% Text title : Ramatapini Upanishad % File name : ramatapini.itx % Category : upanishhat, svara, raama % Location : doc\_upanishhat % Author : Vedic tradition % Transliterated by : Sunder Hattangadi % Proofread by : Sunder Hattangadi % Description-comments : 55 / 108; Atharva Veda - Vaishnava upanishad % Latest update : May 17, 2000 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. shrIRamatapini Upanishad ..}## \itxtitle{.. shrIrAmatApinyupaniShat ..}##\endtitles ## shrIrAmatApanIyArthaM bhaktadhyeyakalevaram.h . vikalevarakaivalya.n shrIrAmabrahma me gatiH .. AUM bhadra.n karNebhiH shruNuyAma devA bhadraM pashyemAkShabhiryajatrAH . sthiraira~NgaistuShTuvA{\m+}sastanUbhirvyashema devahita.n yadAyuH .. svasti na indro vR^iddhashravAH svasti naH pUShA vishvavedAH . svasti nastArkShyo ariShTanemiH svasti no bR^ihaspatirdadhAtu .. AUM shAntiH shAntiH shAntiH .. AUM chinmaye.asminmahAviShNau jAte dasharathe harau . raghoH kule.akhila.n rAti rAjate yo mahIsthitaH .. 1.. sa rAma iti lokeShu vidvadbhiH prakaTIkR^itaH . rAkShasA yena maraNa.n yAnti svodrekato.athavA .. 2.. rAmanAma bhuvi khyAtamabhirAmeNa vA punaH . rAkShasAnmartyarUpeNa rAhurmanasija.n yathA .. 3.. prabhAhInA.nstathA kR^itvA rAjyArhANAM mahIbhR^itAm.h . dharmamArga.n charitreNa j~nAnamArga.n cha nAmataH .. 4.. tathA dhyAnena vairAgyamaishvarya.n svasya pUjanAt.h . tathA rAtyasya rAmAkhyA bhuvi syAdatha tattvataH .. 5.. ramante yogino.anante nityAnande chidAtmani . iti rAmapadenAsau paraM brahmAbhidhIyate .. 6.. chinmayasyAdvitIyasya niShkalasyAsharIriNaH . upAsakAnA.n kAryArthaM brahmaNo rUpakalpanA .. 7.. rUpasthAnA.n devatAnAM pu.nstrya~NgAstrAdikalpanA . dvittatvAriShaDaShTAnA.n dasha dvAdasha ShoDasha .. 8.. aShTAdashAmI kathitA hastAH sha~NkhAdibhiryutAH . sahasrAntAstathA tAsA.n varNavAhanakalpanA .. 9.. shaktisenAkalpanA cha brahmaNyeva.n hi pa~nchadhA . kalpitasya sharIrasya tasya senAdikalpanA .. 10.. brahmAdInA.n vAchako.ayaM mantro.anvarthAdisa.nj~nakaH . japtavyo mantriNA naiva.n vinA devaH prasIdati .. 11.. kriyAkarmejyakartR^INAmarthaM mantro vadatyatha . mananAntrANanAnmantraH sarvavAchyasya vAchakaH .. 12.. so.abhayasyAsya devasya vigraho yantrakalpanA . vinA yantreNa chetpUjA devatA na prasIdati .. 13.. iti rAmapUrvatApinyupaniShadi prathamopaniShat.h .. 1.. svarbhUrjyotirmayo.anantarUpI svenaiva bhAsate . jIvatvena samo yasya sR^iShTisthitilayasya cha .. 1.. kAraNatvena chichChaktyA rajaHsattvatamoguNaiH . yathaiva vaTabIjasthaH prAkR^itashcha mahAndrumaH .. 2.. tathaiva rAmabIjastha.n jagadetachcharAcharam.h . rephArUDhA mUrtayaH syuH shaktayastisra eva cheti .. 3.. iti rAmatApinyuoaniShadi dvitIyopaniShat.h .. 2.. sItArAmau tanmayAvatra pUjyau jAtAnyAbhyAM bhuvanAni dvisapta . sthitAni cha prahitAnyeva teShu tato rAmo mAnavo mAyayAdhAt.h .. 1.. jagatprANAyAtmane.asmai namaH syA\- nnamastvaikyaM pravadetprAgguNeneti .. 2.. iti rAmatApinyupaniShadi tR^itIyopaniShat.h .. 3.. jIvavAchI namo nAma chAtmArAmeti gIyate . tadAtmikA yA chaturthI tathA mAyeti gIyate .. 