% Text title : Sanyasa Upanishad % File name : sanyasa.itx % Category : upanishhat % Location : doc\_upanishhat % Author : Vedic tradition % Transliterated by : Sunder Hattangadi % Proofread by : Sunder Hattangadi % Description-comments : 65 / 108; Sama veda - sanyasa upanishad % Latest update : July 20, 2000 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Sanyasa Upanishad ..}## \itxtitle{.. sa.nnyAsopaniShat ..}##\endtitles ## sa.nnyAsopaniShadvedya.n sa.nnyAsipaTalAshrayam.h . sattAsAmAnyavibhava.n svamAtramiti bhAvaye .. AUM ApyAyantu mAmA~NgAni vAkprANashchakShuH shrotramatho balamindriyANi cha .. sarvANi sarvaM brahmopaniShadaM mAhaM brahma nirAkuryAM mA mA brahma nirAkarodanirAkaraNa\- mastvanirAkaraNaM mestu tadAtmani nirate ya upaniShatsu dharmAste mayi santu te mayi santu . AUM shAntiH shAntiH shAntiH .. hariH AUM athAtaH sa.nnyAsopaniShada.n vyAkhyAsyAmo yo.anukrameNa sa.nnyasyati sa sa.nnyasto bhavati . ko.aya.n sa.nnyAsa uchyate katha.n sa.nnyasto bhavati . ya AtmAna.n kriyAbhirgupta.n karoti mAtaraM pitaraM bhAryAM putrAnbandhUnanumodayitvA ye chAsyartvijastAnsarvA.nshcha pUrvavatprANitvA vaishvAnareShTi.n nirvapetsarvasva.n dadyAdyajamAnasya gA R^itvijaH sarvaiH pAtraiH samAropya yadAhavanIye gArhapatye vAnvahAryapachane sabhyAvasathyoshcha prANApAnavyAnodAnasamAnAnsarvAnsarveShu samAropayet.h . sashikhAnkeshAnvisR^ijya yaj~nopavIta.n ChittvA putra.n dR^iShTvA tva.n yaj~nastva.n sarvamityanumantrayet.h . yadyaputro bhavatyAtmAnamevema.n dhyAtvA.anavekShamANaH prAchImudIchi.n vA dishaM pravrajechcha . triShu varNeShu bhikShAcharya.n charet.h . pANipAtreNAnAshana.n kuryAt.h . auShadhavadahanamAcharet.h . auShadhavadashanaM prAshnIyAt.h . yathAlAbhamashnIyAtprANasandhAraNArtha.n yathA medovR^iddhirna jAyate . kR^isho bhUtvA grAma ekarAtra.n nagare pa~ncharAtra.n chaturomAsAnvArShikAngrAme vA nagare vApi vaset.h . vishIrNavastra.n valkala.n vA pratigR^ihNIyAnAnyatpratigR^ihNIyAdyadyashakto bhavati kleshatastapyate tapa iti . yo vA eva.n krameNa sa.nnyasyati yo vA evaM pashyati kimasya yaj~nopavIta.n kAsya shikhA katha.n vAsyopasparshanamiti . ta.n hovAchedamevAsya tadyaj~nopavIta.n yadAtmadhyAna.n vidyA shikhA nIraiH sarvatrAvasthitaiH kArya.n nirvartayannudarapAtreNa jalatIre niketanam.h . brahmavAdino vadantyastamita Aditye katha.n vAsyopasparshanamiti . tAnhovAcha yathAhani tathA rAtrau nAsya nakta.n na divA tadapyetadR^iShiNoktam.h . sa.nkR^iddivA haivAsmai bhavati ya eva.nvidvAnetenAtmAna.n sa.ndhatte .. iti prathamo.adhyAyaH .. 