane paramapuruShAya puNDarIkAkShAya purANapuruShAya shuddhabuddhAya
sachchidAnandasvarUpAya mahAtmane ghR^iNiH sUrya Aditya OM namo nArAyaNAya
sahasrAra huM phaT svAhA ||

nArAyaNAya shAntAya shAshvatAya murAraye |
yaj~neshvarAya yaj~nAya sharaNyAya namo namaH ||
sa hovAcha bhagavAn brahmA sarvaM vishvamidaM nArAyaNaH ya evaM veda |
ityupaniShat ||

ityAtharvaNarahasye nArAyaNottaratApinIye dvitIyaH khaNDa |

\section{tR^itIyaH khaNDaH |}
sa hovAcha bhagavAn brahmA nArAyaNaH parabrahmeti ya evaM veda |
nArAyaNAtmA vedaM sarvaM nirvikAraM nira~njanavastu pratipAdyate |
sa nArAyaNo virATpuruSho bhavAti | devAnAM vAsavo bhavati | indriyANAM mano
bhavati | sarveShAM vastUnAM mukhyavastu bhavati | OM namo nArAyaNAdanyo
mantraH nArAyaNAdanyopAstirnAsti | nAnyannArAyaNAdupAsitavyam | sarvaM
nArAyaNa eva bhavatIti vij~nAyate | yo.adhIte nityaM sarvAn kAmAnavApnoti |
sa brahmahatyAyAH pUto bhavati | surApAnAt pUto bhavati | svarNasteyAt
pUto bhavati | gurutalpagamanAt pUto bhavati | agamyAgamanAt pUto bhavati |
abhakShyabhakShAt pUto bhavati | sa upapAtakamahApAtakebhyaH pUto bhavati |
sarvavedamadhIyAno bhavati | sarvakratuphalaM prApnoti | sarvakarmakartA
bhavati | chatuHsamudraparyantabhUdAnaphalaM prApnoti | dvijottamo bhavati |
chaturvargaphalaM prApnoti | brahmachArI j~nAnavAn bhavati | gR^ihI
putrapautramahaishvaryavAn bhavati | sa.nnyAsaI mokShavAn bhavati ||

paThanAchChravaNAdvA.api sarvAn kAmAnavApnuyAt |
nArAyaNaprasAdena vaikuNThapadamashnute ||
iti sa hovAcha bhagavAn ya evaM veda | ityupaniShat ||
vedAkSharANi yAvanti paThitAni dvijottamaiH |
tAvanti harinAmAni kIrtitAni na saMshayaH ||
nArAyaNa hare kR^iShNa vAsudeva jagadguro |
mukundAchyuta devesha mahAviShNo namo.astu te ||
bhUtAni tattvasa.nj~nAni kUTastho.akSharasa.nj~nitaH |
uttamashchApi puruSho nArAyaNa itIryate ||
ityAtharvaNarahasye nArAyaNottaratApinIye tR^itIyaH khaNDaH
(vaiShNava\-upaniShadaH)

iti nArAyaNottaratApinIyopaniShat samApta |

##
Proofread by Kasturi navya sahiti

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}