% Text title : Taittiriyopanishad % File name : tait.itx % Category : upanishhat, svara % Location : doc\_upanishhat % Author : Vedic Rishis % Transliterated by : Avinash Sathaye sohum at ms.uky.edu, Kartik kartik at Eng.Auburn.EDU % Proofread by : Avinash Sathaye, Kartik, John Manetta, NA % Description-comments : 7/108; Krishna YajurVeda, Mukhya upanishad % Latest update : First Aug 2, 1996, June 4, 2022 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Taitiriya Upanishad ..}## \itxtitle{.. taittirIyopaniShat ..}##\endtitles ## OM shrI gurubhyo namaH . hariH OM . prathamA shIkShAvallI OM shaM no mitraH shaM varuNaH . shaM no bhavatvaryamA . shaM na indro bR^ihaspatiH . shaM no viShNururukramaH . namo brahmaNe . namaste vAyo . tvameva pratyakShaM brahmAsi . tvAmeva pratyakShaM brahma vadiShyAmi . R^itaM vadiShyAmi . satyaM vadiShyAmi . tanmAmavatu . tadvaktAramavatu . avatu mAm . avatu vaktAram . OM shAntiH shAntiH shAntiH .. 1.. iti prathamo.anuvAkaH .. shikShAshAstrArthasa~NgrahaH OM shIkShAM vyAkhyAsyAmaH . varNaH svaraH . mAtrA balam . sAma santAnaH . ityuktaH shIkShAdhyAyaH .. 1.. iti dvitIyo.anuvAkaH .. saMhitopAsanam saha nau yashaH . saha nau brahmavarchasam . athAtaH sa{\m+}hitAyA upaniShadam vyAkhyAsyAmaH . pa~nchasvadhikaraNeShu . adhilokamadhijyautiShamadhividyamadhiprajamadhyAtmam . tA mahAsa{\m+}hitA ityAchakShate . athAdhilokam . pR^ithivI pUrvarUpam . dyauruttararUpam . AkAshaH sandhiH .. 1.. vAyuH sandhAnam . ityadhilokam . athAdhijautiSham . agniH pUrvarUpam . Aditya uttararUpam . ApaH sandhiH . vaidyutaH sandhAnam . ityadhijyautiSham . athAdhividyam . AchAryaH pUrvarUpam .. 2.. antevAsyuttararUpam . vidyA sandhiH . pravachana{\m+}sandhAnam . ityadhividyam . athAdhiprajam . mAtA pUrvarUpam . pitottararUpam . prajA sandhiH . prajanana{\m+}sandhAnam . ityadhiprajam .. 3.. athAdhyAtmam . adharAhanuH pUrvarUpam . uttarAhanuuttararUpam . vAksandhiH . jihvAsandhAnam . ityadhyAtmam . itImAmahAsa{\m+}hitAH . ya evametA mahAsa{\m+}hitA vyAkhyAtA ve`da . sandhIyate prajayA pashubhiH . brahmavarchasenAnnAdyena suvargyeNa lokena .. 4.. iti tR^itIyo.anuvAkaH .. medhAdisid.hdhyarthA AvahantIhomamantrAH yashChandasAmR^iShabho vishvarUpaH . Chandobhyo.adhyamR^itAtsambabhUva . sa mendro medhayA spR^iNotu . amR^itasya deva dhAraNo bhUyAsam . sharIraM me vicharShaNam . jihvA me madhumattamA . karNAbhyAM bhUrivishruvam . brahmaNaH kosho.asi medhayA pihitaH . shrutaM me gopAya . AvahantI vitanvAnA .. 1.. kurvANA.achIramAtmanaH . vAsA{\m+}si mama gAvashcha . annapAne cha sarvadA . tato me shriyamAvaha . lomashAM pashubhiH saha svAhA . AmAyantu brahmachAriNaH svAhA . vimA.a.ayantu brahmachAriNaH svAhA . pramA.a.ayantu brahmachAriNaH svAhA . damAyantu brahmachAriNaH svAhA . shamAyantu brahmachAriNaH svAhA .. 