1.. AUM chatvAri.nShatsa.nskArasampannaH sarvato viraktashchittashuddhimetyAshAsUyerShyAha.nkAra.n dagdhvA sAdhanachatuShTayasampanna eva sa.nnyastumarhati . sa.nnyAsa.n nishchaya.n kR^itvA punarna cha karoti yaH . sa kuryAtkR^ichChramAtra.n tu punaH sa.nnyastumarhati ., 1.. sa.nnyAsaM pAtayedyastu patita.n nyAsayettu yaH . sa.nnyAsavighnakartA cha trInetAnpatitAnviduH .. 2.. iti.. atha ShaNDaH patito.a~NgavikalaH straiNo badhiro.arbhako mUkaH pAShaNDashchakrI li~NgI kuShThI vaikhAnasaharadvijau bhR^itakAdhyApakaH shipiviShTo.anagniko nAstiko vairAgyavanto.apyete na sa.nnyAsArhAH . sa.nnyastA yadyapi mahAvAkyopadeshe nAdhikAriNaH .. ArUDhapatitApatya.n kunakhI shyAvadantakaH . kShIbastathA~Ngavikalo naiva sa.nnyastumarhati .. 3.. sampratyavasitAnA.n cha mahApAtakinA.n tathA . vrAtyAnAmabhishastAnA.n sa.nnyAsa.n na kArayet.h .. 4.. vratayaj~natapodAnahomasvAdhyAyavarjitam.h . satyashauchaparibhraShTa.n sa.nnyAsa.n na kArayet.h .. 5.. ete nArhanti sa.nnyAsamAtureNa vinA kramam.h . AUM bhUH svAheti shikhAmutpATya yaj~nopavItaM bahirna nivaset.h . yasho bala.n j~nAna.n vairAgyaM medhAM prayachCheti yaj~nopavIta.n ChittvA AUM bhUH svAhetyapsu vastra.n kaTisUya.n cha visR^ijya sa.nnyastaM mayeti trivAramabhimantrayet.h . sa.nnyAsina.n dvija.n dR^iShTvA sthAnAchchalati bhAskaraH . eSha me maNDalaM bhittvA paraM brahmAdhigachChati .. 6.. ShaShTi.n kulAnyatItAni ShaShTimAgAmikAni cha . kulAnyuddharate prAj~naH sa.nnyastamiti yo vadet.h .. 7.. ye cha santAnajA doShA ye doShA dehasaMbhavAH . praiShAgnirnirdahetsarvA.nstuShArinniva kA~nchanam.h .. 8.. sakhA mA gopAyeti daNDaM parigrahet.h . daNDa.n tu vANava.n saumya.n satvacha.n samaparvakam.h . puNyasthalasamutpanna.n nAnAkalmaShashodhitam.h .. 9.. adagdhamahata.n kITaiH parvagranthivirAjitam.h . nAsAdaghna.n shirastulyaM bhruvorvA bibhR^iyAdyatiH .. 10.. daNDAtmanostu sa.nyogaH sarvathA tu vidhIyate . na daNDena vinA gachChediShukShepatrayaM budhaH .. 11.. jagajjIvana.n jIvanAdhArabhUtaM mAte mAmantrayasva sarvasaumyeti kamaNDaluM parigR^ihya yogapaTTAbhiShikto bhUtvA yathAsukha.n viharet.h .. tyaja dharmamadharma.n cha ubhe satyAnR^ite tyaja . ubhe satyAnR^ite tyaktvA yena tyajasi tattyaja .. 12.. vairAgyasa.nnyAsI j~nAnasa.nnyAsI j~nAnavairAgyasa.nnyAsI karmasa.nnyAsIti chAturvidhyamupAgataH . tadyatheti dR^iShTAnushravika\- viShayavaitR^iShNyametya prAkpuNyakarmavisheShAtsa.nnyastaH sa vairAgyasa.nnyAsI . shAstraj~nAnAtpApapuNyalokAnubhavashravaNA\- tprapa~nchoparato dehavAsanA.n shAstravAsanA.n lokavAsanA.n tyaktvA vamanAnnamiva pravR^itti.n sarva.n heyaM matvA sAdhanachatuShTayasampanno yaH sa.nnyasyati sa eva j~nAnasa.nnyAsI . krameNa sarvamabhyasya sarvamanubhUya j~nAnavairAgyAbhyA.n svarUpAnusandhAnena