% Text title            : Saubhagyalaksmi Upanishad
% File name             : saubhagya.itx
% Category              : upanishhat, veda, rigveda
% Location              : doc\_upanishhat
% Author                : Vedic tradition
% Transliterated by     : Sunder Hattangadi (sunderh at hotmail.com)
% Proofread by          : Sunder Hattangadi (sunderh at hotmail.com)
% Description-comments  :  105 / 108; Rigveda - shakta upanishad
% Latest update         : April  24, 2000, June 22, 2011
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. SaubhagyalakShmi Upanishad ..}##
\itxtitle{.. saubhAgyalakShmyupaniShat ..}##\endtitles ##

(R^igvedIyA)

saubhAgyalakShmIkaivalyavidyAvedyasukhAkR^iti |
tripAnnArAyaNAnandaramachandrapadaM bhaje ||
OM vA~Nme manasi pratiShThitA mano me vAchi
pratiShThitamAvirAvIrma edhi ||
vedasya ma ANIsthaH shrutaM me mA
prahAsIranenAdhItenAhorAtrAnsandadhAmyR^itaM
vadiShyAmi satyaM vadiShyAmi ||
tanmAmavatu tadvaktAramavatu avatu mAmavatu
vaktAramavatu vaktAram ||
OM shAntiH shAntiH shAntiH ||

(saubhAgyalakShmIvidyAjij~nAsA)

hariH OM || atha bhagavantaM devA Uchurhe
bhagavannaH kathaya saubhAgyalakShmIvidyAm |

tathetyavochadbhagavAnAdinArAyaNaH sarve devA
yUyaM sAvadhAnamanaso bhUtvA shR^iNuta
turIyarUpAM turIyAtItAn sarvotkaTAM
sarvamantrAsanagatAM pIThopapIThadevatAparivR^itAM
chaturbhujAM shriyaM hiraNyavarNAmiti
pa~nchadashargbhirdhyAyet | atha pa~nchadasha
R^igAtmakasya shrIsUktasyAnandakardamachiklItendirAsutA
R^iShayaH | shrIR^iShyAdyA R^ichaH
chaturdashAnamR^ichAmAnandAdyR^iShayaH |
hiraNyavarNAdyAdyatrayasyAnuShTup ChandaH |
kAMsosmItyasya bR^ihatI ChandaH |
tadanyayordvayostriShTup | punaraShTakasyAnuShTup |
sheShasya prastArapa~NktiH | shryagnirdevatA |
hiraNyavarNAmiti bIjam | kAMso.asmIti shaktiH |
hiraNmayA chandrA rajatasrajA hiraNyA hiraNyavarNeti
praNavAdinamontaishchaturthyantaira~NganyAsaH |
atha vaktratrayaira~NganyAsaH | mastakalochanashrutighrANa\-
vadanakaNThabAhudvayahR^idayanAbhiguhyapAyUrujAnuja~NgheShu
shrIsUktaireva kramasho nyaset | aruNakamalasaMsthA
tadrajaHpu~njavarNA karakamaladhR^iteShTA.abhItiyugmAmbujA cha |
maNikaTakavichitrAla~NkR^itAkalpajAlaiH sakalabhuvanamAtA
santataM shrIH shriyai naH || 1||

(saubhagyalakShmIchakram)

tatpIThakarNikAyAM sasAdhyaM shrIbIjam |
vasvAdityakalApadmeShu shrIsUktagatArdhArdharchA
tadbahiryaH shuchiriti mAtR^ikayA cha shriyaM yantrA~NgadashakaM
cha vilikhya shriyamAvAhayet | a~NgaiH prathamA vR^ittiH |
padmAdibhirdvitIyA | sokeshaistR^itIyA | tadAyudhaisturIyA
vR^ittirbhavati | shrIsUktairAvAhanAdi | ShoDashasahasrajapaH |

(ekAkSharImantrasya R^iShyAdi)

saubhAgyaramaikAkSharyA bhR^igunichR^idgAyatrI | shriya R^iShyAdayaH |
shamiti bIjashaktiH | shrImityAdi ShaDa~Ngam | bhUyAdbhUyo
dvipadmAbhayavaradakarA taptakArtasvarAbhA shubhrAbhrAbhebhayugma\-
dvayakaradhR^itakumbhAdbhirAsichyamAnA | raktaughAbaddhamauli\-
rvimalataradukUlArtavAlepanADhyA padmAkShI padmanAbhorasi
kR^itavasatiH padmagA shrIH shriyai naH || 1||

