% Text title            : siddhAntashikhopaniShat
% File name             : siddhAntashikhopaniShat.itx
% Category              : upanishhat, shiva, upanishad
% Location              : doc\_upanishhat
% Proofread by          : Kasturi navya sahiti kasturinsahiti at gmail.com
% Description-comments  : aprakAshitA upaniShadaH
% Latest update         : August 28, 2021
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Siddhantashikha Upanishad ..}##
\itxtitle{.. siddhAntashikhopaniShat ..}##\endtitles ##
OM atha bhAradvAjaH kumAraM paprachCha | ko.ayaM bhavAdR^ishAnAM
paramashivabhaktAnAM siddhAntaH | kutaH sarve na vidantIti |
tadguhyamuvAcha skandaH | bhAradvAja shR^iNu nAma kvachidvadanti sAmbaM
sarvadevaprakR^iShTaM shivaM vareNyaM pakvachittAH shivasya prasAdato
j~nAnamAtrAdvidanti ||

vishvAdhikaM sha~NkaraM ye pramUDhA hInaM viShNorbrahmaNo vA vadanti |
na saMsArAt pramuchyante kadAchichChataiH kampaiH koTibhirvA.athadoShaiH ||
yathA rAj~ne kurvannamAtyubuddhiM
     dehI vindedbAdhamasmAdvinaShTam |
satyAdirUpaM shivamevaM vidAno
     viShNvAdibud.hdhyA hIyate.aj~nAnasa~NgAt ||
mahAnagniH kAShThamArdraM cha shuShkaM kR^itvA dahedIshvarotkR^iShTabuddhiH |
dahet pApAnyAshu vij~nAnadAtrI na saMsAre majjate vA kadAchit ||
mahAdeve tripuNDrasya dhAraNe bhasmakuNThane |
puNyaleshavihInasya shraddhA naiva prajAyate ||
pApapUrNasya martyasya tripuNDroddhUkalane shive |
rudrAkShadhAraNe dveShaH svata yuva prajAyate ||
janmagayanantAni vistIrya bhUyaH shivaprasAdAddhR^itapuNyaleshaH |
shive bhaktiM prApya tadbhaktasa~NgAnna saMsR^itau ghoraduHkhAt pramajjet ||
yo.aj~nAnAdvA shivashabdaM gR^iNAnaH pApairghorairmuchyate vA kadAchit |
ko vA vettA mahimAnaM shivasya parAt parasya j~nAnaguhyasya guhyam |
sadyojAtAdbrAhmaNAH sambabhUvurvAmadevAt kShatriyA vai vishashcha |
aghorAchChUdrAstatpuruShAchChivasya pa~nchAtmakasya gaNA Ishato.asya ||
AtmAshramitvAdgaNavaMshajAtA li~NgA~Ngasa~Ngamtatra janmAntadIkShA |
yathA ga~NgA shivasa~NgAttathaiva na sUtakaM vA nApyashuchitvameShAm ||
gachChAstiShThannimiShannunmiShan vA svapa~nchAgrAlli~NgadhArI shuchiH syAt |
bhu~njan mUtrAdyutsR^ijan vA kadAchinna tatrochChiShTaM bhajate shuddhadehI ||
shIrShe kaNThe vakShasi kakShadeshe nAbhau haste sarvadA prANali~Ngam |
dhAryaM yathAsa.npradAyaM parastAdgurorviditvA hR^idaye mukhyamuktam ||
snAnaM kR^ittvA shivatIrthe cha dehaM sarvaM bhasmoddhUlanAt pAvayitvA |
tripuNDraM dhAryaM bhartsanAt pAtakaughagirerbhasma prAhuratyarthametat ||
snAnaM tripuNDrasya shirolalATavakShaHskandhamaNibandheShu kUrpe |
nAbhipradeshe pArshvayorgaNDadeshe gudapradeshe gulphayoshcha kramAt syAt ||
vahnitrayaM tachcha jagattrayaM yadguNatrayaM tachcha shaktitrayaM syAt |
dhR^itaM tripuNDraM yadi ko.api daivAt taddR^iShTvAnyaH pAtakaughAdvimuktaH ||
nimIlitAkShasya puratrayANi
     dagdhAH shambhornayanebhyo.atha ye tu |
jAtA rudrAkShA jalabindavo.asya
     sadyojAtAdIn pa~ncha vaktrANi vindyAt ||
dvAtriMshadrudrAkShAH kaNThamAlAprayuktAH
     shikhAyAmeko dvichatvAriMshaduktAH |
shirodhAryAH karNayordvAdashA.atha
     shatatrayaM tUpavItaM cha bAhvoH ||
dvAtriMshaduktA maNibandhayoshcha chaturviMshAH shatamaShTau japArtham |
purA lInAH sR^iShTikAlAchChivasya pa~nchAkShare mantravarye samastAH |
bhUtAni pa~ncha vedA AgamAshcha shivAllabdho.abhUnmantravaryo vidhAtrA ||
dehino dehamAyAnti na yAvanmantranAyakaH |
tAvatpApAni garjanti satyaM satyaM punaH punaH ||
yo.ayaM nakAraH so.ayamakAraH sa sadyojAto bhUrR^igvedaH sampuTamuchyate |
yo.ayaM makAraH so.ayamukAraH sa vAmadeva Apo yajurvedo vaktramuchyate |
yo.ayaM shikAraH so.ayaM makAraH sa ghoraH sa vAyuH sAmavedo guNa uchyate |
yo.ayaM vakAraH so.ayaM nAdaH sa tatpuruShaH sa
                   tejo.atharvavedo.aghoramuchyate |
yo.ayaM yakAraH tadidaM samastamomiti nirvishoprANavaH sa sarvottama
IshAna AkAsha Agamo li~Ngamuchyate | ityetattattvaM yo vijAnAti sa nityaM
shuddhabuddhaparamAnandaparamashivasvarUpaH ||

