% Text title            : nRRisiMhaShaTchakropaniShat
% File name             : nRRisiMhaShaTchakropaniShat.itx
% Category              : upanishhat, vishhnu, upanishad, dashAvatAra
% Location              : doc\_upanishhat
% Proofread by          : Kasturi navya sahiti kasturinsahiti at gmail.com
% Description-comments  : aprakAshitA upaniShadaH
% Latest update         : October 29, 2020
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Nrisimhashatchakra Upanishad ..}##
\itxtitle{.. nR^isiMhaShaTchakropaniShat ..}##\endtitles ##
OM devA ha vai satyaM lokamAyaMstaM prajApatimapR^ichChannArasiMhachakranno
brUhIti | tAnprajApatirnArasiMhachakramavochat | ShaDvai nArasiMhAni
chakrANi bhavanti | yat prathamaM tachchaturaraM yadvitIyaM tachchaturaraM
yattR^itIyaM tadaShTAraM yachchaturthaM tatpa~nchAraM yatpa~nchamaM
tatpa~nchAraM yat ShaShThaM tadaShTAraM tadetAti ShaDeva nArasiMhAni
chakrANi bhavanti ||

atha kAni nAmAni bhavanti | yat prathamaM tadAchakraM
yadvitIyaM tatsuchakraM yattR^itIyaM tanmahAchakraM yachchaturthaM
tatsakalalokarakShaNachakraM yatpa~nchamaM taddyUtachakraM yadvai ShaShThaM
tadasurAntakachakraM tadetAni ShaDeva nArasiMhachakranAmAni bhavanti ||

atha kAni trINi valayAni bhavanti | yatprathamaM tadAntaravalayaM bhavati |
yaddditIyaM tanmadhyamaM valayaM bhavati | yat tR^itIyaM tadbAhyaM valayaM
bhavati | tadetAni trINyeva valayAni bhavanti | yadA tadvaitadbIjaM
yanmadhyamaM tAM nArasiMhagAyatrIM yadbAhyaM tanmantraH ||

atha kimAntaraM valayam | ShaDvAntarANi valayAni bhavanti | yannArasiMhaM
tatprathamasya yanmAhAlakShmyaM tadvitIyasya yatsArasvataM tattR^itIyasya
yasya yatkAmaM devaM tachchaturthasya yat praNavaM tatpa~nchamasya
yatkrodhadaivataM tat ShaShThasya | tadetAni ShaNNAM nArasiMhachakrANAM
ShaDAntarANi valayAni bhavanti ||

atha kiM madhyamaM valayam | ShaDvai madhyamAni valayAni bhavanti |
yannArasiMhAya tatprathamasya yadvidmahe taddvitIyasya yadvajranakhAya
tattR^itIyasya yaddhImahi tachchaturthasya yattannastatpa~nchamasya
yatsiMhaH prachodayAditi tat ShaShThasya | tadetAni ShaNNAM
nArasiMhachakrANAM ShaNmadhyamAni valayAni bhavanti ||

atha kiM bAhyaM valayam | ShaDvai bAhyAni valayAni bhavanti |
yadAchakraM yadAtmA tatprathamasya yatsuchakraM yatpriyAtmA taddvitIyasya
yanmahAchakraM yajjyotirAtmA tattR^itIyasya yatsakalalokarakShaNachakraM
yanmAyAtmA tachchaturthasya yadAchakraM yadyogAtmA tatpa~nchamasya
yadasurAntakachakraM yatsatyAtmA tat ShaShThasya | tadetAni ShaNNAM
nArasiMhachakrANAM ShaT bAhyAni valayAni bhavanti ||

kvaitAni nyasyAni | yatprathamaM taddhR^idaye yaddvitIyaM tachChirasi
yattR^itIyaM tachChikhAyAM yachchaturthaM tatsarveShva~NgeShu
yatpa~nchamaM tatsarveShu (?) yat ShaShThaM tatsarveShu desheShu |
ya etAni nArasiMhAni chakrANyeteShva~NgeShu bibhR^iyAt tasyAnuShTup
sidhyati | taM bhagavAn nR^isiMhaH prasIdati | tasya kaivalyaM sidhyati |
tasya sarve lokAH sidhyanti | tasya sarve janAH sidhyanti | tasmAdetAni
ShaNNAM nArasiMhachakrANya~NgeShu nyasyAni bhavanti | pavitraM cha etattasya
nyasanam | nyasanAnnR^isiMhAnandI bhavati | karmaNyo bhavati | brahmaNyo
bhavati | anyasanAnna nR^isiMhAnandI bhavati | na karmaNyo bhavati |
tasmAdetatpavitraM tasya nyasanam ||

yo vA etaM nArasiMhaM chakramadhIte sa sarveShu vedeShvadhIto bhavati |
sa sarveShu yaj~neShu yAjako bhavati | sa sarveShu tIrtheShu snAto bhavati |
sa sarveShu mantreShu siddho bhavati | sa sarvatra shuddho bhavati |
sa sarvarakSho bhavati | bhUtapishAchashAkinIpretavantAkanAshako bhavati |
sa nirbhayo bhavati | tadetannAshraddadhAnAya prabrUyAttadetannAshraddadhAnAya
prabrUyAditi ||
(vaiShNava\-upaniShadaH)

ityAtharvaNIye nR^isiMhaShaTchakropaniShat samAptA |

##
Proofread by Kasturi navya sahiti

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}