% Text title            : Niralamba Upanishad
% File name             : niralamba.itx
% Category              : upanishhat
% Location              : doc\_upanishhat
% Author                : Vedic tradiotion
% Transliterated by     : Sunder Hattangadi
% Proofread by          : Sunder Hattangadi
% Description-comments  : 34/108; Shukla Yajurveda Samanya upanishad.
% Latest update         : Jan. 13, 2000
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Niralamba Upanishad ..}##
\itxtitle{.. nirAlambopaniShat ..}##\endtitles ##

yatrAlambAlambibhAvo vidyate na kadAchana .
j~navij~nasamyagj~nAlamba.n nirAlamba.n hariM bhaje ..
AUM pUrNamadaH pUrNamidaM pUrNAtpUrNamudachyate .
pUrNasya pUrNamAdAya pUrNamevAvashiShyate ..
AUM shAntiH shAntiH shAntiH ..
AUM namaH shivAya gurave sachchidAnanda mUrtaye .
niShprapa~nchAya shAntAya nirAlambAya tejase ..
nirAlamba.n samAshritya sAlamba.n vijahAti yaH .
sa sa.nnyAsI cha yogI cha kaivalya.n padamashnute .
eShamaj~nAnajantUnA.n samastAriShTashAntaye .
yadyadboddhavyamakhila.n tadAsha~Nkya bravImyaham.h ..
kiM brahma . ka IshvaraH . ko jIvaH . kA prakR^itiH .
kaH paramAtmA . ko brahmA . ko viShNuH . ko rudraH .
ka indraH . kaH shamanaH . kaH sUryaH . kashchandraH .
ke surAH . ke asurAH . ke pishAchAH . ke manuShyAH .
kAH striyaH . ke pashvAdayaH . ki.n sthAvaram.h .
ke brAhmaNAdayaH . kA jAtiH . ki.n karma . kimakarma .
ki.n j~nAnam.h . kimaj~nAnam.h . ki.n sukham.h . ki.n duHkham.h .
kaH svargaH . ko narakaH . ko bandhaH . ko mokShaH .
ka upAsyaH . kaH shiShyaH . ko vidvAn.h . ko mUDhaH .
kimAsuram.h . ki.n tapaH . kiM paramaM padam.h .
ki.n grAhyam.h . kimagrAhyam.h . kaH sa.nnyAsItyAhasha~NkyAha
brahmeti . sa hovAcha mahadaha~NkArapR^ithivyaptejovAyvAkAshatvena
bR^ihadrUpeNANDakoshena karmaj~nAnArtharUpatayA
bhAsamAnamadvitIyamakhilopAdhivinirmukta.n
tatsakalashaktyupabR^i.nhitamanAdyananta.n
shuddha.n shiva.n shAnta.n nirguNamityAdi\-
vAchyamanirvAchya.n chaitanyaM brahma .. Ishvara iti cha ..
brahmaiva svashaktiM prakR^ityabhidheyAmAshritya
lokAnsR^iShTvA pravishyAntaryAmitvena brahmAdInAM
buddhIndriyaniyantR^itvAdIshvaraH .. jIva iti cha
brahmaviShNvIshAnendrAdInA.n nAmarUpadvArA
sthUlo.ahamiti mithyAdhyAsavashAjjIvaH .so.ahameko.api
dehArambhakabhedavashAdbahujIvaH . prakR^itiriti cha
brahmaNaH sakAshAnnAnAvichitrajagannirmANa\-
sAmArthyabuddhirUpA brahmashaktireva prakR^itiH .
paramAtmeti cha dehAdeH parataratvadbrAhmaiva  paramAtmA
sa brahmA sa viShNuH sa indraH sa shamanaH sa sUryaH
sa chandraste surAste asurAste pishAchAste manuShyAstAH
striyaste pashvAdayastatsthAvara.n te brAhmaNAdayaH .
sarva.n khalvidaM brahma neha nAnAsti ki~nchana . jAtiriti cha .
na charmaNo na raktasya na mA.nsasya na chAsthinaH .
na jAtirAtmano jAtirvyavahAraprakalpitA . karmeti cha
kriyamANendriyaiH karmaNyaha.n karomItyadhyAtmaniShThatayA
kR^ita.n karmaiva karma . akarmeti cha kartR^itvabhoktR^itvA\-
dyaha~NkAratayA bandharUpa.n janmAdikAraNa.n
nityanaimittikayAgavratatapodAnAdiShu phalAbhisandhAna.n
yattadakarma .