1.. mantroya.n vAchako rAmo rAmo vAchyaH syAdyogaetayoH . phalatashchaiva sarveShA.n sAdhakAnA.n na sa.nshayaH .. 2.. yathA nAmI vAchakena nAmnA yo.abhimukho bhavet.h . tathA bIjAtmako mantro mantriNo.abhimukho bhavet.h .. 3.. bIjashakti.n nyaseddakShavAmayoH stanayorapi . kIlo madhye vinA bhAvyaH svavA~nChAviniyogavAn.h .. 4.. sarveShAmeva mantrANAmeSha sAdhAraNaH kramaH . atra rAmo.anantarUpastejasA vahninA samaH .. 5.. sattvanuShNaguvishvashchedagnIShomAtmaka.n jagat.h . utpannaH sItayA bhAti chandrashchandrikayA yathA .. 6.. prakR^ityA sahitaH shyAmaH pItavAsA jaTAdharaH . dvibhujaH kuNDalI ratnamAlI dhIro dhanurdharaH .. 7.. prasannavadano jetA ghR^iShTyaShTakavibhUShitaH . prakR^ityA parameshvaryA jagadyonyA~NkitA~NkabhR^it.h .. 8.. hemAbhayA dvibhujayA sarvAla~NkR^itayA chitA . shliShTaH kamaladhAriNyA puShTaH kosalajAtmajaH .. 9.. dakShiNe lakShmaNenAtha sadhanuShpANinA punaH . hemAbhenAnujenaiva tathA koNatrayaM bhavet.h .. 10.. tathaiva tasya mantrasya yasyANushcha sva~NentayA . eva.n trikoNarUpa.n syAtta.n devA ye samAyayuH .. 11.. stuti.n chakrushcha jagataH pati.n kalpatarau sthitam.h . kAmarUpAya rAmAya namo mAyAmayAya cha .. 12.. namo vedAdirUpAya o~NkArAya namo namaH . ramAdharAya rAmAya shrIrAmAyAtmamUrtaye .. 13.. jAnakIdehabhUShAya rakShoghnAya shubhA~Ngine . bhadrAya raghuvIrAya dashAsyAntakarUpiNe .. 14.. rAmabhadra maheshvAsa raghuvIra nR^ipottama . bho dashAsyAntakAsmAka.n rakShA.n dehi shriya.n cha te .. 15.. tvamaishvarya.n dApayAtha sampratyAshvarimAraNam.h . kurviti stutya devAdyAstena sArdha.n sukha.n sthitAH .. 16.. stuvantyeva.n hi R^iShayastadA rAvaNa AsuraH . rAmapatnI.n vanasthA.n yaH svanivR^ittyarthamAdade .. 17.. sa rAvaNa iti khyAto yadvA rAvAchcha rAvaNaH . tadvyAjenekShitu.n sItA.n rAmo lakShmaNa eva cha .. 18.. vicheratustadA bhUmau devI.n sa.ndR^ishya chAsuram.h . hatvA kabandha.n shabarI.n gatvA tasyAj~nayA tayA .. 19.. pUjito vAyuputreNa bhaktena cha kapIshvaram.h . AhUya sha.nsatA.n sarvamAdyanta.n rAmalakShmaNau .. 20.. sa tu rAme sha~NkitaH sanpratyayArtha.n cha dundubheH . vigraha.n darshayAmAsa yo rAmastamachikShipat.h .. 21.. sapta sAlAnvibhidyAshu modate rAghavastadA . tena hR^iShTaH kapIndro.asau sa rAmastasya pattanam.h .. 22.. jagAmAgarjadanujo vAlino vegato gR^ihAt.h . tadA vAlI nirjagAma ta.n vAlinamathAhave .. 23.. nihatya rAghavo rAjye sugrIva.n sthApayattataH . harInAhUya sugrIvastvAha chAshAvido.adhunA .. 24.. AdAya maithilImadya dadatAshvAshu gachChata . tatastatAra hanumAnabdhi.n la~NkA.n samAyayau .. 25.. sItA.n dR^iShTvA.asurAnhatvA pura.n dagdhvA tathA svayam.h . Agatya rAmeNa saha nyavedayata tattvataH .. 26.. tadA rAmaH krodharUpI tAnAhUyAtha vAnarAn.h . taiH sArdhamAdAyAstrANi purI.n la~NkA.n samAyayau .. 27.. tA.n dR^iShTvA udadhIshena sArdha.n yuddhamakArayat.h . ghaTashrotrasahasrAkShajidbhyA.n yukta.n tamAhave.. 28.. hatvA bibhIShaNa.n tatra sthApyAtha janakAtmajAm.h . AdAyA~NkasthitA.n kR^itvA svapura.n tairjagAma saH .. 