(ekAkSharIchakram)

tatpITham | aShTapatraM vR^ittatrayaM dvAdasharAshikhaNDaM
chaturasraM ramApIThaM bhavati | karNikAyAM sasAdhyaM shrIbIjam |
vibhUtirunnatiH kAntiH sR^iShTiH kIrtiH sannatirvyuShTiH
satkR^iShTirR^iddhiriti praNavAdinamo taishchaturthyantairnavashaktiM
yajet | a~Nge prathamA vR^itiH |
vAsudevAbhirdvitIyA | bAlAkyAdibhistR^itIyA |
indrAdibhishchaturthI bhavati |
dvAdashalakShajapaH |

(lakShmImantravisheShAH)

shrIlakShmIrvaradA viShNupatnI
vasupradA hiraNyarUpA
svarNamAlinI rajatasrajA svarNaprabhA svarNaprAkArA
padmavAsinI padmahastA
padmapriyA muktAla~NkArA chandrasUryA bilvapriyA IshvarI
bhuktirmuktirvibhUtirR^iddhiH samR^iddhiH kR^iShTiH
puShTirdhanadA dhaneshvarI
shraddhA bhoginI bhogadA sAvitrI dhAtrI
vidhAtrItyAdipraNavAdinamontAshchaturthyantA
mantrAH | ekAkSharavada~NgAdipITham | lakShajapaH |
dashAMshaM tarpaNam |
dashAMshaM havanam | dvijatR^iptiH | niShkAmAnAmeva
shrIvidyAsiddhiH |
na kadApi sakAmAnAmiti || 1||

dvitIyaH khaNDaH

(uttamAdhikAriNAM j~nAnayogaH)

atha hainaM devA UchusturIyayA mAyayA nirdiShTaM
tattvaM brUhIti | tatheti sa hovAcha |
yogena yogo j~nAtavyo yogo yogAtpravardhate |
yo.apramattastu yogena sa yogI ramate chiram || 1||
samApayya nidrAM sijIrNe.alpabhojI
     shramatyAjyabAdhe vivikte pradeshe |
sadA shItanistR^iShNa eSha prayatno.atha
     vA prANarodho nijAbhyAsamArgAt || 2||
vaktreNApUrya vAyuM hutavalanilaye.apAnamAkR^iShya dhR^itvA
     svA~NguShThAdya~NgulIbhirvarakaratalayoH ShaDbhirevaM nirudhya |
shrotre netre cha nAsApuTayugalamato.anena mArgeNa samyak\-
     pashyanti pratyayAshaM praNavabahuvidhadhyAnasaMlInachittAH || 3||

(nAdAvirbhAvapUrvako granthitrayabhedaH)

shravaNamukhanayananAsAnirodhanenaiva kartavyam |
shuddhasuShumnAsaraNau sphuTamamalaM shrUyate nAdaH || 4||
vichitraghoShasaMyuktAnAhate shrUyate dhvaniH |
divyadehashcha tejasvI divyagandho.apyarogavAn || 5||
sampUrNahR^idayaH shUnye tvArambhe yogavAnbhavet |
dvitIyA vighaTIkR^itya vAyurbhavati madhyagaH || 6||
dR^iDhAsano bhavedyogI padmAdyAsanasaMsthitaH |
viShNugranthestato bhedAtparamAnandasambhavaH || 7||
atishUnyo vimardashcha bherIshabdastato bhavet |
tR^itIyAM yatnato bhittvA ninAdo mardaladhvaniH || 8||

(akhaNDabrahmAkAravR^ittiH)

mahAshUnyaM tato yAti sarvasiddhisamAshrayam |
chittAnandaM tato bhittvA sarvapIThagatAnilaH || 9||
niShpattau vaiShNavaH shabdaH kvaNatIti kvaNo bhavet |
ekIbhUtaM tadA chittaM sanakAdimunIDitam || 10||
ante.anantaM samAropya khaNDe.akhaNDaM samarpayan |
bhUmAnaM prakR^itiM dhyAtvA kR^itakR^ityo.amR^ito bhavet || 11||

