% Text title            : sUryatApinyupaniShat
% File name             : sUryatApinyupaniShat.itx
% Category              : upanishhat, vedanta, upanishad
% Location              : doc\_upanishhat
% Proofread by          : Sunder Hattangadi
% Description-comments  : aprakAshitA upaniShadaH
% Latest update         : October 18, 2017
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Suryatapinyupanishad ..}##
\itxtitle{.. sUryatApinyupaniShat ..}##\endtitles ##

OM bhadraM karNebhiH shruNuyAma devAH .  bhadraM pashyemAkShabhiryajatrAH .
sthiraira~NgaistuShTuvAMsastanUbhirvyashema devahitaM yadAyuH .
svasti na indro vR^iddhashravAH .  svasti naH pUShA vishvavedAH .
svasti nastArkShyo ariShTanemiH . svasti no bR^ihaspatirdadhAtu ..
OM shAntiH shAntiH shAntiH ..

prathamaH paTalaH

OM atha bhagavantaM kamalAsanaM chaturmukhaM pitaraM brahmANaM sanatkumAra
upasasAra | praNanAmAhaM bho iti | adhIhi bho iti paprachCha | ko manuH |
divyaM kiM dhyeyam | yajjapAtsarvainonivR^ittiH | yadvyAnAtsArUpyasiddhiH
tadbravItu bhagavAn lokAnugrahAyeti | tachChrutvA pitAmaha Aha \-\-
shR^iNotu bhavAnekamanAH sarvadA yamAmananti yannamasyanti devAH
sa brahmA sa shivaH sa harissendraH so.akSharaH paramaH svarAT sa
sUryo bhagavAn sahasrAMshuH taM sUryaM bhagavantaM sarvasvarUpiNaM
nigamA bahudhA varNayanti | kashyapaH pashyako bhavati | yatsarvaM
paripashyatIti saukShmyAt | kashyapAduditAH sUryAH pApAnnirghnanti
sarvadA | rodasyorantardesheShu | apaitaM mR^ityuM jayati | ya evaM veda |
yo.asau tapannudeti | asau yo.astameti | asau yo.akShIyati | eSha hi devaH
pradisho.anusarvAH pUrvo hi jAtaH sa u garbhe antaH | sa vijAyamAnaH sa
janiShyamANaH pratya~NmukhAstiShThati vishvatomukhaH | asau yo.avasarpati
nIlagrIvo vilohitaH | utainaM gopA adR^ishannadR^ishannudahAryaH | utainaM
vishvA bhUtAni sa dR^iShTo mR^iDayAti naH | R^igbhiH pUrvAhNe divi deva
Iyate | yajurvede tiShThati madhye ahnaH | sAmavedenAstamaye mahIyate |
vedairashUnyastribhireti sUryaH | R^igbhyo jAtAM sarvasho mUrtimAhuH ||

eSha brahmA cha viShNushcha rudra eSha hi bhAskaraH |
trimUrtyAtmA trivedAtmA sarvadevamayo raviH || iti |

yogena UrdhvamanthinaH sUryaM bhagavantamupAsate |
dhanadhAnyabahuratnavanto nirvyAdhivanta AyuShyavanta Arogyavanto
rayivanto dhanavanto balavanto bahuputravanta iti | yaH shrIkAmaH
shAntikAmaH tuShTikAmaH puShTikAmo medhAkAmaH praj~nAkAma AyuShkAma
ArogyakAmo.annAdyakAmo bhAskaraM bhagavantamupAsIta | sayoniH
sarUpatAM salokatAM gatvA stutvA mahAnandamudakamupaspR^ishyApo.avagAhya
vAgyataH nityakarma kR^itvA shuchau deshe.apyAsIno darbhAn dhArayamANaH
prA~Nmukha upavishya prANAnAyamya deshakAlau sa~NkIrtya trivedamayaM
trimUrtiM triguNaM chatuShpadaM pa~ncharUpaM ShaDarNavedyaM
saptAshvamaShTashApeti ##(##?##)## mudayAdrisamArUDhamudayantaM
padmakaraM padmAsanaM padmanayanaM padmabAndhavaM divyAmbaradharaM
divyagandhAnulepanaM sarvAbharaNabhUShitaM sarvavedasaM
sarvadevAdhidaivataM sarvadevanamasyantaM kAshyapaM bhAskaraM dhyAtvA
praskaNvaH kaNvaputro munirasya Chando.anuShTubbhAskaro dvAdashAtmako
daivatamudAttasvaro j~nAnaM netraM sUryastattvaM prathamaM bIjaM dvitIyaM
shaktistR^itIyaM kIlakamathApi shrIMbIjaM shaktiH sUrya iti kIlakam
| atha pAdAdyairardharchaiH rR^igbhistR^ichena dvAdashabhirnAmabhiH
mitraravisUryabhAnukhagapUShahiraNyagarbhamarIchyAdityasavitrarkabhAskarAkhyaiH
ShaDbIjaiH sampuTitAH | stasya sidhyanti | gachChedante paraM padam ||