29.. tataH si.nhAsanasthaH san dvibhujo raghunandanaH . dhanurdharaH prasannAtmA sarvAbharaNabhUShitaH .. 30.. mudrA.n j~nAnamayI.n yAmye vAme tejaprakAshinIm.h . dhR^itvA vyAkhyAnaniratashchinmayaH parameshvaraH .. 31.. udagdakShiNayoH svasya shatrughnabharatau tataH . hanUmanta.n cha shrotAramagrataH syAttrikoNagam.h .. 32.. bharatAdhastu sugrIva.n shatrughnAdho bibhIShaNam.h . pashchime lakShmaNa.n tasya dhR^itachChratra.n sachAmaram.h .. 33.. tadadhastau tAlavR^intakarau tryasraM punarbhavet.h . eva.n ShaTkoNamAdau svadIrghA~NgaireSha sa.nyutaH .. 34.. dvitIya.n vAsudevAdyairAgneyAdiShu sa.nyutaH . tR^itIya.n vAyusUnu.n cha sugrIvaM bharata.n tathA .. 35.. bibhIShaNa.n lakShmaNa.n cha a~Ngada.n chArimardanam.h . jAmbavanta.n cha tairyuktastato dhR^iShTirjayantakaH .. 36.. vijayashcha surAShTrashcha rAShTravardhana eva cha . ashoko dharmapAlashcha sumantrashchaibhirAvR^itaH .. 37.. tataH sahasradR^igvahnirdharmaj~no varuNo.anilaH . indvIshadhAtranantAshcha dashabhishchaibhirAvR^itaH .. 38.. bahistadAyudhaiH pUjyo nIlAdibhirala~NkR^itaH . vasiShThavAmadevAdimunibhiH samupAsitaH .. 39.. evamuddeshataH prokta.n nirdeshastasya chAdhunA . trirekhApuTamAlikhya madhye tAradvaya.n likhet.h .. 40.. tanmadhye bIjamAlikhya tadadhaH sAdhyamAlikhet.h . dvitIyAnta.n cha tasyordhva.n ShaShThyanta.n sAdhaka.n tathA .. 41.. kuru dvaya.n cha tatpArshve likhedbIjAntare ramAm.h . tatsarvaM praNavAbhyA.n cha veShTayechChuddhabuddhimAn.h .. 42.. dIrghabhAji ShaDasre tu likhedbIja.n hR^idAdibhiH . koNapArshve ramAmAye tadagre.ana~NgamAlikhet.h .. 43.. krodha.n koNAgrAntareShu likhya mantryabhito giram.h . vR^ittatraya.n sAShTapatra.n saroje vilikhetsvarAn.h .. 44.. kesare chAShTapatre cha vargAShTakamathAlikhet.h . teShu mAlAmanorvarNAnvilikhedUrmisa.nkhyayA .. 45.. ante pa~nchAkSharANyevaM punaraShTadala.n likhet.h . teShu nArAyaNAShTArNA.nlikhya tatkesare ramAm.h .. 46.. tadbahirdvAdashadala.n vilikheddvAdashAkSharam.h . athoM namo bhagavate vAsudevAya ityayam.h .. 47.. AdikShAntAnkesareShu vR^ittAkAreNa sa.mlikhet.h . tadbahiH ShoDashadala.n likhya tatkesare hR^iyam.h .. 48.. varmAstranatisa.nyukta.n daleShu dvAdashAkSharam.h . tatsandhiShvirajAdInAM mantrAnmantrI samAlikhet.h .. 49.. hraM sraM bhraM vraM lU.c.n shraM jraM cha likhetsamyaktato bahiH . dvAtri.nshAraM mahApadma.n nAdabindusamAyutam.h .. 50.. vilikhenmantrarAjArNA.nsteShu patreShu yatnataH . dhyAyedaShTavasUnekAdasharudrA.nshcha tatra vai .. 51.. dvAdashenA.nshcha dhAtAra.n vaShaTkAra.n cha tadbahiH . bhUgR^iha.n vajrashUlADhya.n rekhAtrayasamanvitam.h .. 52.. dvAropata.n cha rAshyAdibhUShitaM phaNisa.nyutam.h . ananto vAsukishchaiva takShaH karkoTapadmakaH .. 53.. mahApadmashcha sha~Nkhashcha guliko.aShTau prakIrtitAH . evaM maNDalamAlikhya tasya dikShu vidikShu cha .. 54.. nArasi.nha.n cha vArAha.n likhenmantradvaya.n tathA . kUTo rephAnugrahendunAdashaktyAdibhiryutaH .. 55.. yo nR^isi.nhaH samAkhyAto grahamAraNakarmaNi . antyA~NghrIshaviyadbindunAdairbIja.n cha saukaram.h .. 