% Text title            : Sharabha Upanishad
% File name             : sharabha.itx
% Category              : upanishhat, svara
% Location              : doc\_upanishhat
% Author                : Vedic tradition
% Transliterated by     : Sunder Hattangadi
% Proofread by          : Sunder Hattangadi
% Description-comments  : 50 / 108; Atharva Veda - shaiva upanishad
% Latest update         : Mar. 19, 2000
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Sharabha Upanishad ..}##
\itxtitle{.. sharabhopaniShat ..}##\endtitles ##

sarva.n santyajya munayo yadbhajantyAtmarUpataH .
tachChArabha.n tripAdbrahma svamAtramavashiShyate ..
AUM bhadra.n karNebhiH shR^iNuyAma devAH .
bhadraM pashyemAkShabhiryajatrAH .
sthiraira~NgaistuShTuvA{\m+}sastanUbhiH .
vyashema devahita.n yadAyuH .
svasti na indro vR^iddhashravAH . svasti naH pUShA vishvadevAH .
svasti nastArkShyo ariShTanemiH . svasti no bR^ihaspatirdadhAtu ..
AUM shAntiH shAntiH shAntiH ..
atha hainaM paippalAdo brahmANamuvAcha bho bhagavan.h
brahmaviShNurudrANAM madhye ko vA adhikataro dhyeyaH
syAttattvameva no brUhIti .
tasmai sa hovAcha pitAmahashcha
     he paippalAda shR^iNu vAkyametat.h .
bahUni puNyAni kR^itAni yena
     tenaiva labhyaH parameshvaro.asau .
yasyA~Ngajo.aha.n haririndramukhyA
     mohAnna jAnanti surendramukhyAH .. 1..
prabhu.n vareNyaM pitaraM mahesha.n
     yo brahmANa.n vidadhAti tasmai .
vedA.nshcha sarvAnprahiNoti chAgrya.n
     ta.n vai prabhuM pitara.n devatAnAm.h .. 2..
mamApi viShNorjanaka.n devamIDyaM
     yo.antakAle sarvalokAnsa.njahAra .. 3..
sa ekaH shreShThashcha sarvashAstA sa eva variShThashcha .
yo ghora.n veShamAsthAya sharabhAkhyaM maheshvaraH .
nR^isi.nha.n lokahantAra.n sa.njaghAna mahAbalaH .. 4..
hari.n harantaM pAdAbhyAmanuyAnti sureshvarAH .
mAvadhIH puruSha.n viShNu.n vikramasva mahAnasi .. 5..
kR^ipayA bhagavAnviShNu.n vidadAra nakhaiH kharaiH .
charmAmbaro mahAvIro vIrabhadro babhUva ha .. 6..
sa eko rudro dhyeyaH sarveShA.n sarvasiddhaye . yo brahmaNaH pa~nchavakrahantA
tasmai rudrAya namo astu .. 7..
yo visphuli~Ngena lalATajena sarva.n jagadbhasmasAtsa.nkaroti .
punashcha sR^iShTvA punarapyarakShadeva.n svatantraM prakaTIkaroti .
tasmai rudrAya namo astu .. 8..
yo vAmapAdena jaghAna kAla.n ghoraM pape.atho hAlahala.n dahantam.h .
tasmai rudrAya namo astu .. 9..
yo vAmapAdArchitaviShNunetrastasmai dadau chakramatIva hR^iShTaH .
tasmai rudrAya namo astu .. 10..
yo dakShayaj~ne surasa~NghAnvijitya
     viShNuM babandhoragapAshena vIraH .
tasmai rudrAya namo astu .. 11..
yo lIlayaiva tripura.n dadAha
     viShNu.n kavi.n somasUryAgninetraH .
sarve devAH pashutAmavApuH
    svaya.n tasmAtpashupatirbabhUva .
tasmai rudrAya namo astu .. 12..
yo matsyakUrmAdivarAhasi.nhA\-
     nviShNu.n kramanta.n vAmanamAdiviShNum.h .
viviklavaM pIDyamAna.n sureshaM
     bhasmIchakAra manmatha.n yama.n cha .
tasmai rudrAya namo astu .. 13..
evaM prakAreNa bahudhA pratuShTvA
     kShamApayAmAsurnIlakaNThaM maheshvaram.h .
tApatrayasamudbhUtajanmamR^ityujarAdibhiH .
nAvidhAni duHkhAni jahAra parameshvaraH ..14..
evaM mantraiH prArthyamAna AtmA vai sarvadehinAm.h .
sha~Nkaro bhagavAnAdyo rarakSha sakalAH prajAH .. 15..
yatpAdAmbhoruhadvandvaM mR^igyate viShNunA saha .
stutvA stutyaM maheshAnamavA~Nmanasagocharam.h .. 16..
bhaktyA namratanorviShNoH prasAdamakarodvibhuH .
yato vAcho nivartante aprApya manasA saha .