2.. yasho jane.asAni svAhA . shreyAn vasyaso.asAni svAhA . taM tvA bhaga pravishAni svAhA . sa mA bhaga pravisha svAhA . tasmin sahasrashAkhe . nibhagA.ahaM tvayi mR^ije svAhA . yathA.a.apaH pravatA.a.ayanti . yathA mAsA aharjaram . evaM mAM brahmachAriNaH . dhAtarAyantu sarvataH svAhA . prativesho.asi pramAbhAhi pramApadyasva .. 3.. iti chaturtho.anuvAkaH .. vyAhR^ityupAsanam bhUrbhuvaH suvariti vA etAstisro vyAhR^itayaH . tAsAmuhasmai tAM chaturthIm . mAhAchamasyaH pravedayate . maha iti . tadbrahma . sa AtmA . a~NgAnyanyA devatAH . bhUriti vA ayaM lokaH . bhuva ityantarikSham . suvarityasau lokaH .. 1.. maha ityAdityaH . Adityena vAva sarveloka mahIyante . bhUriti vA agniH . bhuva iti vAyuH . suvarityAdityaH . maha iti chandramAH . chandramasA vAva sarvANi jyotI{\m+}Shi mahIyante . bhUriti vA R^ichaH . bhuva iti sAmAni . suvariti yajU{\m+}Shi .. 2.. maha iti brahma . brahmaNA vAva sarvevedA mahIyante . bhUriti vai prANaH . bhuva ityapAnaH . suvariti vyAnaH . maha ityannam . annena vAva sarve prANa mahIyante . tA vA etAshchatasrashchaturdhA . chatasrashchatasro vyAhR^itayaH . tA yo veda . sa veda brahma . sarve.asmaidevA balimAvahanti .. 3.. iti pa~nchamo.anuvAkaH .. manomayatvAdiguNakabrahmopAsanayA svArAjyasiddhiH sa ya eSho.antahR^idaya AkAshaH . tasminnayaM puruSho manomayaH . amR^ito hiraNmayaH . antareNa tAluke . ya eShastana ivAvalambate . sendrayoniH . yatrAsau keshAnto vivartate . vyapohya shIrShakapAle . bhUrityagnau pratitiShThati . bhuva iti vAyau .. 1.. suvarityAditye . maha iti brahmaNi . Apnoti svArAjyam . Apnoti manasaspatim . vAk.hpatishchakShuShpatiH . shrotrapatirvij~nAnapatiH . etattato bhavati . AkAshasharIraM brahma . satyAtma prANArAmaM mana Anandam . shAntisamR^iddhamamR^itam . iti prAchIna yogyopAsva .. 2.. iti ShaShTho.anuvAkaH .. pR^ithivyAdyupAdhikapa~nchabrahmopAsanam pR^ithivyantarikShaM dyaurdisho.avAntaradishAH . agnirvAyurAdityashchandramA nakShatrANi . Apa oShadhayo vanaspataya AkAsha AtmA . ityadhibhUtam . athAdhyAtmam . prANo vyAno.apAna udAnaH samAnaH . chakShuH shrotraM mano vAk tvak . charmamA{\m+}sa snAvAsthi majjA . etadadhividhAya R^iShiravochat . pA~NktaM vA ida{\m+}sarvam . pA~Nktenaiva pA~Nktag spR^iNotIti .. 1.. iti saptamo.anuvAkaH .. praNavopAsanam omiti brahma . omitIda{\m+}sarvam . omityetadanukR^itirhasma vA apyoshrAvayetyAshrAvayanti . omiti sAmAni gAyanti . OM{\m+}shomiti shastrANi sha{\m+}santi . omityadhvaryuH pratigaraM pratigR^iNAti . omiti brahmA prasauti . omityagnihotramanujAnAti . omiti brAhmaNaH pravakShyannAha brahmopApnavAnIti . brahmaivopApnoti .. 1.. ityaShTamo.anuvAkaH .. svAdhyAyaprashaMsA R^itaM cha svAdhyAyapravachane cha . satyaM cha svAdhyAyapravachane cha . tapashcha svAdhyAyapravachane cha . damashcha svAdhyAyapravachane cha . shamashcha svAdhyAyapravachane cha . agnayashcha svAdhyAyapravachane cha . agnihotraM cha svAdhyAyapravachane cha . atithayashcha svAdhyAyapravachane cha . mAnuShaM cha svAdhyAyapravachane cha . prajA cha svAdhyAyapravachane cha . prajanashcha svAdhyAyapravachane cha . prajAtishcha svAdhyAyapravachane cha . satyamiti satyavachA rAthI taraH . tapa iti taponityaH paurushiShTiH . svAdhyAyapravachane eveti nAko maudgalyaH . taddhi tapastaddhi tapaH .. 