% Text title : Paramahansa-Parivrajaka Upanishad % File name : parama.itx % Category : upaniShat % Location : doc\_upanishhat % Author : Vedic tradition % Language : Sanskrit % Subject : philosophy/hinduism/religion % Transliterated by : Sunder Hattangadi (sunderh at hotmail.com) % Proofread by : Sunder Hattangadi (sunderh at hotmail.com) % Description-comments : 66 / 108; Atharva Veda - sanyasa upanishad % Latest update : July 27, 2000 % Send corrections to : Sanskrit@cheerful.com % Site access : https://sanskritdocuments.org % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Paramahansa-Parivrajaka Upanishad ..}## \itxtitle{.. paramaha.nsaparivrAjakopaniShat ..}##\endtitles ## \section{.. paramaha.nsaparivrAjakopaniShat ..} pArivrAjyadharmavanto yajj~nAnAdbrahmatA.n yayuH . tadbrahma praNavaikArtha.n turyaturya.n hariM bhaje .. AUM bhadra.n karNebhiH shR^iNuyAma devAH .. bhadraM pashyemAkShabhiryajatrAH .. sthiraira~NgaistuShTuvA{\m+}sastanUbhiH .. vyashema devahita.n yadAyuH .. svasti na indro vR^iddhashravAH .. svasti naH pUShA vishvavedAH .. svasti nastArkShyo ariShTanemiH .. svasti no bR^ihaspatirdadhAtu .. AUM shAntiH shAntiH shAntiH .. hariH AUM atha pitAmahaH svapitaramAdinArAyaNamupasametya praNamya paprachCha bhagava.nstvanmukhAdvarNAshramadharmakrama.n sarva.n shruta.n viditamavagatam.h . idAnIM paramaha.nsaparivrAjakalakShaNa.n viditumichChAmi kaH parivrajanAdhikArI kIdR^ishaM parivrAjakalakShaNa.n kaH paramaha.nsaH parivrAjakatva.n katha.n tatsarvaM me brUhIti . sa hovAcha bhagavAnAdinArAyaNaH . sadgurusamIpe sakalavidyAparishramaj~no bhUtvA vidvAnsarvamaihikAmuShmikasukhashrama.n j~nAtvaiShaNAtraya\- vAsanAtrayamamatvAha~NkArAdika.n vamanAnnamiva heyamadhigamya mokShamArgaikasAdhano brahmacharya.n samApya gR^ihI bhavet.h . grAmAchChrotriyAgArAdagnimAhR^itya svavidhyuktakrameNa pUrvavadagnimAjighret.h . yadyAturo vAgni.n na vindedapsu juhuyAt.h . Apo vai sarvA devatAH sarvAbhyo devatAbhyo juhomi svAheti hutvodhR^itya prAshnIyAt sAjya.n haviranAmayam.h . eSha vidhirvIrAdhvAne vA.anAshake vA sampraveshe vAgnipraveshe vA mahAprasthAne vA . yadyAturaH syAnmanasA vAchA sa.nnyasedeSha panthAH . svasthakrameNaiva chedAtmashrAddha.n virajAhoma.n kR^itvAgnimAtmanyAropya laukikavaidikasAmarthya.n svachaturdasha\- karaNapravR^itti.n cha putre samAropya tadabhAve shiShye vA tadabhAve svAtmanyeva vA brahmAtva.n yaj~nastvamityabhimantrya brahmabhAvanayA dhyAtvA sAvitrIpraveshapUrvakamapsu sarvavidyArthasvarUpAM brAhmaNyAdhArA.n vedamAtara.n kramAdvyAhR^itiShu triShu pravilApya vyAhR^ititrayamakArokAramakAreShu pravilApya tatsAvadhAnenApaH prAshya praNavena shikhAmutkR^iShya yaj~nopavIta.n ChittvA vastramapi bhUmau vApsu vA visR^ijya AUM bhUH svAhA AUM bhuvaH svAhA AUM suvaH svAhetyanena jAtarUpadharo bhUtvA sva.n rUpa.n dhyAyanpunaH pR^ithak praNavavyAhR^itipUrvakaM