% Text title            : svasaMvedyopaniShat
% File name             : svasaMvedyopaniShat.itx
% Category              : upanishhat, vedanta
% Location              : doc\_upanishhat
% Proofread by          : Radim Navyan radimnavyan at gmail.com, Sunder Hattangadi
% Latest update         : October 17, 2017
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. SvasamvedyopaniShad ..}##
\itxtitle{.. svasaMvedyopaniShat ..}##\endtitles ##

OM sarveShAM prANibudbudAnAM nira~njanAvyaktAmR^itanidhau vilayavilAsaH
sthitirvijR^imbhate | teShAmeva punarbhavanaM no ihAsti |
sa yathA mR^itpiNDe ghaTAnAM tantau paTAnAM tathaiveti bhavati |
vastuto nopAdAnamata eva nopAdeyamata eva na nimittamata eva na vidyA na
purANaM no vedA netihAsA iti na jagaditi na brahmA no viShNuH nAtha rudro
neshvaro na binduH no kaleti agre madhye.avasAne sarvaM yathAvasthitaM
yathAvasthitaj~nAnaM teShAM no bhavatyAgamapurANetihAsadharmashAstreShu
dhR^itAbhimAnAste | yattAni tu mugdhataramunishabdavAchyaiH
jIvabudbudaiH rachitAnIti bhavanti | tatra prAmANyaM tAdR^ishAnAmeva |
te tvaj~nAnenAvR^itAH sayatnena garbhAstadapyeSha shloko bhavati |
tadatra shloko bhavati ||

iha tenApyaj~nAnena no ki~nchit | atha yathAvasthitaj~nAnena ki~nchit neti
yadasti tadasti yannAsti nAsti tat | kAlakarmAtmakamidaM svabhAvAtmakaM
cheti | na sukR^itaM no duShkR^itam | ata eva sumerudAtAro godAtAro vA
goghnaiH brAhmaNaghnaiH surApAnaiH pashyatoharaiH parokShaharairvA
gurupApaniShThaiH sarvapApaniShThaiH samAnAsta ete | taishcha na gauH
na brAhmaNaH na surA na pashyatoharaH na parokShaharaH na gurupApAni
na laghupApAni mata eva tanniShThAH mata eva na nirvANaM no niraya iti
tadapyeSha shloko bhavati ||

tattvaj~nAnaM guhAyAM niviShTamaj~nAnikR^itamArgaM suShThu vadanti |
te tatra sAbhimAnA vartante | puShpitavachanena mohitAste bhavanti |
sa yathAturA bhiShaggrahaNakAle bAlA apathyAhitaguDAdinA jananyA va~nchitA
iti nAnAdevatA gurukarmatIrthaniShThAshcha te bhavanti | kechidvayaM
vaidikA iti vadanti | nAnye.asmabhyam | kechidvayaM sarvashAstraj~nA iti |
kechidvayaM devAnugrahavantaH | kechidvayaM svapne upAsyadevatAbhAShiNaH |
kechidvayaM devA iti | kechidvayaM shrImadramAramaNanalinabhR^i~NgA iti |
kechittu nR^ityantu | kechittu mUrkhA vayaM paramabhaktA iti
vadanto rudanti patanti cha | ye kechanaite te sarve.apyaj~nAninaH |
ye tu j~nAnino bhavanti ye tattvaj~nAninashcha taisteShAM ko visheShaH |
mata eva keShA~nchitkaishchidbhedaH | mata eva yatra viri~nchiviShNurudrA
Ishvarashcha gachChanti tatraiva shvAno gardabhAH mArjArAH kR^imayashcha
mata eva na shvAnagardabhau na mArjAraH na kR^imiH nauttamAH na madhyamAH
na jaghanyAH | tadapyeSha shloko bhavati ||

na tachChabdaH na kiMshabdaH na sarve shabdAH na mAtA no pitA na bandhuH
na bhAryA na putro na mitraM no sarve tathApi sAdhakairAtmasvarUpaM
veditumichChadbhirjIvanmumukShubhiH santaH sevyAH | bhAryA putro gR^ihaM
dhanaM sarvaM tebhyo deyam | karmAdvaitaM na kAryaM bhAvAdvaitaM tu kAryam |
nishchayena sarvAdvaitaM kartavyam | gurau dvaitamavashyaM kAryam |
yato na tasmAdanyat | yena sarvamidaM prakAshitam | ko.anyaH tasmAtparaH |
sa jIvanmukto bhavati sa jIvanmukto bhavati | ya evaM veda | ya evaM veda ||

iti svasaMvedyopaniShat sampUrNA |
##
Proofread by Radim Navyan radimnavyan at gmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}