1.. iti navamo.anuvAkaH .. brahmaj~nyAnaprakAshakamantraH ahaM vR^ikShasya rerivA . kIrtiH pR^iShThaM gireriva . Urdhvapavitro vAjinIva svamR^itamasmi . draviNa{\m+}savarchasam . sumedha amR^itokShitaH . iti trisha~NkorvedAnuvachanam .. 1.. iti dashamo.anuvAkaH .. shiShyAnushAsanam vedamanUchyAchAryontevAsinamanushAsti . satyaM vada . dharmaM chara . svAdhyAyAnmA pramadaH . AchAryAya priyaM dhanamAhR^itya prajAtantuM mA vyavachChetsIH . satyAnna pramaditavyam . dharmAnna pramaditavyam . kushalAnna pramaditavyam . bhUtyai na pramaditavyam . svAdhyAyapravachanAbhyAM na pramaditavyam .. 1.. devapitR^ikAryAbhyAM na pramaditavyam . mAtR^idevo bhava . pitR^idevo bhava . AchAryadevo bhava . atithidevo bhava . yAnyanavadyAni karmANi . tAni sevitavyAni . no itarANi . yAnyasmAka{\m+}sucharitAni . tAni tvayopAsyAni .. 2.. no itarANi . ye ke chAsmachChreyA{\m+}so brAhmaNAH . teShAM tvayA.a.asanena prashvasitavyam . shraddhayA deyam . ashraddhayA.adeyam . shriyA deyam . hriyA deyam . bhiyA deyam . saMvidA deyam . atha yadi te karmavichikitsA vA vR^ittavichikitsA vA syAt .. 3.. ye tatra brAhmaNAH saMmarshinaH . yuktA AyuktAH . alUkShA dharmakAmAH syuH . yathA te tatra varteran . tathA tatra vartethAH . athAbhyAkhyAteShu . ye tatra brAhmaNAH saMmarshinaH . yuktA AyuktAH . alUkShA dharmakAmAH syuH . yathA te teShu varteran . tathA teShu vartethAH . eSha AdeshaH . eSha upadeshaH . eShA vedopaniShat . etadanushAsanam . evamupAsitavyam . evamu chaitadupAsyam .. 4.. ityekAdasha.anuvAkaH .. uttarashAntipAThaH shaM no mitraH shaM varuNaH . shaM no bhavatvaryamA . shaM na indro bR^ihaspatiH . shaM no viShNururukramaH . namo brahmaNe . namaste vAyo . tvameva pratyakShaM brahmAsi . tvAmeva pratyakShaM brahmAvAdiSham . R^itamavAdiSham . satyamavAdiSham . tanmAmAvIt . tadvaktAramAvIt . AvInmAm . AvIdvaktAram . OM shAntiH shAntiH shAntiH .. 1.. iti dvAdasho.anuvAkaH .. .. iti shIkShAvallI samAptA .. \medskip\hrule\medskip dvitIyA brahmAnandavallI OM saha nAvavatu . saha nau bhunaktu . saha vIryaM karavAvahai . tejasvinAvadhItamastu mA vidviShAvahai . OM shAntiH shAntiH shAntiH .. upaniShatsArasa~NgrahaH OM brahmavidApnoti param . tadeShA.abhyuktA . satyaM j~nAnamanantaM brahma . yo veda nihitaM guhAyAM parame vyoman . so.ashnute sarvAn kAmAnsaha . brahmaNA vipashchiteti .. tasmAdvA etasmAdAtmana AkAshaH sambhUtaH . AkAshAdvAyuH . vAyoragniH . agnerApaH . ad.hbhyaH pR^ithivI . pR^ithivyA oShadhayaH . oShadhIbhyonnam . annAtpuruShaH . sa vA eSha puruSho.annarasamayaH . tasyedameva shiraH . ayaM dakShiNaH pakShaH . ayamuttaraH pakShaH . ayamAtmA . idaM puchChaM pratiShThA . tadapyeSha shloko bhavati .. 