% Text title            : nIlarudropaniShat with commentary
% File name             : nIlarudropaniShat.itx
% Category              : upanishhat, stotra, shiva
% Location              : doc\_upanishhat
% Author                : nArAyaNavirachitadIpikA
% Transliterated by     : Sunder Hattangadi
% Proofread by          : Sunder Hattangadi
% Source                : Unpublished Upanishads, Adyar Library Atharva Veda - Shaiva upanishad
% Latest update         : August 22, 2015
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. nIlarudropaniShat with commentary ..}##
\itxtitle{.. nIlarudropaniShat dIpikAsametA ..}##\endtitles ##
OM tatsadbrahmaNe namaH |
nArAyaNavirachitadIpikAsametA |

nIlarudropanipadi ShoDashyAM khaNDakatrayam ||
shrutirUpeNa taM devaM stautyapashyamiti kramAt || 1||
asparshayogamuktvA tatsampradAyapravartakaM paramaguruM
yogasiddhipradaM nIlarudraM stauti\-
OM apashyaM tvA.avarohantaM divitaH pR^ithivImavaH ||
apashyamasyantaM rudraM nIlagrIvaM shikhaNDinam ||
diva ugro.avArukShatpratyaShThAdbhUmyAmadhi ||
apashyamiti | divito divaH | pR^ithivIM bhUmimavo.avastAdavarohantaM
tvAmahamapashyamiti mantradraShTurvachaH |
asyantam | asu kShepaNe | kShipantaM duShTAn |
anenAvatAraprayojanamuktam | ayaM brahmaNaH putraH sanakAdiShu
sR^iShTimakurvatsu brahmaNaH krodhAdutpannaH kumAro ruroda
tenA.a.ashvAsya rudra iti nAma dattaM tata ekAdasha sthAnA\-
nyekAdasha nAmAnyekAdasha patnIshcha dadau tatsR^iShTAnAM
rudrANAmasa~NkhyAtatAM dR^iShTvA taM bhayAttapase nyayojayatsa bhuvi
tapashchachAretItihAsaH |
shikhaNDinam shikhaNDo barhachUDayoH iti vishvaH |
tayoranyataradasyAstIti shikhaNDI taM divaH sakAshAdugro
rudro.avArukShadavatIrNavAn | pratyaShThAt |
pratiShThAM sthitiM kR^itavAn | bhUmyAmadhi |
adhirIshvara ityadhiH karmapravachanIyaH |
yasmAdadhikaM yasya cheshvaravachanamiti saptamI |
bhUmerIshvara ityarthaH |
janAsaH pashyatemaM nIlagrIvaM vilohitam ||
eSha etyavIrahA rudro jalAsabheShajIH ||
vi te.akShemamanInashadvAtIkAro.apyetu te ||
janAsa | Ajjaserasuk | saMvodhane cheti prathamA | etyAgachChati |
na vIrahA.avIrahA saumyaH | yadvA.avIrANi pApAni hantyavIrahA |
etyA.a.agatya vIrAndaityAnhantIti vA | jala AsaH kShepo yAsAM tA
jalAsAshcha tA bheShajyashcha tA etItyanvayaH |
jalakShiptAnAmoShadhInAmama~NgalanAshakatvaM rudrasannidhAnAdeva |
yadvA samudramathanAvasare samudre kShiptAnAmoShadhInAmudbhUtaM
viShaM pAtumavatIrNatvAdevamuktam | te tava lokasyAkShemaM
vyanInashat | anena kShemakAritvamuktam | alabdhalAbho
yogastatkAritvamapyAha | vAtIkAra iti |
vAtiH prAptiH | aprAptaM prAptaM karotIti vAtIkAraH so.api te
tavApUrvalAbhakaro.apyetvAgachChatu |
yogakShemakaro.abhiShekajale sannihito bhavatvityarthaH |
mantrali~NgAdabhiSheke viniyogaH |
namaste bhava bhAmAya namaste bhava manyave ||
namaste astu vAhubhyAmutota iShave namaH ||
bhAmaH krodhaH | manyustatpUrvAvasthA | utApi |
uteShave bANarUpAya | astave | asu kShepaNe
tavenpratyayastumarthe | astu kSheptumityarthaH |
yAmiShuM girishanta haste bibharShyastave ||
shivAM giritra tAM kR^iNu mA hiMsIH puruShAnmama ||
kaM kSheptuM girishantaM shyati shyangIre
shyangirishyansambandhasAmAnye ShaShThyA samAsaH |
taM girishantam | ChAndaso yamalopaH |
yadvA kaMshambhMyA vabhayustitutayasaH | shamasyAsti shanto ##?? kaMshambhMyA##
giriNA shantaH sukhI parvatotpannatvAdiShoH |
he giritra girirakShaka tAM shivAM kalyANIM kuru |
shivena vachasA tvA girishAchChA vadAmasi |
yathA naH sarvamijjagadayakShmaM sumanA asat ||
yA ta iShuH shivatamA shivaM babhUva te dhanuH |
shivA sharavyA yA tava tayA no mR^iDa jIvase ||
achChA vadAmasi | achCha nirmalaM vadAmaH |
achChashabdasya nipAtasya cheti dIrghaH |
idanto masi | idanarthako nipAtaH | ayakShmaM nIrogam |
sumanAH sumanaskam | asadbhavet |
li~Narthe leT | tip | itashcha lopaH parasmaipadeShu |
leTo.aDATAvityaT | sharavyA sharasandhAtrI
jyA sharo dadhyagrabANayoH iti vishvaH | sharamarhati yat |
avsharasya chetyavAdeshaH | sharushabdAdvA siddham |
sharurAyudhakopayoH | ugavAdibhyo yat | jIvase jIvituM mR^iDa modaya |
yadvA he mR^iDa tayA tanvA no.asmA~njIvase jIvayasi |
yA te rudra shivA tanUraghorA pApakAshinI |
tayA nastanvA shantamayA girishantAbhichAkashat ||
asau yastAmro aruNa uta babhrurvilohitaH |
ye cheme abhito rudrA dikShu shritAH sahasrasho vaiShAM
heDa Imahe || 1||


