% Text title            : rAdhopaniShat
% File name             : rAdhopaniShat.itx
% Category              : upanishhat, rAdhA, devii, devI
% Location              : doc\_upanishhat
% Transliterated by     : Jan Brzezinski
% Proofread by          : Sunder Hattangadi
% Source                : Unpublished Upanishads, Adyar library collection, 1933
% Acknowledge-Permission: Older granthamandira
% Latest update         : November 22, 2015
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. rAdhopaniShat ..}##
\itxtitle{.. rAdhopaniShat ..}##\endtitles ##
prathamaH prapAThakaH

OM
atha suShuptau rAmaH svabodhamAdhAyeva kiM me devaH ? kvAsau kR^iShNo
yo.ayaM mama bhrAteti ? tasya kA niShThA brUhIti |

sA vai hyuvAcha | rAma shR^iNu\-bhUrbhuvaH svarmaharjanastapaH
satyaM talaM vitalaM sutalaM rasAtalaM talAtalaM mahAtalaM pAtAlaM
evaM pa~nchAshatkoTiyojanaM bahulaM svarNANDaM brahmANDamiti
anantakoTibrahmANDAnAmupari kAraNajalopari mahAviShNornityaM sthAnaM
vaikuNThaH |

sa ha pR^ichChati\-kathaM shUnyamaNDale nirAlambane vaikuNTha iti ? 

sA.anuyuktA\-padmAsanAsInaH kR^iShNadhyAnaparAyaNaH sheShadevo.asti |
tasyAnantaromakUpeShvanantakoTibrahmANDAni anantakoTikAraNajalAni tasya
saptakoTiparisahasraparimitAH phaNAH tadupari vaikuNTho viShNuloka iti |
rudralokaH shivavaikuNTha iti | dashakoTiyojanavistIrNo rudralokaH |
tadupari viShNulokaH | saptakoTiyojanavistIrNo viShNulokaH | tadupari
sudarshanachakraM trikoTiyojanavistIrNam | tadupari kR^iShNasya sthAnaM
gokulADhyaM mAthuramaNDalaM mahat padaM sudhAmayasamudreNAveShTitamiti |
tatrAShTadalakesaramadhye maNipIThe saptAvaraNakamiti |

sa pR^ichChati\-kiM rUpaM ? kiM sthAnaM ? kiM padmaM ? kimantaHkesaraH
? kimAvaraNam ?

ityukte sA.anuyuktA\-gokulADhye mAthuramaNDale vR^indAvanamadhye
sahasradalapadme ShoDashadalamadhye aShTadalakesare govindo.api
shyAmapItAmbaro dvibhujo mayUrapi~nChashirAH veNuvetrahasto nirguNaH
saguNo nirAkAraH sAkAro nirIhaH sa cheShTate virAjata iti | pArshve
rAdhikA cheti | tasyA aMsho lakShmIdurgAvijayAdishaktiriti | pashchime
sammukhe lalitA | vAyavye shyAmalA | uttarasmin shrImatI | aishAnyAM
haripriyA | pUrvasmin vishAlA | agneyyAM shraddhA | yAmyAM padmA |
nairR^ityAM bhadrA | ShoDashadale agre chandrAvatI | tadvAme chitrarekhA |
tatpArshve chitrakarA | tatpArshve madanasundarI | tatpArshve shrImadA |
tatpArshve shashirekhA | tatpArshve kR^iShNapriyA | tatpArshve vR^indA |
tatpArshve manoharA | tatpArshve yoganandA |
tatpArshve parAnandA | tatpArshve premAnandA | tatpArshve satyAnandA |
tatpArshve chandrA | tatpArshve kishorIvallabhA | tatpArshve karuNAkushalA
iti | evaM vividhA gopyaH kR^iShNasevAM kurvantIti | 
iti vedavachanaM bhavati | iti vedavachanaM bhavati |
iti vedavachanaM bhavati |

mAnasapUjayA japena dhyAnena kIrtanena stutyA mAnasena sarveNa
nityasthalaM prApnoti | nAnyeneti | nAnyeneti | nAnyeneti ||

