% Text title            : sadAnandopaniShat
% File name             : sadAnandopaniShat.itx
% Category              : upanishhat, shiva, upanishad
% Location              : doc\_upanishhat
% Proofread by          : Kasturi navya sahiti kasturinsahiti at gmail.com
% Description-comments  : aprakAshitA upaniShadaH
% Latest update         : March 20, 2020
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Sadananda Upanishad ..}##
\itxtitle{.. sadAnandopaniShat ..}##\endtitles ##
tachChaMyorAvR^iNImahe\-iti shAntiH
athainaM sadAnandaH saMvarto jaigIShavyashcha nIlalohitaM rudramuvAcha |
bhagavan kimapavargaM sAdhayatIti | sa etebhyo bhagavAn nIlalohitaH
provAcha | antarbahirdhAritaM parambrahmAbhidheyaM shAmbhavaM li~Ngam,
AdhAre dahare.avyakte svarNasphATikavaidrumam | nirantarAnusandhAnAt
tadantardhAraNe viduH ||
chaturdalaM dvAdashAraM dvyashramavyaktakaM shivam |
dahare.a~NguShThamAtraM tamumAkAntamaharnisham |
anirAkAramAtmAnaM dhR^itvA yAnti paraM padam ||
parAt parataro brahmA tatparAt parato hariH |
tatparAt parato.adhIshastasmAt syAduttaraH shivaH ||
jAtavedasamavyaktaM vyaktAvyaktaM paraM sadA |
tamAtmasthaM ye.anupashyanti dhIrAH |
teShAM shAntiH shAshvatI netareShAm ||
antardhAraNashaktena hyashaktena dvijottamAH |
santkR^itya guruNA dattaM shaivaM li~NgamuraHsthale |
dhAryaM vipreNa muktyarthe shivatattvavido viduH ||
yenAchirAtsarvapApaM vyapohya parAtparaM puruShamupaiti vidvAn |

asya mAtrA akAro brahmarUpa ukAro viShNurUpo makAraH kAlakAlaH
ardhamAtrA paramashivaH o~NkAro li~Ngam ||

yo.asau sarvaiShu vedeShu paThyate hyaja IshvaraH |
tasmAttaddhAraNAdetalli~Ngadehamalaukikam |
mR^ite.api tanna dahyeta bile chaitadvinikShipeta ||
ne karmaNA na prajayA dhanena tyAgenaike.amR^itatvamAnashuH ||
yo vA svahastArchitali~NgamekaM parAtpara dhArayate naro vA |
tasyaiva labhyaH parameshvaro.asau nira~njanaM sAmyamupaiti divyam ||
shivali~NgadharaM vipraM vipannaM ta na dAhayet |
yadi vA dAhayettasya brahmahatyA tadA bhavet ||
yadidaM li~NgaM sakaLaM sakaLaniShkaLaM niShkalaM cha sthUlaM sUkShmaM
cha tatparaM sthUle sthUlaM sUkShme sUkShmaM kAraNe tatparaM cha ||

AtmAnabharaNiM kR^itvA praNavaM chottarAraNim |
dhyAnanirmathanAdeva pAshaM dahati mAnavaH |
antarbahishcha talli~NgaM vidhatte yastu shAshvatam ||
avidyA.a.avaraNaM bhittvA brahmaNaH sAyujyaM salokatAmApnoti | tadidaM
li~NgaM prIm | tadidaM OM satyam | yo vidvAn brahmachArI gR^ihI
vAnaprastho yatirvA sadAnandopaniShadaM paThati so.agnipUto bhavati |
sa satyapUto bhavati | svarNasteyAt pUto bhavati |
brahmahatyAyAH pUto bhavati |
sa sakalabhogabhuk dehaM tyaktvA shivasAyujyameti | ityupaniShat ||
(shaiva\-upaniShadaH)

iti sadAnandopaniShat samAptA |

##
Proofread by Kasturi navya sahiti

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}