% Text title            : Pranagnihotra Upanishad
% File name             : pranagni.itx
% Category              : upanishhat, upanishad
% Location              : doc\_upanishhat
% Author                : Vedic tradition
% Transliterated by     : Sunder Hattangadi
% Proofread by          : Sunder Hattangadi
% Latest update         : March 23, 2020
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Pranagnihotra Upanishad ..}##
\itxtitle{.. prANAgnihotropaniShat ..}##\endtitles ##
sharIrayaj~nasa.nshuddhachittasa.njAtabodhataH .
munayo yatpada.n yAnti tadrAmapadamAshraye ..
AUM saha nAvavatu .. saha nau bhunaktu .. saha vIrya.n
karavAvahai .. tejasvinAvadhItamastu mA vidviShAvahai ..
AUM shAntiH shAntiH shAntiH ..
hariH AUM .. athAtaH sarvopaniShatsAra.n sa.nsAraj~nAnAtIta\-
mantrasUkta.n shArIrayaj~na.n vyAkhyAsyAmaH . yasminneva
puruShaH sharIre vinApyagnihotreNa vinApi sA.nkhyayogena
sa.nsAravimuktirbhavatIti . svena vidhinAnnaM bhUmau nikShipya
yA oShadhIH somarAj~nIriti tisR^ibhirannapata iti dvAbhyA\-
manumantrayate . yA oShadhayaH somarAj~nIrbahvIH shatavichakShaNAH .
bR^ihaspatiprasUtAstA no mu~nchatva.nhasaH .. 1..
yAH phalinIryA aphalA apuShpA yAshcha puShpiNIH .
bR^ihaspatiprasUtAstA no mu~nchatva.nhasaH .. 2..
jIvalA naghAriShAM mAte badhnAmoShadhim.h .
yAtayAyu rupAharAdapa rakShA.nsi chAtayAt.h .. 3..
annapate.annasya no dhehyanamIvasya shuShmiNaH .
prapradAtAra.n tAriSha Urja.n no dhehi dvipade chatuShpade .. 4..
yadannamagnirbahudhA virAddhi
   rudraiH prajagdha.n yadi vA pishAchaiH .
sarva.n tadIshAno abhaya.n kR^iNotu
   shivamIshAnAya svAhA .. 5..
antashcharasi bhUteShu guhAyA.n vishvatomukhaH .
tva.n yaj~nastvaM brahmA tva.n rudrastava.n viShNustva.n vaShaTkAra
Apo jyotI raso.amR^itaM brahma bhUrbhuvaH suvaro.nnamaH .
ApaH punantu pR^ithivIM pR^ithivI pUtA punAtu mAm.h .
punantu brahmaNaspatirbrahmapUtA punAtu mAm.h .
yaduchChiShTamabhojya.n yadvA dushcharitaM mama .
sarvaM punantu mAmApo.asatA.n cha pratigraha.n svAhA .
amR^itamasya mR^itopastaraNamasyamR^itaM prANe juhomyamAshiShyAnto.asi .
prANAya svAhA . apAnAya svAhA . vyAnAya svAhA . udAnAya svAhA .
samAnAya svAhA . iti kaniShThikA~NgulyA~NguShThena cha prANe juhoti .
anAmikayApAne . madhyamayA vyAne . sarvAbhirudAne . pradeshinyA samAne .
tUShNImekAmekaR^iShau juhoti . dve AhavanIye .
ekA.n dakShiNAgnau . ekA.n gArhapatye . ekA.n sarvaprAyashchittIye ..
athApidhAnamasyamR^itatvAyopaspR^ishya punarAdAya punarupaspR^ishet.h .
sa te prANA vA.a.apo gR^ihItvA hR^idayamanvAlabhya japet.h .
prANo agniH paramAtmA pa~nchavAyubhirAvR^itaH .
abhaya.n sarvabhUtebhyo na me bhItiH kadAchana .. 1..
iti prathamaH khaNDaH .. 1..
vishvo.asi vaishvAnaro vishvarUpa.n tvayA dhAryate
jAyamAnam.h . vishva.n tvAhutathaH sarvA yatra
brahmA.amR^ito.asi . mahAnavo.ayaM puruSho
yo.a~NguShThAgre pratiShThitaH . tamadbhiH pariShi~nchAmi
so.asyAnte amR^itAya cha . anAvityeSha bAhyAtmA
dhyAyetAgnihotra.n johomIti . sarveShAmeva sUnurbhavati .
