% Text title            : Rudrahridaya Upanishad
% File name             : rudrahridaya.itx
% Category              : hRidaya, upanishhat, shiva
% Location              : doc\_upanishhat
% Author                : Vedic tradition
% Transliterated by     : Sunder Hattangadi
% Proofread by          : Sunder Hattangadi
% Description-comments  :  85 / 108; Krishna Yajurveda - Shaiva upanishad
% Latest update         : Mar. 29, 2000
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Rudrahridaya Upanishad ..}##
\itxtitle{.. rudrahR^idayopaniShat ..}##\endtitles ##
yadbrahma rudrahR^idayamahAvidyAprakAshitam.h |
tadbrahmamAtrAvasthAnapadavImadhunA bhaje ||
OM saha nAvavatu || saha nau bhunaktu || saha vIryaM karavAvahai ||
tejasvinAvadhItamastu mA vidviShAvahai ||
OM shAntiH shAntiH shAntiH ||
hariH OM ||
hR^idayaM kuNDalI bhasmarudrAkShagaNadarshanam.h |
tArasAraM mahAvAkyaM pa~nchabrahmAgnihotrakam.h || 1||
praNamya shirasA pAdau shuko vyAsamuvAcha ha |
ko devaH sarvadeveShu kasmindevAshcha sarvashaH || 2||
kasya shushrUShaNAnnityaM prItA devA bhavanti me |
tasya tadvachanaM shrutvA pratyuvAcha pitA shukam.h || 3||
sarvadevAtmako rudraH sarve devAH shivAtmakAH |
rudrasya dakShiNe pArshve ravirbrahmA trayo.agnayaH || 4||
vAmapArshve umA devI viShNuH somo.api te trayaH |
yA umA sA svayaM viShNuryo viShNuH sa hi chandramAH || 5||
ye namasyanti govindaM te namasyanti sha~Nkaram.h |
ye.archayanti hariM bhaktyA te.archayanti vR^iShadhvajam.h || 6||
ye dviShanti virUpAkShaM te dviShanti janArdanam.h |
ye rudraM nAbhijAnanti te na jAnanti keshavam.h || 7||
rudrAtpravartate bIjaM bIjayonirjanArdanaH |
yo rudraH sa svayaM brahmA yo brahmA sa hutAshanaH || 8||
brahmaviShNumayo rudra agnIShomAtkaM jagat.h |
puMli~NgaM sarvamIshAnaM strIli~NgaM bhagavatyumA || 9||
umArudrAtmikAH sarvAH grajAH sthAvaraja~NgamAH |
vyaktaM sarvamumArUpamavyaktaM tu maheshvaram.h || 10||
umA sha~Nkarayogo yaH sa yogo viShNuruchyate |
yastu tasmai namaskAraM kuryAdbhaktisamanvitaH || 11||
AtmAnaM paramAtmAnamantarAtmAnameva cha |
j~nAtvA trividhamAtmAnaM paramAtmAnamAshrayet.h || 12||
antarAtmA bhavedbrahmA paramAtmA maheshvaraH |
sarveShAmeva bhUtAnAM viShNurAtmA sanAtanaH || 13||
asya trailokyavR^ikShasya bhUmau viTapashAkhinaH |
agraM madhyaM tathA mUlaM viShNubrahmamaheshvarAH || 14||
kAryaM viShNuH kriyA brahmA kAraNaM tu maheshvaraH |
prayojanArthaM rudreNa mUrtirekA tridhA kR^itA || 15||
dharmo rudro jagadviShNuH sarvaj~nAnaM pitAmahaH |
shrIrudra rudra rudreti yastaM brUyAdvichakShaNaH || 16||
kIrtanAtsarvadevasya sarvapApaiH pramuchyate |
rudro nara umA nArI tasmai tasyai namo namaH || 17||
rudro brahmA umA vANI tasmai tasyai namo namaH |
rudro viShNurumA lakShmIstasmai tasyai namo namaH || 18||
rudraH sUrya umA ChAyA tasmai tasyai namo namaH |
rudraH soma umA tArA tasmai tasyai namo namaH || 19||
rudro divA umA rAtristasmai tasyai namo namaH |
rudro yaj~na umA vedistasmai tasyai namo namaH || 20||
rudro vahnirumA svAhA tasmai tasyai namo namaH |
rudro veda umA shAstaM tasmai tasyai namo namaH || 21||
rudro vR^ikSha umA vallI tasmai tasyai namo namaH |
rudro gandha umA puShpaM tasmai tasyai namo namaH || 22||
rudro.artha akSharaH somA tasmai tasyai namo namaH |
rudro li~NgamumA pIThaM tasmai tasyai namo namaH || 23||
sarvadevAtmakaM rudraM namaskuryAtpR^ithakpR^ithak.h |
