% Text title            : Vastusutra Upanishad with Commentary
% File name             : vAstusUtropaniShat\_savyAkhyA.itx
% Category              : upanishhat, vyAkhyA
% Location              : doc\_upanishhat
% Proofread by          : K.S. Sheshadri Sharma
% Description/comments  : Check the text for only the upanishad
% Latest update         : October 16, 2022
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. vAstusUtropaniShat savyAkhyA commentary ..}##
\itxtitle{.. vAstusUtropaniShat savyAkhyA ..}##\endtitles ##
atha atharvavedIya vAstusUtropaniShad |
\section{prathamaH prapAThakaH}
ShaTshilpavichAraH
AtharvaNA~Ngirasa (1) \- shilpakAshyapo (2) hovAcha pippalAdamahAmatim | ShoDashatApinImadhye (3) vAstusthApakavidyeyam (4) | ya enAM veda | AtharvaNIye hotodgAtR^ibhiH shilpashrotR^ibhiH

         vAstoShpatirj~neya iti (5) || 1||
sa vishvakarmA devatA | tasya vidyA ShaTshilpavichAraH (6) |
keShAM shilpakArA upapAdayanti keShAM shilpakarmAdaya upajAyante, katividhAnIti tAn ha sa A~NgirasAdIn nirIkShamANAn ( niryakShyamANAn) pippalAdo vavre | sa ha kuvitsovalabhujottolakaH, (7) shilpakAshyapaH praNidhAya yathAkAmaM pR^ichChAmIti | ko vAstoShpatirvishvakarmA (8), tasmai hovAcha, manye vayaM vedasadasyA j~nApayiShyasIti (j~nApayiShyAmo) |
pippalAdo hovAcha \- ye vai ke chAsmiMlloke prayAnti j~nAnameva te sarve kAmayante |

         ShaTshilpA~NgaprayogeNa prajanayanti rUpANi (9) || 2||
rUpaM shailena (10) khAdireNa, evaM rUpaj~nAna~ncha loke | vede rUpaM rUpaM pratirUpaM bhavatIti visheShaH | tajj~nAnaM divyaj~nAna~ncha |

         yUpa (11) idaM jyotiH || 3||
sa hi yUpaH khAdireNa shailena vA vaitAne (12) uktam | vR^ittaM hi yUpamUrdhanyaM sa vishvamiti yUpadaNDAdau | karmANi samarUpANi samarekhAyAM sa yUpastambho yUpadaNDaH | tat saMyogena yUpo bhavati tajj~nAnaM vij~nApayati ya evaM veda sa hi vishvakarmA shilpAdhidaivatam (13) | ya evaM jAnAti sa purashreShThaH |


         vR^ittaj~nAnaM rekhAj~nAnaM cha yo jAnAti sa sthApakaH || 4||
khAdiradaNDahasto darbharajjukaraH, tad rajjuvalayaveShTitamidaM tasya rUpaM tajj~nAna~ncha shilpaj~nAnam | tadj~nAnAt ( tachChilpaj~nAnAt) divyaj~nAnaM bhavati ( prabhavati), tadj~nAnAt mokShaH, sa hi madhuH (14), ya evaM veda |

         shilpAt pratimA (15) jAyante || 5||
pratimAyAH shraddhA sa~ncharati, shraddhAto niShThA, tatashcha j~nAnam, tasmAnmokSho bhavatIti pa~ncha vAstusopAnAni, ya evaM veda | AtharvaNIye sarvAnubhUtirityanushAsanam | atha shilpakAshyapAtharvaNA~NgirasakuvitsA (16) dayo hodgIthe (17) kushalA babhUvuH | vAstuShaDa~NgakathAM yathAmati brUhIti prochuH pippalAdamiti | tatheti samupadidikShuH |

         sa pravahaNaH shilpasUtrAdhyAyaM sthApakavidyAM chAvadat || 6||
sA vidyA shreShThA, prajApateshchAgrA | prajApaternAradaH, nAradAnmayaH, mayAd vaishravaNaH (18), vaishravaNAt pippalAdaH | shroShyAmIti | eShAmunmeShaH satyam |
hovAchA~Ngirasastvo pR^ichChAmIti | pR^ichCheti hovAcha | kena pratimA sambhavati | kathaM rUpaM rUpaM pratirUpANi loke sambhavanti | nAhaM prabho pashyAmIti | sa prAjApatyamArgeNa pippalAda uvAcha | bhava tvaM shAntahR^idayaH A~Ngirasa, marttye vA idaM sadAsIt shreShThayajane |
apAM yo agre pratimA babhUva prabhUH sarvasmai pR^ithivIva devI |
pitA vatsAnAM patiraghnyAnAM sAhasre poShe api naH kR^iNotu ||
iti mantreNa (19) tR^iptyarthamupAsata iti bhAvaH |
yajanopAsane cha |

         sharIramUrtirahite mana Aveshya visheSheNa
         vikalpidoShayukttaM bhavati || 7||
iti | rUpAt krameNa (pratimA), pratimAyAstattvabodho jAyate | tattvabodhAd dhAraNeti | dhAraNAyA gAthA, kathA prasarati loke | gAthAyA rUpANyutpAdayanti sthApakAH | tasmai hovAcha rUpakalanArthaM kArusAdhanArthaM visheShaH |

         vAstu ShaDa~Ngamiti shreShTham || 8||
shailaM khilapa~njaraM (20) kIlena pa~njarAkR^itikoShThakA rekhAvAsaH (kIrttyAvAsaH) tadA rUpA~NgAni marmANyAshrayante tachChailabhedanam | a~NgaprayogaH; nyAsabhAvanAsambandhaprabodhanaM iti | hovAcha A~NgirasaH\-
kathaM vikAshena rUpavAstuShaDa~NgaM shilpaM saMsiddhaM bhavati | bhagavatastasyaiva me kAmaM brUyAt | shrutvAha, yenaivaM me sthApakavidyA prapAtinI samAvarttate (samAvarttane) | sa hi ShaDa~NgakramamAha |
(shailam)

         ShaDdhA shailaM j~neyam || 9||
shilA taddeshe lokaj~nAne ShaDdhA prathitA | hiraNyarekhikA, samavarNA, tAmrA, dhAtupuTitA, bajralabdhA, saikatAliketi | yadA hiraNyarekhA kuTilA so.avalakShaNaH | sA pratimArthaM hInA virUpaM pradadAti | taddarshanena vikalpabhAvo prabhavati | darshanAdetA arthahInA uchyante, vadanti, bhavantIti |
etadarthaM pratimAvailakShaNyaM bhavati | yadA pUrNashailamekavarNaM kR^iShNaM kR^iShNapi~NgalaM hAridraM vA mukhya pratimArthaM dhyeyaM sA samavarNA | kaThinatamagADhapi~NgalashilA na dhyeyA |
yadA shailaM bhittyAkR^iterapR^ithak pratimAshAlArthaM (21) tad dhyeyam | shailaM pR^ithaktvena hInaM bhavati |
yatra kevalaM lIlAvigrahA nivasanti bhittya~Nge, iti | shilA dhAtupuTitA dhUmavarNA vraNopetArUpArthaM ghoreti | shailAntare starAbhyantare komalarasabaddhA rekhAH santi yAH pItaprabhAH sadA.adhamA bhavanti shreShThaiH shilpakAraiH |
saikatAlikashilA yUpayonimithunastambha (22) vR^iShastambhakuNDArthaM vishiShTA, na rUpArthaM grAhyA, tajj~nAnalabdhasthApakAH samupatiShThanti janaloke sampannA mahIyante |

         shailAda~NgarAgaj~nAnaM prasarati || 10||
sarveShu lokeShu kAmachAro bhavati |
iti AtharvaNIye vAkkAyamanomArgeNa pippalAdakalpe vAstusUtrasampradAnamiti charchAkSheNa munihotAropanidhAnena shailaShaDa~Ngaj~nAnanAma prathamaprapAThakaH |
\section{dvitIyaH prapAThakaH}
khilapa~njaraj~nAnam
atha khilapa~njaraj~nAnaM (23) ghaTanamiti brUmaH | tena AcheShTo bhava A~Ngirasa (24) grAbhakAra iva |

         nirdiShTArthakapratimA (25) grAhyA || 1||
anukUla (pratimAnukUla) shilA abhijiti (26) samprApte darbheNa pAtayet kArushAlAyAm | tataH udumbarakIlena shilAM rodhayet |

         pAtanaM prathamA kriyA || 2||
pAtanAnte uttADana~ncha, pichChilakaraNArthaM hotA.adhvaryuH sthApakaiH saha rUpashilAM mardayet |

         mardanaM dvitIyA kriyA || 3||
Adau OM\-
dadhikrAvaNo akAriShaM jiShNorashvasya vAjinaH |
surabhi no mukhA karatpra Na AyUMShi tAriShat ||
(iti) mantreNa (27) tataH mahiluka (28) payasA shilAM kShAlayet (mardayet) , etat sarvaM kumbhIkA (29) mochanArtham (varjanArtham) | tata ApAdashIrShaM shatakeshivR^iShaM (30) chintayet prArthayechcha |
OM shatakeshAya maharShabhAya me rakSha rakSha svAhA iti brUyAt | maharShabha tasya nava nabhastato vAshrA ApapR^ithivI tarpayatu |
etena ja~NgiDAdayaH (31) palAyante | evaM shubhaM bhavati, manaH pramodaM bhavati, so.amR^ito bhavatIti | tato maNDalakaraNaM valayakIlasaMyutayujuvadaNDena (32) rajjusaMyogena maNDalaikaM rachayan\-
punantu mA devajanAH punantu manavo dhiyA |
punantu vishvA bhUtAni pavamAnaH punAtu mA || (33)
ityanena mantreNa vilaM nirdhArayet |

         vilamiti marma j~neyam || 4||
eShA tR^itIyA kriyA (34)| vilasyobhayapArshvagaM pR^ithagbindumavalambya maNDaladvayaM rachayanti sthApakAH | taddeshe shilAkShetre rekhAyAM prakR^itipuruShanyAyena saMlagnena vR^ittayugmamAcharanti | tad yAmalamaNDalamiti | ekena, dvau ekarekhAyAmiti dhyeyam |
shilpashrotAraH shR^iNuta, kenopAyena vajreNa (35) rekhAH karttavyAH | tataH kIrttyAvAsaH (36) prajAyate |

         na kR^ityarUpArthaM (37) rekhAkaraNaM karttavyam || 5||

         Adau vR^ittaM vR^ittam (38) iti vishvam || 6||
tadrUpe prANaH, yathA puruShasya manaH, tadvR^ittaM kAlaH, eSha vAstuvede | vR^ittasya gatiravadhAritA , yathA chittavR^ittiH | vR^ittasyAdhAro.amR^itaM bindustasya sthitiH , yathA.a.atmA | binduM samArabhya tadbindumilitena paribhU paridhiH sa~njAyate | tad hi vR^ittaM parameShThI, tad draShTA, tad yogaH | tat R^ituH, tat satyam | ya evaM veda |

         ekaikasya saMyoge ekIbhavati iti tasya
         bhAvaH vR^ittaM hi pUrNam || 7||

bindustasyAdhAraH, Ahutiriva jaganmayaH prANaH | sA sthitiH, yathA gAyatrI vedapadam | tasyaiva shailasyopari maNDalam, maNDalakaraNe vAstugAyatrIm (39) athavA aShTAkSharImantraM (40) japet | iti kR^ityaM vR^ittamabhyantare kShetrasyAdhAraM manye, yathA sarvANi bhUtAni bhramanti tathA nAnArUpANi jAyante | sa vai prANaH kShetravibhAjanaM pratimA~Ngopalabdhaye, tasmAt\-