shantamayA | atishayena shaM shantamA tayA | abhichAkashat |
kasherya~Nlu~NantAlleTti\- paT |
atishayena prakAshayatviti prArthanA |
babhrUH pi~Ngalo vaiShAM ha IDe stutaye | Imahe kAmayAmahe |
viShNupakSha AbhIrAH || 1||
adR^ishyaM tvA.avarohantaM nIlagrIvaM vilohitam ||
uta tvA gopA adR^ishannuta tvodahAryaH ||
uto tvA vishvA bhUtAni tasmai dR^iShTAya te namaH ||
gopA gopAlA adR^ishannapashyan | udahAryaH pAnIyahAriNyaH |
vishvA vishvAni bhUtAni | adR^ishan | yoginApyadR^ishyaM tvAM
kR^ipayA.a.avirbhavantamAdityavatprakAshamAnaM pAmarA api dadR^ishurityarthaH |
namo.astu nIlashikhaNDAya sahasrAkShAya vAjine ||
atho ye asya sattvAnastebhyo.ahamakaraM namaH ||
vAjine.annavate bANarUpAya vA | sIdanti sattvAno gaNAH |
namAMsi ta AyudhAyAnAtatAya dhR^iShNave |
ubhAbhyAmakaraM namo bAhubhyAM tava dhanvane ||
pramu~ncha dhanvanastvamubhayo rAj~norjyAm |
yAshcha te hasta iShavaH parA tA bhagavo vapa ||
namAMsi namaskArAH | nA.a.atatAyAnAtatAya |
dhR^iShNave pragalbhAya | bAhubhyAM kR^itvA dhanvane
namo.akaravamityarthaH | ubhayoraripratyaribhUtayo
rAj~nordhanvanorjyAM paripramu~nchAnAtatAM kuru |
rAj~norvigrahe lokAnAM klesho bhavati tatastaM shamayeti bhAvaH |
he bhagavo yAste hala iShavo bANAstAH parA vapa parA~NmukhAnmu~ncha |
tvamapi kopaM lokeShu mA kR^ithA iti bhAvaH |
indrarUpeNa jagadrakSheti prArthayate\-
avatatya dhanustvaM sahasrAkSha shateShudhe |
nishIrya shalyAnAM mukhA shivo naH shambhurAbhara ||
vijyaM dhanuH shikhaNDino vishalyo bANavA{\m+} uta |
aneshannasyeShavaH shivo asya niSha~NgatiH ||
avatatyeti | adhijyaM kR^itvA | sahasrAkSha shakrarUpa |
shatamiShudhayastUNA yaj~narUpA yasya tatsambodhanam |
nishIrya tIkShNIkR^itya mukhA mukhAni no.asmA~nshivaH kalyANarUpaH
shambhuH sukhahetuH sannAbhara dhAraya poShaya |
bANavAMstUNIro vishalyo.astu | shalyarahito bhavatu | vairiShu hateShu
tatprayojanAbhAvAt | aneshannadR^ibhyA abhUvan |
nashimanyoraliTyetvamiti vArtikena lu~Ni puShAdya~Nyetvam |
niSha~NgatiH | niSha~NgaH |