dehamAtrAvashiShTaH sa.nnyasya jAtarUpadharo bhavati sa j~nAnavairAgyasa.nnyAsI . brahmacharya.n samApya gR^ihI bhUtvA vAnaprasthAshramametya vairAgyAbhAve.apyAshramakramAnusAreNa yaH sa.nnyasyati sa karmasa.nnyAsI . sa sa.nnyAsaH ShaDvidho bhavati kuTIchakabahUdakaha.nsaparamaha.nsaturIyAtItAvadhUtAshcheti . kuTIchakaH shikhAyaj~nopavIti daNDakamaNDaludharaH kaupInashATIkanthAdharaH pitR^imAtR^igurvArAdhanaparaH piTharakhanitrashikyAdimAtrasAdhanapara ekatrAnnAdanaparaH shvetordhvapuNDradhArI tridaNDaH . bahUdakaH shikhAdikanthAdhara\- stripuNDradhArI kuTIchakavatsarvasamo madhukaravR^ittyAShTakavalAshI . ha.nso jaTAdhArI tripuNDrordhvapuNDradhArI asa.nklR^iptamAdhUkarAnnAshI kaupInakhaNDatuNDadhArI . paramaha.nsaH shikhAyaj~nopavItarahitaH pa~nchagR^iheShu karapAtrI ekakaupInadhArI shATImekAmeka.n vaiNava.n daNDamekashATIdharo vA bhasmoddhR^ilanaparaH sarvatyAgI turIyAtIto gomukhavR^ittyA phalAhArI annAhArI chedgR^ihatraye dehamAtrAvashiShTo digaMbaraH kuNapavachCharInvR^ittikaH . avadhUtastvaniyamaH patitAbhishastavarjanapUrvaka.n sarvavarNeShvajagaravR^ittyAhAraparaH svarUpAnusandhAnaparaH . jagattAvadida.n nAha.n savR^ikShatR^iNaparvatam.h . yadbAhya.n jaDamatyanta.n tatsyA.n kathamaha.n vibhuH .. 13.. kAlenAlpena vilayI deho nAhamachetanaH . jaDayA karNashaShkulyA kalpamAnakShaNasthayA .. 14.. shUnyAkR^itiH shUnyabhavaH shabdo nAhamachetanaH . tvachA kShaNavinAshinyA prApyo.aprApyo.ayamanyathA .. 15.. chitprasAdopalabdhAtmA sparsho nAhamachetanaH . labdhAtmA jihvayA tuchCho lolayA lolasattayA .. 16.. svalpasyando dravyaniShTho raso nAhamachetanaH . dR^ishyadarshanayorlIna.n kShayikShaNavinAshinoH .. 17.. kevale draShTari kShINa.n rUpa.n nAhamachetanam.h . nAsayA gandhajaDayA kShayiNyA parikalpitaH .. 18.. pelavo niyatAkAro gandho nAhamachetanaH . nirmamo.amananaH shAnto gatapa~nchendriyabhramaH .. 19.. shuddhachetana evAha.n kalAkalanavarjitaH . chaityavarjitachinmAtramahameSho.avabhAsakaH .. 20.. sabAhyAbhyantaravyApI niShkalo.aha.n nira~njanaH . nirvikalpachidAbhAsa eka AtmAsmi sarvagaH .. 21.. mayaiva chetaneneme sarve ghaTapaTAdayaH . sUryAntA avabhAsyante dIpenevAtmatejasA .. 22.. mayaivaitAH sphurantIha vichitrendriyavR^ittayaH . tejasAntaHprakAshena yathAgnikaNapa~NktayaH .. 23.. anantAnandasaMbhogA paropashamashAlinI . shuddheya.n chinmayI dR^iShTirjayatyakhiladR^iShTiShu .. 24.. sarvabhAvAntarasthAya chaityamuktachidAtmane . pratyakchaitanyarUpAya mahyameva namo namaH .. 25.. vichitrAH shaktayaH svachChAH samA yA nirvikArayA . chitA kriyante samayA kalAkalanamuktayA .. 26.. kAlatrayamupekShitryA hInAyAshchaityabandhanaiH . chitashchaityamupekShitryAH samataivAvashiShyate .. 