         rekhAnvaye sarvA~NgAni nyAsaya (Achara) || 8||
iti bhedanakriyA | evaM vajreNa shilAyAM rekhA~NkanakaraNaM dhyeyam, na bhUmau na vA iShTake (41)| athAsau A~Ngiraso hovAcha \- brAhmaNaM bhagavantaM pippalAdaM dvau prashnau pR^ichChAmi, tau chenme vakShyati | kA rekhA, kastasyA bhAvaH, kati bhedAH, brUhi pippalAdeti |
tAn ha sa R^iShiruvAcha \-A~Ngirasa, shilpakAshyapa shR^iNu rekhAvyAkhyAnam | tathA tAsAM bhAva~ncha | rekhA nyAsasyAdhAraH sA dhAreva | sA karmapratIteradhibhUtamadhidaivata~ncha |

         tejAMsi saralarekhAH || 9||
tadrekheNa maNDalaM bhindanti, yathA karttAraH karmaNA vishvaM paribhindanti, tebhyaH tadrUpeNa rUpArthaM chAkShuShatvena (42) deshakathAnumataM (43) sarvANi rUpA~NgAni prabhavantIti a~NgasAmyaM prabhavatIti |

         nAbhau rUpakarma prArabhyate || 10||
samatArthaM sarvANya~NgAni nirNayet | evaM brahmavikalpaH | yathA brahmavidyA tathA rUpapraj~nA | tad vij~nAya kAruj~nA vakrataH rUpakarmaNi brahma pratipAdayanti | ramante yathApUrvapUrvapraj~nAyAm | yathA brahmavidyA tathA rekhAnvaye rUpA~NganyAso mahIyate | yajj~nAtvA sthApakAH prAj~nA mahIyante | ya evaM veda | tajj~nAnena sthApakA rUpaj~nA bhavanti (44)| te vidvAMsaH, te vij~nAtAraH kArukarmaNi brahmAnubhUtiM labhante | yathA vishvasR^iShTau pa~nchamahAbhUtAni (45) prajAyante, tathA vR^ittAdhAre shilpakAshyapAdayo vAstuhotAro bhUta mahAbhUtalakShaNAni kalpayanti praj~nApaneneti |

         prAjApatyarItyA vR^ittaM hi tejastadA.apAmbhAse chaturasram || 11||
chaturekhAbaddhakShetramiti | yathA saritkuNDe tathA rUpakShetre chaturasraM (46) sarvamApAdavishvaM prAjApatyamArgeNa shrutirdarshayati (47)| tathA hi rUpakShetre tadrUpasyAdhAraH | bhUyastvAd vAstushrotAra enaM gR^ihNanti bhUyo vR^ittamadhye |

         karNadvayaM marudbhAvena Acharanti || 12||
yathA marudapsaMyogAt pheno bhavati | punaH phenAd budbudaH sambhavati, tathA chaturasraM karNarekhAyugmasaMyogAdrUpakShetraM sakriyaM bhavatIti | sA mArutakIlasya kriyApratItiH |

         dhareva karNikakShetramAkarShayanti sthApakAH || 13||
tataH sthApakA madhyamAruhya (48) karNikakShetramAcharanti | maNDalamadhye dve madhyarekhe likhanti madhyarekhA madhyaprastharekhA bhavati | samamAnena tatropalabhante chatuShkhaNDakShetrANi chaturdvIpAM pR^ithivImiva, eShA bhUmikShetrasya bhAvanA | tatra madhye\-


         labdhabinduH rasAyAH prANaH || 14||
marma vadanti shilpakArAH | tasya bhAvaM shR^iNvantu sarve.amR^itasya putrAH shiShyAshcha | appR^ithivIsaMyogAt yathA dyauH (49) sambhavati yathA shrutau uktaM (50) tadAkAshe savitA dyurUpeNa bhramati | sa savitA vyomacharo, yasya gatirakhaNDA | tathA hi mArutasya tiryag gatiH | tatra khaNDitarekhAn nItvA shilpasambandhArthamAkalpya labdhasthApakAH shilpasambhAreNa dvidhA bahudhA bindUn kalpayanti prajanayanti bindUn | tadvij~nAtAro vR^ittAlaye adhordhve dvidhAkaraNanyAyena vahnivat kShetramAcharanti (51) kArukArAH | vR^ittamadhye kadAchit sampratiShThati tat trihrutam (52)|

         trihutAgniH smaryate.api cha loke || 15||

         nimnagAstrihutA Apa iti || 16||
tadubhayasya saMyogAn mithunabhAvo bhavati | ye jAnanti te sampannA bhavanti | sa unmeShabhAvaH | agnirApaH saMyogAd divyaM (53) bhavatIti | tanmahachChando hotAro jAnanti yaj~ne prayojayanti kuNDe sthaNDile likhanti, tena devalokAH pitR^ilokA AhutyA tR^ipyanti (54)| manuShyANAM tat sAyujyaM pradadAti | evaM bahudhA shrUyate, sarve rUpakArA brahmaj~nA vR^ittAbhyantareNa kShetramadhye samAntarAlaShaDbindumAruhyarekhAH rekhAM rodhayanti |

         ShaTkoNako hi AkarShaNIvidyA (55) visheShaH || 17||
tanmithunachChandoyogena yAtudhAnAH (56) pratighAtayanti | mANDavyAdayo (57) bahudhA devAn pUjayanti | AkarShayanti rudrAnAdityAn vasUn | sA.a.akarShaNI vAstuvedIyarekhA~Nkane shreyasI bhAvavyaktopAyeti |

         yathA rUpe tathA yUpe.anuchChedAntA grAhyAH || 18||
yAj~nikA yUpe sthApakA rUpe samAnAshcharanti (58)|

         khanitraprakAro dhyeyaH || 19||
etad brahmamaNDale khanitrakArANAM kalAShoDashInyAyena tatkShetraM ShoDashAMshena Chedayanti (59)| saumyayUpasya (60) daNDo yadA.aShTAMshaH sa yajamAnAya prItikAmArthaH | kadAchit tatkalAMshenAMshAn Chindanti so.aparAvidyAyAM vR^iShastambhaH | agnistambho bhavati kAmyAnusArataH shilAyAM vA udumbaradAravIyaH | shilAyUpo dhruveti shilpakAshyapa j~neyam | yaj~nArthaM saumyayUpo, viShNuyaj~nArthamaShTAMshayUpaH, kAmyakarmArthaM ShoDashAMsha iti dhyeyam (61)|

         sUtrAyane (62) rekhAH subhagA bhavanti || 20||
bhAvaM pradadati | etajj~nAnaM guhyaj~nAnam | eShA khilavidyA, rekhAkaraNa tat |

         khilapa~njaraj~nAnaM shreShTham || 21||
ye jAnanti te rUpaj~nAstattvarUpANi ghaTayanti | rUpatattve vinA rekhAkaraNaM rUpaM hInamiti dhyeyam |

         utthitarekhA (63) agnirUpAH, pArshvagA (64) ab{}rUpAH,
         tiryagrekhA marud{}rUpA iti || 22||
rekhAprabhede bhAvabhedA upajAyante | rekhA.anusR^itaM rUpaM vibhAti | rUpaM surUpaM bhavatIti (65)| tattvarekhAvalambane rUpAtmapratyakShaM bhavati pratirUpe cha | yathA.a.ahutyA vR^iShTirbhavati tathA rUpasaubhagAd dhyAnabhAvaH sampratiShThate | yathA parjanyAdannaM sambhavati tathA dhyAnAllaya upajAyate | layAnmanujA divyA bhavanti | yathA.annAt prANaH sa~ncharati tathA layAttadbhAvamanubhavanti, mano nishchalaM bhavati | teShAM na punarAvR^ittiH, etadarthaM rUpaM kalpayanti R^iShayo loke | rUpe rekhA Ahutaya iva |

         rUpasaubhagAd dhyAnabhAvo jAyate || 23||
sA hi vR^iShTiH | sA R^itasya dhArA yathA parjanyAd bahudhA.annAni sambhavanti (66) tathA rekhAyA rUpANi |

         agnirekhAyAmuttu~NgarUpANi jAyante || 24||
tAni sarvANyudArabhAvapradAyakAni saumyotthitAkR^itInIti |

         abrekhAyAmutsukarUpANi jAyante || 25||
tAnyugrabhAvapradAyakAni |

         mArutarekhAyAM taijasarUpANi || 26||
tIkShNabhAvapradAyakAni yodharUpANyupajAyante | tAni sarvANi bhIShaNarUpArtham | karNajA rekhA grAhyA itthaM rUpakarmArtham |

         rekhAj~nAnaM sarvamiti j~neyam || 27||
ye jAnanti sarvaM te sthApakodgItharUpeNa (67) khyAtA bhavanti |
iti paippalAdIyavAstusUtre vAkkAyamanomArgeNa sampradAnamiti charchAkSheNa munishrotR^INAmupanidhAnena khilapa~njarAkarShaNaj~nAnamiti vAstusUtrasya dvitIyaprapAThakaH |
\section{tR^itIyaH prapAThakaH}
shailabhedanam
shilpavyAkhyAnaM AshR^iNutedam | vAstuShaDa~Ngamadhye ete shailabhedanopAyAH tatheti samupavishanti te | AtharvaNA~NgirasashilpakAshyapa uvAcha bhagavantaM pippalAdam, asmAn vadantu shilpAchAre bhedanArthaM yad yad shreya iti | yat katidhA alabhyamuvAcha tvAM pR^ichChAmIti, pR^ichCheti hovAcha | kA shailabhedanasya gatiH, ke prayojayanti | prastAvanAkrameNa prastare khilapa~njarArthaM rekhAkaraNe kiM vA prayojanam,
pippalAdo hovAchaH\-
rekhAnukrameNa rUpA~NgAnyAcharanti |

         rUpasya bhAvo mukhyaH || 1||
bhAvAt preraNA (68) prasarati, preraNayA divyabodhaH sa~njAyate | tatkriyA hi bhedanavidyA | yathA parAvidyAyA divyatvaM jAyate tathA surUpAd divyatvamupalabhante manuShyAH | teShAM manovR^ittyAM rUpasya bhAvaj~nApanArthaM rUpakarmANi sAvadhAnena sthApakA Acharanti | rUpamadhye ki~nchit saumyaM ki~nchidugraM cha |


         bhAvAnusArato rekhAvidhAnamiti j~neyam || 2||
etad yo jAnAti sa marmaj~naH (69)| sa loke mAnyo bhavati grAme vAstUdgItharUpeNa khyAto bhavati | nR^ipe chAkra (70) rUpeNa |

         teShAM bahudhAkR^ityaM shreyaH || 3||
te shailaM Chindanti, rUpANyutkhodayanti | rUpA~NgAni rekhAnupAte pAtayanti | a~Ngayormadhye kShINakUTA~NgAni bhindanti | kUTAd yattyaktashilA udvR^ittAstachChilAH nikShipanti samantreNeti tyAgaH | a~NgAnyutthitakUTAni nIchAni, etannyAsabodhaH |

         nyAsArthaM kAlabodho dhyeya iti || 4||
na rAtrau, na darshe, na sUryasomayoH sa~Ngame, na sandhyAyAM va uShAyAM charanti shreShTharUpakArAH | te.abhidhR^itArthamudumbaradvipakShAn (71) nikhAya rUpashilAmavarodhayanti | tad rodhanam | rodhanakAle parjanyapUjane jaTAvedaM (72) paThediti paThanopAsanena rasavij~nAtanyAyena R^iShayaH shailAchAryA bhindanti shailam |

         tadbhedane.abhimantrayanti khanitrANi || 5||
OM uttiShTha puruShi kiM svapiShi bhayaM me samupasthitam |
yadi shakyamashakyaM hU.N (durge) bhagavati shamaya svAhA ||
iti khanitraprayogamantraH | mantrAt kAlo vinashyati, bhayaM vyapohati | etajj~nAnena agnihotraM charanti vaishvAnare juhvati | yathA.a~NgAreShu bhasmArthaM juhuyAt pApAnAM tathA shilpakArA rUpArthamagnihotramAcharanti vaishvAnare juhvatIti |
vAstuyaj~nAt khanitrabAdho vyapohati | kusha~NkA vinashyanti | khanitraprayoge daurbalyabodhe mantraM manasi dhyAyanti |
mantraH\-OM chakShurasi chakShurme dAH svAhA |
paripANamasi paripANaM me dAH svAheti || (atharvaveda 2\.17\.6 \-7)
eShA kriyA dhyeyA, ya evaM veda |
athA~NgirasAdaya udgAtAraH paprachChuH kashcha skhanitraprakAra iti |