proktamAdityamAhAtmyaM yanmAM tvamanupR^ichChasi |
pratyakShadaivataM bhAnuH parokShaM sarvadevatAH ||
taddhyAnaM pUjanaM kAryaM shreyaskAmairjitendriyaiH |
jitendriyAya shAntAya mantraM deyamidaM mahat ||
na deyaM cha~nchalAkShAya nAbhaktAya kadAchana |
hasanti lokAyatikA hasanti kuTilA janAH ||
tasmAdgopyaM prayatnena na deyaM yasya kasyachit |
rogI rogAt pramuchyeta baddho muchyeta bandhanAt ||
tathA pratyarthikR^ityAbhirmantrayantrAdikilviShaiH |
kiM putra bahunoktena satyaM satyena me shape || iti ||

ityAtharvaNashirasi sUryatApinIye prathamaH paTalaH |

dvitIyaH paTalaH
sanatkumAro bhagavantaM pitaraM praNipatya paprachCha ||
kathaM dhyAnaM kathaM nyAsaH kathaM pUjAvidhAnakam |
arghyadAnaM kathaM kAryaM bravItu bhagavAnidam || iti ||

tato bhagavAn pitAmaha Aha\-
yatavAkkAyamanasaH sUryabhakto brahmachArI vratadharaH Sha..
samudAyaguruM kR^idhi | udyannadyamino bhaja | pitA putrebhyo yathA |
dIrghAyutvasya heshiShe | tasya no dehi sUrya | iti dvyarchaM mahAmantraM
japtvA pratyarthino jayati | udyannadyamitra mahaH | ArohannuttarAM
divam | hR^idrogaM mama sUrya | harimANaM cha nAshaya | shukeShu me
harimANam | ropaNAkAsu dadhmasi | atho hAridraveShu me | harimANaM
nidadhmasi | udagAdayamAdityaH | vishvena sahasA saha | dviShantaM mama
randhayan | mo ahaM dviShato ratham | udyannadyetyayaM tR^icho rogaghnaH
upaniShadantyArdharchasho dviShaM ##(##?##)## nA ##(##?##)## yo naH
shapAdashapat | yashcha naH shapataH shapAt | uShAshcha tasmai nimruk
cha | sarvaM pApaM samUhatAm | ityekarcho rogaghnaH pratyarthihArI ||

AkAsho vahninA yukto dIrghAdyashcha sabindukaH |
Adyo.ayamarNakopiShTho dvitIyena dvitIyakaH ||
tR^itIyena tR^itIyaH syAt dvAdashena tR^itIyakaH |
bhUtena pa~nchamaH proktaH ShaShThaH ShoDashataH svarAt ||
ShaDarcho.ayaM mahAmantraH sarvasiddhipradAyakaH |
etanmantraM mayoddiShTaM guhyAdguhyatamaM mahat ||
etajjaptvA mahAmantraM sarvapApaiH pramuchyate |
pUjayitvA vivasvantamarghyadAnaM samAcharet |
evaM yaH kurute pUjAM muchyate sarvakilbiShaiH ||
sarvAmashnuta iti ||

ityAtharvaNashirasi sUryatApinIye dvitIyaH paTalaH |

tR^itIyaH paTalaH
atha sauramanUni pravakShyAmi nigamoditAni | ghR^iNiriti dve akShare |
sUrya iti trINi | Aditya iti trINi | etadvai sAvitrasyAShTAkSharaM padaM
shriyAbhiShiktam | ya evaM veda | shriyA haivA.abhiShichyate | saha vA
etasya svadhA na yajuShA na sAmnAmartho.asti | yassAvitraM veda | aho
nAhAshvathyaH | sAvitraM vidA~nchakAra | taM ha vAgadR^ishyamAnAbhyuvAcha
| sarvaM bata gautamo vada | yassAvitraM vedeti | sa hovAcha | saiShA
vAgasIti | ayamahaM sAvitraH | devAnAmuttamo lokaH | guhyaM maho
bibhraditi | etAvadiha gautamaH yaj~nopavItaM kR^itvA.adho nipapAta |
namo nama iti | sa hovAcha | mA bhaiShIrgautama jito vai te loka iti |
tasmAdye kecha sAvitraM viduH | sarve te jitalokAH | udyannadya mitra
mahaH | sapatnAnme anInashaH | divainAnvidyatA jahi | nimrochannadharAn
kR^idhi | nyAsopayogastathaivArghyadAne cha pAdanyAsa Adyo.ardharchanyAso
dvitIyaruj~nasa ##(##?##)## stR^itIyastR^ichanyAsashcha bIjanyAso
haMsanyAsa iti bahudhA varNayanti ||

