% Text title            : rAjashyAmalArahasyopaniShat
% File name             : rAjashyAmalArahasyopaniShat.itx
% Category              : upanishhat, devii, devI, upanishad
% Location              : doc\_upanishhat
% Proofread by          : Kasturi navya sahiti, Aruna Narayanan
% Description-comments  : aprakAshitA upaniShadaH
% Latest update         : February 12, 2021
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Rajashyamalarahasya Upanishad ..}##
\itxtitle{.. rAjashyAmalArahasyopaniShat ..}##\endtitles ##
OM svasti na indro vR^iddhashravAH svasti naH pUShA vishvavedAH |
svasti nastArkShyo ariShTanemiH svasti no bR^ihaspatirdadhAtu ||
OM shAntiH shAntiH shAntiH |
OM ratnasAnushikhareShvAsInaM shrIrAjashyAmalArahasyopaniShadvettAraM
mata~NgaR^iShiM guruM kUchimAraH provAcha | mata~Nga bhagavan guro
rAjashyAmalArahasyopaniShadaM me.anubrUhi | mata~NgabhagavAn kUchimAraM
sa hovAcha | te rAjashyAmalArahasyopaniShadamupadishAmi ||

athAtaH shrIrAjashyAmalArahasyopaniShadaM vyAkhyAsyAmaH |
mantrajapAdhikaraNanyAsAdhikaraNastotrAdhikaraNapUjAdhikaraNamaithunAdhikaraNaiH
pa~nchabhirbrAhmaNo bhogamokShamApnoti | guroranuj~nayA
shrIrAjashyAmalAmantraM nityaM sahasrasa~NkhyayA trishatena
vA.aShTAviMshaduttarashatena vA japtvA mantrasiddhirbhavati |
shukravAre bhAryAjaganmohanachakre trishataM mantrajapena mantrasiddhiH |
purashcharaNasiddhirbhavati | navAshItinyAsAnAM nyasanena devatAsharIrI
bhavati | navAshItinyAsAnAM nyasanena sarvadevairnamaskR^ito bhavati |
navAshItinyAsAnAM sharIre nyasanena gandharvakanyAbhiH pUjito bhavati |
navAshItinyAsAnAM nyasanena devastrIbhogamApnoti | rambhAsambhogamApnoti |
navAshItinyAsAnAM nyasanena devatArUpamApnoti | devatAsharIrI bhUtvA
vimAnavAn bhavati | vimAnamAruhya svargaM gachChati | svargaM prApya
tadbhogamApnoti | jaganmohanachakre pATalakusumaiH sahasrasa~NkhyayA
pUjitA shrIrAjashyAmalA kAmitArthapradA ma~NgalapradA bhavati | varShartau
shrAvaNe mAsi sarvarAtriShu bhAryAjaganmohanachakre champakakusumaiH
sahasrasa~NkhyayA pUjitA shrIrAjashyAmalA.a.arogyapradA bhavati | tatra
shukravAre pUjitA mahAlakShmIpradA bhavati | shukravArayutAyAM paurNamAsyAM
bhAryAjaganmohanachakre shatasa~NkhyayA shrIrAjashyAmalAmbAM pUjayan
dehAntare rambhAsambhogamashnute | bhAdrapade mAsi mahAlakShmIvratadineShu
bhAryAjaganmohanachakre shrIrAjashyAmalAmbAM jAjIkusumaiH pUjayan mAnavo
mahadaishvaryamApnoti | sharatkAle sarvarAtriShu bhAryAjaganmohanachakre
nIlotpalaiH sahasrasa~NkhyayA shyAmalAM pUjayan mahAbhogamashnute |
shukravArayutAyAM paurNamAsyAM bhAryAjaganmohanachakre
shrIrAjashyAmalAM pUjayan kalhAraiH shachIbhogamashnute |
hemantakAle sarvarAtriShu bhAryAjaganmohanachakre javantIkusumaiH
sahasrasa~NkhyayA pUjayan varuNadevena kanakachChatrI bhavati |
mArgashIrShe paurNamAsyAM bhAryAjaganmohanachakre kusumbhapuShpaiH
pUjayan mAnavo devendraishvaryamApnoti | mAghyAM shukravArayuktAyAM
bhAryAjaganmohanachakre dvandvamallikAkuDmalaiH sahasrasa~NkhyayA
pUjayan mAnavo rAjastrIsambhogamApnoti | sarvadA puShpiNyAM bhAryAyAM
jaganmohanachakre vasantapuShpaiH pUjayan mAnavo devatAtvamashnute |
chaturthyAM shukravArayuktAyAM bhAryAjaganmohanachakre devatAM shyAmalAM