56.. hu.nkAra.n chAtra rAmasya mAlamantro.adhuneritaH . tAro natishcha nidrAyAH smR^itirbhedashcha kAmikA .. 57.. rudreNa sa.nyutA vahnimedhAmaravibhUShitA . dIrghA krUrayutA hlAdinyatho dIrghasamAyutA .. 58.. kShudhA krodhinyamoghA cha vishvamapyatha medhayA . yuktA dIrghajvAlinI cha susUkShmA mR^ityurUpiNI .. 59.. sapratiShThA hlAdinI tvakkShvelaprItishcha sAmarA . jyotistIkShNAgnisa.nyuktA shvetAnusvArasa.nyutA .. 60.. kAmikApa~nchamUlAntastAntAnto thAnta ityatha . sa sAnanto dIrghayuto vAyuH sUkShmayuto viShaH .. 61.. kAmikA kAmakA rudrayuktAtho.atha sthirAtapA . tApanI dIrghayuktA bhUranalo.anantago.anilaH .. 62.. nArAyaNAtmakaH kAlaH prANAbho vidyayA yutaH . pItArAtistathA lAnto yonyA yuktastato natiH .. 63.. saptachatvAri.nshadvarNaguNAntaHspR^i~NmanuH svayam.h . rAjyAbhiShiktasya tasya rAmasyoktakramAllikhet.h .. 64.. ida.n sarvAtmaka.n yantraM prAguktamR^iShisevitam.h . sevakAnAM mokShakaramAyurArogyavardhanam.h .. 65.. aputrANAM putrada.n cha bahunA kimanena vai . prApnuvanti kShaNAtsamyagatra dharmAdikAnapi .. 66.. ida.n rahasyaM paramamIshvareNApi durgamam.h . ida.n yantra.n samAkhyAta.n na deya.n prAkR^ite jane .. 67.. iti.. iti turIyopaniShat.h .. AUM bhUtAdika.n shodhayeddvArapUjAM kR^itvA padmAdyAsanasthaH prasannaH . archAvidhAvasya pIThAdharordhva\- pArshvArchanaM madhyapadmArchana.n cha .. 1.. kR^itvA mR^idushlakShNasutUlikAyAM ratnAsane deshikamarchayitvA . shakti.n chAdhArAkhyakA.n kUrmanAgau pR^ithivyabja svAsanAdhaH prakalpya .. 2.. vighnesha.n durgA.n kShetrapAla.n cha vANIM bIjAdikA.nshchAgnideshAdikA.nshcha . pIThasyA~NghriShveva dharmAdikA.nshcha natvA pUrvAdyAsu dIkShvarchayechcha .. 3.. madhye kramAdarkavidhvagnitejA.n\- syuparyuparyAdimairarchitAni . rajaH satva.n tama etAn vR^itta\- trayaM bIjADhya.n kramAdbhAvayechcha .. 4.. AshAvyAshAsvapyathAtmAnamanta\- rAtmAna.n vA paramAtmAnamantaH . j~nAnAtmAna.n chArchayettasya dikShu mAyAvidye ye kalApAratattve .. 5.. sampUjayedvimalAdIshcha shaktI\- rabhyarchayeddevamavAhayechcha . a~NgavyUhAnilajAdyaishcha pUjya ghR^iShTyAdikairlokapAlaistadastraiH .. 6.. vasiShThAdyairmunibhirnIlamukhyai\- rArAdhayedrAghava.n chandanAdyaiH . mukhyopahArairvividhaishcha pUjyai\- stasmai japAdI.nshcha samyakprakalpya .. 7.. evaMbhUta.n jagadAdhArabhUtaM rAma.n vande sachchidAnandarUpam.h . gadArisha~NkhAbjadharaM bhavAriM sa yo dhyAyenmokShamApnoti sarvaH .. 8.. vishvavyApI rAghavo yastadAnI\- mantardadhe sh~Nkhachakre gadAbje . dhR^itvA ramAsahitaH sAnujashcha sapattanaH sAnugaH sarvalokI .. 9.. tadbhaktA ye labdhakAmA.nshcha bhuktvA tathA padaM parama.n yAnti te cha . imA R^ichaH sarvakAmArthadAshcha ye te paThantyamalA yAnti mokSham.h .. 