1.. iti prathamo.anuvAkaH .. pa~nchakoshovivaraNam annAdvai prajAH prajAyante . yAH kAshcha pR^ithivI{\m+}shritAH . atho annenaiva jIvanti . athainadapi yantyantataH . anna{\m+}hi bhUtAnAM jyeShTham . tasmAt sarvauShadhamuchyate . sarvaM vai te.annamApnuvanti . ye.annaM brahmopAsate . anna{\m+}hi bhUtAnAM jyeShTham . tasmAt sarvauShadhamuchyate . annAd bhUtAni jAyante . jAtAnyannena vardhante . adyate.atti cha bhUtAni . tasmAdannaM taduchyata iti . tasmAdvA etasmAdannarasamayAt . anyo.antara AtmA prANamayaH . tenaiSha pUrNaH . sa vA eSha puruShavidha eva . tasya puruShavidhatAm . anvayaM puruShavidhaH . tasya prANa eva shiraH . vyAno dakShiNaH pakShaH . apAna uttaraH pakShaH . AkAsha AtmA . pR^ithivI puchChaM pratiShThA . tadapyeSha shloko bhavati .. 1.. iti dvitIyo.anuvAkaH .. prANaM devA anu prANanti . manuShyAH pashavashcha ye . prANo hi bhUtAnAmAyuH . tasmAt sarvAyuShamuchyate . sarvameva ta Ayuryanti . ye prANaM brahmopAsate . prANo hi bhUtAnAmAyuH . tasmAt sarvAyuShamuchyata iti . tasyaiSha eva shArIra AtmA . yaH pUrvasya . tasmAdvA etasmAt prANamayAt . anyo.antara AtmA manomayaH . tenaiSha pUrNaH . sa vA eSha puruShavidha eva . tasya puruShavidhatAm . anvayaM puruShavidhaH . tasya yajureva shiraH . R^igdakShiNaH pakShaH . sAmottaraH pakShaH . Adesha AtmA . atharvA~NgirasaH puchChaM pratiShThA . tadapyeSha shloko bhavati .. 1.. iti tR^itIyo.anuvAkaH .. yato vAcho nivartante . aprApya manasA saha . AnandaM brahmaNo vidvAn . na bibheti kadAchaneti . tasyaiSha eva shArIra AtmA . yaH pUrvasya . tasmAdvA etasmAnmanomayAt . anyo.antara AtmA vij~nAnamayaH . tenaiSha pUrNaH . sa vA eSha puruShavidha eva . tasya puruShavidhatAm . anvayaM puruShavidhaH . tasya shraddhaiva shiraH . R^itaM dakShiNaH pakShaH . satyamuttaraH pakShaH . yoga AtmA . mahaH puchChaM pratiShThA . tadapyeSha shloko bhavati .. 1.. iti chaturtho.anuvAkaH .. vij~nAnaM yaj~naM tanute . karmANi tanute.api cha . vij~nAnaM devAH sarve . brahma jyeShThamupAsate . vij~nAnaM brahma chedveda . tasmAchchenna pramAdyati . sharIre pApmano hitvA . sarvAnkAmAn samashnuta iti . tasyaiSha eva shArIra AtmA . yaH pUrvasya . tasmAdvA etasmAdvij~nAnamayAt . anyo.antara AtmA.a.anandamayaH . tenaiSha pUrNaH . sa vA eSha puruShavidha eva . tasya puruShavidhatAm . anvayaM puruShavidhaH . tasya priyameva shiraH . modo dakShiNaH pakShaH . pramoda uttaraH pakShaH . Ananda AtmA . brahma puchChaM pratiShThA . tadapyeSha shloko bhavati .. 1.. iti pa~nchamo.anuvAkaH .. asanneva sa bhavati . asad.hbrahmeti veda chet . asti brahmeti chedveda . santamenaM tato viduriti . tasyaiSha eva shArIra AtmA . yaH pUrvasya . athAto.anuprashnAH . utAvidvAnamuM lokaM pretya . kashchana gachChatI3 ##3 for prolonging the vowel in the form ## . a.a.a . Aho vidvAnamuM lokaM pretya . kashchitsamashnutA3 u . so.akAmayata . bahusyAM prajAyeyeti . sa tapo.atapyata . sa tapastaptvA . ida{\m+}sarvamasR^ijata . yadidaM ki~ncha . tatsR^iShTvA . tadevAnuprAvishat . tadanu pravishya . sachcha tyachchAbhavat . niruktaM chAniruktaM cha . nilayanaM chAnilayanaM cha . vij~nAnaM chAvij~nAnaM cha . satyaM chAnR^itaM cha satyamabhavat . yadidaM ki~ncha . tatsatyamityAchakShate . tadapyeSha shloko bhavati .. 