         khanitrapa~nchakaM shreShTham || 6||
shR^iNuta, kenopAyena shilpodgAtAro bhedanakarttanAdyAcharanti | khanitrakarma na vai rUpe somashAlAyAM sthaNDilakaraNe hotAraH prayojayanti | yathA bR^ihaspatergR^ihashAlAprakaraNe lokavAstUpAkhyAne pUrvaM vede uktam (73)| khanitrApaprayoge rUpANyaparUpANi bhavanti | kukkuTikA (74) aparUpANi pUjayanti na brAhmaNAH | tat khanitraprayoge shreShThAn tadbhedAn vadAmi |
bhedAstu lA~njI, lA~NgalI, gR^idhradantI, sUchImukhA, vajrA iti | sarve AyasA dvividhA bhavanti kShINAH prashastAshcha | muShaladharubhe muShaladaNDena khanitraM ghAtayanti prayojayanti shilAbhedane tat | sarvAstrANi tIkShNAni, gavAmbupuTitAni | tataH i~NgiDalepitAni charmashANitAni cha |

         rUpaprakarShArthaM rUpA~NgaM snigdhamiti || 7||
saumyena Chedayanti ye te shastriNaH | shastraM dvimukhI ghUrNiketi (75) , ayomukhAstrANi pAlAshashalAkAM vahanti , idaM teShAM rUpam | atha, A~NgirasaH paprachCha bhagavantaM pippalAdaM, kena vajramiva kaThinashilAM khanitreNa bhindanti vAstukArAH | taM hovAcha vaktA\-

         shilpakArAH pralepayanti drAvakarasam || 8||
sha~NkhadrAva\-kuShTharasa\-saindhavakharpara\-ukatsavalkalachUrNena (76) sahitaM shilAdravaNArthamevaM rasachatuShTayam, anena mantreNa dashAhamardanAnte vaitAne khanitraM prayojayanti, khananamAcharanti bhadreNa (77) sthApakAH |

         eShA hetividyA shreShThA || 9||

         rakShArthaM parNamaNiH paridheyaH || 10||
khanitrakarmaNi rakShArthaM pAThAmUlikAM dhArayantIti sa kavachaH | mantreNa saha dhArayanti parNamaNim | anena mantreNa\-
OM shaM no devI pR^ishniparNyashaM niHR^ityA akaH |
ugrA hi kaNvajambhanI tAmabhakShi sahasvatIm | (atharvaveda 2\.25\.1)

         bhedanAda~NgasaubhagaM (78) prabhavati || 11||
yathA dehe tathA daivA~Nge gulphavalayakukShyAdayaH, uShNIShamekhalAdayaH khodayanti saubhagena, uDDupayanti kukShashilAH, visR^ijanti tachChilAmiti |

         rekhAnupAtenA~NgAni nidheyAnIti shreShThakR^ityam || 12||

etena vAstuvedavidhAnena rekhAnupAte.a~NganyAso vidheyaH |


         gAthAnuprAse lakShaNaM vyaktaM bhavati || 13||
yathA gAthAyAH kathAstathA rUpalakShaNAnyAcharanti rUpakAra\-rUpaj~nAH, tathA vyaktarUpaM sambhavati | yad rUpasya hAvabhAvAdi pratyakShaM tad vyaktarUpam | rUpAdupAsakA bhAvasiddhimupalabdhayanti yaj~nena dhyAnamiti prayogaH (79) |

         dhyAnaprayoge rUpasauShThavaM spaShTaM bhavati || 14||
tathA hi dhyAnarUpaM kathayanti vAstukArAH |

         yathA prakR^itistathA rUpalakShaNam || 15||
rUpasya svabhAvAnukrameNa rUpANi bhavanti | teShAM tattadguNAH prabhavanti kAmachArINAM hR^idaye iti | kAmo (80) janAnAM dhruvAvR^ittiriti |

         a~NgAni ardhAkale (81) suShamaM (82) dhyeyAni || 16||
archAyAM shreShThaM pUrNAkalaM varttulA~NgaM, na shreShThamitibhitye\-

         harsAvadhi ubhayadishi chordhve na vardhayet || 17||
uShNIShamekhalAdi apavR^ijinena rekhAkAre utthite darshayan, bhedanakAle rUpashilopari sha~NkhadrAvaM si~nchayan, apavenAt saMrakShayediti kramaH |

         rakShAvidhAnena vighnaghAtayaH || 18||
rakShAvidhAnena vighnA vinashyanti | khodanArambhe \ldq{}OM hojA hojA shatakeshi vR^iSha me saMrakShaya\rdq{} iti brUyAt sthApakaH | avighnena kararekhAdi gAtralakShaNAni dR^iShadi daivabhAvena kartavyam | tadguNAt siddhiM prApnuvanti kAmyena vA, akAmyena sAyujyaM pradadAti etadarthaM bhedanakArukarma shreShTham |
rekhAnvitama~NgapAtanaM bhedane mukhyam |

         rekhAkrameNa bhedanaM chaturdhA j~neyam || 19||

nyAsavidhAnena tadekAshrayi, yugalAshrayi, khaNDAshrayi, sparshIteti | yadA pUrNarekhAyAM rUpA~NgaM nipatati tadekAshrayi | yadA rUpasya prabhavA~NgaM sammukhA~NgaM vA bhinnarekhAmAshrayati tad yugalAshrayi | yadA tat pR^ithaga~NgaM bhinnarekhAyAM vA mUlarekhAyAM kevalama~NgA~NgaM nipatati, adha Urdhve cha tat khaNDAshrayi | yadA.a~NgAMshaH kevalaM ki~nchid rekhAchumbitastat sparshitA hInam (83)| nemyavalambitA~NgaM kadA shreShThaM bhavati |

         nemyottare rUpA~NgaM na vardhayet || 20||
iti pAtanAnushAsanam | bhedanakAle.avAg bhavet | gAthAkathAH satataM smaret | rUpaprArambhe khanitrANi prokShayet prokShaNamantreNa | tatprabhAvena doShA ariShTA vinashyanti |

         khanitrachAlanavidhirdhyeyavisheShaH || 21||
vAmahaste jaraThena khanitramavarodhayet | kaniShThikAyAM rodhayet khanitram | iti kR^ityam | dakShiNakare kuTumbhakaM dhArayet bhedanArthaM daivalakShaNAni rUpakarmaNi vedayante | iti bhedanavidhivyAkhyAnam |
vAkkAyamanomArgeNa charchAkSheNa munishrotR^INAmupanidhAnena shailabhedanabhraskakrama iti tR^itIyaprapAThakaH |
\section{chaturthaH prapAThakaH}
a~NgaprayogaH
atha pippalAdaH prahR^iShTo hovAcha \- shilpajij~nAsutraya, vAgrUpANi cha tasyA~Ngaj~nAnamAhuH | purA brahmaikaM satyamasti | tajj~nAnena hR^idayAkAshe tad brahmaiva jyotiH tasya j~nAnavij~nAnaM vij~nAya evaM yatki~ncha vAchA tadrUpeNa vij~nAnavAchA prapannenAcharanti | ya evaM veda | yatra bhAvanA shUnyA tannirguNa guNatvabhAvanayA saguNaM bhavati | saguNAn manaH sthUlaM bhavati |

         pratItAt pratIkaH || 1||
pratIta\-pratIka\-pratimA\-krameNa trINi mukhyAni | yadA jyotirmaNDalAnubhAse brahma upalabhyate tat pratItam | yathA vij~nAnamayapuruShaH | yashchakShuShA na pashyati yena chakShUMShi pashyantIti | yadupamopameyakrameNa anubhavabhAvAn pradarshayati tat pratIkam | \ldq{}a~NguShThamAtraH puruSha\rdq{} ityAdi vAkyena | yA saparyAyAmAnandaM pradadAti sA pratimeti |
avyakta\-vyakta\-prakaTa\-krameNa nirguNa\-sUkShma\-sthUla bhAvena janAnAM daivabhAvAharaNaM kurvantI sA devayajanavidyA | shatapathe ChAndogye choktA \-eSha kramaH, eShA devayajanavidyA | AtmAnandena yajanopAyena trayastriMshad devatA tArkShyo brAhmaNe uktam |
yathA a~NguShThamAtrapuruShasya bhAvaH prabhavati vikalpena a~NguShThamiti jyotirmAtram (84)| sa yUpasya daNDa iva |

         rUpAda~NgAni sa~njAyante || 2||
tadbhAvAdrUpaM rUpaM pratirUpaM jAyate | yathA puruShe | iti j~nAnaM jyAyam; yatrAnyairdvidhA bhavati taditaraj~nAnaM nishchitaM bhavati | etadeva satyam | taditara itaraM jighrati | taditara itaraM pashyati | taditara itaraM shruNoti | taditara itaramabhivadati | taditara itaraM manute | taditara itaraM jAnAti | yatra itarAbhAvaM yaH pashyati tat kena kaM vijAnIyAditi yAj~navalkena uktam | ya evaM veda |

         ato dvidhA brahma rUpavad bhavati || 3||
sthApakAH saparyArthaM shaile rUpANi charanti (85)|

         rUpArthaM koShThakA mukhyAH || 4||
yathA shulve tathA cha shilpe | vinA koShThakaM rUpasya bhAvaH samya~N na bhavati | saparyAyAM kShuNNatA jAyata iti | Urdhvaga\-pArshvaga krameNa chUrNena rekhAvibhAjanamiti koShThavidyA grAbhArtham |

         vargIkaraNaM mukhyakR^ityam || 5||
yaj~nArthamidaM shulvaM kArukarmArthaM shilpamiti j~neyam | iti sulabhakriyA | evaM vede | rajjvAstAvat prasAraNe vargIkaraNamiti tasya bhAvaH | yAvat pramANaM kShetrashailaM, tatra rekhA avikR^itaM prakurvanti mAnadaNDaiH shilpakArAH | tena bR^ihadvargA bahudhA bhavanti kShINAkR^itau | ekaH dvau dvau chatvAraH | chatvAro dviguNitena aShTau | eva krameNa bahudhA koShThakA bhavanti guNavardhaneneti | yathA shulvavibhAjane yugmaM ayugmaM yaj~namekhalAdInardhapramANena chikIrShAkrameNa varddhayanti tathA sthApakAH |

         koShThakAntarAle rUpasyAvayavo dhyeyaH || 6||
sthApakAH parimitA~NgAvayavAdi mAnanti (mIyante) | ayaM tAlaniryAso chikIrShAkrameNa |

         parimitA~NgahArAd bhAvalakShaNAni jAyante || 7||
aparimitA~NgAnAM teShAM bhAvavailakShaNyaM bhavati, iti doShaH | kuNDasya koShThake vyatikrAnte hotAro mUkA bhavanti, tathA cha mUrtyAm |

         koShThake vyatikrAnte rUpamavadyaM bhavati || 8||
sthApakAH paishAchatvaM labhante | atha shulvavidyAshilpavidyayoH ko bhedaH ? kiM tasya sandhAnamupalabhante, kiM pArthakyamiti vadantu dharmapuruShAH pippalAdAH |

         shulvaM yaj~nasya sAdhanaM shilpaM rUpasya sAdhanam || 9||
iti bhedaH | shulvakArA daNDarajjusahitaM kuNDasthaNDila\-shAlA\-yoni\-mekhalA yUpAdi nirNayanti |

         shilpakArANAM rUpashaile rUpashAlAdi dhyeyam || 10||
iti teShAM pArthakyaM na marmaNi bhedo jAyate |

         yUpAd rUpaM rUpAd yUpa iti svabhAvaH || 11||
AhuH shrotAraH kena rUpeNa shulvakArAH kArurItyA yUpaM nirdhArayanti yathA pUrvavedAchAreNa |

         yUpasya mAnaM dhyeyam || 12||
shR^iNuta vAstukArAH | yajamAnasya trimuShTikamAnena rekhAmAnaya | taddairghyeNa saha dvihrasvarekhayA vAmagaM trihutaikaM chara, iti trihutIkaraNam | tata Urdhve vAme cha sa~NkIrNatrihutaM sR^ijayan lambamAnena chaturasraikaM Achara, iti vargIkaraNam | tad vargadvikhaNDena vibhAjitakShINaikabhAgo yUpasyotthAnaM j~neyam |

