% Text title            : Sarvasara Upanishad
% File name             : sarvasara.itx
% Category              : upanishhat
% Location              : doc\_upanishhat
% Author                : Vedic tradition
% Transliterated by     : Sunder Hattangadi
% Proofread by          : Sunder Hattangadi
% Description-comments  : 33/108; Krishna Yajurveda - Samanya upanishad
% Latest update         : Jan. 12, 2000
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. SarvasAra Upanishad ..}##
\itxtitle{.. sarvasAropaniShat ..}##\endtitles ##

samastavedAntasArasiddhAntArthakalevaram.h .
vikalevarakaivalya.n rAmachandrapadaM bhaje ..
sarvasAra.n nirAlamba.n rahasya.n vajrasUchikam.h .
tejonAdadhyAnavidyAyogatattvAtmabodhakam.h ..
AUM saha nAvavatu .. saha nau bhunaktu .. saha vIrya.n karavAvahai ..
tejasvinAvadhItamastu mA vidviShAvahai ..
AUM shAntiH shAntiH shAntiH ..
kathaM bandhaH kathaM mokShaH kA vidyA kA.avidyeti .
jAgratsvapnasuShuptiturIya.n cha katham.h .
annamayaprANamayamanomayavij~nAnamayAnandamayakoshAH katham.h .
kartA jIvaH pa~nchavargaH kShetraj~naH sAkShI kUTastho.antaryAmI katham.h .
pratyagAtmA parAtmA mAyA cheti katham.h .
AtmeshvarajIvaH anAtmanA.n dehAdInAmAtmatvenAbhimanyate
so.abhimAna Atmano bandhaH . tannivR^ittirmokShaH .
yA tadabhimAna.n kArayati sA avidyA . so.abhimAno yayA
nivartate sA vidyA . mana AdichaturdashakaraNaiH
puShkalairAdityAdyanugR^ihItaiH shabdAdInviShayAn\-
sthUlAnyadopalabhate tadAtmano jAgaraNam.h .
tadvAsanAsahitaishchaturdashakaraNaiH shabdAdyabhAve.api
vAsanAmayA~nChabdAdInyadopalabhate tadAtmanaH svapnam.h .
chaturdashakaraNo paramAdvisheShavij~nAnAbhAvAdyadA
shabdAdInnopalabhate tadAtmanaH suShuptam.h .
avasthAtrayabhAvAbhAvasAkShI svayaMbhAvarahita.n
nairantarya.n chaitanya.n yadA tadA turIya.n chaitanyamityuchyate .
annakAryANA.n koshAnA.n samUho.annamayaH kosha uchyate .
prANAdichaturdashavAyubhedA annamayakoshe yadA vartante
tadA prANamayaH kosha ityuchyate .
etatkoshadvayasa.nsakta.n mana Adi chaturdashakaraNairAtmA
shabdAdiviShayasa~NkalpAdIndharmAnyadA karoti tadA manomayaH
kosha ityuchyate . etatkoshatrayasa.nsakta.n tadgatavisheShaj~no
yadA bhAsate tadA vij~nAnamayaH kosha ityuchyate .
etatkoshachatuShTaya.n sa.nsakta.n svakAraNAj~nAne
vaTakaNikAyAmiva vR^ikSho yadA vartate tadAnandamayaH kosha
ityuchyate . sukhaduHkhabuddhyA shreyo.antaH kartA yadA tadA
iShTaviShaye buddhiH sukhabuddhiraniShTaviShaye buddhirduHkhabuddhiH .
shabdasparsharUparasagandhAH sukhaduHkhahetavaH .