10.. iti pa~nchamo.apaniShat.h .. chinmaye.asmi.nstrayodasha . svabhUrjyotistisraH . sItArAmAvekA . jIvavAchI ShaTShaShTiH . bhUtAdikamekAdasha . pa~nchakhaNDeShu trinavatiH . iti shrIrAmapUrvatApinyupaniShatsamAptA .. rAmottaratApinyupaniShat.h AUM bR^ihaspatiruvAcha yAj~navalkyam.h . yadanu kurukShetra.n devAnA.n devayajana.n sarveShAM bhUtAnAM brahmasadanamavimukta.n vai kurukShetra.n devAnA.n devayajana.n sarveShAM bhUtAnA.n brahmasadanam.h . tasmAdyatra kvachana gachChati tadeva manyetetIda.n vai kurukShetra.n devAnA.n devayajana.n sarveShAM bhUtAnAM brahmasadanam.h . atra hi jantoH prANeShUtkramamANeShu rudrastArakaM brahma vyAchaShTe yenAsAvamR^itIbhUtvA mokShIbhavati . tasmAdavimuktameva niSheveta . avimukta.n na vimu~nchet.h . evamevaitadyAj~navalkya .. 1.. atha hainaM bhAradvAjaH paprachCha yAj~navalkya.n ki.n tAraka.n ki.n tArayatIti . sa hovAcha yAj~navalkyastAraka.n dIrghAnalaM bindupUrvaka.n dIrghAnalaM punarmAyA.n namashchandrAya namo bhadrAya nama ityetadbrahmAtmikAH sachchidAnandAkhyA ityupAsitavyam.h . akAraH prathamAkSharo bhavati . ukArodvitIyAkSharo bhavati . makArastR^itIyAkSharo bhavati . ardhamAtrashchaturthAkSharo bhavati . binduH pa~nchamAkSharo bhavati . nAdaH ShaShThAkSharo bhavati . tArakatvAttArako bhavati . tadeva tArakaM brahma tva.n viddhi . tadevopAsitavyamiti j~neyam.h . garbhajanmajarAmaraNasa.nsAramahadbhayAtsa.ntArayatIti . tasmAduchyate ShaDakShara.n tArakamiti . . ya etattArakaM brahma brAhmaNo nityamadhIte . sa pApmAna.n tarati . sa mR^ityu.n tarati . sa brahmahatyA.n tarati . sa bhrUNahatyA.n tarati. sa sa.nsAra.n tarati . sa sarva.n tarati . so.avimuktamAshrito bhavati . sa mahAnbhavati . so.amR^itatva.n cha gachChati .. 2.. atraite shlokA bhavanti . akArakSharasaMbhUtaH saumitrirvishvabhAvanaH . ukArAkSharasaMbhUtaH shatrughnastaijasAtmakaH .. 1.. prAj~nAtmakastu bharato makArAkSharasaMbhavaH . ardhamAtrAtmako rAmo brahmAnandaikavigrahaH .. 2.. shrIrAmasA.nnidhyavashAjjagadAdhArakAriNI . utpattisthitisa.nhArakAriNI sarvadehinAm.h .. 3.. sA sItA bhavati j~neyA mUlaprakR^itisa.nj~nitA . praNavatvAtprakR^itiriti vadanti brahmavAdinaH .. 4.. iti.. omityetadakSharamida.n sarva.n tasyopavyAkhyAnaM bhUtaM bhavyaM bhaviShyaditi sarvamo~NkAra eva . yachchAnyattrikAlAtIta.n tadapyo~NkAra eva . sarva.n hyetadbrahma . ayamAtmA brahma so.ayamAtmA chatuShpAjjAgaritasthAno bahiHpraj~naH saptA~Nga ekonavi.nshatimukhaH sthUlabhugvaishvAnaraH prathamaH pAdaH .. svapnasthAno.antaHpraj~naH saptA~Nga ekonavi.nshatimukhaH praviviktabhuk taijaso dvitIyaH pAdaH . yatra supto na ka.nchana kAma.n kAmayate na ka.nchana svapnaM pashyati tatsuShuptam.h . suShuptasthAna ekIbhUtaH praj~nAnaghanaevAnandamayo hyAnandabhuk chetomukhaH prAj~nastR^itIyaH pAdaH . eSha sarveshvara eSha sarvaj~na eSho.antaryAmyeSha yoniH sarvasya prabhavApyayau hi bhUtAnAm.h . nAntaHpraj~na.n na bahiHpraj~na.n nobhayataHpraj~na.n na praj~na.n nApraj~na.n na praj~nAnaghanamadR^ishya\- mavyavahAryamagrAhyamalakShaNamachintyamavyapadeshya\- mekAtmapratyayasAraM prapa~nchopashama.n shAnta.n shivamadvaita.n chaturthaM manyante . sa AtmA sa vij~neyaH sadojjvalo.avidyAtatkAryahInaH svAtmabandhaharaH sarvadA dvaitarahita AnandarUpaH sarvAdhiShThAnasanmAtro nirastAvidyAtamomoho.ahameveti saMbhAvyAhamo.nta\- tsadyatparaMbrahma