ebhirmantrapadaireva namasyAmIshapArvatI || 24||
yatra yatra bhavetsArdhamimaM mantramudIrayet.h |
brahmahA jalamadhye tu sarvapApaiH pramuchyate || 25||
sarvAdhiShThAnamadvandvaM paraM brahma sanAtanam.h |
sachchidAnandarUpaM tadavA~Nmanasagocharam.h || 26||
tasminsuvidite sarvaM vij~nAtaM syAdidaM shuka |
tadAtmakatvAtsarvasya tasmAdbhinnaM nahi kwachit.h || 27||
dve vidye veditavye hi parA chaivAparA cha te |
tatrAparA tu vidyaiShA R^igvedo yajureva cha || 28||
sAmavedastathAtharvavedaH shikShA munIshvara |
kalpo vyAkaraNaM chaiva niruktaM Chanda eva cha || 29||
jyotiShaM cha yathA nAtmaviShayA api buddhayaH |
athaiShA paramA vidyA yayAtmA paramAkSharam.h || 30||
yattadadreshyamagrAhyamagotraM rUpavarjitam.h |
achakShuHshrotramatyarthaM tadapANipadaM tathA || 31||
nityaM vibhuM sarvagataM susUkShmaM cha tadavyayam.h |
tadbhUtayoniM pashyanti dhIrA AtmAnamAtmani || 32||
yaH sarvaj~naH sarvavidyo yasya j~nAnamayaM tapaH |
tasmAdatrAnnarUpeNa jAyate jagadAvaliH || 33||
satyavadbhAti tatsarvaM rajjusarpavadAsthitam.h |
tadetadakSharaM satyaM tadvij~nAya vimuchyate || 34||
j~nAnenaiva hi saMsAravinAsho naiva karmaNA |
shrotriyaM brahmaniShThaM svaguruM gachChedyathAvidhi || 35||
gurustasmai parAM vidyAM dadyAdbrahmAtmabodhinIm.h |
guhAyAM nihitaM sAkShAdakSharaM veda chennaraH || 36||
ChitvA.avidyAmahAgranthiM shivaM gachChetsanAtanam.h |
tadetadamR^itaM satyaM tadboddhavyaM mumukShibhiH || 37||
dhanustAraM sharo hyAtmA brahma tallakShyamuchyate |
apramattena veddhavyaM sharavattanmayo bhavet.h || 38||
lakShyaM sarvagataM chaiva sharaH sarvagato mukhaH |
veddhA sarvagatashchaiva shivalakShyaM na saMshayaH || 39||
na tatra chandrArkavapuH prakAshate
     na vAnti vAtAH sakalA devatAshcha |
sa eSha devaH kR^itabhAvabhUtaH
     svayaM vishuddho virajaH prakAshate || 40||
dvau suparNau sharIre.asmi~njIveshAkShyau saha sthitau |
tayorjIvaH phalaM bhu~Nkte karmaNo na maheshvaraH || 41||
kevalaM sAkShirUpeNa vinA bhogaM maheshvaraH |
prakAshate svayaM bhedaH kalpito mAyayA tayoH || 42||
ghaTAkAshamaThAkAshau yathAkAshaprabhedataH |
kalpitau paramau jIvashivarUpeNa kalpitau || 43||
tattvatashcha shivaH sAkShAchchijjIvashcha svataH sadA |
chichchidAkArato bhinnA na bhinnA chittvahAnitaH || 44||
chitashchinna chidAkAradbhidyate jaDarUpataH |
bhidyate chejjaDo bhedashchidekA sarvadA khalu || 45||
tarkatashcha pramANAchcha chidekatvavyavasthiteH |
chidekatvaparij~nAne na shochati na muhyati || 46||
advaitaM paramAnandaM shivaM yAti tu kaivalam.h || 47||
adhiShThAnaM samastasya jagataH satyachidghanam.h |
ahamasmIti nishchitya vItashoko bhavenmuniH || 48||
svasharIre svayaM jyotiHsvarUpaM sarvasAkShiNam.h |
kShINadoShAH prapashyanti netare mAyayAvR^itAH || 49||
evaM rUpaparij~nAnaM yasyAsti parayoginaH |
kutrachidgamanaM nAsti tasya pUrNasvarUpiNaH || 50||
AkAshamekaM sampUrNaM kutrachinnaiva gachChati |
tadvatsvAtmaparij~nAnI kutrachinnaiva gachChati || 51||
sa yo ha vai tatparamaM brahma yo veda vai muniH |
brahmaiva bhavati svasthaH sachchidAnanda mAtR^ikaH || 52||
ityupaniShat.h ||
OM saha nAvavatu || saha nau bhunaktu || saha vIryaM karavAvahai ||
tejasvinAvadhItamastu mA vidviShAvahai ||
OM shAntiH shAntiH shAntiH ||

iti rudrahR^idayopaniShatsamAptA ||
##
Encoded by Sunder Hattangadi

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}