% Text title            : siddhAntasAropaniShat
% File name             : siddhAntasAropaniShat.itx
% Category              : upanishhat, shiva
% Location              : doc\_upanishhat
% Proofread by          : Kasturi navya sahiti kasturinsahiti at gmail.com
% Description-comments  : aprakAshitA upaniShadaH
% Latest update         : March 20, 2020
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Siddhantasara Upanishad ..}##
\itxtitle{.. siddhAntasAropaniShat ..}##\endtitles ##
bhadraM karNebhiH\-iti shAntiH
\section{prathamAvaraNam |}
atha bhAradvAjaH kumAraM paprachCha | bhagavan me brUhi
paramatattvakailAsarahasyam | tadguhyamuvAcha skandaH |
sAdhu pR^iShTaM sarvaM nivedayAmi yathAj~nAtaM mayA |
he bhAradvAja shR^iNu vAkyametat | paramakaivalyaH sa eva kailAsaH |
IshvarakR^ipayA paramaparipakvachittA jAnanti | nAnye jAnanti
guhyamidamanirvAchyamamitabodhasAgaramamitAnandasamudramakhaNDAnanda\-
rUpanniravayavaM nirAdhAraM nirvikAraM nira~njanamanantaM
brahmAnandasamaShTikandaM tairAnandapuruShaishchidrUpairadhiShThitaM
brahmAnandamayAnantaniratishayAnandasAgarAkAramAtmasamAnAnanda\-
vibhUtipuruShAnantAnandamaNDitaM nityama~Ngalamanantavibhavam |
brahmAnandamayAnantaprAkAraprAsAdatoraNavimAnopavanAvalIbhirjvala\-
chChikharairupalakShito
nirupamanityaniravadyaniratishayaniravadhikabrahmAnandAchalo
virAjate | tadupari jvalati niratishayAnandadivyatejorAshiH |
tadabhyantarasaMsthAne shuddhabodhAnandalakShaNaM vibhAti |
tadantarAle chinmayavedikA.a.anandavedikA.a.anandavanavibhUShitA |
tatra vedakalpataruvanaM yaj~nakalpataruvanaM yogakalpataruvanam |
tadabhyantare amitatejorAshisvAtmajyotirjvalati |
tatra paramama~NgalAsanaM virAjate | tasyopari
samAsInAnantaparipAlakanandyAdigaNapAH santi | anantotkaTajaladamaNDalaM
niratishayadivyatejomaNDalavR^indAkAraparamAnandashuddha\-
bodhasvarUpamanantAnandasaudAminIparamavilAsaM
niratishayAnantaparamAnandapArAvArajAlam ||

iti prathamAvaraNam |

\section{dvitIyAvaraNam |}
tanmadhye kalyANAchalo vibhAti |
anantAnandaparvatashikharairabhivyAptamanantabodhAnandavyUhairabhitastataM
brahmavidyApravAhairAnandarasanirbharaiH
krIDAnandaparvatairanantairabhivyAptaM
brahmavidyAmayairanantaprAkArairAnandAmR^itamayairdivyagandhaiH
svabhAvarinmayairanantabrahmavanairatishaubhitamaparabrahmavidyA\-
sAmrAjyAdhidaivatamanantamokShasAmrAjyAdvitIyamekaM
paramakalyANamanantavibhavamamitabodhAnandAchaloparisthitaM
shuddhabodhamayAnantaprAsAdaiH
saMvR^itamAnandamayAnantavimAnAvalIbhirvirAjitamatyAshcharyAnanta\-
vibhUtisamamanantashuddhAnandaparighaiH
samAvR^itamanantadivyatejojvAlAjAlairabhito.anishaM
prajvalyantamatyAshcharyAnantavibhUtisamaShTyAkAramAnanda\-
rasapravAhairala~NkR^itamamitavij~nAnatara~NgiNyAH pravAhairatima~NgalaM
brahmatejovisheShAkArairanantabrahmavanairabhitastataM
brahmavidyAkalpataruvanaiH sushobhitaM bodhakalpataruvanaiH
pariveShTitamanantanityamuktairabhivyAptaM
tadabhyantare.anantadivyama~NgalAsanaM virAjate | tadupari
nityaj~nAnAnandarUpA advaitashivapUjakAstiShThanti ||

iti dvitIyAvaraNam |

\section{tR^itIyAvaraNam |}
tanmadhye chidAnandAchalo vibhAti | tadupari brahmatejomayAnantashikharAH
santi | tatra brahmavidyAmayAnantaparighAH santi |
vAchAmagocharAnantachinmayAnandavanaiH pariveShTitaM
brahmakalpataruvanaiH samAvR^itaM amutakalpataruvanairupashobhitaM
brahmatejomayAnAndarasapravAhairatishobhitaM brahmavidyAtara~NgiNyAH
pravAhaiH suma~NgalaM niratishayAnantadivyAnandatejojvAlArAshimaNDalaM
jvalati | paramAnandamayAnantavimAnAvalibhiH
sa~NkulamanantachinmayaprAsAdajAlasa~NkulamanantabrahmAnandAnubhava\-
patAkAdhvajatoraNairala~NkR^itamanantanityamuktairabhivyAptaM
tadabhyantarasaMsthAne.anantachinmayAsanaM virAjate | tasyopari
nityashu.addhabuddhamuktashivaikyabhaktAstiShThanti ||