         ShaDbhAgasya prayogo dhyeyaH || 13||
tatra pArshvakShetre ShaDupakShetralAbhArthamidaM vibhAjanam (86) | tadShaDbhAgebhyo nimnaikabhAga pArthivA~NgaM protthanArthaM bhUmirdevatA | taduttarAddvibhAgo.adho.a~NgaM mekhalAbandhanAnantaraM nyAsArthaM sa maithunakANDaH, rudro devatA | taduttare dvau bhAgAvuttamA~NgaM prANA.a.avAhanArthaM prajApatirdevatA | taduttaraikabhAgastu~NgA~NgandhvajaropaNArthaM savitA devatA | evaM krameNa \-

         puruShasya rUpe.a~NgachatvAro.aShTA~NgakrameNopajAyante || 14||
pArthivA~NgaM, karmA~NgaM, adho.a~NgaM, prajananA~NgaM, uttamA~NgaM, prANA~NgaM, tu~NgA~Nga, jyotira~NgaM, krameNa puruShAkale.aShTA~NgapuruShasya rUpam |
shilpakAshyapadhIrAH paprachChuH | priyadhA kiM rUpasya tAlam, kastasya bhAvo lakShaNa~ncha sambandhamiti | tadavagamAya upaj~nAkrameNa pippalAdo vavre |

         pAlAshadaNDarajjusaMyoge rekhAmAnaya || 15||
shaile koShThakAnAmutthitakrameNa rekhAmAcharet | payasA shoNashailachUrNasaMyogena dhIrAH koShThakAn prakurvanti | koShThamadhye pAdAchChiro.avadhi rUpamupalabdhavyamiti |

         nimnAdUrdhvAvadhi sadA rekhAdInAchara || 16||
sA hi utthitakriyA | sa rudrapatiH puruSha evaM vede |

         puruShastambha iva stambho vai yaj~nasya rUpam || 17||
dashayaj~nasyAdhAraH (87) sa (88) vR^iShastambhaH pitR^iyaj~nArtham, rudraprItaye | prajApatireva vAstoShpatiH sa hi prANajAgR^itiriti |

         yathA stambhasya dashA~NgaM tathA puruShasya
         dashayaj~napraj~nAshcha || 18||
nimne pAdaH, darbhamekhalA rajjunyAyena nirmitA | taduttare daNDavat pippale udumbare vA tatra mekhalA valayAkR^itiH | taduttare stambhasya daNDavilaM viShNurdevatA, taduttare stambhasya kaTiravishadasharAvAkR^itiH | tatsammukhe mR^igapAdo yathA pa~Nke tathA nAbhiH shruvasya garbhAkR^itiH | taduttare saumyastambhAkR^itiH, ambAlikA devatA | taduttare chaturasrakUTashAlA, AvAsa iva stambhasya hR^idayam | tachChAlAyAH rudro devatA | shatakeshI shatashIrShA vR^iShaH (89) , sa jyotiH praNavarUpastArakaH, taduttare stambhasya kaNThaH sa sharAvAkR^itiH | svAhA devatA | taduttare stambhasya mUrddhamaNDalam, savitA devatA, evaM krameNa dashayaj~nAnurUpaM dashA~NgastambhaM hotAraH samupadishanti |

         sthApakAchAryA stambhAdrUpaM bodhayanti || 19||
puruShasamarItyA dashA~NgametaduchchaiH samadashakoShThake, Acharanti puruShAkalaM yadetad vede |

         stambhaH kAmachAriNastridhAmAnayanti || 20||
yAj~nikA yaj~ne viDva~NgaM prothayanti aishAnye pitR^imedhe |

         daivayaj~nArthaM yUpaH || 21||
tathA hi a~Nge shulvakArA mUrddhAnaM daNDaM cha mAnayanti | daNDo bhadro vA, aShTAMsho vishvAMsho vA yathAkAmya iti, pArthivAH pashumedhena arimardanaM kurvanti kR^itsnasiddhilAbhArthamAhutayanti |

         tadA pitR^imedhArthaM vR^iShastambhaM mithunastambhaM
         kAmachArA home ropayanti || 22||
prashastadaNDashilAyAmUrdhve shukaramaithunarUpam, etatprayogeNa ariH sthANurbhavati stambha iva | pArthivAH pashumedhinaH bhogyaprayogamAcharanti | evaM vede prayoge cha, yatki~nchavijij~nAsyo yUpaH tadrUpaM kenaitat puruShasyodbhavaM bhavati rUpe | pippalAda hovAcha AtharvaNA~Ngirasa kena koShThake puruShashchAkShuSho bhavati |

         tadbodhe mAnuShA rUpaj~nA bhavanti || 23||
taM ha vakShyAmIti bhagavAn pippalAdaH suprasannaH tasmai saumyapippalAda hovAcha |
AhuH shilpAchAryAstadetatsatyam | yathA.a.aditya udayan prAchyA dishaH prANaM sa~nchArayati tathA\-

         puruShasya rUpAkale koShThakasyAdho bhAvarUpaM prasarati || 24||
sA hi stambhasya dashA~NgoditakriyA | yathA dashayaj~ne dashakarmaNi karmonmeSho bhavati (90)| yathA hi puruShaH kartA, bodhA, rasayitA, mantA, sraShTA, shrotA, draShTA, j~nAtA cha vij~nAnAtmA brahma bhavati tathA dashA~Nge manuShyA dashakarmAcharanti | etadbhAve dashakoShThake puruShashchAkShuSho bhavati | pAdaH, pAdaparvataH, daNDaH, daNDagulphaH, etAnya~NgAnyadho.a~NgAnIti | jAnukaTiparvatAntadvayaM madhyA~Ngamiti | udarahR^idayadvayamuttamA~Ngamiti | kaNThamUrdhadvayaM tu~NgA~Ngamiti, evaM kalpayanti rUpakArAH | iti puruShasya dashA~Ngam | puruSho dashA~Ngulamiti bhAvaH |
pUrvaM vedena uktam | sa hi brahmaNo vikalparUpeNa pratyakShaM bhavati (91) |

         dashA~NgayUpe rUpe iti tasya bhAvaH samAnaH || 25||
etadarthaM koShThakAn kalpayanti rUpakArAH |

         brahmakIlAdhAraH, brahmakIlena (92) saha kShetraM vibhAjaya || 26||

brahmakIlamadhyagarekhayA dvaitAMshe brahmakIlena saha kShetraM vibhAjayanti | yathA dharAyAM merukIlaM, pashau pR^iShThAsthi, vR^ikShe suShIraM, jIve jIvAtmA, tathA rekhA hi satyam | rekhA rUpasya kAraNam | tato rekhAyAM dashakoShThakAn vibhAjaya uttiShThakrameNa, yena samopakShetrANi labheran |
kati kati khaNDitAni bhavanti | nyUnAtiriktArthaM kAruj~nA AdyatriShaNNavakShetrANi vibhAjayanti | dvau dvAviti krameNa dashakoShThakeShu chatvAraH khaNDitAH ShaDakhaNDitAshcha | evaM dashakoShThakA bhuvanasa~NkhyakA bhavanti | yathA piNDe brahmANDaM kalpayanti R^iShayaH | yathA.atharvavedinAM shrAddhe (93) pitR^iyaj~ne piNDArthaM vajreNa maNDalamAcharanti |
vaishvadeve tathA dashakoShThakAnAcharanti (94)| evaM krameNa pAdaH taduttare pAdaparvate.ardhAMshaH taduttare ekAMshadaNDAH | taduttare gulpho.ardhakhaNDitAMshaH | taduttare jAnudvyardhAMshasaMyogaH | taduttare kaTirardhAMshakhaNDitAMshaH | taduttare dvyardhasaMyoge sammukhe mR^iNAlamUlAkR^itirvilAkAraM nAbhiH | taduttare udaramekArdhasaMyoge pInA~Ngamiti | taduttare.aShTAvadhi hR^idayam | taduttare kaNThaH ardhakhaNDitAMshe | taduttara ekArdhasaMyoge mUrdhetyuttamA~Ngam | idaM dashakoShThakeShu rUpaM chAkShuShaM bhavati |

         a~NgAda~NgaM sa~njAyate || 27||
iyaM hi rachanA | sa hi nyAsaH | adha UrdhvAvadhi gachChanti divyatAM krameNotthitakarapAdAdayaH pravidhA~NgAni |

         rekhAsaMyoge tatkShetre.a~NgAni saubhagAni bhavanti (95) || 28||
agnirekhAyAmutthitA~NgAni | appArshvagarekhAyAM sthirA~NgAni | mArutarekhAyAM vegapradarshanA~NgAni | etannipAtanena rUpANi mana AkarShayanti | taduttaram\-

         kShetranemiM rodhayediti || 29||
rodhanarekhAchatasR^iNAM madhye koShThakAnAcharanti sthApakAH | evaM krameNa shilpakAshyapAH rUpArthaM khilapa~njaraM dhyeyamiti vyAkhyAnaM vAstUdgIthatraya prabodhanArthaM bhagavAn pippalAdo vavre |
iti vAkkAyamanomArgeNa pippalAdIyavAstusUtre sampradAnacharchAkSheNa munishrotAramupanidhAnena a~NgottiShThAdimAnabodhanamiti chaturthaprapAThakaH |
\section{pa~nchamaH prapAThakaH}
rUpabhAvanAbodhaH
atha hainamAtharvaNA~NgirasashilpakAshyapaH paprachCha yadi yaj~nArthaM shulvaM (96) shilpArthaM shilpasUtra~ncha rUpakarmaNi, itthaM tadidaM brUhIti | pippalAdo hovAcha | shilpamadhIyAnAH shilpodgAtAraH, shR^iNuta |

         bhAvasyAropaNaM rUpakarmaNi vidheyam || 1||
yaj~nashAlAsthaNDilArthaM shulvaj~nAnaM shreShTham | tatra shroNi (97) sAdhanamaMshAdipAtanamiShTakAnyAsaprayogo bhavatIti dhyeyam | yena rUpeNa yathA rUpakarmaNi trikoNisAdhanaM karNAkarShaNaM karNikAkaraNaM labdhakShetre mukhyam | etadarthaM bhAvavodhanasya prayojanaM bhavati | shR^iNu, tasya ko bhAvaH, kasteShAM rUpasya sandhAH | dehaH karmAdhAra iti vadanti yAj~nikAH |

         karma bhAvasya pradAyakam || 2||
bhAvaM pradadAtIti |

         bhAvasyA.a.adhAro rasaH || 3||
sa rasaH karmaNashchodaneti dehe praskandayati vA~NmanashchakShuH shrotrakarapAdAdInAM udayakrameNa, dehalakShaNaM bhavati | bhAvavidhAnena dehasya rasAH prasaranti |
rasAt\-

         manasi vR^ittirbahudhA prajAyate |

         tadA bhinnabhinnarasAdrUpaM naikaM bhavati || 4||

         navadhA rasaH || 5||
navadhA rasArthaM rekhApArthakyaM jAyate |

         prathamarasaH shR^i~NgAraH || 6||
yathA mohAt puruShasya nArIM prati maithunechChA prabhavati tad jIvamAtrasya satyam | yatra mudabhAvo vibhAti sA shR^i~NgAramUrtiH bhavati | tathA dvau tanU devadevyoshcha krIDA~NgagaThanam | yugalasharIre krIDopAyeti, akShakrIDAdi muditavigrahArtham |

         shR^i~NgArarUpArthamabrekhA grAhyAH || 7||
prasannAnanamiti teShAM lakShaNam | kAmanivR^ittau mana ullasitaM bhavati | hAsyaM pradadAti |

         sa hAso dvitIyarasaH || 8||
hAsyabhAvapradAyakavigrahA janAnAM hR^idaye sukhaM sa~nchArayanti | kAruprayoge teShAmadhara unmuktaH, netraM saumyamiti teShAM lakShaNam |