27.. sA hi vAchAmagamyatvAdasattAmiva shAshvatIm.h . nairAtmasiddhAtmadashAmupayAtaiva shiShyate .. 28.. IhAnIhAmayairantaryA chidAvalitA malaiH . sA chinnotpAditu.n shaktA pAshabaddheva pakShiNI .. 29.. ichChAdveShasamutthena dvandvamohena jantavaH . dharAvivaramagnAnA.n kITAnA.n samatA.n gatAH .. 30.. Atmane.astu namo mahyamavichChinnachidAtmane . parAmR^iShTo.asmi labdho.asmi prodito.asmyachirAdaham.h . uddhR^ito.asmi vikalpebhyo yo.asmi so.asmi namo.astu te .. 31.. tubhyaM mahyamanantAya mahya.n tubhya.n chidAtmane . namastubhyaM pareshAya namo mahya.n shivAya cha .. 32.. tiShThannapi hi nAsIno gachChannapi na gachChati . shAnto.api vyavahArasthaH kurvannapi na lipyate .. 33.. sulabhashchAyamatyanta.n suj~neyashchAptabandhuvat.h . sharIrapadmakuhare sarveShAmeva ShaTpadaH .. 34.. na me bhogasthitau vA~nChA na me bhogavisarjane . yadAyAti tadAyAtu yatprayAti prayAtu tat.h .. 35.. manasA manasi chChinne niraha.nkAra.n gate . bhAvena galite bhAve svasthastiShThAmi kevalaH .. 36.. nirbhAva.n niraha.nkAra.n nirmanaskamanIhitam.h . kevalAspandashuddhAtmanyeva tiShThati me ripuH .. 37.. tR^iShNArajjugaNa.n ChitvA machCharIrakapa~njarAt.h . na jAne kva gatoDDIya niraha.nkArapakShiNI .. 38.. yasya nAha.nkR^ito bhAvo buddhiryasya na lipyate . yaH samaH sarvabhUteShu jIvita.n tasya shobhate .. 39.. yo.antaHshItalayA buddhyA rAgadveShavimuktayA . sAkShivatpashyatIda.n hi jIvita.n tasya shobhate .. 40.. yena samyakparij~nAya heyopAdeyamujjhatA . chittasyAnte.arpita.n chitta.n jIvita.n tasya shobhate .. 41.. grAhyagrAhakasaMbandhe kShINe shAntirudetyalam.h . sthitimabhyAgatA shAntirmokShanAmAbhidhIyate .. 42.. bhraShTabIjopamA bhUyo janmA~NkuaravivarjitA . hR^idi jIvadvimuktAnA.n shuddhA bhavati vAsanA .. 43.. pAvanI paramodArA shuddhasattvAnupAtinI . AtmadhyAnamayI nityA suShuptistheva tiShThati .. 44.. chetana.n chittarikta.n hi pratyakchetanamuchyate . nirmanaskasvabhAvatvAnna tatra kalanAmalam.h .. 45.. sA satyatA sA shivatA sAvasthA pAramAtmikI . sarvaj~natA sA sa.ntR^iptirnatu yatra manaH kShatam.h .. 46.. pralapanvisR^ijangR^ihNannunmiShannimiShannapi . nirastamananAnandaH sa.nvinmAtraparo.asmyaham.h .. 47.. mala.n sa.nvedyamutsR^ijya mano nirmUlayanparam.h . AshApAshAnala.n ChittvA sa.nvinmAtraparo.asmyaham.h .. 48.. ashubhAshubhasa.nkalpaH sa.nshAnto.asmi nirAmayaH . naShTeShTAniShTakalanaH sa.nmAtraparosmyaham.h .. 49.. AtmatAparate tyaktvA nirvibhAgo jagatsthitau . vajrastaMbhavadAtmAnamavalaMbya sthiro.asmyaham.h .. 50.. nirmalAyA.n nirAshAyA.n svasa.nvittau sthito.asmyaham.h . IhitAnIhitairmukto heyopAdeyavarjitaH .. 