iti tR^itIyAvaraNam |

\section{chaturthAvaraNam |}
tanmadhye.amitabodhAnandAchalo vibhAti | tadupari
paramakaivalyAnandarUpAnantashikharAH santi | tatra
paramAnandAmutamayairdivyAnantaprAkAro jvalati | divyagandhaiH
svabhAvachinmayairanantabrahmavanairatishobhitamAnandakalpataruva\-
nairAvR^itaM muktikalpataruvanaiH sushobhitaM
pArAvArAnandarasanirbharairatishobhitaM
svAtmAnandAnubhavatara~NgiNyAH pravAhairatima~NgalaM
paramakalyANamanantavibhavamamitatejorAshyAkAramanantabrahmatejorAshi\-
samaShTyAkAramanantadivyatejojvAlAjAlairabhito.anishaM
prajvalitamanantadivyApArabrahmavidyAsAmrAjyAdhidaivatamamogha\-
nijamandakaTAkShachidAnandamayAnekaprAsAdavisheShaiH pariveShTitaM
brahmavidyAmayairanantaprakArAnandAmR^iratadivyama~NgalavimAnaiH
sushobhitaM chidrUpavilAsanibhachinmayAsanaM virAjate | adhitiShThanti
tijorAshiM tadantargatadivyatejovishepamakhilapavitrANAM paramaM
pavitraM chidrUpaparAnantanityamuktaibhivyAptaM sachchidAnandarUpAH
shivAtmaikyopAsakAH ||

iti chaturthAvaraNam |

\section{pa~nchamAvaraNam |}
anantAnandaparvataiH paramakautukamAbhAti | tadupari
jvalati niratishayAnandadivyatejorAshimaNDalam |
chidAnandamayAnantaprAkAravisheShaiH
pariveShTitam | tachcha paramakalyANavilAsavisheSham |
tadakhaNDadivyatejomaNDalAkAraM paramAnandasaudAminIchayojjvalam |
tachchAmitaparamatejaHparamavihArasaMsthAnavisheShaM
paramatejomaNDalavisheShaM paramAnandAmR^itabrahmavidyAmayAnantasamudraM
chidAnandatara~NgAkAram | tanmadhye
anantadivyatejaHparvatasamaShTyAkAramaparichChinnAnantashuddhabodhAnandamaNDalaM
vAchAmagocharAnandabrahmatejorAshyAkAramanantashikharojjvalamakhaNDa\-
tejomaNDalavisheShaM nityAnandamUrtimadbhiH paramama~NgalaiH
paridhIkR^itamapariChinnAnandasAgarAkAraM
brahmAnandarasakrIDAvanaiH sushobhitamanantasahasrAnandaprAkAraiH
samujjvalitaM muktikalpataruvanaiH pariveShTitaM
vibhUtikalpataruvanairabhitastamanantAnanda\-
vimAnajAlasuMlamanantabodhasaudhavishe\-
Shairabhito.anishaM prajvalitaM krIDAnantamaNDapavisheShairvisheShitaM
bodhAnandamayAnantaparamaChatradhvajachAmaravitAnatoraNairala~NkR^irataM
shuddhAnandavisheShasamaShTimaNDalavisheShAnantaprAsAdonnatojjvalamakhaNDa\-
chiddhanAnandavisheShaM paramAnandavyUhairnityamuktairabhitastatamananta\-
divyatejaHparvatasamaShTyAkAraparichChinnAnantashuddhabodhAnandamaNDalaM
paramAnandalaharIvanashobhitamasa~NkhyAkAnandasamudramanantajvAlA\-
jAlairala~NkR^itaM chidAnandatara~NgiNyAH pravAhairatima~NgalaM
svAtmAnandAnubhavAmR^itakallolarasapravAhairala~NkR^itaM
svaprakAshAnantAnandatejojvAlAjAlairAvR^iratam | tadabhyantare
chinmayAnandAsanamujjvalam | tadupari vibhAtyakhaNDAnandatejomaNDalam |
tadabhyantarasamAsInAH AnandasAgaranityatR^iraptAH shivAdvaitopAsakAH
svAtmali~NgArchakAstiShThanti | niratishayadivyatejomaNDalAkArA
AnandaghanasAgarAH paramakaivalyasvarUpAnantagaNAH parisevante ||