         mukhalakShaNAd rasaM jAnanti sarve IkShaNena || 9||
manuShyaH manosukhArthamupAsate | janAnAM jale cha rUpe ubhaya samAnaH | yadA duHkhaM tadA sukhamiti satyaM, rAtrindivamiva | sukhasya pariNAmo viShAdaH, viShAdAt sarvendriyANi shithilAni bhavanti |

         sa tR^itIyaH karuNarasa bhAva iti || 10||
nayanamardhamuktaM cheti teShAM lakShaNam | karuNAn mano nishcheShTaM bhavati | so.avasAda iti | avasAdAt punaH viShAdaH sa~njAyate | tataH krodho jAyate |

         raudraH chaturtho rasaH || 11||
sa raudrabhAvaH rUpe ugra vadanti shilpakArAH | mukhaM prashastaM netrANi sphAritAni, haste yodhAyudhamiti teShAM lakShaNam |

         tiryag rekhAyAM rUpA~NgabhAvaH prakaTo bhavati || 12||
iti visheShaH | raudrabhAvAt tanuShi vikAro jAyate |

         sa vIrabhAvaH pa~nchamaH || 13||
teShvasamAni kAyamukhanetrANIti lakShaNam | kauNapalakShaNAnvitA drutA pAdarekhA samasaralA devarAkShasayormadhye ghAtakarmeva | teShAM mukhe vairabhAvastallakShaNaM bhavati bhaya~NkaratUrvayANa iva |


         vairabhAve utkaTe bhaya~Nkaro (98) bhavati |

         sa vailakShaNaH ShaShTharasaH || 14||
ubhayapArshve rUpasyA~NgavaiShamyaM dhyeyam | ye vardhitAste bIbhatsA glAniyuktAH |

         kurUpAH kShiptA~NgAH mArutarekhAyAmiti sa saptamaH || 15||
kAme nivR^itte daivabhAva upajAyata iti sheShopAyaH | avagatyA virato bhavatIti |

         shAntabhAvaH, so.aShTamo rasaH || 16||
evaM jIvasyAShTavikArarUpeNAShTabhAvAH sampadyante (99)|


         bhAvAnugatarUpANi chaturdhA mukhyAni || 17||
yeShAM shAntAste sarve.agnirekhAshrayiNaH | yeShAM karuNAste sarve.abrekhAshrayiNaH | AlasyamUrtiShu sarve.abAshrayiNaH | yeShAM sarvA~NgAni karNarekhAshrayANi te raudrAH | raudrA mishrA vairA mArutarekhAyA AdhAraH | ihAnushAsanaM dhyeyam |
atha shilpakAshyapo hovAcha | kimarthaM bhAvaprabodhanArthaM rUpANi ? kastasya hetuH ? bhedAd daivaj~nAnamupajAyate.anyachcha\-bhagavantaH satyadraShTAro bhAvabodhArthaM bruvantu |
pippalAdo hovAcha

         loke bhAvabodhasya heturmanaH || 18||
tadbhede bheda upajAyate devayonyaH, pitaraH, somaH, AshApAlAH, vishvedevAH, rAkShasAH, hi (.Da) ~NgAdayaH | sarvasya vR^ittirasti | sarve pR^ithak kati mitrANi katyarayaH | aribhAvasteShAM sandhAH | hotAro devAn yajanti | pishAchamokShaNArthaM tardAdi (100) vimochanArthaM yaj~namAcharanti | eShA jaivasandhA | yaj~nAt pishAchA vinashyanti | arisAdhanArthaM brAhmaNAH parNamaNiM dhArayanti kavache | brAhmaNA yaj~nabalena, kShatriyA Ayudhabalena, vaishyA bhUmirasaj~nAnena, shUdrAH paricharyayA dIptA bhavantIti varNabhede kriyAH | mokShArthaM yathA brAhmaNA yaj~namAcharanti tathA trayo varNA rUpasaparyAyAM mokShaM labhante | bhAvAnmuktA bhavanti | evamAropaNe rUpaM dhyeyam | etadarthaM rUpadhyAnena bAdhaH |

         manuShyANAM vR^ittirmukhyeti || 19||
vR^itterniShkala\-sakala\-bhAvA upajAyanta iti mArgaH kriyAyAH pariNAma iti | tadarthaM shilpaj~nAnAdrUpaM dhyAyanti, sthApakA brAhmaNA bhavanti |

         sa~NkalpAd vikalpaH || 20||
iti visheShaH | yathA sa~NkalpAd vikalpaH tathA bhogechChAnte arimardanechChopajAyate | mardanAnto bhogaH | etadindriyachakram | vikalpabhAvAt shraddhA, shraddhAyAH sattAbhAvaH, sattAbhAvAd bhAvayajanaM prasarati | tadbhAvena rUpaM rUpaM pratirUpANi jAyante |

         eSha bhuvanakoSho dehAnubhUtyAH kramaH || 21||
shR^iNu tatkramaM shilpashrotAraH | tataH shrotAraH paprachChuH\- bhagavan ko bhuvanakoShaH? kiM tatsvarUpam? kastasya kramabhedaH? vadatu dharmapuruShapippalAdamahAmatiH shilpakAshyapAH pR^iChantIti | dehabhuvanakoShasya lakShaNaM dehAnubhUtimiti |
atha bhagavAn pippalAdaH pravachanena vavre | shilpakArAH sarvakarmaNi shatakeshivR^iShaM prArthayante\-
OM rudrashatakeshAya rudra etad nAshaya bhayaM
rudra shatashIrSha shamaya bhayaM
vR^iSharUpAya shatakeshAya cha dharmarUpAya te namaH |
iti bruvANAntaraM pippalAda uvAcha | shR^iNuta, bhuvanAH(101) taraNasya sandhAH | hotAro vaishvAnare prajApatyAdidevAn yayA vAchA.a.ajuhvati sa mantraH (102)| sa dhvaniH, dhvanerbrAhmaNA.a.atmaj~nA bhavanti, te dhvanerdevalakShaNAni kalpayanti,R^iShINAM tallakShaNam (103), tallakShaNaM hi R^itam, tallakShaNAdrUpaM vR^iNute manuShyaloke |
yaj~nAd dhvaniH, dhvanerlakShaNaM, lakShaNAdUpaM, rUpAd bhAvaH, bhAvAd guNaH, guNAt kriyA, kriyAyA AchAraH, AchArAdupAyaH, upAyAchcheShTA, cheShTAyA mArgaH, mArgAdUpANi, rUpAt pratirUpANi (104), rUpavidyAbodhAd rUpakriyA, eSha saparyAkramaH vedasyAyane bhuvanakoShaH |

         arUpAdrUpaM tasya phalam || 22||
Adityo ha vai brahma, tadarthaM yaj~naH, dishaH pR^ithivyAH sambandha iti mUlam, Adityo ha vai brahmeti tasya dhvaniH | dhvanerlakShaNaM sUryasya rashmeryA yatra devatA patireka AsIt | tallakShaNam | rashmibhirdvijA yajantyamR^itaratheneti tasya rUpam | sUryo jyotiShpatiriti bhAvaH, bhAvAd guNa iti, sa sUryastapati vishvamiti tasya guNaH, tadguNAnusR^itau brAhmaNA gAyatrIM japanti, ye cha ime bhUmyAmadhiyajanti divaM prayAntIti tatkriyAH, tArakAmupetya ta uttiShThante brAhmaNA ityAchAraH, trikAlena kAlasandhyAM prayojayanti mantraiH, prajAyAH saMrakShaNe brAhmaNA draviNaM dadhati, sa upAyaH | mantrasa~NkhyAsahitaM prayojayanti kriyAH, sA cheShTA, sA bahudhA shrUyata iti mArgaH | evaM bahumatyA daivatve rUpaM, rUpeNAnekatvaM jAyate |
tadrUpaM pratirUpamiti, tajj~nAnaM rUpavidyA, tachChilpasUtramiti | vedasyAyane rUpabhuvanakoSha iti, etadarthaM rUpArthaM dishaH | arUpAdrUpaM tasya phalamiti pUrvaM vedenoktam (105)|

         dishAnusR^iterdishApAlAnupAsante (106) || 23||
prAchyAmAdityaH, dakShiNe yamaH, pratIchyAM varuNaH, udIchyAM somaH dhruvAyAmagniH evamahallikAH (107) vadanti, evaM pUrvaM vedenoktam, tadA dashaprachetasaH (108) AdityA AshApAlAH (109) santi, ya evaM veda |

         evaM daivabhedAnmArgabhedA jAyante || 24||
mArgAdrUpa~ncha, aprAkR^itaM nAnR^itaM cha | viShNudaivatAd vaiShNavAH (110), rudrAd raudrAH, iDAyA ai.DAH, ambAyA ambinaH, savituH saurA bhavantIti |
etena bhedena brAhmaNAH pratirUpANi yajanti, ya etajjAnAti sa rUpaj~naH (111), ye rUpashaile rUpamAcharanti te rUpakArAH, te rUpabodhe rUpANyAcharanti | tadrUpArthaM kAmachArA yaj~naM kurvanti (112) kAmanayA ya evaM veda |
iti vAkkAyamanomArgeNa pippalAdakalpe sampradAnaM charchAkSheNa munishrotR^INAmupanidhAnena rUpabhAvanAbodhAdhyAya iti pa~nchamaprapAThakaH ||
\section{ShaShThaH prapAThakaH}
sambandhaprabodhanaM
athAtharvaNA~NgirasashilpakAshyapAdaya upetya pippalAdamAshrame paprachChuH, bhagavantaH kuto ha vA rUpe bhedaH sa~njAyata iti shroShyAmaH shreyaH | tAn ha sa pippalAdo hovAcha, iyaM\-

         nyAsadhAraNA shreShThA || 1||
sA dhAraNA sR^iShTiH | saumyapippalAdaH suprasanna idaM vavre, yathA prajAkAmo vai prajApatiH sa tapo.atapyata, sa tapastaptvA mithunamudapAdayat, rayi~ncha prANa~ncheti, etau me bahudhA prajAH kariShyata iti pUrve prashne mayoktam | tathA kAmachAriNaH sukhaM kAmayante | sukhamasImaM tat sukhachakre \-

         vR^ittyA daivachintane bhedaH sa~njAyate || 2||
sa hi dvidhA, tadbhedAt pratirUpANi kalpayantIti vAdaH | atha hainamAtharvaNA~NgirasAdayastrayaH shrotAraH paprachChraH, bhagavantaH rUpAkale kenopAyena brAhmaNA daive.anyasandhAmAropayanti | kathaM nyasanti | tataH ShoDashakalapippalAdapuruSho hovAcha shR^iNutAmR^itasya putrAH |

         lakShaNaprakAshArthaM shilpavidyA || 3||
shilpodgIthAH purohitA krameNa bahudhA nyAsamAcharanti | sthApakAstathA cha |

         nyAso.ala~NkAramudrA.a.ayudhabAdhrakakSha

         vAhanopadevAristuvaka krameNa rUpanavA~Ngamiti dhyeyam || 4||
sa rekhAnyAsaH, ala~NkaraNam, mudrA, bAdhraH, kakShaH, vAhanam, upadaivatam, ariNaH, stuvakA (ityevaM) kalpayanti | AshR^iNuta vatsAstrayaH, nyAsanavA~NgAnushAsanamiti pippalAdo vavre |
rekhAM rUpA~NgasauShThavaprAptyarthaM shaile likhanti prAj~nasthApakA | iti navA~NgaM na mAnuShe, daivakShetre mukhyam |
uShNIShamastakAH kArukArAH shailakShetre daivabhAve rekhAH vajrachUrNena likhanti |

         tisraH rekhAH shreShThAH || 5||
UrdhvarekhA agnirekhAH yathA shikhA utthitA prajvalati | pArshvagA rekhA apaChedA yathA nadInAM pravAhaH | karNakShetragA bhenakArekhA mArutachChedA mArutasya tiryaggatiriva, udAhR^itarekhayA shailakShetre pa~njarAkhyaM koShThakakarmA.a.acharet | eSha koShThakaH agnyammarutarekhAsamaShTyA saMyogena sambhavati |

         rUpakShetre koShThakAlirmukhyA || 6||
shailaguhAyAM bhittau sUkShmakoShThakarachane AkalAnyupalabhyante sukhena | yathA ShoDashakalo (113) vai puruShaH ShoDashAMshaiH pUrNo bhavati tathA \-