rAmachandrashchidAtmakaH . so.ahamontadrAmabhadrapara.njyotIraso.ahamomityA\- tmAnamAdAya manasA brahmaNaikIkuryAt.h .. sadA rAmo.ahamasmIti tattvataH pravadanti ye . na te sa.nsAriNo nUna.n rAma eva na sa.nshayaH .. ityupaniShat.h .. ya eva.n veda sa mukto bhavatIti yAj~navalkyaH .. atha hainamatriH paprachCha yAj~navalkya.n ya eSho.ananto.avyaktaparipUrNAnandaikachidAtmA ta.n kathamaha.n vijAnIyAmiti . sa hovAcha yAj~navalkyaH . so.avimukta upAsyo.ayam.h . eSho.ananto.avyakta AtmA so.avimukte pratiShThita iti . so.avimuktaH kasminpratiShThita iti . varaNAyA.n nAsyA.n cha madhye pratiShThita iti .. kA vai varaNA kA cha nAsIti . janmAntarakR^itAnsarvA\- ndoShanvArayatIti tena varaNA bhavatIti . sarvAnindriyakR^itAnpApAnnAshayatIti tena nAsI bhavatIti . katamachchAsya sthAnaM bhavatIti . bhruvorghrANasya cha yaH sandhiH sa eSha dyaurlokasya parasya cha sandhirbhavatIti . etadvai sandhi.n sandhyAM brahmavida upAsata iti .. so.avimukta upAsya iti . so.avimukta.n j~nAnamAchaShTe yo vA etadeva.n veda .. atha taM pratyuvAcha . shrIrAmasya manu.n kAshyA.n jajApa vR^iShabhadhvajaH . manvantarasahasraistu japahomArchanAdibhiH ..1.. tataH prasanno bhagavA~nChrIrAmaH prAha sha.nkaram.h . vR^iNIshva yadabhIShTa.n taddAsyAmi parameshvara .. 2.. iti .. atha sachchidAnandAtmAna.n shrIrAmamIshvaraH paprachCha . maNikarNyAM mama kShetre ga~NgAyA.n vA taTe punaH . mriyeta dehI tajjantormuktirnA.ato varAntaram.h .. 3.. iti .. atha sa hovAcha shrIrAmaH .. kShetre.asmi.nstava devesha yatra kutrApi vA mR^itAH . kR^imikITAdayo.apyAshu muktAH santu na chAnyathA .. 4.. avimukte tava kShetre sarveShAM muktisiddhaye . aha.n sa.nnihitastatra pAShANapratimAdiShu .. 5.. kShetre.asminyo.archayedbhaktyA mantreNAnena mA.n shiva . brahmahatyAdipApebhyo mokShayiShyAmi mA shuchaH .. 6.. tvatto vA brahmaNo vApi ye labhante ShaDakSharam.h . jIvanto mantrasiddhAH syurmuktA mAM prApnuvanti te .. 7.. mumUrShordakShiNe karNe yasya kasyApi vA svayam.h . upadekShyasi manmantra.n sa mukto bhavitA shiva .. 8.. iti shrIrAmachandreNoktam.h .. atha hainaM bhAradvAjo yAj~navalkyamuvAchAtha kairmantraiH stutaH shrIrAmachandraH prIto bhavati . svAtmAna.n darshayati tAnno brUhi bhagavanniti . sa hovAcha yAj~navalkyaH .. pUrva.n satyaloke shrIrAmachandreNaiva.n shikShito brahmA punaretayA gAthayA namaskaroti .. vishvarUpadhara.n viShNu.n nArAyaNamanAmayam.h . pUrNAnandaikavij~nAnaM paraM brahmasvarUpiNam.h .. manasA sa.nsmaranbrahma tuShTAva parameshvaram.h . AUM yo ha vai shrIrAmachandraH sa bhagavAnadvaitaparamAnanda AtmA yatparaM brahma bhUrbhuvaH suvastasmai vai namo namaH .. 1.. yathA prathamamantroktAvAdyantau tathA sarvamantreShu j~nAtavyau .. yashchAkhaNDaikarasAtmA .. 2.. yachcha brahmAnandAmR^itam.h .. 3.. yattArakaM brahma .. 4.. yo brahmA viShNurmaheshvaro yaH sarvadevAtmA .. 5.. ye sarve vedAH sA~NgAH sashAkhAH setihAsapurANAH .. 6.. yo jIvAntarAtmA .. 7.. yaH sarvabhUtAntarAtmA .. 8.. ye devAsuramanuShyAdibhAvAH .. 9.. ye matsyakUrmAdyavatArAH .. 