asya yaj~naparivR^itA AhutIrhomayati . svasharIre yaj~naM
parivartayAmIti . chatvAro.agnayaste kiMbhAgadheyAH .
tatrasUryo.agnirnAma sUryamaNDalAkR^itiH sahasrarashmi\-
parivR^ita ekaR^iShirbhUtvA mUrdhani tiShThati . yasmAdukto
darshanAgnirnAma chaturAkR^itirAhavanIyo bhUtvA mukhe tiShThati .
shArIrognirnAma jarApraNudA haviravaskandati . ardhachandrAkR^iti\-
rdakShiNAgnirbhUtvA hR^idaye tiShThati tatra koShThAgniriti .
koShThAgnirnAmAshitapItalIDhakhAditAni samyagvyaShTyA.n
shrapayitvA gArhapatyo bhUtvA nAbhyA.n tiShThati .
prAyashchittayastvadhastAttiryak tisro himA.nshuprabhAbhiH
prajananakarmA ..
iti dvitIyaH khaNDaH .. 2..
asya sharIrayaj~nasya yUparashanAshobhitasya
ko yajamAnaH . kA patnI . ke R^itvijaH . ke sadasyAH .
kAni yaj~napAtrANi . kAni havI.nShi . kA vediH .
kottaravediH . ko droNakalashaH . ko rathaH . kaH pashuH .
ko.adhvaryuH . ko hotA . ko brAhmaNAchCha.nsI .
kaH pratiprasthAtA . kaH prastotA . ko maitrAvaruNaH .
ka udgAtA . kA dhArApotA . ke darbhAH . kaH sruvaH .
kAjyasthAlI . kAvAghArau . kAvAjyabhAgau . ke.atra
yAjAH . ke anuyAjAH . keDA . kaH sUktavAkaH .
kaH sha.nyorvAkaH . kA hi.nsA . ke patnIsa.nyAjAH .
ko yUpaH . kA rashanA . kA iShTayaH . kA dakShiNA .
kimavabhR^itamiti ..
iti tR^itIyaH khaNDaH .. 3..
asya shArIrayaj~nasya yUparashanAshobhitasyAtmA yajamAnaH .
buddhiH patnI . vedA mahartvijaH . aha~NkAro.adhvaryuH . chitta.n
hotA . prANo brAhmaNachCha.nsI . apAnaH pratiprasthAtA .
vyAnaH prastotA . udAna udgAtA . samAno maitravaruNaH .
sharIra.n vediH . nAsikottaravediH . mUrdhA droNakalashaH .
pAdo rathaH . dakShiNahastaH sruvaH . savyahasta AjyasthAlI .
shrotre AghArau . chakShuShI AjyabhAgau . grIvA dhArApotA .
tanmAtrANi sadasyAH . mahAbhUtAni prayAjAH . bhUtAni
guNA anuyAjAH . jihveDA . dantoShThau sUktavAkaH . tAluH
sha.nyorvAkaH . smR^itirdayA kShAntirahi.nsA patnIsa.nyAjAH .
o~NkAro yUpaH . AshA rashanA . mano rathaH . kAmaH pashuH .
keshA darbhAH . buddhIndriyANi yaj~napAtrANi . karmendriyANi
havI.nShi . ahi.nsA iShTayaH . tyAgo dakShiNA . avabhR^itaM
maraNAt.h . sarvA hyasmindevatAH sharIre.adhisamAhitAH .
vArANasyAM mR^ito vApi ida.n vA brahma yaH paThet.h . ekena
janmanA janturmokSha.n cha prApnuyAditi mokSha.n cha
prApnuyAdityupaniShat.h .. 3..
AUM saha nAvavatu .. saha nau bhunaktu .. saha vIrya.n karavAvahai ..
tejasvinAvadhItamastu mA vidviShAvahai ..
AUM shAntiH shAntiH shAntiH ..
hariH AUM tatsat.h ..

iti prANAgnihotropaniShatsamAptA ..
##
Encoded by Sunder Hattangadi

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}