         ShoDashakoShThakamadhye rUpANi prabhavanti

         tadrUpArthaM shreShTham || 7||
vajrachUrNena saha tatkShetre shalaghUrNikayA vR^ittamekaM rachaya marmalAbhArtham | sa nemiH brahmAbhAsa iti | rUpe tad vilaM prANavilam |

         vilamiti marma, brahmeva dhyeyam || 8||
tanmarmaNA.a~NgabhAvaH prasarati |

         ShoDashakoShThakapramANavibhAgastu

         brAhmadaivajaivopadaivayAjakakrameNa pa~nchadhA dhyeyaH || 9||
koNachatuShTayAvalambanena nemyA saha koNavargaM kartaya | kartitakoShThake, Urdhvadeshasya kShetradvaye yakShagandharvAnapsarasAdIn khodaya | adhaHsthaM tadanupAtaya | kShetradvayaM stuvakakShetram | ubhayakoNe mAnavopAsakaM rachaya | adhomadhyasthalekoShThakau dvau jIvakShetraM daivavAhanArtham | madhyasthAshchatvAraH koShThakAH brahmakShetram | tatrArchArUpasyA~NganirNayaH | adhordhvAvadhi tu~NgA~NgaparyantamApAdashIrShamAchara | brahmakShetrasya vAmadakShiNasthaM kShetrachatuShTayaM jAyAkShetram |

         rUpA~NgaM chaturdheti visheShaH || 10||
pArthivA~Nga, jaivA~NgaM prANA~NgaM devatA~Ngamiti | pAdAntAd gulphaparyantaM pArthivA~NgaM (114), gulphAnnAbhiparyantaM jaivA~Ngam (115) , nAbheH kaNThAvadhi prANA~Ngam (116) , kaNThAd brahmarandhraparyantaM dyotA~Ngam (117)| tanmUrtitArakamamUrtitArakamiva (118)| yathApUrvaM vedenoktam |
UrdhvayugabhAgayoH rUpasyAnanAla~NkAraiH saha daivatejomaNDalam | aNDAkAraM piNDAkAraM vA syAt | tatra shuklajyotI rasAmR^itaM (119) vidyate | evaM rUpe.a~NgabhedAshchatvAraH shilAdevatArtham | vAme dakShiNe kShetradvaye divyakShetre devashaktibhirupadaivatAni tiShThantIti, ubhayadishi koShThakAshchatvAraH | evaM ShoDashakoShThakAnAM sandhA iti | mahAsUtraM sarvarUpakShetre vidheyam | iti saumyaH pippalAdo vavre |
atha shilpakAshyapA~NgirasakoshalAdayaH paprachChuH, bhagavanto vAstukarmA~Nga\-avatAraShoDashakalapuruShapippalAdAH | kenopadevatA rUpe bhAvaM pradadAti | kAH sandhAH shreShThA iti |
varadavyAkhyAnakarasaMyutaH svastimuchchAryya, saumyaH pippalAdo hovAcha | AshR^iNuta shilparShayo bindusandhAmAdau |

         bindurbrahmeva brahmadhruvam || 11||
rUpakoShThakAntarAle bindurdvidhA | brahmabindurmadhyabindurbrahmeva | UrdhvamadhyagaH satyAkhyabinduH dvau vishiShTau |

         brahma satyAdau || 12||
yathA.a.adipuruShasya nAbheH prajApatiH sraShTA sR^ijati prajAH | brahmajaj~nAnaM prathamaM purastAt yathA jananyA nAbhitantornAlatantvavadhAraNe mAtR^ikoShe bhrUNa upajAyate lokasR^iShTau, tathA rUpe |

         brahmabindvavalambanena rUpA~NgAni saubhagAni bhavanti || 13||
tasyordhvabinduH satyabinduH | bhruvormadhye hiraNmayena (120) pAtreNa brahmaraso vidyate | tadrasAd j~nAnaM prasarati jIve | tathA rUpAkale tad bindvavalambanena rUpA~NgavaibhavaM kalpayanti sthApakA iti | puruShIrUpArthaM brahmakIlasya tribhAgAnAM madhye marmArthaM binduM chintayet, yenopAyena rUpANi subhagAni bhavanti, siddhiM pradadati | lokAH prahR^iShTA bhavantIti |
atha shR^iNuta shrotAraH ala~NkaraNanyAsam |

         ala~NkaraNaM daivabhUShaNamiti || 14||
tadbhUShaNAt prekShAbhAvaH prasarati, yAjakA prahasanti | bahudhA bhUShaNaM grAhyam | uShNISham, rAj~nAM trivalikirITam, keshagranthim, R^iShINAM jaTAm, karNe nAgakaDAram, lolam, pravartam, valayam, paiNDaM, kumbhaM cha rachaya | kaNThArthaM kushachChandaH, svarNanispam, rajjuyugalamiti, kaTyAM mekhalAgranthim, vastramAjAnululitam | R^iShINAM kR^iShNasAracharmasUtram, nArINAma~Nghrau pa~nchavalayam, kare vyAlachChadaH, karatale raikhAdIna, daivapakShe sha~NkhapadmAdinidhilakShaNaM nidhehi | indrArthaM vapUShNISham, pashupatyarthaM viShkacharma, vyAlottarIyAdi daivabhUShaNaM rachayeti | ala~NkAradarshanAnmAnuShAH sarve pramuditA bhavanti |

         pratimuchaH ratiH prasarati || 15||
ratyAstaddarshanaM bhavati | sa eSha rUpapraj~nayA (121) brahmasAkShAtkAra (122) Anandamiti, evaM vede |

         karamudrA rUpasya bhAvaM j~nApayati || 16||
shR^iNu rUpabodhe mudrA~NgasandhAH | yaj~nakarmaNi daivA~Nge cha yathA yaj~nakR^itye hodgIthAH karAn gAthAbhiH saha pradarshayanti prasArayanti sA mudrA | yaj~nasya sAdhanamiti |
rUpe tAM yojayanti rUpakArAH rUpe.atra na bhedaH, yatkriyA rUpA~Nge pratiphalitA bhavati | mudrApa~nchakaM shreShTham | tarjanIvarAbhayayogavyAkhyAnamiti | yathodgIthAH sadasyA uttarAraNyAmavarAraNichAlane udUkhalaprokShaNe karau prasArayanti | sthaNDilashodhane, kushANDike, puroDAshaprokShaNe cha tanmudrApa~nchakam | tasya prayogaM shR^iNu saumyeti | araNimanthane, \-
OM agnaye mathyamAnAyAnubrUhItyuchchArya adhvaryurmantreNA~NguliM pradarshayati sA tarjanikA mudrA rUpe saumyeti | yathA udUkhale havirvaitAnaprasAraNArthaM karAn prasArayanti udUkhalopari sA dhvajamudrA rUpe saumyeti | sthaNDilavIkShaNe yaj~nagAthAgAyane\-
OM yaj~naM brUmo yajamAnamR^ichaH sAmAni bheShajeti vAkyamuchchAryya brAhmaNA yathA vaishvAnaraM prArthayanti karasampuTena sA.a.avAhanIti varamudrA rUpe saumyeti | pravarakarmaNi kushANDikAkAle darbhaka~NkaNaM kare dhR^itvA yathA.a.achAryA vaishvAnaramutthApayanti karapradarshanena sA rUpe.abhayamudrA rUpe saumyeti | evaM cha varAbhayamudrAyugmaM rUpasya brahmakShetre dhyeyaM, na jaivakShetre (pravaNa) AbhAti sA koShThake | puroDAshAchChAdane yajamAnaM prati, puroDAshavatsA sudughA loke.asmA upatiShThatItyAdyuchchAryya yathA sadasyA eShAM karAn pradarshayanti, haviSha\-ityAdivAkyena puroDAshasviShTakR^ite yajanti sA yogamudrA rUpe, vyAkhyAnamudrApi rUpe saumyeti | iti mudrApa~nchakaM rUpe dhyeyam |
atha shruNuta shilpAdhyetAraH shilpe (123) bAdhrasandhAm |

         bAdhraM balaM j~nApayati rUpe || 17||
bAghramityAyudhaM (124) | sarvaM tanuvat | kauNapAn prati devAH kShipanti | tadA.a.ayudhasya mantrabIjAni (125) dhyeyAni | mantrahInAyudhaM loShTraM bhavati | tathA khodane.api mantram (126) uchchArayanti sthApakAH | tathA.a.ayudhasya dvAdasha bIjAni jAnanti mantriNaH | mantrasya sUkShmanAdo bIjamiti | tadyogena mantrakriyA prakaTI bhavati |
indrasyAyudhaM vajraH | OM vaM vajrAya, vambIjena prokShanti sA saMhArashaktiriti (127)| marutasyAyudhaM dhvajaH | OM dhaM dhvajAya, dhambIjena prokShanti | eShA dhUnana (128) shaktiriti | yamasyAyudhaM daNDaH | OM duM daNDAya, dumbIjena prokShanti | sA ghAtanashaktiriti | varuNasyAyudhaM pAshaH | OM paM pAshAya, pambIjena prokShanti | sA.a.akarShaNI shaktiriti | IshAnasyAyudhaM shUlam | OM shuM shUlAya, shumbIjena prokShanti | sA bhedanashaktiriti | somasyAyudhaM pAtram | OM paM pAtrAya, pambIjena prokShanti | sA prANashaktiriti | vaishvAnarasyAyudhaM sruk | OM sruM sruvAya, sruMbIjena prokShanti | sA tyAgashaktiriti | sUryasyAyudhaM padmam | OM paM padmAya, pambIjena prokShanti | sA pralhAdinI shaktiriti | ambAyA AyudhaM mAlA | OM maM mAlAyai, maMbIjena prokShanti | sA dhyAnashaktiriti | viShNorAyudhaM chakram | OM huM chakrAya, hUmbIjena prokShanti | sA mAyA (129) shaktiriti | kuverasyAyudhaM kumbhaH | OM kaM kumbhAya, kaMbIjena prokShanti | sA nidhishaktiriti | gaNadaivatasyAyudhama~NkushaH | OM aM a~NkushAya, ambIjena prokShanti | sA saMyamashaktiriti |
rItyA nAdayuktaM rachayanti kArukArA AyudhAni | nAda iti mantrasya rasaH | sa hi bIjamiti kR^ityaM j~neyam | ShoDashakoShThakeShu rUpasya karasaMyoge nemisparshanaM dhyeyam |
atha vAstUdgIthAn prati kakShAsandhAM saumyAnano vavre (pippalAdaH) |