puNyapApakarmAnusArI bhUtvA prAptasharIrasa.nyoga\-
maprAptasharIrasa.nyogamiva kurvANo yadA dR^ishyate
tadopahitajIva ityuchyate . mana Adishcha
prANAdishchechChAdishcha sattvAdishcha puNyAdishchaite
pa~nchavargA ityeteShA.n pa~nchavargANA.n dharmIbhUtAtmA
j~nAnAdR^ite na vinashyatyAtmasannidhau nityatvena
pratIyamAna AtmopAdhiryastalli~NgasharIra.n
hR^idgranthirityuchyate tatra yatprakAshate chaitanya.n sa
kShetraj~na ityuchyate . j~nAtR^ij~nAnaj~neyAnAmAvirbhAva\-
tirobhAvaj~nAtA svayamAvirbhAvatirobhAvarahitaH
svaya.njyotiH sAkShItyuchyate .
brahmAdipipIlikAparyanta.n sarvaprANibuddhiShvavashiShTata\-
yopalabhyamAnaH sarvaprANibuddhistho yadA tadA kUTastha
ityuchyate . kUTasthopahitabhedAnA.n svarUpalAbhaheturbhUtvA
maNigaNe sUtramiva sarvakShetreShvanusyUtatvena yadA kAshyate
AtmA tadAntaryAmItyuchyate .
satya.n j~nAnamanantaM brahma . satyamavinAshi . avinAshi
nAma deshakAlavastunimitteShu vinashyatsu yanna vinashyati
tadavinAshi . j~nAna.n nAmotpattivinAsharahita.n nairantarya.n
chaitanya.n j~nAnamuchyate . ananta.n nAma mR^idvikAreShu
mR^idiva svarNavikAreShu svarNamiva tantuvikAreShu
tanturivAvyaktAdisR^iShTiprapa~ncheShu pUrNa.n vyApaka.n
chaitanyamanantamityuchyate .
Ananda.n nAma sukhachaitanyasvarUpo.aparimitAnanda\-
samudro.avashiShTasukhasvarUpashchAnanda ityuchyate .
etadvastuchatuShTaya.n yasya lakShaNa.n deshakAla\-
vastunimitteshvavyabhichArI tatpadArthaH paramAtmetyuchyate .
tvaMpadArthAdaupAdhikAttatpadArthAdaupAdhika\-
bhedAdvilakShaNamAkAshavatsUkShma.n kevalasattA\-
mAtrasvabhAva.n paraM brahmetyuchyate . mAyA nAma
anAdirantavatI pramANApramANasAdhAraNA na satI
nAsatI na sadasatI svayamadhikA vikArarahitA nirUpyamANA
satItaralakShaNashUnyA sA mAyetyuchyate . aj~nAna.n
tuchChApyasatI kAlatraye.api pAmarANA.n vAstavI cha
sattvabuddhirlaukikAnAmidamitthamityanirvachanIyA vaktu.n na shakyate .
nAhaM bhavAmyaha.n devo nendriyANi dashaiva tu .
na buddhirna manaH shashvannAha~NkArastathaiva cha .. 1..
aprANo hyamanAH shubhro buddhyAdInA.n hi sarvadA .
sAkShyaha.n sarvadA nityashchinmAtro.aha.n na sa.nshayaH .. 2..
nAha.n kartA naiva bhoktA prakR^iteH sAkShirUpakaH .
matsAnnidhyAtpravartante dehAdyA ajaDA iva .. 3..
sthANurnityaH sadAnandaH shuddho j~nAnamayo.amalaH .
AtmAha.n sarvabhUtAnA.n vibhuH sAkShI na sa.nshayaH .. 4..
brahmaivAha.n sarvavedAntavedya.n
      nAha.n vedya.n vyomavAtAdirUpam.h .
rUpa.n nAha.n nAma nAha.n na karma
      brahmaivAha.n sachchidAnandarUpam.h .. 5..
nAha.n deho janmamR^ityu kuto me
      nAhaM prANaH kShutpipAse kuto me .
nAha.n chetaH shokamohau kuto me
      nAha.n kartA bandhamokShau kuto ma ityupaniShat.h ..
AUM saha nAvavatu .. saha nau bhunaktu .. saha vIrya.n karavAvahai ..
tejasvinAvadhItamastu mA vidviShAvahai ..
AUM shAntiH shAntiH shAntiH ..
##
Encoded by Sunder Hattangadi

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}