% Text title            : Sarasvatirahasya Upanishad
% File name             : sarasvati\_upan.itx
% Category              : upanishhat, upanishad
% Location              : doc\_upanishhat
% Author                : Vedic tradition
% Transliterated by     : Sunder Hattangadi (sunderh at hotmail.com)
% Proofread by          : Sunder Hattangadi (sunderh at hotmail.com)
% Description-comments  :  106 / 108; Krishna Yajurveda - Shakta upanishad
% Latest update         : April  25, 2000
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Sarasvatirahasya Upanishad ..}##
\itxtitle{.. shrIsarasvatIrahasyopaniShat ..}##\endtitles ##

pratiyogivinirmuktabrahmavidyaikagocharam |
akhaNDanirvikalpaM tadrAmachandrapadaM bhaje ||
OM vA~Nme manasi pratiShThitA mano me vAchi pratiShThita\-
mAvirAvIrma edhi || vedasya ma ANIsthaH shrutaM me
prahAsIranenAdhItenAhorAtrAnsandadhAmi R^itaM vadiShyAmi
satyaM vadiShyAmi tanmAmavatu avatu mAmavatu vaktAra\-
mavatu vaktAram || OM shAntiH shAntiH shAntiH ||

hariH OM || R^iShayo ha vai bhagavantamAshvalAyanaM sampUjya
paprachChuH kenopAyena tajj~nAnaM tatpadArthAvabhAsakam |
yadupAsanayA tattvaM jAnAsi bhagavanvada || 1||
sarasvatI dashashlokyA saR^ichA bIjamishrayA |
stutvA japtvA parAM siddhimalabhaM munipu~NgavAH || 2|| R^iShaya UchuH |
kathaM sArasvataprAptiH kena dhyAnena suvrata |
mahAsarasvatI yena tuShTA bhagavatI vada || 3||
sa hovAchAshvalAyanaH | asya shrIsarasvatIdashashlokImahAmantrasya |
ahamAshvalAyana R^iShiH | anuShTup ChandaH | shrI vAgIshvarI devatA |
yadvAgiti bIjam | devIM vAchamiti shaktiH | praNo devIti kIlakam |
viniyogastatprItyarthe | shraddhA medhA praj~nA dhAraNA vAgdevatA
mahAsarasvatItyetaira~NganyAsaH || nIhArahAraghanasArasudhAkarAbhAM
kalyANadAM kanakachampakadAmabhUShAm | uttu~NgapInakuchakumbha\-
manoharA~NgIM vANIM namAmi manasA vachasA vibhUtyai || 1||
OM praNodevItyasya mantrasya bharadvAja R^iShiH | gAyatrI ChandaH |
shrIsarasvatI devatA | praNavena bIjashaktiH kIlakam | iShTArthe viniyogaH |
mantreNa nyAsaH || yA vedAntArthatattvaikasvarUpA paramArthataH |
nAmarUpAtmanA vyaktA sA mAM pAtu sarasvatI || OM praNo devI sarasvatI
vAjebhirvAjinIvatI || dhInAmavitryavatu || 1||
A no diva iti mantrasya atrirR^iShiH | triShTup ChandaH |
sarasvatI devatA | hrImiti bIjashaktiH kIlakam | iShTArthe
viniyogaH | mantreNa nyAsaH || yA sA~NgopA~NgavedeShu
chaturShvekaiva gIyate | advaitA brahmaNaH shaktiH sA mAM
pAtu sarasvatI || hrIM A no divo bR^ihataH parvatAdA sarasvatI
yajatAgaM tu yaj~nam | havaM devI jujuShANA ghR^itAchI
shagmAM no vAchamushatI shruNotu || 2||
pAvakA na iti mantrasya | madhuchChanda R^iShiH | gAyatrI
ChandaH | sarasvatI devatA | shrImiti bIjashaktiH kIlakam |
iShTArthe viniyogaH | mantreNa nyAsaH || yA varNapadavAkyArtha\-
svarUpeNaiva vartate | anAdinidhanAnantA sA mAM pAtu
sarasvatI || shrIM pAvakA naH sarasvatI vAjebhirvAjinIvatI | yaj~naM
vaShTu dhiyA vasuH || 3||
chodayitrIti mantrasya madhuchChanda R^iShiH | gAyatrI ChandaH |
sarasvatI devatA | blUmiti bIjashaktiH kIlakam | mantreNa nyAsaH ||