51.. kadAntastoShameShyAmi svaprakAshapade sthitaH . kadopashAntamanano dharaNIdharakandare .. 52.. sameShyAmi shilAsAmya.n nirvikalpasamAdhinA . nira.nshadhyAnavishrAntimUkasya mama mastake .. 53.. kadA tArNa.n kariShyanti kulAya.n vanaputrikAH . sa.nkalpapAdapa.n tR^iShNAlata.n ChittvA manovanam.h .. 54.. vitatAM bhuvamAsAdya viharAbhi yathAsukham.h . pada.n tadanu yAto.asmi kevalo.asmi jayAmyaham.h .. 55.. nirvANo.asmi nirIho.asmi nira.nsho.asmi nirIpsitaH . svachChatorjitatA sattA hR^idyatA satyatA j~natA .. 56.. AnanditopashamatA sadA pramuditoditA . pUrNatodAratA satyA kAntisattA sadaikatA .. 57.. ityeva.n chintayanbhikShuH svarUpasthitima~njasA . nirvikalpasvarUpaj~no nirvikalpo babhUva ha .. 58.. Aturo jIvati chetkramasa.nnyAsaH kartavyaH . na shUdrastrIpatitodakyA saMbhAShaNam.h . na yaterdevapUjanotsavadarshanam.h . tasmAnna sa.nnyAsina eSha lokaH . AturakuTIchakayorbhUlokabhuvarlokau . bahUdakasya svargalokaH . ha.nsasya tapolokaH . paramaha.nsasya satyalokaH . turIyAtItAvadhUtayoH svAtmanyeva kaivalya.n svarUpAnusandhAnena bhramarakITanyAyavat.h . svarUpAnusandhAnavyatiriktAnyashAstrAbhyAsa uShTraku.nkumabhAravadvyarthaH . na yogashAstrapravR^ittiH . na sA.nkhyashAstrAbhyAsaH . na mantratantravyApAraH . netarashAstrapravR^ittiryaterasti . asti chechChavAla.nkArava\- tkarmAchara vidyAdUraH . na parivrANnAmasa.nkIrtanaparo yadyatkarma karoti tattatphalamanubhavati . eraNDatailaphenavatsarvaM parityajet.h . na devatAprasAdagrahaNam.h . na bAhyadevAbhyarchana.n kuryAt.h . svavyatirikta.n sarva.n tyaktvA madhukaravR^ittyAhAramAharankR^ishIbhUtvA medovR^iddhimakurvanviharet.h . mAdhUkareNa karapAtreNAsyapAtreNa vA kAla.n nayet.h . AtmasaMmitamAhAramAharedAtmavAnyatiH . AhArasya cha bhAgau dvau tR^itIyamudakasya cha . vAyoH sa.ncharaNArthAya chaturthamavasheShayet.h ..59.. bhaikSheNa vartayennitya.n naikAnnAshI bhavetkvachit.h . nirIkShante tvanudvignAstadgR^iha.n yatnato vrajet.h .. 60.. pa~nchasaptagR^ihANA.n tu bhikShAmichChetkriyAvatAm.h . godohamAtramAkA~NkShenniShkrAnto na punarvrajet.h .. 61.. naktAdvarashchopavAsa upavAsAdayAchitaH . ayAchitAdvaraM bhaikShya.n tasmAtbhaikSheNa vardhayet.h .. 62.. naiva savyApasavyena bhikShAkAle vishedgR^ihAn.h . nAtikrAmedgR^ihaM mohAdyatra doSho na vidyate .. 63.. shrotriyAnna.n na bhikSheta shraddhAbhaktibahiShkR^itam.h . vrAtyasyApi gR^ihe bhikShechChraddhAbhaktipuraskR^ite .. 64.. mAdhUkaramasa.nklR^iptaM prAkpraNItamayAchitam.h . tAtkAlika.n chopapannaM bhaikSha.n pa~nchavidha.n smR^itam.h .. 65.. manaHsa.nkalparahitA.nstrIngR^ihAnpa~ncha sapta vA . madhumakShikavatkR^itvA mAdhUkaramiti smR^itam.h .. 