pari te dhanvano hetirasmAnvR^iNaktu vishvataH |
atho ya iShudhistavAre asminnidhehi tam ||
yA te hetirmIDhuShTama haste babhUva te dhanuH |
tayA tvaM vishvato asmAnayakShmayA paribhuja ||
vishvataH sarvato.asmAnparivR^iNaktu parivR^itya rakShatu |
are sambodhane | atho pashchAdrakShaNAnantaraM
yastaveShudhirasminniShudhau tAM hetiM bANaM nidhehi sthApaya |
he mIDhuShTama mIDhavattametyarthaH | sechakatama |
ayakShmayA sajjayA tayA hetyA paribhuja paripAlaya |
namo.astu sarpebhyo ye ke cha pR^ithivImanu |
ye antarikShe ye divi tebhyaH sarpebhyo namaH ||
ye chAmI rochane divi ye cha sUryasya rashmiShu |
yeShAmapsu sadaskR^itaM tebhyaH sarpebhyo namaH ||
yA iShavo yAtudhAnAnAM ye vA vanaspatInAm |
ye vA.avaTeShu sherate tebhyaH sarpebhyo namaH || 2||
sadaskR^itaM gR^ihaM kR^itam | yAtudhAnAnAM rakShasAM
vanaspatInAM cheShavaH sarpAste hi janAndashanti |
avaTeShu garteShu || 2||
kedArAdhIshamahiShasvarUpaM stauti\-
yaH svajanAnnIlagrIvo yaH svajanA{\m+} hariruta |
kalmAShapuchChamoShadhe jambhayA.a.ashvarundhati ||
ya iti | yaH shivaH svajanAnbhaktAnprati nIlagrIvaH |
yashcha svajanAnbhaktAnprati harirharitavarNo bhaktavatsalo na bhavati |
mahiShasya hi tAdR^igrUpaM sambhavati |
yadvA nIlagrIvo rudro harirvipNushcha bhavati |
anena hariharayorekarUpatoktA | he oShadhe | arundhati rodharahite
taM kalmAShapuchChaM kR^iShNapANDurapuchCham |
Ashu shIghraM jambhaya svavIryeNa vIryavantaM kuruShe |
auShadhInAM pashubhyo balapradatvAt |
kalmASho rAkShase kR^iShNe kalmAShaH kR^iShNapANDure iti vishvaH |
kedAreshvarasya mahiSharUpatvAtpuchChavattA sambhavati |
babhrushcha babhrukarNashchanIlAgalashIlAH shivaH |
pashya sarveNa nIlashikhaNDena bhavena marutAM pitA ||
virUpAkSheNa babhruNA vAchaM vadiShyato hataH |
sarvanIlashikhaNDena vIra karmaNi karmaNi ||


babhruH kvachidavayave pi~NgalavarNaH |
babhrukarNaH pi~NgalavarNakarNaH | nIlAgalashIlAH shiva ityatra
nIlagrIvashcha yaH shiva iti pATho yuktaH | piteti |
tR^itIyArthe prathamA pitretyarthaH | atha vAchaM vadiShyataH pitA
dehimAtrasya janako brahmA yeneshvareNa hatastaM tvaM pashyetyanvayaH |
he vIra karmaNi karmaNi vihitaniShiddharUpe |
imAmasya prAshaM jahi yenedaM vibhajAmahe |
namo bhavAya namaH sharvAya namaH kumArAya shatrave ||
namo nIlashikhaNDAya namaH sabhAprapAdine ||
imAmasya janasya | prAshaM pR^ichChatIti prATtAM prAshaM
prachChikAM vAcham | jahi vedavihitaM
niShiddhakarmaviShayaM saMshayaM nirAkurvityarthaH |
yena karmaNedaM jagadvibhajAmahe karmabhUmibhogabhUmirUpeNa
vibhaktaM kurmahe | kumArAya kAlAnabhibhUtAya skandarUpAya vA |
shatrave saMhartre | sabhAprapAdine
sabhAM prapadyate tachChIla sabhAprapAdI tasmai sabhyAyetyarthaH |
yasya harI ashvatarau gardabhAvabhitaHsarau |
tasmai nIlashikhaNDAya namaH sabhAprapAdine
namaH sabhAprapAdina iti || 3||
ityatharvavede nIlarudropaniShatsamAptA || 18||
ashvatarau IShadUnamashvatvaM yayostAvashvatarau gardabhAdashvAyAM
jAtau | abhitaHsarAvabhitaH sarata ityabhitaHsarau gardabhau vartete |
yathA puruShottamakShetrasya nIlamAdhavo.adhiShThAtaivaM
kedArakShetrasya nIlarudraH | dviruktiH samAptyarthA || 3||
nArAyaNena rachitA shrutimAtropajIvinA |
aspaShTapadavAkyAnAM nIlarudrasya dIpikA || 1||
iti nArAyaNavirachitA nIlarudropaniShaddIpikA samAptA || 24||

##
Encoded and proofread by Sunder Hattangadi

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}