adhyAtmamadhidaivaM cha devAnAM samyagIshvarI | pratyagAste
vadantI yA sA mAM pAtu sarasvatI || blUM chodayitrI sUnR^itAnAM
chetantI sumatInAm | yaj~naM dadhe sarasvatI || 4||
maho arNa iti mantrasya | madhuchChanda R^iShiH | gAyatrI ChandaH |
sarasvatI devatA | sauriti bIjashaktiH kIlakam | mantreNa nyAsaH |
antaryAmyAtmanA vishvaM trailokyaM yA niyachChati |
rudrAdityArUpasthA yasyAmAveshya tAM punaH | dhyAyanti
sarvarUpaikA sA mAM pAtu sarasvatI | sauH maho arNaH
sarasvatI prachetayati ketunA | dhiyo vishvA virAjati || 5||
chatvAri vAgiti mantrasya uchathyaputra R^iShiH | triShTup ChandaH |
sarasvatI devatA | aimiti bIjashaktiH kIlakam | mantreNa nyAsaH |
yA pratyagdR^iShTibhirjIvairvyajyamAnAnubhUyate | vyApinI
J`naptirUpaikA sA mAM pAtu sarasvatI || aiM chatvAri vAk
parimitA padAni tAni vidurbrAhmaNA ye manIShiNaH | guhA trINi
nihitA ne~Ngayanti turIyaM vAcho manuShyA vadanti || 6||
yadrAgvadantIti mantrasya bhArgava R^iShiH | triShTup ChandaH |
sarasvatI devatA | klImiti bIjashaktiH kIlakam | mantreNa nyAsaH |
nAmajAtyAdibhirbhedairaShTadhA yA vikalpitA | nirvikalpAtmanA
vyaktA sA mAM pAtu sarasvatI || klIM yadvAgvadantyavichetanAni
rAShTrI devAnAM niShasAda mandrA | chatasra UrjaM duduhe
payA.nsi kva svidasyAH paramaM jagAma || 7||
devIM vAchamiti mantrasya bhArgava R^iShiH | triShTup ChandaH |
sarasvatI devatA | sauriti bIjashaktiH kIlakam | mantreNa nyAsaH |
vyaktAvyaktagiraH sarve vedAdyA vyAharanti yAm | sarvakAmadudhA
dhenuH sA mAM pAtu sarasvatI || sauH devIM vAchamajanayanta
devAstA vishvarUpAH pashavo vadanti | sA no mandreShamUrjaM
duhAnA dhenurvAgasmAnupasuShTutaitu || 8||
uta tva iti mantrasya bR^ihaspatirR^iShiH | triShTup ChandaH |
sarasvatI devatA | samiti bIjashaktiH kIlakam | mantreNa nyAsaH |
yAM viditvAkhilaM bandhaM nirmathyAkhilavartmanA | yogI yAti
paraM sthAnaM sA mAM pAtu sarasvatI || saM uta tvaH pashyanna
dadarsha vAchamuta tvaH shruNvanna shruNotyenAm | uto tvasmai
tanvaM 1 visasre jAyeva patya ushatI suvAsAH || 9||
ambitama iti mantrasya gR^itsamada R^iShiH | anuShTup ChandaH |
sarasvatI devatA | aimiti bIjashaktiH kIlakam | mantreNa nyAsaH |
nAmarUpAtmakaM sarvaM yasyAmAveshya tAM punaH |
dhyAyanti brahmarUpaikA sA mAM pAtu sarasvatI || aiM ambitame
nadItame devitame sarasvatI | aprashastA iva smasi prashastimamba
naskR^idhi || 10||
chaturmukhamukhAmbhojavanaha.nsavadhUrmama |
mAnase ramatAM nityaM sarvashuklA sarasvatI || 1||
namaste shArade devi kAshmIrapuravAsini |
tvAmahaM prArthaye nityaM vidyAdAnaM cha dehi me || 2||
akShasUtrA~NkushadharA pAshapustakadhAriNI |
muktAhArasamAyuktA vAchi tiShThatu me sadA || 3||
kambukaNThI sutAmroShThI sarvAbharaNabhUShitA |
mahAsarasvatI devI jihvAgre sa.nnivishyatAm || 4||
yA shraddhA dhAraNA medhA vAgdevI vidhivallabhA |
bhaktajihvAgrasadanA shamAdiguNadAyinI || 5||
namAmi yAminInAthalekhAla~NkR^itakuntalAm |
bhavAnIM bhavasantApanirvApaNasudhAnadIm || 6||
yaH kavitvaM nirAta~NkaM bhuktimuktI cha vA~nChati |
so.abhairchyainAM dashashlokyA nityaM stauti sarasvatIm || 7||
tasyaivaM stuvato nityaM samabhyarchya sarasvatIm |