AnandaM brahmaNo vidvAnna bibheti kadAchaneti .. 17..
aNoraNIyAnmahato mahIyA\-
     nAtmAsyajantornihito guhAyAm.h .
tamakratuM pashyati vItashoko
     dhAtuHprasAdAnmahimAnamIsham.h .. 18..
vasiShThavaiyAsakivAmadeva\-
     viri~nchimukhyairhR^idi bhAvyamAnaH .
sanatsujAtAdisanAtanAdyai\-
     rIDyo mahesho bhagavAnAdidevaH .. 19..
satyo nityaH sarvasAkShI mahesho
     nityAnando nirvikalpo nirAkhyaH .
achintyashaktirbhagavAngirIshaH
     svAvidyayA kalpitamAnabhUmiH .. 20..
atimohakarI mAyA mama viShNoshcha suvrata .
tasya pAdAmbujadhyAnAddustarA sutarA bhavet.h .. 21..
viShNurvishvajagadyoniH svA.nshabhUtaiH svakaiH saha .
mamA.nshasaMbhavo bhUtvA pAlayatyakhila.n jagat.h .. 22..
vinAsha.n kAlato yAti tato.anyatsakalaM mR^iShA .
AUM tasmai mahAgrAsAya mahAdevAya shUline .
maheshvarAya mR^iDAya tasmai rudrAya namo astu .. 23..
eko viShNurmahadbhUtaM pR^ithagbhUtAyanekashaH .
trI.nllokAnvyApya bhUtAtmA bhu~Nkte vishvabhugavyayaH .. 24..
chaturbhishcha chaturbhishcha dvAbhyAM pa~nchamireva cha .
hUyate cha punardvAbhyA.n sa me viShNuH prasIdatu .. 25..
brahmArpaNaM brahma havirbrahmAgnau brahmaNA hutam.h .
brahmaiva tena gantavyaM brahmakarmasamAdhinA .. 26..
sharA jIvAstada~NgeShu bhAti nitya.n hariH svayam.h .
brahmaiva sharabhaH sAkShAnmokShado.ayaM mahAmune .. 27..
mAyAvashAdeva devA mohitA mamatAdibhiH .
tasya mAhAtmyaleshA.nsha.n vaktu.n kenApya shakyate .. 28..
parAtparataraM brahma yatparAtparato hariH .
parAtparataro hIshastasmAttulyo.adhiko na hi .. 29..
eka eva shivo nityastato.anyatsakalaM mR^iShA .
tasmAtsarvAnparityajya dhyeyAnviShNvAdikAnsurAn.h .. 30..
shiva eva sadA dhyeyaH sarvasa.nsAramochakaH .
tasmai mahAgrAsAya maheshvarAya namaH .. 31..
paippalAdaM mahAshAstra.n na deya.n yasya kasyachit.h .
nAstikAya kR^itaghnAya durvR^ittAya durAtmane .. 32..
dAMbhikAya nR^isha.nsAya shaThAyAnR^itabhAShiNe .
suvratAya subhaktAya suvR^ittAya sushIline .. 33..
gurubhaktAya dAntAya shAntAya R^ijuchetase .
shivabhaktAya dAtavya.n brahmakarmoktadhImate .. 34..
svabhaktAyaiva dAtavyamakR^itaghnAya suvratam.h .
na dAtavya.n sadA gopya.n yatnenaiva dvijottama .. 35..
etatpaippalAdaM mahAshAstra.n yo.adhIte shrAvayeddvijaH
sa janmamaraNebhyo mukto bhavati . yo jAnIte so.amR^itatva.n
cha gachChati . garbhavAsAdvimukto bhavati . surApAnAtpUto
bhavati . svarNasteyAtpUto bhavati . brahmahatyAtpUto
bhavati . gurutalpagamanAtpUto bhavati . sa sarvAnvedAnadhIto
bhavati . sa sarvAndevAndhyAto bhavati . sa samastamahApAtako\-
papAtakAtpUto bhavati . tasmAdavimuktamAshrito bhavati .
sa satata.n shivapriyo bhavati . sa shivasAyujyameti . na sa
punarAvartate na sa punarAvartate . brahmaiva bhavati . ityAha
bhagavAnbrahmetyupaniShat.h ..
AUM bhadra.n karNebhiH shR^iNuyAma devAH .
bhadraM pashyemAkShabhiryajatrAH .
sthiraira~NgaistuShTuvA{\m+}sastanUbhiH .
vyashema devahita.n yadAyuH .
svasti na indro vR^iddhashravAH . svasti naH pUShA vishvavedAH .
svasti nastArkShyo ariShTanemiH . svasti no bR^ihaspatirdadhAtu .
AUM shAntiH shAntiH shAntiH ..
iti sharabhopaniShatsamAptA ..
##
Encoded by Sunder Hattangadi

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}