% Text title            : Tarasara Upanishad
% File name             : tarasara.itx
% Category              : upanishhat
% Location              : doc\_upanishhat
% Author                : Vedic tradition
% Transliterated by     : Sunder Hattangadi
% Proofread by          : Sunder Hattangadi
% Description-comments  : 91 / 108; Shukla Yajurveda - vaishnava upanishad
% Latest update         : Apri  12, 2000  [Rama Navami], October 29, 2011
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Tarasara Upanishad ..}##
\itxtitle{.. tArasAropaniShat ..}##\endtitles ##

(shuklayajurvedIyA)

yannArAyaNatArArthasatyaj~nAnasukhAkR^iti |
tripAnnArAyaNAkaraM tadbrahmaivAsmi kevalam ||

OM pUrNamadaH pUrNamidaM pUrNAtpUrNamudachyate |
pUrNasya pUrNamAdAya pUrNamevAvashiShyate ||
OM shAntiH shAntiH shAntiH ||
hariH OM ||

(avimuktopAsanopadeshaH)

bR^ihaspatiruvAcha yAj~navalkyaM yadanu kurukShetraM devAnA.n
devayajanaM sarveShAM bhUtAnAM brahmasadanaM tasmAdyatra
kvachana gacghChettadeva manyeteti | idaM vai kurukShetraM devAnA.n
devayajanaM sarveShAM bhUtAnAM brahmasadanam | atra hi jantoH
prANeShUtkramamANeShu rudrastArakaM brahma vyAchaShTe
yenAsAvamR^itIbhUtvA mokShI bhavati | tasmAdavimuktameva  niSheveta |
avimuktaM na vimu~nchet | evamevaiSha bhagavanniti vai yAj~navalkyaH || 1||

(nArAyaNasthUlAShTAkSharatArakam)

atha hainaM bhAradvAjaH paprachCha yAj~navalkyaM kiM tArakam |
kiM tArayatIti | sa hovAcha yAj~navalkyaH | OM namo nArAyaNAyeti
tArakaM chidAtmakamityupAsitavyam | omityekAkSharamAtmasvarUpam |
nama iti dvyakSharaM prakR^itisvarUpam | nArAyaNAyeti pa~nchAkSharaM
paraMbrahmasvarUpam | iti ya evaM veda | so.amR^ito bhavati | omiti brahmA
bhavati | nakAro viShNurbhavati | makAro rudro bhavati | nakAra Ishvaro bhavati |
rakAro.aNDaM virAD bhavati | yakAraH puruSho bhavati | NakAro bhagavAnbhavati |
yakAraH paramAtmA bhavati | etadvai nArAyaNasyAShTAkSharaM veda
paramapuruSho bhavati |
ayamR^igvedaH prathamaH pAdaH || 1||

(nArAyaNasUkShmAShTAkSharatArakam)

OMityetadakSharaM paraM brahma | tadevopAsitavyam | etadeva
sUkShmAShTAkSharaM bhavati | tadetadaShTAtmako.aShTadhA
bhavati | akAraH prathamAkSharo bhavati | ukAro dvitIyAkSharo bhavati |
makArastR^itIyAkSharo bhavati | bindusturIyAkSharo bhavati | nAdaH
pa~nchamAkSharo bhavati | kalA ShaShThAkSharo bhavati | kalAtItA
saptamAkSharo bhavati | tatparashchAShTamAkSharo bhavati |
tArakattvAttArako bhavati | tadeva tArakaM brahma tvaM viddhi |
tadevopAsitavyam || 1||

(praNavAvayavadevatAH)

atraite shlokA bhavanti ||
akArAdabhavadbrahmA jAmbavAnitisaMj~nakaH |
ukArAkSharasaMbhUta upendro harinAyakaH || 1||
makArAkSharasaMbhUtaH shivastu hanumAnsmR^itaH |
bindurIshvarasaMj~nastu shatrughnashchakrarAT svayam || 2||
nAdo mahAprabhurj~neyo bharataH sha~NkhanAmakaH |
kalAyAH puruShaH sAkShAllakShmaNo dharaNIdharaH || 3||
kalAtItA bhagavatI svayaM sIteti saMj~nitA |
tatparaH paramAtmA cha shrIrAmaH puruShottamaH || 4||