         AsanaShaTkaM mukhyam || 18||
AsanaM rUpasya kR^ityaM prakAshayati dehasyAkR^itiH praketanamiti | utsargA chAsIna cheti bhedena dve mukhya iti | rUpAkale yA utthitAstA (130) utsargAH | rUpabhede yA AsInAstA AsikA iti j~neyam | yathA yaj~ne yaj~nakarmaNi tathA rUpaprayoge grAvNi cha |
AsanaM ShaDdhA | yathA yajamAnAH svashAlAyAM darbhAsane upavishanti tat sukhAsanaM rUpe | yathA.araNimanthane agnidhrA rajjuM chAlayanti tad viShamAsanaM rUpe |
yathA vedyupari AchAryA upavishanti tat svastikAsanaM rUpe | yathA sUtrAyaNakAle rakShAvidhAne pisha~Nke sUtrashR^i~Nkhale tadbandhanakAle brAhmaNA vasanti tad yogAsanaM rUpe | yathA savitrArAdhane dvijA upavishanti tat kukkuTAsanaM rUpe | yathA hodgIthA vAjasaneyasaMhitokta sandhyopAsanakAle karau prAchIM prati prasArayanti tat saumyAsanaM rUpe, iti prayoga | iti AsanaShaTkaM rUpe yaj~ne cha |
paprachChurA~Ngirasa shilpakAshyapAdishrotAro bhagavantaH kimarthamAsane bhedA jAyante, kathamupaveshanArthametad dhyeyamiti | ityagamyarUpabodhArthaM teShAM kAH sandhA pravadantu shraddhayA saumyAH |
AsanAdrUpasya kR^ityabhAvaM prachakShate | sukhAsanaM rUpasya shAntabhAvaM pradadAti | viShamAsanaM vairabhAvaM kShepaNa\-kriyAdi prakaTayati | svastikAsanaM prAj~nabhAvaM prakaTayati, yogAsanaM brahmAnubhUtimAtmAnubhUtibhAvaM cha vij~nApayati | kukkuTAsanamudgrIvabhAvaM prakAshayati | saumyAsanaM sthairya pradadAti | rUpAkalArthametad dhyeyam | sarve shilpAchAryA brahmakShetre ShoDashakoShThakAntarAle nemimadhye rUpAnvaye etadAcharanti |
shR^iNuta priya~NkarashrotAraH, rUpAkale daivavAhanasya (131) sandhAH | vAhanAni rUpasya guNAn prakAshayanti vij~nApayanti |

         guNAnusR^itaM rUpatrayam || 19||
sattvAt sAttvikAni rajaso rAjasAni tamasastAmasAnIti bhedAH | yAni rUpANi sAyujyaM pradadati tAni sAttvikarUpANi | yAni kAyasukhapradAyakAni tAni rAjasAni | yAni rUpANyariM prati mR^ityupradAni tAni tAmasAni (132) |
guNAnukrameNa vAstuvedasya rUpavidyA iti vyAkhyAnam | ya enAM veda | shR^iNu vAhanasvarUpam\-

         vAhanaM rUpasya prakR^itij~nApakavisheShaH || 20||
yathA indro (133) diggajAnAkarShati | parjanyaM varShayati | tathA.a.akarShaNAtmakaM airAvatamArohati | yathA yamo jIvasya prANAnAkarShati, tathA ghoramahiSham (134) Arohati | yathA vaishvAnaro yAj~nikairdIpto bhavati, tathA meSham (135) Arohati | yathA ekAyane savitA bhramati saptatantustathaikarathA~NgADhyaratham (136) Arohati |
yathA rudro dharmaM sa~nchArayati tathA dharmavR^iShabham (137) Arohati | yathA prajApatirj~nAnena prajA AkarShati tathA haMsaM (138) Arohati | yathA viShNurmokShaM pradadAti tathA suparNam (139) Arohati | yathA.ambA (ripu) vargaM nAshayati tathA dvIpinam (140) Arohati |
vAhanAni ShoDashakoShThake jaivakShetre dhyeyAni | rUpe brahmakShetrasya nimne, adho.anyachcha shreyaH | AshR^iNu upadaivatasya sandhAH | saumya pippalAdo vavre (141)|

         upadaivataM pratirUpamiti || 21||
prajApaterete sarve devA imAni pa~ncha mahAbhUtAni tadguNA pR^ithivIvAyvAkAshAbjyotirityetAni jAyanta iti | tadbhUta\-j~nAnAt svasvaguNabhAvarUpa iva prachakShate | tadbhUta\-j~nAnAdupadaivatabhAvAH santi |
yathA vaishvAnara (142) iti brahma | sa yaj~naH | yaj~nasya dAhikA (143) shaktiH svAhA | pachanAtmikA svadhA (144)| itthamupadaivabhAvaH prathitaH prasarati tatsaparyAyAmindrasya prajananashaktirindrANI (145)| mArutasya veginI shaktirvAyunAyI sA drutA |yamasya dvau guNau, pAlikA.avanAshiketi | tasya pAlikA shaktirAkutiH (146) , avanAshikA mR^ityuriti (147)| varuNasya pravAhikA shaktirvAruNI (148)| somasya dhArikA shaktirileti (149) | sUryasya savituravalambinI shaktishChAyA (150) | sA.a.aveshinI shaktiruShA (151)|
viShNormuktipradA shrIshaktirhiraNyavarNA hariNI (152) dhAriNI shaktiH pR^ithivI (153)| sheShasya sahanA shaktiH dhR^itirvyApinI shaktiH vidhR^itiH yathA kShamA.annadhR^itiriti | vidhR^itiH saukhyamiti | hiraNyagarbhasya kAlAtmikA shaktiH | gAyatrI (154) j~nAnarUpA, sAvitrI (155) medhArUpA, sarasvatI (156) praj~nArUpA | devI vishiShTA trikAlarUpA cha |
rAShTrayA (157) rudreti | tasya prajananashaktirambA.ambAlikA (158,159) cheti dve | durgAyA rakShaNashaktiH sundarI mohinI cheti dve AkarShaNarUpe | etatkrame daivaguNasyAnukrame upadaivatAni jAyAbhAvena jAyante | tadetallakShaNAni |
atha pratikIrNamAtharvaNA~NgirasashilpakAshyapa\-kuvitsa\-koshalAdayaH praNamya paprachChuH, bhagavantaH pippalAdA divyapuruShAH kathaM kA hetaya ityabodhyamiti vishadena bruvantu saumyAH | divyapuruShapippalAdo vavre | shilpodgIthAH shR^iNuta vakShyAmo vistareNa apasArthamamutha uparUpAkalasyAnushAsanaM pUrvaM vedena yathoktam |
prajApatirasR^ijat kAlam | dakShiNottarau dvau | uttarAddevA dakShiNAtpitaraH | uttarAtsavitA dakShiNA~nchandramAH | pratikAmamR^iShayo dakShiNaM pratipAdayanti | tat pitR^iyAnaM rAtririti | brahmachAriNo mokShakAmA uttarampratipAdayanti | taddhi devayAnaM divam | dakShiNAdaryamalokAH pa~nchapAdapitaraH (160)| uttarAddvAdashAkR^itidivamAhuH | etannyAye guNenaikaM brahma dvAdashadhA bhavati | tathA hi sUryo jyotiShAM patiriti guNAnusR^iterdevastallakShaNAnusR^ite rUpANi, tataH pratirUpANi jAyante | etatsatyam |
yathA yaj~nAt tyAga (161) iti mukhyam | daivabhAve tatsvAhA (162) | tyAgavR^ittiriti svAhA | bhogyamiti svadhA, idaM pitR^ibhAvaH |
yathA viShNurmokShaM dadAti | mokSha iti shrIH | bhogyarUpeNa pR^ithivI bhogyA (163) | yathA rudrasya mokShaguNAdambA, bhogavR^ittyA.ambAliketi dve | yathendrasya tyAgavR^ittyA yaj~nAH, bhogavR^ittyendrANIti | yadA guNA bahudhA upavR^ittyA (tadA) bahudhA pratirUpANi bhavantIti paripashyanti dhIrAH |
yathA vaishvAnarasya sapta vR^ittaya utthAnAd vilayAntaM pravadante | krameNa tAH snigdhA, dhUmrA, taptA, uttaptA, dAhikA, bhasmA, nirvANeti | etatkrameNAgnistapati | tadguNAt sapta jihvA jAyante | jihvAyAH pratirUpANi kalpayanti | (pUrvakrameNa) kAlI, karAlI, manojavA, sulohitA, sudhUmravarNA, sphuli~NginI, vishvaruchI ityetAH sarvAH strIrUpAH rUpabhAve grAhyAH |
yathA shrutiriti mahatI | sA medhArUpeNa bhAratI sambhavati | medhAyA yathA vANI prabhavati tathA shrutermahatI mahIyasI sarasvatI (164) jAyate parAvidyAyA rUpA | tattadAkArAtmikAH puShTibhAvena lakShmIdevahUtyAdayaH | etAH sarvAH ShoDashakShetrasya dvipArshve daivakShetre tattadrUpasya jAyAbhAvenopadaivatAnIti satyaM dhyeyaM \-rUpakArA vAstUdgIthAH |

         upadaivatAdrUpaj~nAnaM prasarati || 22||
saparyayA bhUtavidyAH (165) prashamyanti |

         arisandhA dhyeyA || 23||

         rUpadhArAyA vR^ittiriti shreShThA || 24||
atha rUpadhArAyAH shR^iNu vR^ittibhedAn | yathA vR^ittyAH pariNAmaH | prAjApatya \-prathama\-vR^ittirmanaH (166)| manaso vR^ittiH prANaH (167) | prANasya vR^ittiH kriyA | kriyA hi vidyA (168) | sA dvividhA kathayanti R^iShayaH | sadasadvidyeyam | yA R^itasya dhArA sA daivakriyA | sA parA vidyA | yA anR^itA sA akriyA | sA adaivA apareti | tadaparAj~nAnAdasurAH | ahardevA Ashrayante rAtrimasurAH (169) |
yeShAM bhayashokAH santi, yathA nikandinaH, kaNvajambhAH, yAtudhAnAH, pR^ishniparNyAdayo.avayonayo guNAnubhedenaite sarve.anyArthaghAtakAH sarve.ariNo deve cha loke yaj~naM ghAtayanti | ete sarve shalabhakShakA bIbhatsarUpAH kokamukhA rukShagrIvAH shimijAH (170) | sarve vairAjyakimpuruShAH krudhA daivaghAtakAH | etAnarIn ShoDashakoShThakarUpakShetre marditarUpeNa jaivakShetre Acharanti pratirUpacharyAyAm | ete shalabhakShiNo devAnAM bhayadA bhavanti | etaisteShAM duHkham | yaj~nAt taranti | etadarthaM kechidvA R^iShIn dhyAyanti devAH | devayajanAnmunayo manasvino bhavanti | daivabhAvena devArthaM hotAro.annasamidhaH kShipanti vaishvAnare | R^iShayaH stotAro bhavanti |

         stotR^INAM rUpe subhagavisheShaH (171) || 25||
gAthAH (172) paThanti | janA yajanti bahudhA rUpaM sarvakriyAdhAraH manuShyaloke rUpavidyA | nAdaH satyamiti dhyeyam | rUpaM charanti vAstuvedinaH sthApakA vAstUdgIthAH | stotR^INAM bahudhA pailA nAlandino.apsaraso devAn modayanti modakAH |
kAyamanovAkyena gAyanti te stuvakA bhrAjinaH | yakShA gAyanti gAthAH | gandharvA (173) devAnandArthaM nR^ityanti | sarve mishrayonayaH ShoDashakoShThakakShetre UrdhvakoNagatakShetre nidheyAH upadaivakShetre |
ye narA daivabhAvaparAyaNAste yAjakA | dhyAne teShAM sattA divyeva vibhAti | tAn jaivakShetrasya pArshvagatakShetre adhaHkShetradvaye nyaset | evaM daivarUpaM ShoDashakoShThake dhyeyam | te tu dhanyA ye kratU.Nshcha yaj~nAnAcharanti upAsante rUpANi | rUpaj~nAnAd praj~nA prabhavati loke |

         praj~nArthametad vAstUpAkhyAnam || 26||
etadarthaM praj~nAM vyAkhyApayAma iti | vAstusUtropaniShad bhagavataH pippalAdasya bhavyaM vyAkhyAnam | yo jAnAti sa rUpAchAryo bhavatIti vAstUdgAtA iti dhyeyam | ye dhyAyanti te muktAH | paramaR^iShibhyo namaH|
stutA mayA varadA vedamAtA
pra chodayantAM pAvamAnI dvijAnAm |
AyuH prANaM prajAM pashuM kIrti draviNaM brahmavarchasam |
mahyaM dattvA vrajata brahmalokam ||
(atharva 19\.71\.1)
iti OM namo vishvakarmaNe |
OM vishvakarmA mA saptaR^iShibhirudIchyA dishaH pAtu tasmin krame tasmi~nChraye tAM puraM praimi |
sa mA rakShatu sa mA gopAyatu tasmA AtmAnaM pari dade svAhA ||
iti (atharva 19\.17\.7)
iti ShaShThaprapAThakaH samAptaH ||