(nirvikalpabhAvaH)

yogena yogaM saMrodhya bhAvaM bhAvena chA~njasA |
nirvikalpaM paraM tattvaM sadA bhUtvA paraM bhavet || 12||
ahaMbhAvaM parityajya jagadbhAvamanIdR^isham |
nirvikalpe sthito vidvAnbhUyo nApyanushochati || 13||
salile saindhAvaM yadvatsAmyaM bhavati yogataH |
tathAtmamanasaurekyaM samAdhirabhidhIyate || 14||
yadA saMkShIyate prANo mAnasaM cha pralIyate |
tadA samarasatvaM yatsamAdhirabhidhIyate || 15||
yatsamatvaM tayoratra jIvAtmaparamAtmanoH |
samastanaShTasa~NkalpaH samAdhirabhidhIyate || 16||
prabhAshUnyaM manaHshUnyaM buddhishUnyaM nirAmayam |
sarvashUnyaM nirAbhAsaM samAdhirabhidhIyate || 17||

tR^itIya khaNDaH

(AdhArachakam)

svayamuchchalite dehe dehI nityasamAdhinA |
nishchalaM taM vijAnIyAtsamAdhirabhidhIyate || 18||
yatrayatra mano yAti tatratatra paraM padam |
tatratatra paraM brahma sarvatra samavasthitam || 19|| iti|| || 2||

atha hainaM devA UchurnavachakravivekamanubrUhIti |
tatheti sa hovAcha AdhAre brahmachakraM trirAvR^ittaM
bhagamaNDalAkAram | tatra mUlakande shaktiH pAvakAkAraM
dhyAyet | tatraiva kAmarUpapIThaM sarvakAmapradaM bhavati |
ityAdhArachakram | dvitIyaM svAdhiShThAnachakraM
ShaDdalam | tanmadhye pashchimAbhimukhaM li~NgaM
pravAlA~NkurasadR^ishaM dhyAyet | tatraivoDyANapIThaM
jagadAkarShaNasiddhidaM bhavati | tR^itIyaM
nAbhichakraM pa~nchAvartaM sarpakuTilAkAram |
tanmadhye kuNDalinIM bAlArkakoTiprabhAM
tanumadhyAM dhyAyet | sAmarthyashaktiH sarvasiddhipradA
bhavati | maNipUrachakraM hR^idayachakram |
aShTadalamadhomukham | tanmadhye jyotirmayali~NgAkAraM
dhyAyet | saiva haMsakalA sarvapriyA sarvalokavashyakarI
bhavati | kaNThachakraM chatura~Ngulam | tatra vAme iDA
chandranADI dakShiNe pi~NgalA sUryanADI tanmadhye suShumnAM
shvetavarNAM dhyAyet | ya evaM vedAnAhatA siddhidA bhavati |
tAluchakram | tatrAmR^itadhArApravAhaH |
ghaNTikAli~NgamUlachakrarandhre rAjadantAvalambinIvivaraM
dashadvAdashAram | tatra shUnyaM dhyAyet | chittalayo bhavati |
saptamaM bhrUchakrama~NguShThamAtram | tatra j~nAnanetraM
dIpashikhAkAraM dhyAyet | tadeva kapAlakandavAksiddhidaM
bhavati | Aj~nAchakramaShTamam | brahmarandhraM nirvANachakram |
tatra sUchikAgR^ihetaraM dhUmrashikhAkAraM dhyAyet | tatra
jAlandharapIThaM mokShapradaM bhavatIti parabrahmachakram |
navamamAkAshachakram | tatra ShoDashadalapadmamUrdhvamukhaM
tanmadhyakarNikAtrikUTAkAram | tanmadhye UrdhvashaktiH |
tAM pashyandhyAyet | tatraiva pUrNagiripIThaM
sarvechChAsiddhisAdhanaM bhavati | saubhAgyalakShmyupaniShadaM
nityamadhIte yo.agnipUto bhavati | sa vAyupUto bhavati | sa
sakaladhanadhAnyasatputrakalatrahayabhUgajapashumahiShIdAsIdAsa\-
yogaj~nAnavAnbhavati | na sa punarAvartate na sa punarAvartata
ityupaniShat |

OM vA~Nme manasi pratiShThitA mano me vAchi pratiShThitam
AvirAvIrma edhi || vedasya ma ANIsthaH shrutaM me mA
prahAsIranenAdhItenAhorAtrAnsandadhAmyR^itaM vadiShyAmi
satyaM vadiShyAmi || tanmAmavatu tadvaktAramavatu avatu mAmavatu
vaktAramavatu vaktAram ||
OM shAntiH shAntiH shAntiH ||

iti shrIsaubhAgyalakShmyupaniShatsamAptA ||
##
Encoded by Sunder Hattangadi sunderh at hotmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}