ityAtharvaNashirasi sUryatApinIye tR^itIyaH paTalaH |

chaturthaH paTalaH
atha pUjAvidhAnaM vakShye\-\-
yantrasya pUrvadvAre dvArashriyai kShetrapAlAya mAyAyai nama iti
dakShiNato dvArashriyai gaNeshAya mAyAyai pratyakto durgAyai mAyAyai
udakto mahAlakShmyai mAyAyai namaH | pUrvapatre sUryAyAgneyapatre
ravaye dakShiNe vivasvate nairR^itau khagAya pashchime varuNAya
vAyavye mitrAya saumye AdityAya IshAnye namo mahase bhAskarAya nama
ityathAShTadalapUjAdityasavitR^isUryakhagapUShagabhastimArtANDa\-
jagachchakShubhiraShTabhirjAtairatha
pIThapUjAdhArashaktimUlaprakR^itikUrmAnantavarAhapR^ithivI\-
suvarNamaNTaparatnasiMhAsanair~NintaiH
dharmaj~nAnavairAgyaishvaryairna~npUrvaishcha
~NintairR^igvedAdibhishchaturbhiH
kR^itAdibhishchaturbhirmandArAdibhiH pa~nchabhi.
pIThakalpamUlakandanALapadmapatrakesarakarNikAsUryamaNDala\-
somavahnibrahmaviShNurudrasatva
rajastamAtmAntarAtmA paramAtmabhUH puruShabhuvaH puruShasuvaH
puruShabhUrbhuvassuvaH puruShAdyair~NintaistR^ichena
sarvopachAropayogastena sarvAghaughanivR^ittiH siddhyatIti ||

ityAtharvaNashirasi sUryatApinIye chaturthaH paTalaH |

pa~nchamaH paTalaH
atha yantraM pravakShyAmi devatAsu prasAdhanam |
yantraM vinA devatA cha na prasIdati sarvadA ||

vR^ittamAdau vilikhya sAShTapatraM tatastrikoNaM vR^ittaM
ShaDashraM vR^ittayugaLaM sAdhukoNaM samAlikhediti
| tatraitA devatA AvAhya dvAdashAvaraNAni kuryAttatra
devatAmArtANDAdibhAnvAdityahaMsasUryadivAkaratapanabhAskarA ~NintAH
prathamAvaraNe mitrAdayo dvAdashamantrAdyAH dvitIye sUryodaye
navakheTastR^itIye dhAtA dhruvasomAnilAnalapratyUShaprabhAsashchaturthe
vIrabhadragirishasha~NkaraikapAdahirbudhnyAdInAH
bhuvanAdhipativishAmpatipashupatisthANubhavAH pa~nchame
dhAtraryamAMshumadhyamaNibhavendravivasvatpUShagabhastimArtANDajagachchakShuShaH
ShaShThe aruNasUryavedA~NgabhAnvindraravigabhastiyamasuvarNareto\-
divAkaramitraviShNumAghAdidvAdashamAsAdhipatayaH
saptame asitA~Ngo rurushchandrakrodhonmattakapAlibhIShaNasaMhArAH
aShTame brAhmyAdayaH saptamAtaro navame
indrAdayo.aShTau dashame meShAdayo dvAdashaikAdashe
vajrashaktikhaDgapAshA~NkushagadAtrishUlachandramusalapadmAni dvAdashe
madhye bhAskaraM dhyAyedupachArAn samarpyArghyANi dadyAt bhagavAn suprIto
bhavet ||

ityAtharvaNashirasi sUryatApinIye pa~nchamaH paTalaH |

ShaShThaH paTalaH
atha yantre bIjoddhAraM pravakShyAmi devatAsannidhaye
vR^ittabhAnumatIdvyarNamuddharetkamalAShTaparNeShu daNDa eShaH
pi~NgAkShaprachaNDakShetrapAlagaNapatidurgAlakShmyo ~NentA aShTau
##(##?##)## syAdvarNa bIjakAdyAH ShaTkoNeShu tArayA haMsassohamiti
chaturAshAsu mAyAma~NkushaM cha mAkha ##(##?##)## pvaShTasu
tattadAdyarNamadhye tR^itIyanAmAdikamiti deshikoktyA sarvaM vij~nAya
sAdhakaH siddhyati ||

gurubhaktAya shAntAya pradeyaM niyatAtmane |
na cha shushrUShave vAchyaM haitukAya kadAchana ||
deshikoktavidhAnena yantre devaM prapUjayet |
arghyadAnaM tataH kuryAdbhAnurarghyapriyaH sadA ||
deshikoktena mantreNa tR^ichena cha yathAvidhi |
sAdhakaH sAdhayetsarvamiha loke paratra cha ||
kiM putra bahunoktena satyaM satyena me shape |
pratyakShadaivataM sUryaH parokShaM sarvadevatAH ||
sUryasyopAsanaM kAryaM gachChet sUrya{\m+}sadam |
gachChet sUrya{\m+}sadaM gachChet sUryasa{\m+}sadamiti ||

ityAtharvaNashirasi sUryatApinIye ShaShThaH paTalaH

iti sUryatApinyupaniShat samAptA |

OM bhadraM karNebhiH shruNuyAma devAH .  bhadraM pashyemAkShabhiryajatrAH .
sthiraira~NgaistuShTuvAMsastanUbhirvyashema devahitaM yadAyuH .
svasti na indro vR^iddhashravAH .  svasti naH pUShA vishvavedAH .
svasti nastArkShyo ariShTanemiH . svasti no bR^ihaspatirdadhAtu ..
OM shAntiH shAntiH shAntiH ..

##
Proofread by Sunder Hattangadi

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}