iti pa~nchamAvaraNam |

\section{ShaShThAvaraNam |}
paramachidvilAsasamaShTyAkAraM nirmalaM niravadyaM
nirAshrayamatinirmalAnantakoTiraviprakAshaikojjvalamanantopaniShadartha\-
svarUpamakhilapramANAtItaM
manovAchAmagocharaM nityamuktasvarUpaM kaivalyAnandarUpaM
paramAnandalakShaNAparichChinnAnantajyotiH shAshvataM shashvadvibhAti |
tadabhyantarasaMsthAne.amitAnandachidrUpAchalamakhaNDaparamAnandavisheShaM
bodhAnandamahojjvalamanantachitsAgarakallolajAlashikharAkAraM
nityama~NgalamandiramanantAnandabodhasaudhavisheShairabhito.anishaM
prajvalitaM chidAnandAnantachitsagaraiH paridhIkR^itaM
brahmasAkShAtkArAnubhavavisheShabodhasAratarAnantaprAkAraiH
samujjvalitamanantasahasrakaivalyAnandavanopavanaiH
sushobhitamanantAnandavibhUtidivyatejaHparvatasamaShTyAkaraM
svAtmAnandAnubhavavij~nAnaghanarudrAkShakalpataruvanaraitima~NgalamanantAnanda\-
chitsAgaramathanodbhUtarasapravAhairala~NkR^itamadvitIyaM
svayamprakAshamanishaM
brahmAnandAmR^itarasAmbhonidhitara~NgiNyAH pravAhairatima~NgalaM
nirupamaniravadyanityashuddhabuddhaniratishayatejorAshi\-
visheShAnantAnandavimAnajAlAvalibhiH
mamAkulaM krIDAnantamaNTapavisheShairvisheShitaM
bodhAnandamayAnantadivyatejorAshivisheShachaitanyaprAsAdaiH
pariveShTitamanantaparamAnandAmR^itarasAbdhikallolatara~NgAvalibhi\-
rdivyatejomayaChatrachAmaradhvajapatAkAvitAnatoraNAdibhirala~NkR^itaM
paramAnandavyUhairnityamuktairabhitastataM
tachchAnantabrahmatejomayabilvakalpataruvanairAkulaM
vedAntasArabhUtasiddhAntAnantaskandhairvirAjitaM
mahAvAkyArthasvarUpAnantashAkhAsamanvitaM
sachchidAnandasvarUpAnantAnandapatressuma~NgalamadvitIyAtmachaitanyavuntaiH
susaMlagnaM vij~nAnaghanamAnandAmR^itakallolAnantapuShpairala~NkR^ita\-
makhaNDAnandAhlAdAnantapravAhadivyasugandhaiH
samAkulaM niratishayAnandAmR^itasArasAgarAnantamakarandAkAraM
nishsha~NkAnandamokShasAmrAjyachintAmaNiphalAnantairvirAjitaM
vAchAmagocharamanonmanAnandAmbudhidivyatejomayajvAlAjAladIpitAtyantonnatAnanta\-
shikharAkAraM shivAlayaM shivAnandamayadi0yanAnAlIlAvigrahavilAsa\-
vilasitAnandAvirbhAvacharitrachitrIkR^itachitrairala~NkR^itaM
mUrtimadbhiH shivadharmAnantonnatagopuradvArAkArairasa~NkhyairAvR^itaM
shivadharmAnanamUrtivR^iShabhAvalibhiH suma~NgalaM
shivavij~nAnAnandasAgaratIrthAkAraM purataHsthitAnantadivyatIrthAnAM
nijamandiraM vij~nAnAnandaghanasvarUpAnantasopAnamaNDalamAlayamadhyagataM
svAtmajyotirmayachidrUpavedikAsthAnavisheShaM tadupari
chaitanyashaktyAla~NkR^itasvAtmachaitanyakailAseshvarali~NgAkAraM supUjitaM
tatsannidhau shivavij~nAnAnandaghanashaivadharmamUrtimAsAdya
vR^iShabhAkR^itivirAjitaM
shivAnandanandisenabANarAvaNAdyanantanAnAmayAnantAnandamUrtimAsAdya
gaNeshakumAranandibhR^i~NgichaNDiriTikIrtimukhavIrabhadrabhairava\-
mahAkAlashobhanandisunandanandisenabANarAvaNAdyanantanAnAgapa\-
rUpamAsAdyAnantagaNamevitashivAlayasya
samantAt svasvasthAne sushobhitaM bodhAnandamayairanantanityamuktaiH
parisevitaM shuddhabodhaparamAnandAkAravanaM
santatAmR^itapuShpavR^iShTibhiH pariveShTitaM
paramAnandapravAhairabhivyAptaM mUrtimadbhiH paramama~NgalaiH
paramakautukAparichChinnAnandasAgarAkAraM krIDAnandaparvatairabhishobhitaM
vAchAmagocharAnandabrahmatejorAshimaNDalamakhaNDatejomaNDalavisheShaM
divyanAnAma~NgalavAdyairalaDUkR^itaM praNavAtmakadhvanyAkAraM
vij~nAnaghanasvarUpamanantachidAdityasamaShTyAkAraM shivAdvaitopAsakA
bhajante ||

iti ShaShThAvaraNam |
(shaiva\-upaniShadaH)

iti siddhAntasAropaniShat samApta |

##
Proofread by Kasturi navya sahiti

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}