1.. iti ShaShTho.anuvAkaH .. abhayapratiShThA asadvA idamagra AsIt . tato vai sadajAyata . tadAtmAna svayamakuruta . tasmAttatsukR^itamuchyata iti . yadvai tat sukR^itam . raso vai saH . rasa{\m+}hyevAyaM labdhvA.a.anandI bhavati . ko hyevAnyAtkaH prANyAt . yadeSha AkAsha Anando na syAt . eSha hyevA.a.anandayAti . yadA hyevaiSha etasminnadR^ishye.anAtmye.anirukte.anilayane.abhayaM pratiShThAM vindate . atha so.abhayaM gato bhavati . yadA hyevaiSha etasminnudaramantaraM kurute . atha tasya bhayaM bhavati . tattveva bhayaM viduSho.amanvAnasya . tadapyeSha shloko bhavati .. 1.. iti saptamo.anuvAkaH .. brahmAnandamImAMsA bhIShA.asmAdvAtaH pavate . bhIShodeti sUryaH . bhIShA.asmAdagnishchendrashcha . mR^ityurdhAvati pa~nchama iti . saiShA.a.anandasya mImA{\m+}sA bhavati . yuvA syAtsAdhuyuvA.adhyAyakaH . AshiShTho dR^iDhiShTho baliShThaH . tasyeyaM pR^ithivI sarvA vittasya pUrNA syAt . sa eko mAnuSha AnandaH . te ye shataM mAnuShA AnandAH .. 1.. sa eko manuShyagandharvANAmAnandaH . shrotriyasya chAkAmahatasya . te ye shataM manuShyagandharvANAmAnandAH . sa eko devagandharvANAmAnandaH . shrotriyasya chAkAmahatasya . te ye shataM devagandharvANAmAnandAH . sa ekaH pitR^iNAM chiralokalokAnAmAnandaH . shrotriyasya chAkAmahatasya . te ye shataM pitR^iNAM chiralokalokAnAmAnandAH . sa eka AjAnajAnAM devAnAmAnandaH .. 2.. shrotriyasya chAkAmahatasya . te ye shataM AjAnajAnAM devAnAmAnandAH . sa ekaH karmadevAnAM devAnAmAnandaH . ye karmaNA devAnapiyanti . shrotriyasya chAkAmahatasya . te ye shataM karmadevAnAM devAnAmAnandAH . sa eko devAnAmAnandaH . shrotriyasya chAkAmahatasya . te ye shataM devAnAmAnandAH . sa eka indrasyA.a.anandaH .. 3.. shrotriyasya chAkAmahatasya . te ye shatamindrasyA.a.anandAH . sa eko bR^ihaspaterAnandaH . shrotriyasya chAkAmahatasya . te ye shataM bR^ihaspaterAnandAH . sa ekaH prajApaterAnandaH . shrotriyasya chAkAmahatasya . te ye shataM prajApaterAnandAH . sa eko brahmaNa AnandaH . shrotriyasya chAkAmahatasya .. 4.. sa yashchAyaM puruShe . yashchAsAvAditye . sa ekaH . sa ya eva.nvit . asmAllokAtpretya . etamannamayamAtmAnamupasa~NkrAmati . etaM prANamayamAtmAnamupasa~NkrAmati . etaM manomayamAtmAnamupasa~NkrAmati . etaM vij~nAnamayamAtmAnamupasa~NkrAmati . etamAnandamayamAtmAnamupasa~NkrAmati . tadapyeSha shloko bhavati .. 5.. ityaShTamo.anuvAkaH .. yato vAcho nivartante . aprApya manasA saha . AnandaM brahmaNo vidvAn . na bibheti kutashchaneti . eta{\m+}ha vAva na tapati . kimaha{\m+}sAdhu nAkaravam . kimahaM pApamakaravamiti . sa ya evaM vidvAnete AtmAna spR^iNute . ubhe hyevaiSha ete AtmAna spR^iNute . ya evaM veda . ityupaniShat .. 