10.. yo.antaHkaraNachatuShTayAtmA .. 11.. yashcha prANaH .. 12.. yashcha yamaH .. 13.. yashchAntakaH .. 14.. yashcha mR^ityuH .. 15.. yachchAmR^itam.h .. 16.. yAni cha pa~nchamahAbhUtAni .. 17.. yaH sthAvaraja~NgamAtmA .. 18.. ye pa~nchAgnayaH .. 19.. yAH sapta mahAvyAhR^itayaH .. 20.. yA vidyA .. 21.. yA sarasvatI .. 22.. yA lakShmIH .. 23.. yA gaurI .. 24.. yA jAnakI .. 25.. yachcha trailokyam.h .. 26.. yaH sUryaH .. 27.. yaH somaH .. 28.. yAni cha nakShatrANi .. 29.. ye cha nava grahAH .. 30.. ye chAShTau lokapAlAH .. 31.. ye chAShTau vasavaH .. 32.. ye chaikAdasha rudrAH .. 33.. ye cha dvadishAdityAH .. 34.. yachcha bhUtaM bhavyaM bhaviShyat.h .. 35.. yadbrahmANDasya bahirvyAptam.h .. 36.. yo hiraNyagarbhaH .. 37.. yA prakR^itiH .. 38.. yashcho~NkAraH .. 39.. yAshchatasro.ardhamAtrAH .. 40.. yaH paramapuruShaH .. 41.. yashcha maheshvaraH .. 42.. yashcha mahAdevaH .. 43.. ya AUM namo bhagavate vAsudevAya .. 44.. yo mahAviShNuH .. 45.. yaH paramAtmA .. 46.. yo vij~nAnAtmA .. 47.. AUM yo ha vai shrIrAmachandraH sa bhagavAnadvaitaparamAnanda AtmA . yaH sachchidAnandAdvaitaikachidAtmA bhUrbhuvaH suvastasmai vai namo namaH .. iti tAnbrahmAbravIt.h . saptachatvAri.nshanmantrairnitya.n deva.n stuvadhvam.h . tato devaH prIto bhavati . svAtmAna.n darshayati . tasmAdya etairmantrairnitya.n deva.n stauti sa devaM pashyati . so.amR^itatva.n gachChatIti mahopaniShat.h .. 5.. atha hainaM bhAradvAjo yAj~navalkyamupasametyovAcha shrIrAmamantrarAjasya mAhAtmyamanubrUhIti . sa hovAcha yAj~navalkyaH . svaprakAshaH para.njyotiH svAnubhUtyaikachinmayaH . tadeva rAmachandrasya manorAdyakSharaH smR^itaH .. 1.. akhaNDaikarasAnandastArakabrahmavAchakaH . rAmAyeti suvij~neyaH satyAnandachidAtmakaH .. 2.. namaHpada.n suvij~neyaM pUrNAnandaikakAraNam.h . sadA namanti hR^idaye sarve devA mumukShavaH .. 3.. iti .. ya evaM mantrarAja.n shrIrAmachandraShaDakShara.n nityamadhIte . so.agnipUto bhavati . sa vAyupUto bhavati . sa AdityapUto bhavati . sa somapUto bhavati . sa brahmapUto bhavati . sa viShNupUto bhavati . sa rudrapUto bhavati . sarvairdevairj~nAto bhavati . sarvakratubhiriShTavAnbhavati . tenetihAsapurANAnA.n rudrANA.n shatasahasrANi japtAni phalAni bhavanti . shrIrAmachandramanusmaraNena gAyatryaH shatasahasrANi japtAni phalAni bhavanti . praNavAnAmayutakoTijapA bhavanti . dasha pUrvAndashottarAnpunAti . sa pa~NktipAvano bhavati . sa mahAnbhavati . so.amR^itatva.n cha gachChati .. atraite shlokA bhavanti . gANapatyeShu shaiveShu shAktasaureShvabhIShTadaH . vaiShNaveShvapi sarveShu rAmamantraH phalAdhikaH .. 4.. gANapatyAdi mantreShu koTikoTiguNAdhikaH . mantrasteShvapyanAyAsaphalado.aya.n ShaDakSharaH .. 5.. ShaDakSharo.ayaM mantraH syAtsarvAghaughanivAraNaH . mantrarAja iti proktaH sarveShAmuttamottamaH .. 6.. kR^ita.n dine yadduritaM pakShamAsartuvarShajam.h . sarva.n dahati niHsheSha.n tUlarAshimivAnalaH .. 7.. brahmahatyAsahasrANi j~nAnAj~nAnakR^itAni cha . svarNasteyasurApAnagurutalpAyutAni cha .. 