bhaktishraddhAbhiyuktasya ShaNmAsAtpratyayo bhavet || 8||
tataH pravartate vANI svechChayA lalitAkSharA |
gadyapadyAtmakaiH shabdairaprameyairvivakShitaiH || 9||
ashruto budhyate granthaH prAyaH sArasvataH kaviH |
ityevaM nishchayaM viprAH sA hovAcha sarasvatI || 10||
AtmavidyA mayA labdhvA brahmaNaiva sanAtanI |
brahmatvaM me sadA nityaM sachchidAnandarUpataH || 11||
prakR^ititvaM tataH sR^iShTaM sattvAdiguNasAmyataH |
satyamAbhAti chichChAyA darpaNe pratibimbavat || 12||
tena chitpratibimbena trividhA bhAti sA punaH |
prakR^ityavachChinnatayA puruShatvaM punashcha te || 13||
shuddhasattvapradhAnAyAM mAyAyAM bimbito hyajaH |
sattvapradhAnA prakR^itirmAyeti pratipAdyate || 14||
sA mAyA svavashopAdhiH sarvaj~nasyeshvarasya hi |
vashyamAyatvamekatvaM sarvaj~natvaM cha tasya tu || 15||
sAtvikatvAtsamaShTitvAtsAkShitvAjjagatAmapi |
jagatkartumakartuM vA chAnyathA kartumIshate || 16||
yaH sa Ishvara ityuktaH sarvaj~natvAdibhirguNaiH |
shaktidvayaM hi mAyAyA vikShepAvR^itirUpakam || 17||
vikShepashaktirli~NgAdibrahmANDAntaM jagatsR^ijet |
antardR^igdR^ishyayorbhedaM bahishcha brahmasargayoH || 18||
AvR^iNotyaparA shaktiH sA sa.nsArasya kAraNam |
sAkShiNaH purato bhAtaM li~Ngadehena sa.nyutam || 19||
chitichChAyAsamAveshAjjIvaH syAdvyAvahArikaH |
asya jIvatvamAropAtsAkShiNyapyavabhAsate || 20||
AvR^itau tu vinaShTAyAM bhede bhAte.apayAti tat |
tathA sargabrahmaNoshcha bhedamAvR^itya tiShThati || 21||
yA shaktistvadvashAdbrahma vikR^itatvena bhAsate |
atrApyAvR^itinAshena vibhAti brahmasargayoH || 22||
bhedastayorvikAraH syAtsarge na brahmaNi kvachit |
asti bhAti priyaM rUpaM nAma chetya.nshapa~nchakam || 23||
AdyatrayaM brahmarUpaM jagadrUpaM tato dvayam |
apekShya nAmarUpadve sachchidAnandatatparaH || 24||
samAdhiM sarvadA kuryAdhR^idaye vAtha vA bahiH |
savikalpo nirvikalpaH samAdhirdvividho hR^idi || 25||
dR^ishyashabdAnubhedena sa vikalpaH punardvidhA |
kAmAdyAshchittagA dR^ishyAstatsAkShitvena chetanam || 26||
dhyAyaddR^ishyAnuviddho.ayaM samAdhiH savikalpakaH |
svAnubhUtirasAveshAddR^ishyashabdAdyapekShituH || 28||
nirvikalpaH samAdhiH syAnnivAntasthitadIpavat |
hR^idIva bAhyadeshe.api yasminkasmi.nshcha vastuni || 29||
samAdhirAdyasanmAtrAnnAmarUpapR^ithakkR^itiH |
stabdhIbhAvo rasAsvAdAttR^itIyaH pUrvavanmataH || 30||
etaiH samAdhibhiH ShaDbhirnayetkAlaM nirantaram |
dehAbhimAne galite vij~nAte paramAtmani |
yatra yatra mano yAti tatra tatra parAmR^itam || 31||
bhidyate hR^idayagranthishChidyante sarvasa.nshayAH |
kShIyante chAsya karmANi tasmindR^iShTe parAvare || 32||
mayi jIvatvamIshatvaM kalpitaM vastuto nahi |
iti yastu vijAnAti sa mukto nAtra sa.nshayaH || 33||
ityupaniShat ||

OM vA~Nme manasi pratiShThitA mano me vAchi pratiShThita\-
mAvirAvIrma edhi || vedasya ma ANIsthaH shrutaM me mA
prahAsIranenAdhItenAhorAtrAnsandadhAmi R^itaM vadiShyAmi
satyaM vadiShyAmi tanmAmavatu tadvaktAramavatvavatu mAmavatu
vaktAramavatu vaktAram ||
OM shAntiH shAntiH shAntiH ||
iti sarasvatIrahasyopaniShatsamAptA ||
##
Encoded by Sunder Hattangadi (sunderh@hotmail.com)

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}