% Text title            : Nadabindu Upanishad
% File name             : nadabindu.itx
% Category              : upanishhat
% Location              : doc\_upanishhat
% Author                : Vedic Tradition
% Transliterated by     : Sunder Hattangadi
% Proofread by          : Sunder Hattangadi
% Description-comments  : 38/108; Rig Veda, Yoga Upanishad
% Latest update         : July, 3, 1999, February 3, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Nadabindu Upanishad ..}##
\itxtitle{.. nAdabindUpaniShat ..}##\endtitles ##
(R^igvedIya yogopaniShat)

vairAjAtmopAsanayA sa~njAtaj~nAnavahninA |
dagdhvA karmatrayaM yogI yatpadaM yAti tadbhaje ||

OM vA~Nme manasi pratiShThitA | mano me vAchi pratiShTitam |
    AvirAvIrma edhi | vedasya mA ANIsthaH | shrutaM me mA prahAsIH |
    anenAdhItenAhorAtrAnsandadhAmi |
    R^itaM vadiShyAmi | satyaM vadiShyAmi |
    tanmAmavatu | tadvaktAramavatu |
    avatu mAmavatu vaktAram ||
OM shAntiH shAntiH shAntiH ||

OM akAro dakShiNaH pakSha ukArastUttaraH smR^itaH |
makAraM puchChamityAhurardhamAtrA tu mastakam || 1||
pAdAdikaM guNAstasya sharIraM tattvamuchyate |
dharmo.asya dakShiNashchakShuradharmo yo.aparaH smR^itaH || 2||
bhUrlokaH pAdayostasya bhuvarlokastu jAnuni |
suvarlokaH kaTIdeshe nAbhideshe maharjagat || 3||
janolokastu hR^iddeshe kaNThe lokastapastataH |
bhruvorlalATamadhye tu satyaloko vyavasthitaH || 4||
sahasrArNamatIvAtra mantra eSha pradarshitaH |
evametAM samArUDho ha.nsayogavichakShaNaH || 5||
na bhidyate karmachAraiH pApakoTishatairapi |
AgneyI prathamA mAtrA vAyavyeShA tathAparA || 6||
bhAnumaNDalasa.nkAshA bhavenmAtrA tathottarA |
paramA chArdhamAtrA yA vAruNIM tAM vidurbudhAH || 7||
kAlatraye.api yatremA mAtrA nUnaM pratiShThitAH |
eSha o~NkAra AkhyAto dhAraNAbhirnibodhata || 8||
ghoShiNI prathamA mAtrA vidyunmAtrA tathA.aparA |
pata~NginI tR^itIyA syAchchaturthI vAyuveginI || 9||
pa~nchamI nAmadheyA tu ShaShThI chaindryabhidhIyate |
saptamI vaiShNavI nAma aShTamI shA~NkarIti cha || 10||
navamI mahatI nAma dhR^itistu dashamI matA |
ekAdashI bhavennArI brAhmI tu dvAdashI parA || 11||
prathamAyAM tu mAtrAyAM yadi prANairviyujyate |
bharate varSharAjAsau sArvabhaumaH prajAyate || 12||
dvitIyAyAM samutkrAnto bhavedyakSho mahAtmavAn |
vidyAdharastR^itIyAyAM gAndharvastu chaturthikA || 13||
pa~nchamyAmatha mAtrAyAM yadi prANairviyujyate |
uShitaH saha devatvaM somaloke mahIyate || 14||
ShaShThyAmindrasya sAyujyaM saptamyAM vaiShNavaM padam |
aShTamyAM vrajate rudraM pashUnAM cha patiM tathA || 15||
navamyAM tu maharlokaM dashamyAM tu janaM vrajet |
ekAdashyAM tapolokaM dvAdashyAM brahma shAshvatam || 16||
tataH parataraM shuddhaM vyApakaM nirmalaM shivam |
sadoditaM paraM brahma jyotiShAmudayo yataH || 17||
atIndriyaM guNAtItaM mano lInaM yadA bhavet |
anUpamaM shivaM shAntaM yogayuktaM sadA vishet || 18||
tadyuktastanmayo jantuH shanairmu~nchetkalevaram |
sa.nsthito yogachAreNa sarvasa~NgavivarjitaH || 19||
tato vilInapAsho.asau vimalaH kamalAprabhuH |
tenaiva brahmabhAvena paramAnandamashnute || 20||
AtmAnaM satataM j~nAtvA kAlaM naya mahAmate |
prArabdhamakhilaM bhu~njannodvegaM kartumarhasi || 21||
utpanne tattvavij~nAne prArabdhaM naiva mu~nchati |
tattvaj~nAnodayAdUrdhvaM prArabdhaM naiva vidyate || 22||
dehAdInAmasattvAttu yathA svapno vibodhataH |
karma janmAntarIyaM yatprArabdhamiti kIrtitam || 23||
tattu janmAntarAbhAvAtpu.nso naivAsti karhichit |
svapnadeho yathAdhyastastathaivAyaM hi dehakaH || 24||
adhyastasya kuto janma janmAbhAve kutaH sthitiH |
upAdAnaM prapa~nchasya mR^idbhANDasyeva pashyati || 25||
aj~nAnaM cheti vedAntaistasminnaShTe kva vishvatA |