66.. prAtaHkAle cha pUrvedyuryadbhaktaiH prAthitaM muhuH . tadbhaikShaM prAkpraNIta.n syAtsthiti.n kuryAttathApi vA .. 67.. bhikShATanasamudyogAdyena kena nimantritam.h . ayAchita.n tu tadbhaikShaM bhoktavya.n cha mumukShubhiH .. 68.. upasthAnena yatproktaM bhikShArthaM brAhmaNena tat.h . tAtkAlikamiti khyAtaM bhoktavya.n yatibhistadA .. 69.. siddhamanna.n yadAnIta.n brAhmaNena maThaM prati . upapannamiti prAhurmunayo mokShakA~NkShiNaH .. 70.. charenmAdhUkaraM bhaikSha.n yatirmlechChakulAdapi . ekAnna.n natu bhu~njIta bR^ihaspatisamAdapi . yAchitAyAchitAbhyA.n cha bhikShAbhyA.n kalpayetsthitam.h .. 71.. na vAyuH sparshadoSheNa nAgnirdahanakarmaNA . nApo mUtrapurIShAbhyA.n nAnnadoSheNa maskarI .. 72.. vidhUme sannamusale vya~NgAre bhuktavajjane . kAle.aparAhNe bhUyiShThe bhikShAcharaNamAcharet.h .. 73.. abhishata.n cha patitaM pApaNDa.n devapUjakam.h . varjayitvA charedbhaikSha.n sarvavarNeShu chApadi .. 74.. ghR^ita.n svamUtrasadR^ishaM madhu syAtsurayA samam.h . taila.n sUkaramUtra.n syAtsUpa.n lashunasaMmitam.h .. 75.. mAShApUShAdi gomA.nsa.n kShIraM mUtrasamaM bhavet.h . tasmAtsarvaprayatnena ghR^itAdInvarjayedyatiH . ghR^itasUpAdisa.nyuktamanna.n nAdyAtkadAchana .. 76.. pAtramasya bhavetpANistena nitya.n sthiti.n nayet.h . pANipAtrashcharanyogI nAsakR^idbhaikShamAcharet.h .. 77.. Asyena tu yadAhAra.n govanmR^igayate muniH . tadA samaH syAtsarveShu so.amR^itatvAya kalpate .. 78.. Ajya.n rudhiramiva tyajedekatrAnnaM palalamiva gandhalepanamashuddhalepanamiva kShAramantyajamiva vastramuchChiShTapAtramivAbhya~Nga.n strIsa~Ngamiva mitrAhlAdakaM mUtramiva spR^ihA.n gomA.nsamiva j~nAtacharadesha.n chaNDAlavATikAdiva striyamahimiva suvarNa.n kAlakUTamiva sabhAsthala.n shmashAnasthalamiva rAjadhAnI.n kuMbhIpAkamiva shavapiNDavadekatrAnna.n na devatArchanam.h . prapa~nchavR^ittiM parityaya jIvanmukto bhavet.h .. AsanaM pAtralopashcha sa.nchayaH shiShyasa.nchayaH . divAsvApo vR^ithAlApo yaterbandhakarANi ShaT.h .. 79.. varShAbhyo.anyatra yatsthAnamAsana.n tadudAhR^itam.h . utkAlAbvAdipAtrANAmekasyApIha sa.ngrahaH .. 80.. yateH sa.nvyavaharAya pAtralopaH sa uchyate . gR^ihItasya tu daNDAderdvitIyasya parigrahaH .. 81.. kAlAntaropabhogArtha.n sa.nchayaH parikIrtitaH . shushrUShAlAbhapUjArtha.n yashortha.n vA parigrahaH .. 82.. shiShyANA.n natu kAruNyAchChiShyasa.ngraha IritaH . vidyA divA prakAshatvAdavidyA rAtriruchyate .. 83.. vidyAbhyAse pramAdo yaH sa divAsvApa uchyate . AdhyAtmikI.n kathAM muktvA bhikShAvArtA.n vinA tathA .. 84.. anugrahaM pariprashna.n vR^ithAjalpo.anya uchyate . ekAnnaM madamAtsarya.n gandhapuShpavibhUShaNam.h .. 