purA devAH pashupAshAdvimuktAH shivaM pUjyaiva haripadmAdayo.api |
aindranIlaM pUjitaM viShNunAsIlli~NgaM vaiDUryaM vidhinA padmarAgam ||
shakreNa haimaM yakSharAjena vishvedevai raupya vasubhiH kAMsyakaM cha |
yaddArukUTaM vAyunA pArthivaM tadashvibhyAmAsIt sphATikaM pAshinAtha ||
AdityaistAmraM mauktikaM devataistairanantAdyaiH phaNibhishcha pravAlam |
daityairjAlaM rAkShasaishcha trilohaM gaNaiH shailaM saikataM mAtR^ikAbhiH ||
dArUdbhavaM nirR^itinA yamena supUjyamAsInmArakataM cha rudraiH |
subhasmarUpaM sUkShmarUpaM cha lakShmyA shailAnyeva munayo bhejire.atha ||
sarasvatI ratnarUpaM cha durgA haimaM li~NgaM pUjayAmAsa bhaktyA |
jalairuShNaiH shItalairvA kadAchidaj~nAnAdvA patitaiH patrapuShpaiH |
tuShTo yachChedvA~nChitArthaM maheshaH kiM durmabhaM shavabhaktasya loke ||
atyalpamapi naivedyaM phalaM vA jalameva vA |
tadeva prAshayitvAtha brahmabhUyAya kalpate ||
kimanyairdhAryairbhasmani shuddhapuNDre sthite
            kimanyairmantravarye.atha mantraiH |
shive sthite sarvadevAdhirAje bhAradvAja nirjaraiH kiM tathA.anyaiH ||
siddhAnto.ayaM nishchito.asmAbhireSha bhAradvAja guhyametanna vAchyam |
sadA prashAntAya na nAstikAya parIkShyAtha brUhi sarvArthavetre ||
ityAha bhagavAn skandaH | tAmenAM siddhAntashikhAM prAtaradhIyAno
rAtrikR^itaM pApaM nAshayati | sAyamadhIyAno.ahnikR^itaM pApaM nAshayati |
sArvakAlaM prayu~njAnaH pApairapApo bhavatIti vij~nAyate |
iti vedavachanaM bhavati | iti vedavachanaM bhavati | OM satyamityupaniShat ||
(shaiva\-upaniShadaH)

iti siddhAntashikhopaniShat samAptA |

##
Proofread by Kasturi navya sahiti

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}