ityAtharvaNyAM puruShabodhanyAM pAramahaMsyAM prathamaH prapAThakaH ||

\medskip\hrule\medskip
dvitIyaH prapAThakaH

OM
sA.anuyuktA\-tasya bAhyeShu shatadalapadmapatreShu yogapITheShu
rAsakrIDAnuraktA gopyastiShThanti | etachchaturdvAraM
lakShasUryasamujjvalam | tatra drumAkIrNam | tat prathamAvaraNe
pashchime sammukhe svarNamaNDape devakanyA | dvitIye sudAmAdi | tR^itIye
ki~NkiNyAdi | chaturthe lava~NgAdi | pa~nchame kalpatarormUle uShA
tatsahito.aniruddho.api | ShaShThe devAH | saptame raktavarNo viShNuriti
dvArapAlAH | etad bAhyAM rAdhAkuNDam | tatra snAtvA rAdhA~NgaM bhavati |
Ishvarasya darshanayogyaM bhavati | yatra snAtvA nArada Ishvarasya
nityasthalasAmIpyayogyo bhavati |

rAdhAkR^iShNayorekamAsanam | ekA buddhiH | ekaM manaH | ekaM j~nAnam |
eka AtmA | ekaM padam | ekA AkR^itiH | ekaM brahma | tasya samaM
hemamuralIM vAdayan hemasvarUpAmanurAgasaMvalitAM kalpatarormUle ##[##Aste |##]##
surabhividyA akShamAlA shrutiriva paramA siddhA sAttvikI |

{\*shuddhA sAttvikI guNAtItA snehabhAvarahitA | ata eva dvayorna bhedaH |
kAlamAyAguNAtItatvAt | tad eva spaShTayati atheti | athAnantaraM
ma~Ngale vA | atha vA shrIvR^indAvanamadhye R^igyajuHsAmasvarUpam |
R^igAtmako makAraH | yajurAtmaka ukAraH | shrIrAmaH sAmAtmako.api akAraH |
shrIkR^iShNaH ardhamAtrAtmako.api | yashodA iva binduH | parabrahma
sachchidAnandAnandarAdhAkR^iShNayoH parasparasukhAbhilASharasAsvAdana
iva tat sachchidAnandAmR^itaM kathyate | tallakShaNaM yat
praNavaM brahmaviShNushivAtmakamichChAj~nAnashaktiniShThaM
kAyikavAchikamAnasikabhAvaM sattvarajastamasvarUpaM
satyatretAdvAparAnugItam | dvAparasya pashchAd vartate kaliH |
etachchaturyugeShu gIyate | tad bhUrbhuvaHsvarlakShaNamo~NkAra eva |
yachchAnyad atiriktaM kAlAtItaM tad apyo~NkAra eva | sarvaM hyetad
brahma AtmA so.ahamasmi iti dhImahi chintayemahi | \ldq{}Adityo vA eSha
etan maNDalaM tapati\rdq{} iti yat shvetAkhyaM shvetadvIpanAma sthAnaM
turIyAtItaM gokulamathurAdvArakANAM turIyametad divyaM vR^indAvanamiti
puraivoktaM sarvaM sampatsampradAyAnugataM yatra ||\*}

ityAtharvaNyAM puruShabodhanyAM pAramahaMsyAM dvitIyaH prapAThakaH || 2||
\medskip\hrule\medskip

tR^itIyaH prapAThakaH

OM
athAnantaraM
bhadrashrIlohabhANDIramahAtAlakhadiravakulakumudakAmyamadhuvR^indAvanAni
dvAdashavanAni | kAlindyAH
pashchime saptavanAni pUrvasmin pa~nchavanAni uttarasmin guhyAni santi |
mathurAvanamadhuvanamahAvanakhAdiravanabhANDIravananandIshvara\-
vananandavanAnandavanakhANDavavanapalAshavanAshokavanaketaka\-
vanadrumavanagandhamAdanavanasheShAyivanashyAmAyuvanabhujyuvanadadhi\-
vanavR^iShabhAnuvanasa~NketavanadIpavanarAsavanakrIDAvanotsukavanAnyetAni
chaturviMshativanAni nityasthalAni nAnAlIlayAdhiShThAya kR^iShNaH
krIDati | ##[##tAni vanAni##]## vasantaR^itusevitAni mandAdipavanayuktAni
##[##santi##]##yatra duHkhaM nAsti sukhaM nAsti jarA nAsti maraNaM
nAsti krodho nAsti, tatra pUrNAnandamayaH shrIkaishorakR^iShNaH
shikhaNDidalalambitatriyumagu~njAvataMsamaNimayakirITashirAH
gorochanAtilakaH karNayormakarakuNDalo vanyasragvI
mAlatIdAmabhUShitasharIraH kare ka~NkaNaM bAhau keyUraM pAdayoH
ki~NkiNIM kaTyAM pItAmba##[##raM cha dhArayan##]## gambhIranAbhikamalaH
suvR^ittanAsAyugalo dhvajavajrAdichihnitapAdapadmo mahAviShNu##[##rAste##]## |
evaMrUpaM kR^iShNachandraM chintayen nityashaH sudhIH || iti ||