1.. iti navamo.anuvAkaH .. .. iti brahmAnandavallI samAptA .. OM saha nAvavatu . saha nau bhunaktu . saha vIryaM karavAvahai . tejasvinAvadhItamastu mA vidviShAvahai . OM shAntiH shAntiH shAntiH .. \medskip\hrule\medskip tR^itIyA bhR^iguvallI OM saha nAvavatu . saha nau bhunaktu . saha vIryaM karavAvahai . tejasvinAvadhItamastu mA vidviShAvahai . OM shAntiH shAntiH shAntiH .. bhR^igurvai vAruNiH . varuNaM pitaramupasasAra . adhIhi bhagavo brahmeti . tasmA etatprovAcha . annaM prANaM chakShuH shrotraM mano vAchamiti . ta{\m+}hovAcha . yato vA imAni bhUtAni jAyante . yena jAtAni jIvanti . yatprayantyabhisa.nvishanti . tadvijij~nAsasva . tadbrahmeti . sa tapo.atapyata . sa tapastaptvA .. 1.. iti prathamo.anuvAkaH .. pa~nchakoshAntaHsthitabrahmanirUpaNam annaM brahmeti vyajAnAt . annAd.hdhyeva khalvimAni bhutAni jAyante . annena jAtAni jIvanti . annaM prayantyabhisa.nvishantIti . tadvij~nAya . punareva varuNaM pitaramupasasAra . adhIhi bhagavo brahmeti . ta{\m+}hovAcha . tapasA brahma vijij~nAsasva . tapo brahmeti . sa tapo.atapyata . sa tapastaptvA .. 1.. iti dvitIyo.anuvAkaH .. prANo brahmeti vyajAnAt . prANAd.hdhyeva khalvimAni bhUtAni jAyante . prANena jAtAni jIvanti . prANaM prayantyabhisa.nvishantIti . tadvij~nAya . punareva varuNaM pitaramupasasAra . adhIhi bhagavo brahmeti . ta{\m+}hovAcha . tapasA brahma vijij~nAsasva . tapo brahmeti . sa tapo.atapyata . sa tapastaptvA .. 1.. iti tR^itIyo.anuvAkaH .. mano brahmeti vyajAnAt . manaso hyeva khalvimAni bhUtAni jAyante . manasA jAtAni jIvanti . manaH prayantyabhisa.nvishantIti . tadvij~nAya . punareva varuNaM pitaramupasasAra . adhIhi bhagavo brahmeti . ta{\m+}hovAcha . tapasA brahma vijij~nAsasva . tapo brahmeti . sa tapo.atapyata . sa tapastaptvA .. 1.. iti chaturtho.anuvAkaH .. vij~nAnaM brahmeti vyajAnAt . vij~nAnAd.hdhyeva khalvimAni bhUtAni jAyante . vij~nAnena jAtAni jIvanti . vij~nAnaM prayantyabhisa.nvishantIti . tadvij~nAya . punareva varuNaM pitaramupasasAra . adhIhi bhagavo brahmeti . ta{\m+}hovAcha . tapasA brahma vijij~nAsasva . tapo brahmeti . sa tapo.atapyata . sa tapastaptvA .. 1.. iti pa~nchamo.anuvAkaH .. Anando brahmeti vyajAnAt . AnandAdhyeva khalvimAni bhUtAni jAyante . Anandena jAtAni jIvanti . AnandaM prayantyabhisa.nvishantIti . saiShA bhArgavI vAruNI vidyA . parame vyomanpratiShThitA . sa ya evaM veda pratitiShThati . annavAnannAdo bhavati . mahAnbhavati prajayA pashubhirbrahmavarchasena . mahAn kIrtyA .. 1.. iti ShaShTho.anuvAkaH .. annabrahmopAsanam annaM na nindyAt . tad.hvratam . prANo vA annam . sharIramannAdam . prANe sharIraM pratiShThitam . sharIre prANaH pratiShThitaH . tadetadannamanne pratiShThitam . sa ya etadannamanne pratiShThitaM veda pratitiShThati . annavAnannAdo bhavati . mahAnbhavati prajayA pashubhirbrahmavarchasena . mahAn kIrtyA .. 