japan parashivatvamApnoti | shrIrAjashyAmalAmbAyAH pa~nchadashastotrANAM
pArAyaNena devatAsantuShTirbhavati | ma~NgalapradA rAjavasha.nkarI cha
bhavati | devatAsAnnidhyamApnoti | sannidhAnena sarvanivR^ittirbhavati |
sarvama~NgalamApnoti | sarvadevanamaskR^ito bhavati | sarve rAjAno
vashyA bhavanti | rambhAdibhiH pUjito bhavati | svargabhogamApnoti |
guroranuj~nayA shukravAre divA rAtrau cha champakatailAdyaiH kR^itasnAtAM
sarvAla~NkArabhUShitAM shubhravastradharAM shrIchandanaviliptA~NgIM
kastUrItilakopetAM ku~NkumaliptakuchabhArAM puShpadAmayuktadhammillAM
tAmbUlapUritamukhIM svedabindUllasanmukhIM bimboShThIM kundaradanAM
kambukaNThIM ma~njuhAsAM yauvanonmattAM ka~njalochanAM pR^ithunitambAM
rAjarambhoruM sampUrNachandravadanAM sambhogechChAM shukavANIM
sa~NgItarasikAM kuravakarasA~nchitapANipAdAM vashavartinIM
bhAryAM puShpashayyAyAmuttAnashAyinIM kR^itvA darpaNavannirmalaM
jaganmohanachakraM gandhadravyeNa dhUpadIpaishcha parimalIkR^itaM
ku~NkumamilitairmallikAkuDmalaiH sharasa~NkhyayA pUjayan brAhmaNo
devabhogamApnoti | vasantanavarAtriShu bhAryAjaganmohanachakre
mallikAkuDmalaiH sahasranAmabhiH rahasyanAmabhishcha pUjitA
rAjashyAmalA rAjavasha~NkarI bhavati | shukravAsarayuktAyAM saptamyAM
rAtrau bhAryAyA jaganmohanachakre prathamayAme kalhArapuShpaiH
sahasranAmabhirdevatAM pUjayan devatAsAlokyamApnoti | tasyAmeva dvitIyayAme
bhAryAjaganmohanachakre pArijAtapuShpaiH sahasranAmabhiH pUjayan
devatAsAmIpyamApnoti | tasyAmeva tR^itIyayAme bhAryAjaganmohanachakre
mandArapuShpaiH sahasranAmabhiH pUjayan devatAsArUpyamApnoti | tasyAmeva
chaturthayAme jaganmohanachakre champakapuShpaiH sahasranAmabhiH pUjayan
devatAsAyujyamApnoti | sarvarAtriShu jaganmohanachakre mallikAkuDmalaiH
pUjitA shyAmalA kAmitArthapradA bhavati | grIShmakAle sarvarAtriShu
shrIchandanaviliptabhAryAjaganmohanachakraM pUjayan sarvasiddhimApnoti |
dUrvAbhiH pUjayan mahadAyuShyamashnute | aShTamyAM shukravAsarayuktAyAM
rAtrau jaganmohanachakre rAjashyAmalAmbAM shrIchandanena pUjayan mAnavo
gandhalipto jaganmohako bhavati | mahAnavamyAM shukravAsarayuktAyAM rAtrau
jaganmohanachakre ku~NkumAkShatairdevatAM pUjayitvA pUjitAkShatAn rAj~ne
nivedayet | rAjA dAsabhAvamApnoti | trayodashyAM shukravAsarayuktAyAM
rAtrau bhAryAjaganmohanachakraM pUjayan mAnavaH kAmasundaro bhavati ||

chandradarshanayuktAyAM dvitIyAyAM shukravArayuktAyAM
bhAryAjaganmohanachakre rAjashyAmalAmbAM shvetagandhAkShataiH
shvetapuShpaishcha pUjayan sAdhako dehAnte rAjA bhavati |
sarvabhogapradA sarvasaubhAgyapradA dIrghAyuShyapradA mahAyogapradA
mahAma~NgalapradA kAmyapradA shrIrAjashyAmalA devendrabhogapradA bhavati |
sarvakAmyarahasyapUjAnte maithunaM devatAprItikaraM bhavati | mokShapradaM
bhavati | sa eva bhogApavargaH | gurvanuj~nayA guptaH kShapaNako mukto
bhavati | evaM kAntAyAH pUjitA svarNachakre shyAmalA ma~NgalapradA
bhavati | drohiNAM nopadeshaH | kShapaNakAnAM pa~nchAdhikaraNaiH paro
mokSho nAnyatheti ya evaM veda | ityupaniShat ||

iti rAjashyAmalArahasyopaniShat samAptA |

(shAkta\-upaniShadaH)
##
Proofread by Kasturi navya sahiti, Aruna Narayanan

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}