tasyAdyA prakR^itI rAdhikA nityA nirguNA sarvAla~NkArashobhitA
prasannAsheShalAvaNyasundarI | asmadAdInAM janma tadadhInaM
asyAMshAd bahavo viShNurudrAdayo bhavanti | evambhUtasyAgAdhamahimnaH
sukhasindhorutpannamiti mAnasapUjayA dhyAnena kIrtanena stutyA mAnasena
sarveNa nityasthalaM prApnoti |

nAnyeneti | nAnyeneti | nAnyeneti | 
iti vedavachanaM bhavati | iti vedavachanaM bhavati | iti vedavachanaM
bhavati ||

ityAtharvaNyAM puruShabodhanyAM pAramahaMsyAM tR^itIyaH prapAThakaH || 3||
\medskip\hrule\medskip

chaturthaH prapAThakaH

OM
atha puruShottamo yasyAM nishAyAM turIyaM sAkShAd brahma |
yatra paramasannyAsasvarUpaH kR^iShNaH kalpapAdapaH | yatra
lakShmIrjAmbavatI rAdhikA vimalA chandrAvalI sarasvatI lalitAdiriti |
sAkShAd brahmasvarUpo jagannAthaH ahaMsheShAMshajyotIrUpaH sudarshano
bhaktashcha | evaM pa~nchadhA vibhUtimiti | yatra cha mathurA
gokulaM dvArakA vaikuNThapurI rAmapurI yamapurI naranArAyaNapurI
kuberapurI gaNeshapurI shakrapurI etA devatAstiShThanti | yatra
rasAtalapAtAlaga~NgArohiNIkuNDamamR^itakuNDamityAdi nAnApurI | yatrAnnaM
siddhAnnam |

shUdrAdisparshadoSharahitaM brahmAdisaMskArApekShArahitaM yatra
shrIjagannAthasya yogamityarthaH | \ldq{}nAbhyA AsIt\rdq{} iti mantreNa,
\ldq{}annapate.annasya\rdq{} iti mantreNa, \ldq{}annAdyAya vyUhadhvaM somo
rAjAya bhAgamatsame sukhaM pramAryate yashasA cha balena cha\rdq{}
iti mantreNa, \ldq{}vishvakarmaNi svAhA\rdq{} iti mantreNa, \ldq{}Apo jyotI
raso.amR^itaM brahma bhUrbhuvaH suvarom\rdq{} iti mantreNa, \ldq{}pR^ithivI
te pAtraM dyaurapidhAnaM brahmaNastvA mukhe juhomi svAhA\rdq{} iti
mantreNa, \ldq{}annaM brahma\rdq{} iti shrutyA cha kaivalyamuktiruchyate |
yatrAnnaM brahma paramaM pavitraM shAnto rasaH kaivalyamuktiH siddhA
bhUrbhuvaHsvarmahattattvamityAdi yatra bhArgavI yamunA samudramamR^itamayaM
vR^indAvanAni nIlaparvatagovardhanasiMhAsanaM prAsAdo maNimaNDapo
vimalAdiShoDashachaNDikAgopyo yatra samudratIre cha nirantaraM
kAmadhenuvR^indaM yatra nR^isiMhAdayo devatA AvaraNAni yatra na jarA
na mR^ityurna kAlo na bha~Ngo na jayo na vivAdo na hiMsA na shAntirna
svapna evaM lIlAkAmasharIrI svavinodArthaM bhaktaiH sahotkaNThitaistatra
krIDati kR^iShNaH |

eko devo nityalIlAnurakto
bhaktavyApI bhaktahR^idyantarAtmA |
karmAdhyakShaH sarvabhUtAdhivAsaH
sAkShI chetA kevalo nirguNashcha ||

mAnasapUjayA japena dhyAnena kIrtanena stutyA mAnasena sarveNa
nityasthalaM prApnoti | nAnyeneti | nAnyeneti | nAnyeneti |

iti vedavachanaM bhavati | iti vedavachanaM bhavati |
iti vedavachanaM bhavati ||

ityAtharvaNyAM puruShabodhanyAM pAramahaMsyAM chaturthaH prapAThakaH || 4||

iti rAdhopaniShat samAptA ||

##
Encoded Jan Brzezinski
Proofread by Sunder Hattangadi

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}