8.. koTikoTisahasrANi upapAtakajAnyapi . sarvANyapi praNashyanti rAmamantrAnukIrtanAt.h .. 9.. bhUtapretapishAchAdyAH kUShmANDabrahmarAkShasAH . dUrAdeva pradhAvanti rAmamantraprabhAvataH .. 10.. aihalaukikamaishvarya.n svargAdyaM pAralaukikam.h . kaivalyaM bhagavattva.n cha mantro.aya.n sAdhayiShyati .. 11.. grAmyAraNyapashughnatva.n sa.nchita.n duruta.n cha yat.h . madyapAnena yatpApa.n tadapyAshu vinAshayet.h .. 12.. abhakShyabhakhakShaNotpannaM mithyAj~nAnasamudbhavam.h . sarva.n vilIyate rAmamantrasyAsyaiva kIrtanAt.h .. 13.. shrotriyasvarNaharaNAdyachcha pApamupasthitam.h . ratnAdeshchApahAreNa tadapyAshu vinAshayet.h .. 14.. brAhmaNa.n kShatriya.n vaishya.n shUdra.n hatvA cha kilbiSham.h . sa.nchinoti naro mohAdyadyattadapi nAshayet.h .. 15.. gatvApi mAtaraM mohAdagamyAshchaiva yoShitaH . upAsyAnena mantreNa rAmastadapi nAshayet.h .. 16.. mahApAtakapApiShThasa~NgatyA sa.nchita.n cha yat.h . nAshayettatkathAlApashayanAsanabhojanaiH .. 17.. pitR^imAtR^ivadhotpannaM buddhipUrvamagha.n cha yat.h . tadanuShThAnamAtreNasarvametadvilIyate .. 18.. yatprayAgAditIrthoktaprAyashchittashatairapi . naivApanodyate pApa.n tadapyAshu vinAshayet.h .. 19.. puNyakShetreShu sarveShu kurukShetrAdiShu svayam.h . buddhipUrvamagha.n kR^itvA tadapyAshuvinAshayet.h .. 20.. kR^ichChraistaptaparAkAdyairnAnAchAndrAyaNairapi . pApa.n cha nApanodya.n yattadapyAshu vinAshayet.h .. 21.. AtmatulyasuvarNAdidAnairbahuvidhairapi . ki.nchidapyaparikShINa.n tadapyAshu vinAshayet.h .. 22.. avasthAtritayeShvevabuddhipUrvamagha.n cha yat.h . tanmantrasmaraNenaiva niHsheShaM pravilIyate .. 23.. avasthAtritayeShvevaM mUlabandhamantra.n cha yat.h . tattanmantropadeshena sarvametatpraNashyati .. 24.. AbrahmabIjadoShAshcha niyamAtikramodbhvAH . strINA.n cha puruShANA.n cha mantreNAnena nAshitAH .. 25.. yeShu yeShvapi desheShu rAmabhadra upAsyate . durbhikShAdibhaya.n teShu na bhavettu kadAchana .. 26.. shAntaH prasannavadano hyakrodho bhaktavatsalaH . anena sadR^isho mantro jagatsvapi na vidyate .. 27.. samyagArAdhito rAmaH prasIdatyeva satvaram.h . dadAtyAyuShyamaishvaryamante viShNupada.n cha yat.h .. 28.. tadetadR^ichAbhyuktam.h . R^icho akShare parame vyomanyasmindevA adhi vishve niSheduH . yastanna veda kimR^ichA kariShyati ya ittadvidusta ime samAsate . tadviShNoH paramaM pada.n sadA pashyanti sUrayaH . divIva chakShurAtatam.h . tadviprAso vipanyavo jAgR^ivA.nsaH samindhate . viShNoryatparamaM padam.h . AUM satyamityupaniShat.h .. 6.. AUM bhadra.n karNebhiH shruNuyAma devA bhadraM pashyemAkShabhiryajatrAH . sthiraira~NgaistuShTuvA{\m+}sastanUbhirvyashema devahita.n yadAyuH .. svasti na indro vR^iddhashravAH svasti naH pUShA vishvavedAH . svasti nastArkShyo ariShTanemiH svasti no bR^ihaspatirdadhAtu .. AUM shAntiH shAntiH shAntiH .. iti rAmottaratApinyupaniShatsamAptA .. iti rAmatApinyupaniShatsamAptA.. ## Encoded by Sunder Hattangadi \medskip\hrule\obeylines Please send corrections to sanskrit@cheerful.com Last updated \today https://sanskritdocuments.org \end{document}