manasA vachasApi sa.nnyastaM mayA sa.nnyastaM mayA sa.nnyastaM mayeti mandramadhyamatAradhvanibhistrivAra.n triguNIkR^ita\- preShochchAraNa.n kR^itvA praNavaikadhyAnaparAyaNaH sannabhaya.n sarvabhUtebhyo mattaH svAhetyUrdhvabAhurbhUtvA brahmAhamasmIti tattvamasyAdivAkyArtha\- svarUpAnusandhAna.n kurvannudIchi.n disha.n gachChet.h . jAtarUpadharashcharet.h . eSha sa.nnyAsaH . tadadhikArI na bhavedyadi gR^ihasthaprArthanApUrvakamabhaya.n sarvabhUtebhyo mattaH sarvaM pravartate sakhA mA gopAyaujaH sakhA yo.asIndrasya vajro.asi vArtraghnaH sharma me bhava yatpApa.n tannivArayetyanena mantreNa praNavapUrvaka.n salakShaNa.n vaiNava.n daNDa.n kaTisUtra.n kaupIna.n kamaNDalu.n vivarNavastramekaM parigR^ihya sadgurumupagamya natvA gurumukhAttattvamasIti mahAvAkyaM praNavapUrvakamupalabhyAtha jIrNavalkalAjina.n dhR^itvAtha jalAvataraNamUrdhvagamanamekabhikShAM parityajya trikAlasnAnamAcharanvedAntashravaNapUrvakaM praNavAnuShThAna.n kurvanbrahmamArge samyak sampannaH svAbhimatamAtmani gopayitvA nirmamo.adhyAtmaniShThaH kAmakrodhalobhamohamadamAtsaryadambha\- darpAh~NkArAsUyAgarvechChAdveShaharShAmarShamamatvAdI.nshcha hitvA j~nAnavairAgyayukto vittastrIparA~NmukhaH shuddhamAnasaH sarvopaniShadarthamAlochya brahmacharyAparigrahAhi.nsAsatya.n yatnena rakSha~njitendriyo bahirantaHsnehavarjitaH sharIrasa.ndhAraNArtha.n vA triShu varNeShvabhishastapatitavarjiteShu pashuradrohI bhaikShamANo brahmabhUyAya bhavati . sarveShu kAleShu lAbhAlAbhau samau kR^itvA parapAtramAdhUkare\- NAnnamashnanmedovR^iddhimakurvankR^ishIbhUtvA brahmAhamasmIti bhAvayangurvartha.n grAmamupetya dhruvashIlo.aShTau mAsyekAkI charedvAvevAcharet.h . yadAlaMbuddhirbhavettadA kuTIchako vA bahUdako vA ha.nso vA paramaha.nso vA tattanmantrapUrvaka.n kaTisUtra.n kaupIna.n daNDa.n kamaNDalu.n sarvamapsu visR^ijyAtha jAtarUpadharashcharet.h . grAma ekarAtra.n tIrthe trirAtra.n patane pa~ncharAtra.n kShetre saptarAtra\- maniketaH sthiramatiranagnisevI nirvikAro niyamAniyamamutsR^ijya prANasa.ndhAraNArthamayameva lAbhAlAbhau samau kR^itvA govR^ittyA bhaikShyamAcharannudakasthalakamaNDalurabAdhakarahasyasthalavAso na punarlAbhAlAbharataH shubhAshubhakarmanirmUlanaparaH sarvatra bhUtalashayanaH kShaurakarmaparityakto yuktachAturmAsyavrataniyamaH shukladhyAnaparAyaNo.arthastrIpuraparA~Nmukho.anunmattoo.apyunmattava\- dAcharannavyaktali~Ngo.avyaktAchAro divAnaktasamatvenAsvapnaH svarUpAnusandhAnabrahmapraNavadhyAnamArgeNAvahitaH sa.nnyAsena dehatyAga.n karoti sa paramaha.nsaparivrAjako bhavati . bhagavan brahmapraNavaH kIdR^isha iti brahmA pR^ichChati . sa hovAcha nArAyaNaH . brahmapraNavaH ShoDashamAtrAtmakaH so.avasthAchatuShTayachatuShTayagocharaH . jAgradavasthAyA.n jAgradAdicharasro.avasthAH svapne svapnAdichatasro.avasthAH suShuptau suShuptyAdichatasro.avasthAsturIye turIyAdichatasro.avasthA bhavantIti . jAgradavasthAyA.n vishvasya chAturvidhya.n vishvavishvo vishvataijaso vishvaprAj~no vishvaturIya iti . svapnAvasthAyA.n taijasasya chAturvidhya.n taijasavishvastaijasa\- taijasastaijasaprAj~nastaijasaturIya iti . suShuptyavasthAyA.n prAj~nasya chAturvidhyaM prAj~navishvaH prAj~nataijasaH prAj~naprAj~naH prAj~naturIya iti. turIyAvasthAyA.n turIyasya chAturvidhya.n turIyavishvasturIyataijasa\- sturIyaprAj~nasturIyaturIya iti . te krameNa ShoDashamAtrArUDhAH akAre jAgradvishva ukAre jAgrattaijaso makAre jAgratprAj~na ardhamAtrAyA.n jAgratturIyo bindau svapnavishvonAde svapnataijasaH kalAyA.n svapnaprAj~naH kalAtIte svapnaturIyaH shAntau suShuptavishvaH shAntyatIte suShuptataijasa unmanyA.n suShuptaprAj~no manonmanyA.n suShuptaturIyaH turyA.n turIyavishvomadhyamAyA.n turIyataijasaH pashyantyA.n turIyaprAj~naH parAyA.n turIyaturIyaH . jAgranmAtrAchatuShTayamakArA.nsha.n svapnamAtrAchatuShTayamukArA.nsha.n suShuptimAtrAchatuShTayaM makArA.nsha.n turIyamAtrAchatuShTayamardhamAtrA.nsham.h . ayameva brahmapraNavaH . sa paramaha.nsaturIyAtItAvadhUtairupAsyaH . tenaiva brahma prakAshate tena videhamuktiH . bhagavan kathamayaj~nopavItyashikhI sarvakarmaparityaktaH kathaM brahmaniShThAparaH kathaM brAhmaNa iti brahmA pR^ichChati . sa hovAcha viShNurbhobho.arbhaka yasyAstyadvaitamAtmaj~nAna.n tadeva yaj~nopavItam.h . tasya dhyananiShThaiva shikhA . tatkarma sa pavitram.h . sa sarvakarmakR^it.h . sa brAhmaNaH . sa brahmaniShThAparaH . sa devaH . sa R^iShiH . sa tapasvI . sa shreShThaH . sa eva sarvajyeShThaH . sa eva jagadguruH . sa evAha.n viddhi . loke paramaha.nsaparivrAjako durlabhataro yadyeko.asti . sa eva nityapUtaH . sa eva vedapuruSho mahApuruSho yastachchittaM mayyevAvatiShThate . aha.n cha tasminnevAvasthitaH . sa eva nityatR^iptaH . sa shItoShNasukhaduHkhamAnAvamAnavarjitaH . sa nindAmarSha\- sahiShNuH . sa ShaDUrmivarjitaH . ShaDbhAvavikArashUnyaH . sa jyeShThAjyeShTha\- vyavadhAnarahitaH . sa svavyatirekeNa nAnyadraShTA . AshAMbaro nanamaskAro nasvAhAkAro nasvadhAkArashcha navisarjanaparo nindAstutivyatirikto namantratantropAsako devAntaradhyAnashUnyo lakShyAlakShyanivartakaH sarvoparataH sasachchidAnandAdvayachidghanaH sampUrNAnandaikabodho brahmaivAhamasmItyanavarataM brahmapraNavAnusa.ndhAnena yaH kR^itakR^ityo bhavati sa ha paramaha.nsaparivrADityupaniShat.h .. hariH AUM tatsat.h . AUM bhadra.n karNebhiH shR^iNuyAma devAH .. bhadraM pashyemAkShabhiryajatrAH .. sthiraira~NgaistuShTuvA{\m+}sastanUbhiH .. vyashema devahita.n yadAyuH .. svasti na indro vR^iddhashravAH .. svasti naH pUShA vishvavedAH .. svasti nastArkShyo ariShTanemiH .. svasti no bR^ihaspatirdadhAtu .. AUM shAntiH shAntiH shAntiH .. iti paramaha.nsaparivrAjakopaniShatsamAptA .. ## Encoded by Sunder Hattangadi (sunderh@hotmail.com) \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}