yathA rajjuM parityajya sarpaM gR^ihNAti vai bhramAt || 26||
tadvatsatyamavij~nAya jagatpashyati mUDhadhIH |
rajjukhaNDe parij~nAte sarparUpaM na tiShThati || 27||
adhiShThAne tathA j~nAte prapa~nche shUnyatAM gate |
dehasyApi prapa~nchatvAtprArabdhAvasthitiH kR^itaH || 28||
aj~nAnajanabodhArthaM prArabdhamiti chochyate |
tataH kAlavashAdeva prArabdhe tu kShayaM gate || 29||
brahmapraNavasandhAnaM nAdo jyotirmayaH shivaH |
svayamAvirbhavedAtmA meghApAye.n.ashumAniva || 30||
siddhAsane sthito yogI mudrAM sandhAya vaiShNavIm |
shR^iNuyAddakShiNe karNe nAdamantargataM sadA || 31||
abhyasyamAno nAdo.ayaM bAhyamAvR^iNute dhvanim |
pakShAdvipakShamakhilaM jitvA turyapadaM vrajet || 32||
shrUyate prathamAbhyAse nAdo nAnAvidho mahAn |
vardhamAnastathAbhyAse shrUyate sUkShmasUkShmataH || 33||
Adau jaladhijImUtabherInirjharasambhavaH |
madhye mardalashabdAbho ghaNTAkAhalajastathA || 34||
ante tu ki~NkiNIva.nshavINAbhramaraniHsvanaH |
iti nAnAvidhA nAdAH shrUyante sUkShmasUkShmataH || 35||
mahati shrUyamANe tu mahAbheryAdikadhvanau |
tatra sUkShmaM sUkShmataraM nAdameva parAmR^ishet || 36||
ghanamutsR^ijya vA sUkShme sUkShmamutsR^ijya vA ghane |
ramamANamapi kShiptaM mano nAnyatra chAlayet || 37||
yatra kutrApi vA nAde lagati prathamaM manaH |
tatra tatra sthirIbhUtvA tena sArdhaM vilIyate || 38||
vismR^itya sakalaM bAhyaM nAde dugdhAmbuvanmanaH |
ekIbhUyAtha sahasA chidAkAshe vilIyate || 39||
udAsInastato bhUtvA sadAbhyAsena sa.nyamI |
unmanIkArakaM sadyo nAdamevAvadhArayet || 40||
sarvachintAM samutsR^ijya sarvacheShTAvivarjitaH |
nAdamevAnusa.ndadhyAnnAde chittaM vilIyate || 41||
makarandaM pibanbhR^i~Ngo gandhAnnApekShate tathA |
nAdAsaktaM sadA chittaM viShayaM na hi kA~NkShati || 42||
baddhaH sunAdagandhena sadyaH sa.ntyaktachApalaH |
nAdagrahaNatashchittamantara~Ngabhuja~NgamaH || 43||
vismR^itya vishvamekAgraH kutrachinna hi dhAvati |
manomattagajendrasya viShayodyAnachAriNaH || 44||
niyAmanasamartho.ayaM ninAdo nishitA~NkushaH |
nAdo.antara~NgasAra~Ngabandhane vAgurAyate || 45||
antara~Ngasamudrasya rodhe velAyate.api cha |
brahmapraNavasa.nlagnanAdo jyotirmayAtmakaH || 46||
manastatra layaM yAti tadviShNoH paramaM padam |
tAvadAkAshasa~Nkalpo yAvachChabdaH pravatate || 47||
niHshabdaM tatparaM brahma paramAtmA samIryate |
nAdo yAvanmanastAvannAdAnte.api manonmanI || 48||
sashabdashchAkShare kShINe niHshabdaM paramaM padam |
sadA nAdAnusandhAnAtsa.nkShINA vAsanA bhavet || 49||
nira~njane vilIyete manovAyU na sa.nshayaH |
nAdakoTisahasrANi bindukoTishatAni cha || 50||
sarve tatra layaM yAnti brahmapraNavanAdake |
sarvAvasthAvinirmuktaH sarvachintAvivarjitaH || 51||
mR^itavattiShThate yogI sa mukto nAtra sa.nshayaH |
sha~NkhadundubhinAdaM cha na shruNoti kadAchana || 52||
kAShThavajj~nAyate deha unmanyAvasthayA dhruvam |
na jAnAti sa shItoShNaM na duHkhaM na sukhaM tathA || 53||
na mAnaM nAvamAnaM cha sa.ntyaktvA tu samAdhinA |
avasthAtrayamanveti na chittaM yoginaH sadA || 54||
jAgrannidrAvinirmuktaH svarUpAvasthatAmiyAt || 55||
dR^iShTiH sthirA yasya vinA sadR^ishyaM
       vAyuH sthiro yasya vinA prayatnam |
chittaM sthiraM yasya vinAvalambaM
       sa brahmatArAntaranAdarUpaH || 56||
ityupaniShat ||

OM vA~Nme manasi pratiShThitA | mano me vAchi pratiShTitam |
    AvirAvIrma edhi | vedasya mA ANIsthaH | shrutaM me mA prahAsIH |
    anenAdhItenAhorAtrAnsandadhAmi |
    R^itaM vadiShyAmi | satyaM vadiShyAmi |
    tanmAmavatu | tadvaktAramavatu |
    avatu mAmavatu vaktAram ||
OM shAntiH shAntiH shAntiH ||

iti nAdabindUpaniShatsamAptA ||
##




Encoded by Sunder Hattangadi

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}