85.. tAmbUlAbhya~njane krIDA bhogAkA~NkShA rasAyanam.h . katthana.n kutsana.n svasti jyotishcha krayavikrayam.h .. 86.. kriyAkarmavivAdashcha guruvAkyavila~Nghanam.h . sa.ndhishcha vigraho yAnaM ma~nchaka.n shuklavastrakam.h .. 87.. shuklotsargo divAsvApo bhikShAdhArastu taijasam.h . viSha.n chaivAyudhaM bIja.n hi.nsA.n taikShNya.n cha maithunam.h .. 88.. tyakta.n sa.nnyAsayogena gR^ihadharmAdika.n vratam.h . gotrAdicharaNa.n sarvaM pitR^imAtR^ikula.n dhanam.h . pratiShiddhAni chaitAni sevamAno vrajedadhaH .. 89.. sujIrNo.api sujIrNAsu vidvA.nstrIShu na vishvaset.h . sujIrNAsvapi kanthAsu sajjate jIrNamambaram.h .. 90.. sthAvara.n ja~NgamaM bIja.n taijasa.n viShamAyudham.h . ShaDetAni na gR^ihNIyAdyatirmUtrapurIShavat.h .. 91.. naivAdadIta pAtheya.n yatiH ki.nchidanApadi . pakvamApatsu gR^iNhIyAdyAvadanna.n na labhyate .. 92.. nIrujashcha yuvA chaiva bhikShurnAvasathe vaset.h . parArtha.n na pratigrAhya.n na dadyAchcha katha.nchana .. 93.. dainyabhAvAttu bhUtAnA.n saubhagAya yatishcharet.h . pakva.n vA yadi vA.apakva.n yAchamAno vrajedadhaH .. 94.. annapAnaparo bhikShurvastrAdInAM pratigrahI . Avika.n vAnAvika.n vA tathA paTTapaTAnapi .. 95.. pratigR^ihya yatishchaitAnpatatyeva na sa.nshayaH . advaita.n nAvamAshritya jIvanmuktatvamApnuyAt.h .. 96.. vAgdaNDe maunamAtiShTetkAyadaNDe tvabhojanam.h . mAnase tu kR^ite daNDe prANAyAmo vidhIyate .. 97.. karmaNA badhyate janturvidyayA cha vimuchyate . tasmAtkarma na kurvanti yatayaH pAradarshinaH .. 98.. rathyAyAM bahuvastrANi bhikShA sarvatra labhyate . bhUmiH shayyAsti vistIrNA yatayaH kena duHkhitaH .. 99.. prapa~nchamakhila.n yastu j~nAnAgnau juhuyAdyatiH . AtmanyagnInsamAropya so.agnihotrI mahAyatiH .. 100.. pravR^ittirdvividhA proktA mArjArI chaiva vAnarI . j~nAnAbhyAsavatAmoturvAnarIbhAktvameva cha .. 101.. nApR^iShTaH kasyachidbrUyAnna chAnyAyena pR^ichChataH . jAnannapi hi medhAvI jaDavallokamAcharet.h .. 102.. sarveShAmeva pApAnA.n sa~NghAte samupasthite . tAra.n dvAdashasAhasramabhyasechChedana.n hi tat.h .. 103.. yastu dvAdashasAhasraM praNava.n japate.anvaham.h . tasya dvAdashabhirmAsaiH paraM brahma prakAshate.. 104.. ityupaniShat.h hariH AUM tatsat .. iti dvitIyo.adhyAyaH .. 2.. AUM ApyAyantu mAmA~NgAni vAkprANashchakShuH shrotramatho balamindriyANi cha .. sarvANi sarvaM brahmopaniShadaM mAhaM brahma nirAkuryAM mA mA brahma nirAkarodanirAkaraNa\- mastvanirAkaraNaM mestu tadAtmani nirate ya upaniShatsu dharmAste mayi santu te mayi santu . AUM shAntiH shAntiH shAntiH .. iti sa.nnyAsopaniShatsamAptA .. ## \medskip\hrule\obeylines Please send corrections to sanskrit@cheerful.com Last updated \today https://sanskritdocuments.org \end{document}