(shrIrAmasya sarvAtmakatvam)

omityetadakSharamidaM sarvam | tasyopavyAkhyAnaM bhUtaM
bhavyaM bhaviShyadyachchAnyattattvamantravarNadevatAChando
R^ikkalAshaktisR^iShTyAtmakamiti | ya evaM veda |
yajurvedo dvitIyaH pAdaH || 2||

(jAmbavadAdyaShTatanumantrAH)

atha hainaM bhAradvAjo yAj~navalkyamuvAchAtha kairmantraiH
paramAtmA prIto bhavati svAtmAnaM darshayati tanno brUhi
bhagava iti |

sa hovAcha yAj~navalkyaH |

OM yo ha vai shrIparamAtmA nArAyaNaH sa bhagavAnakAravAchyo
jAmbavAnbhUrbhuvaH suvastasmai vai namonamaH || 1||
OM yo ha vai shrIparamAtmA nArAyaNaH sa bhagavAnukAravAchya
upendrasvarUpo harinAyako bhUrbhuvaH suvastasmai vai namonamaH || 2||
OM yo ha vai shrIparamAtmA nArAyaNaH sa bhagavAnmakAravAchyaH
shivasvarUpo hanUmAnbhUrbhuvaH suvastasmai vai namonamaH || 3||
OM yo ha vai shrIparamAtmA nArAyaNaH sa bhagavAnbindusvarUpaH
shatrughno bhUrbhuvaH suvastasmai vai namonamaH || 4||
OM yo ha vai shrIparamAtmA nArAyaNaH sa bhagavAnnAdasvarUpo
bharato bhUrbhuvaH suvastasmai vai namonamaH || 5||
OM yo ha vai shrIparamAtmA nArAyaNaH sa bhagavAnkalAsvarUpo
lakShmaNo bhUrbhuvaH suvastasmai vai namonamaH || 6||
OM yo ha vai shrIparamAtmA nArAyaNaH sa bhagavAnkalAtItA
bhagavatI sItA chitsvarUpA bhUrbhuvaH suvastasmai vai namonamaH || 7||
yathA prathamamantroktAvAdyantau tathA sarvamantreShu draShTavyam |
ukAravAchya upendrasvarUpo harinAyakaH 2 makAravAchyaH
shivasvarUpo hanumAn 3 bindusvarUpaH shatrughnaH 4 nAdasvarUpo
bharataH 5 kalAsvarUpo lakShmaNaH 6 kalAtItA bhagavatI sItA
chitsvarUpA 7 OM yo ha vai shrIparamAtmA nArAyaNaH sa bhagavA.nstatparaH
paramapuruShaH purANapuruShottamo nityashuddhabuddhamuktasatya\-
paramAnantAdvayaparipUrNaH paramAtmA brahmaivAhaM rAmo.asmi
bhUrbhuvaH suvastasmai namonamaH || 8||

(vidyApaThanamantrArthaj~nAnayoH phalam)

etadaShTavidhamantraM yo.adhIte so.agnipUto bhavati | sa vAyupUto
bhavati | sa AdityapUto bhavati | sa sthANupUto bhavati | sa sarvairdevairj~nAto
bhavati | tenetihAsapurANAnaM rudrANAM shatasahasrANi japtAni phalAni
bhavanti | shrImannArAyaNAShTAkSharAnusmaraNena gAyatryAH
shatasahasraM japtaM bhavati | praNavAnAmayutaM japtaM bhavati |
dashapUrvAndashottarAnpunAti | nArAyaNapadamavApnoti ya evaM veda |
tadviShNoH paramaM padaM sadA pashyanti sUrayaH | divIva chakShurAtatam |
tadviprAso vipanyavo jAgR^ivA.nsaH samindhate | viShNoryatparamaM padam ||
ityupaniShat ||
sAmavedastR^itIyaH pAdaH || 3||

OM pUrNamadaH pUrNamidaM pUrNAtpUrNamudachyate |
pUrNasya pUrNamAdAya pUrNamevAvashiShyate ||
OM shAntiH shAntiH shAntiH ||
iti tArasAropaniShatsamAptA ||
##
Encoded by Sunder Hattangadi

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}