j~nAnamiti cha dehendriyanigrahasadgurUpAsana\-
shravaNamanananididhyAsanairyadyadR^igdR^ishyasvarUpa.n
sarvAntarastha.n sarvasama.n ghaTapaTAdipadArtha\-
mivAvikAra.n vikAreShu chaitanya.n vinA ki~nchinnAstIti
sAkShAtkArAnubhavo j~nAnam.h . aj~nAnamiti cha
rajjau sarpabhrAntirivAdvitIye sarvAnusyUte sarvamaye
brahmaNi devatirya~NnarasthAvarastrIpuruShavarNAshrama\-
bandhamokShopAdhinAnAtmabhedakalpita j~nAnamaj~nAnam.h .
sukhamiti cha sachchidAnandasvarUpa.n j~nAtvAnandarUpA
yA sthitiH saiva sukham.h . duHkhamiti anAtmarUpaH
viShayasa~Nkalpa eva duHkham.h . svarga iti cha satsa.nsargaH
svargaH . naraka iti cha asatsa.nsAraviShayajanasa.nsarga eva
narakaH . bandha iti cha anAdyavidyAvAsanayA jAto.ahami\-
tyAdisa~Nkalpo bandhaH . pitR^imAtR^isahodaradArApatya\-
gR^ihArAmakShetramamatA sa.nsArAvaraNasa~Nkalpo bandhaH .
kartR^itvAdyaha~NkArasa~Nkalpo bandhaH . aNimAdyaShTaishva\-
ryAshAsiddhasa~Nkalpo bandhaH . devamanuShyAdyupAsanA\-
kAmasa~Nkalpo bandhaH . yamAdyaShTA~Ngayogasa~Nkalpo
bandhaH . varNAshramadharmakarmasa~Nkalpo bandhaH .
Aj~nAbhayasa.nshayAtmaguNasa~Nkalpo bandhaH . yAgavrata\-
tapodAnavidhividhAnaj~nAnasambhavo bandhaH . kevalamokShA\-
pekShAsa~Nkalpo bandhaH . sa~NkalpamAtrasaMbhavo bandhaH .
mokSha iti cha nityAnityavastuvichArAdanityasa.nsArasukha\-
duHkhaviShayasamastakShetramamatAbandhakShayo mokShaH .
upAsya iti cha sarvasharIrasthachaitanyabrahmaprApako gururupAsyaH .
shiShya iti cha vidyAdhvastaprapa~nchAvagAhitaj~nAnAvashiShTaM
brahmaiva shiShyaH . vidvAniti cha sarvAntarasthasvasa.nvidrUpavi\-
dvidvAn.h . mUDha iti cha kartR^itvAdyaha~NkArabhAvArUDho mUDhaH .
Asuramiti cha brahmaviShNvIshAnendrAdInA\-
maishvaryakAmanayA nirashanajapAgnihotrAdi\-
ShvantarAtmAna.n santApayati chAtyugrarAga\-
dveShavihi.nsA dambhAdyapekShita.n tapa Asuram.h .
tapa iti cha brahma satya.n jaganmithyetyaparokSha\-
j~nAnAgninA brahmAdyaishvaryAshAsiddhasa~Nkalpa\-
bIjasantApa.n tapaH . paramaM padamiti cha
prANendriyAdyantaHkaraNaguNAdeH paratara.n
sachchidAnandamaya.n nityamuktabrahmasthAnaM
paramaM padam.h . grAhyamiti cha deshakAlavastu\-
parichChedarAhityachinmAtrasvarUpa.n grAhyam.h .
agrAhyamiti cha svasvarUpavyatiriktamAyAmaya\-
buddhIndriyagocharajagatsatyatvachintanamagrAhyam.h .
sa.nnyAsIti cha sarvadharmAnparityajya nirmamo
niraha~NkAro bhUtvA brahmeShTa.n sharaNamupagamya
tattvamasi ahaM brahmAsmi sarva.n khalvidaM brahma
neha nAnAsti ki~nchanetyAdimahAvAkyArthA\-
nubhavaj~nAnAdbrahmaivAhamasmIti nishchitya
nirvikalpasamAdhinA svatantro yatishcharati sa sa.nnyAsI
sa muktaH sa pUjyaH sa yogI sa paramaha.nsaH so.avadhUtaH
sa brAhmaNa iti . ida.n nirAlambopaniShada.n yo.adhIte
gurvanugrahataH so.agnipUto bhavati sa vAyupUto bhavati
na sa punarAvartate na sa punarAvartate punarnAbhijAyate
punarnAbhijAyata ityupaniShat.h ..
AUM pUrNamadaH pUrNamidaM pUrNAtpUrNamudachyate .
pUrNasya pUrNamAdAya pUrNamevAvashiShyate ..
AUM shAntiH shAntiH shAntiH ..
iti nirAlambopaniShatsamAptA ..
##
Encoded by Sunder Hattangadi

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}