1.. iti saptamo.anuvAkaH .. annaM na parichakShIta . tad.hvratam . Apo vA annam . jyotirannAdam . apsu jyotiH pratiShThitam . jyotiShyApaH pratiShThitAH . tadetadannamanne pratiShThitam . sa ya etadannamanne pratiShThitaM veda pratitiShThati . annavAnannAdo bhavati . mahAnbhavati prajayA pashubhirbrahmavarchasena . mahAn kIrtyA .. 1.. ityaShTamo.anuvAkaH .. annaM bahu kurvIta . tad.hvratam . pR^ithivI vA annam . AkAsho.annAdaH . pR^ithivyAmAkAshaH pratiShThitaH . AkAshe pR^ithivI pratiShThitA . tadetadannamanne pratiShThitam . sa ya etadannamanne pratiShThitaM veda pratitiShThati . annavAnannAdo bhavati . mahAnbhavati prajayA pashubhirbrahmavarchasena . mahAn kIrtyA .. 1.. iti navamo.anuvAkaH .. sadAchArapradarshanam | brahmAnandAnubhavaH na ka~nchana vasatau pratyAchakShIta . tad.hvratam . tasmAdyayA kayA cha vidhayA bahvannaM prApnuyAt . arAdhyasmA annamityAchakShate . etadvai mukhato.anna{\m+}rAddham . mukhato.asmA anna{\m+}rAdhyate . etadvai madhyato.anna{\m+}rAddham . madhyato.asmA anna{\m+}rAdhyate . edadvA antato.anna{\m+}rAddham . antato.asmA anna rAdhyate .. 1.. ya evaM veda . kShema iti vAchi . yogakShema iti prANApAnayoH . karmeti hastayoH . gatiriti pAdayoH . vimuktiriti pAyau . iti mAnuShIH samAj~nAH . atha daivIH . tR^iptiriti vR^iShTau . balamiti vidyuti .. 2.. yasha iti pashuShu . jyotiriti nakShatreShu . prajAtiramR^itamAnanda ityupasthe . sarvamityAkAshe . tatpratiShThetyupAsIta . pratiShThAvAn bhavati . tanmaha ityupAsIta . mahAnbhavati . tanmana ityupAsIta . mAnavAnbhavati .. 3.. tannama ityupAsIta . namyante.asmai kAmAH . tad.hbrahmetyupAsIta . brahmavAnbhavati . tad.hbrahmaNaH parimara ityupAsIta . paryeNaM mriyante dviShantaH sapatnAH . pari ye.apriyA bhrAtR^ivyAH . sa yashchAyaM puruShe . yashchAsAvAditye . sa ekaH .. 4.. sa ya eva.nvit . asmAllokAtpretya . etamannamayamAtmAnamupasa~Nkramya . etaM prANamayamAtmAnamupasa~Nkramya . etaM manomayamAtmAnamupasa~Nkramya . etaM vij~nAnamayamAtmAnamupasa~Nkramya . etamAnandamayamAtmAnamupasa~Nkramya . imA.NllokankAmAnnI kAmarUpyanusa~ncharan . etat sAma gAyannAste . hA 3 vu hA 3 vu hA 3 vu .. 5.. ahamannamahamannamahamannam . ahamannAdo.a3hamannAdo.a3ahamannAdaH . aha{\m+}shlokakR^idaha{\m+}shlokakR^idaha{\m+}shlokakR^it . ahamasmi prathamajA R^itA3sya . pUrvaM devebhyo.amR^itasya nA3bhAi . yo mA dadAti sa ideva mA3a.avAH . ahamannamannamadantamA3dmi . ahaM vishvaM bhuvanamabhyabhavA3m . suvarna jyotIH . ya evaM veda . ityupaniShat .. 6.. iti dashamo.anuvAkaH .. .. iti bhR^iguvallI samAptA .. OM saha nAvavatu . saha nau bhunaktu . saha vIryaM karavAvahai . tejasvi nAvadhItamastu mA vidviShAvahai . .. OM shAntiH shAntiH shAntiH .. .. hariH OM .. ## Encoded by Kartik, Avinash Sathaye sohum at ms.uky.edu Proofread by Kartik, Avinash, John Manetta, NA \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}