paramaR^iShibhyo namaH | paramaR^iShibhyo namaH |
sampUrNeyaM vAstukarmAvatArapippalAdasya AtharvaNIya vAstusUtropaniShat | uDradeshikena AtharvaNodgAtrA somabhaTTena kR^itA parishuddhiTippaNI samAptA |
idaM AtharvaNIya vAstusUtropaniShad atharvaNAchAryasomabhaTTena kR^ita viShayabodhiniTippaNI sameta likhitaM mayA bA~NkI kurumachaini grAmavAsinA vAstushAstri kAmadeva udgAthA shrI rAmachandradeva bhUpAlasya pa~nchadashA~Nke rAjA harichandana nR^ipArtha | OM namo mahAdevyai ||
\section{TippaNI}
##Footnotes of Vastusutropanishat##
(1) atharva 11\.4\.16 maNDaloktaR^iShivisheShaH | 19 kANDe pa~nchamAnuvAkasya pravartaka R^iShiH a~NgirAH |
(2) kAshyapashilpasUtrakAraH shilpakAshyapanAmA R^iShiH |
(3) AtharvaNIya\- ShoDashavidha\- tApinIgranthAH\-avadhUtatApinI, tripurAtApinI, nR^isiMhatApinI, puruShatApinI, vR^iShatApinI, ityAdayaH sarve AtharvaNIyAH |
(4) vAstuviShayakasUtrANi |
(5) vAstudaivataM vAstoShpatirityarthaH |
(6) kAshyapashilpasUtrasya devashilpa\-prAsAdashilpa\-nagarashilpa\-durgashilpa\-dhAtukaraNa\-lekhavichArAdi viShayAH |
(7) rUpashilAsthApanArthaM shubhayoge darbhotpATaka AtharvaNabrAhmaNavisheShaH |
(8) shilpAdhidaivatam, atharvavedasaMhitAyAmuktam | vishvakarmANaM te saptaR^iShivantamR^ichChantu, atharva0 19\.18\.7 |
(9) paippalAdasaMhitAyAM prathamakANDe uktaM \- shyAmA sarUpa~NkaraNI pR^ithivyA adhyud.hbhR^itA | idamU Shu pra sAdhaya punA rUpANi kalpaya || 1\.26\.5 (shau 1\.24\.4)
(10) mUrtishchaturvidhA proktA mR^iNmayI shailI eva cha | dhAtavI dAravI chaiva pUjanArthe visheShataH ||
(11) Adityo yUpa iti aitareye uktaM tathA taittirIye cha |
(12) atharvavede vaitAnasUtramiti | atharvavede 13\.1\.47 uktam | punaH yUpamugrA marutaH skambhahimaM ghraMsaM chAdhAya yUpAn kR^itvA parvatAn | indreNa mantre uktaM punaH atharvavede yUpa skambharUpeNa uktashcha dashamakANDe chaturthAnuvAke daivatarUpeNa |
(13) gR^ihyasUtre cha atharvavede 7 kANDe navamAnuvAke 3 sUtre uktam | shatapathabrAhmaNe \ldq{}vAstu hi tad yaj~nasya yad ghR^iteShu haviShu\rdq{} iti uktam, tad devatA vAstupuruShaH shikhinyAdi iti |
(14) brahmasukhaM hi madhu iti atharvavede 1\.34\.1 uktam\-
iyaM vIrunmadhujAtA madhunA tvA khanAmasi |
madhoradhi prajAtAsi sA no madhumataskR^idhi ||
(15) pratimA \- atharvavede 9\.4\.2 uktaM \- apAM yo agre pratimA babhUva prabhUH sarvasmai pR^ithivIva devI iti | vAjasaneyisaMhitAyAmuktaM \- asau vai lokaH pratimeShA hyantarikShaloke pratimA iva iti ||
(16) R^itvigvisheShAH AtharvaNapurohitAH |
(17) atharvavede 2\.8\.1 kANDe uktaM udagAtAM bhagavatI vichR^itau nAma tArake | iti ||
(18) paulastyasya apatyaM vishravAputraH rAvaNaH |
(19) atharva 9\.4\.2
(20) prayogAtmakasUtramiti khilam |
(21) bhIttyAkAre mahAshaile daivalIlAdayo yathA | rUpashAlA tapasvinAM modArthamabhikhoditA | iti kAshyapavachanam |
(22) stambha iti yUpaH yUpaH vai stambha (skambha) iti atharvavede 10\.7 uktam || prayogabhede skambhatrayaM brahmayajane skambho vai yUpaH, pitR^iyajane vR^iShastambhaH, kAmayajane mithunaskambha iti bhedaH |
(23) yadguhyaM adhikopAyena vigrahaprAmANyaM bhavati | sA khilapa~njaravidyA, asAdhAraNI ityarthaH, guhyaM rekhAj~nAnamiti |
(24) udgIthamupAsA~nchakre | etamevA~NgirasaM manye | a~NgAnAM yadrasaH | Atmaj~naR^iShivisheShaH |
(25) saparyopayoginI pratimA |
(26) taittirIyabrAhmaNoktaH nakShatravisheShaH yaH shubhadAyakaH, abhijinnAma nakShatramupariShTAditi vAkyam |
(27) atharva 20\.137\.3
(28) ekavarNA kapilA gauH pururUpA gauriti bhAvaH | daivatantre shaktiprAptA gAva | atharvavede 10\.10\.6 uktaM \ldq{}svadhAprANA mahIlukA\rdq{} iti |
(29) kumbhIkAmochanArthaM atharvavede 16\.6\.8 uktam\-OM kumbhIkA dvaShIkAH pIyakAn | iti |
(30) shatakeshI rudrarUpo mahAvR^iShaH | atharvavede 5\.22\.8 uktaH | yathA\- mahAvR^iShAn mUjavato bandhvaddhi paretya | praitAni takmane brUmo anyakShetrANi vA imA | iti |
(31) tApavargapradayonivisheShAH tathA cha atharvavede 19\.35\.2 uktaM sa no rakShatu ja~NgiDo dhanapAlo dhaneva iti |
(32) kAshyapasaMhitAshilpashAstre prathamAdhyAye uktaM \-yujuvadaNDasaMyuktaM valayaM veShTitaM tathA | rajjudvimuShTi yasyAgre.apyayaH kIlasaghUrNikA iti |
(33) atharvavede 6\.19\.1 ayaM mantraH | marmanirdhAraNe upAdhyAyAH pavamAnasUktaM paThanti ityAchAraH |
(34) pAtanaM mardanaM chaivama~NkanaM sA tridhA kriyA | khodanottarakarmANi sthApakaH saMsmaret sadA || kAshyapasaMhitA a| 1, shlo 14 |
(35) shukrashilAchUrNamiti vajrarekhA~NkanasyopAdAnam |
(36) kIrttiriti rUpaM sA pratimA tasyA.a.adhAraH rekhApa~njara iti |
(37) na mR^iNmayapratimArthaM rekhAnyAsasya prayojanam |
(38) vR^ittabinduviShayANi vishadarUpeNa pippalAdIyapraNavatArake dhyeyAni |
(39) OM vishvakarmAya (vishvakarmaNe) vidmahe kArukArAya dhImahi tanno shilpI prachodayAt |
(40) OM vishvakarmAya (vishvakarmaNe) namaH, iti tasyAShTAkSharo mantra iti |
(41) na yaj~nashulvaprayoge vishvajyotirityAdinirmANe prayojanam |
(42) dR^ishyarUpeNa shilopari iti bhAvaH |
(43) yasmin deshe yathAkAre devalIlA pravarttate |
(44) tAlAMshaj~nAnasamprApte shilpI sthApaka uchyate | rekhAnyAsaM yo jAnAti sa rUpaj~no bhavet tathA | shilparahasyAgame 4, 2 uktam |
(45) prajApatirete sarve devA imAni cha pa~nchamahAbhUtAni vAyurAkAsha Apo jyotirityetAnImAni cha kShudramishrANi aitareye pa~nchamakhaNDe uktam\-tathA hi vAstuvede samyak bhinnatA jAyate, dR^ishyate |
(46) sarvarUpashailasya AdhAraH chaturasram |
(47) ashmanA hyApaH prabhavanti | shatapathabrAhmaNe navamAdhyAye uktam |
(48) madhyadairghyamadhyaprasthayormadhyabindumavalambya |
(49) vyoma iti bhAvaH |
(50) dyAvA\-pR^ithivIM sa~njAnItha, atha varShati, shatapathe uktam | atharva 12\.1 uktaM arNavabhUmyAt parama vyoma jAyate iti bhAvaH |
(51) agnirUpaM tribhujakShetram |
(52) hutamiti rekhA, trirekheNa yat kShetraM tat trihutaM bhavati |
(53) divyaM daivIbhAvaH | atharvasaMhitAyAmuktaM 2\.12\.4\- pitR^INAmAmuM dade harasA daivyena iti |
(54) guhyoktavidhinA agnisthApane brahmopadeshane sthaNDile ShaTkoNalikhanAnantaraM viShTaradvayaM sthApayanti | tadupari agniM sthApayanti, iti agnisandhAnavidhiH |
(55) tantre tathA kAlikopaniShadi uktam\-kUrchabIjaM vyomaShaShThasvarA bindumilanarUpAH, taddvayaM mAyAdvayaM dakShiNe kAliketi |
(56) yAtudhAnaH nir R^iterAdivAkyAt tApavargaprado yonivisheSha iti atharvavede uktam |
(57) maNDuvaMshajotaH kautsasya shiShyaH R^iShivisheSha iti bR^ihadAraNyake uktam |
(58) prayogarUpeNaitat ShaDdhA~NkanopAdAnam, vyomAbhAse maNDala~ncha chaturasropasa~nj~nakaH koNarekhA | vAyushcha karNikApR^ithivI tathA tribhujamagnirUpa~ncha ShaTkoNaM daivamandiram | kAshyapavachanam |
(59) rUpakShetre khanitreNAvishanti, sitavajrarekhAyAM tataH ayasA khodayanti mUlam |
(60) vAstuyAge shilAnirmitasaumyayUpaH viShNuyaj~ne ShoDashAMshavishiShTashilAyUpaH vidheya | pitR^iyaj~ne dAravI vR^iShayUpasya prayojanaM bhavati |
(61) indre lokA indre tapa indre.adhyR^itamAhitam | indraM tvA veda pratyakShaM skambhe (yUpe) sarvaM pratiShThitam || (10\.7\.30) atharvavede evaM bahudhA uktam |
(62) samamAnena sUtrapAtanena rekhAH saumyA bhavanti |
(63) dairdhyarekhAH |
(64) prastharekhAH |
(65) paippalAdasaMhitAyAM prathamakhaNDe rUpasya svarUpaviShaye uktaM \- rUpaM rUpavayovastena tvAM paridadhmasi, iti rUpabhAvasya dhAraNA |
(66) annAd bhavanti bhUtAni parjanyAdannasambhavaH iti gItAyAH 3\.14, taittirIyopaniShadi 2\.2 api cha prashnopaniShadi ShaShThaprashne uktam |
(67) mUrtikArA hi sthApakAH, te sthApakodgIthA iti |
(68) mUrtidarshanamAtreNa yadbhAvo manasi jAyate sA rUpapreraNA |
(69) rUpamadhye yathAkIlaM kIlAbhAse yada~NgakaH | yo jAnAti imaM bhAvaM marmaj~naH sa iti smR^itaH || shilparatnakoShe dvitIyasarge 18 shloke uktam ||
(70) chAkraH sthapati\-shreShTha iti pATavachAkrashatapathe uktam |
(71) dAravI muShTimAnena kIlAn sa~NgR^ihya yatnataH | chatuHpArshve yadA shilA tadA tu avarodhanam | iti shilparatnakoShe rodhanakriyA |
(72) gAthAM gAyanti gAthinaH yathA kuntApasUktAni atharvavede (20\.127 1) uktAni \ldq{}idaM janA upa shruta narAshaMsa staviShyate\rdq{} ityAdijaTAkrameNa paThanti gAthinaH |
(73) atharvasaMhitAyAM 3\.12 : shAlAyA dhruvA\-stambhaH; ashvAvatI\-bhittiH; sthUNA\-vaMshastambhaH; kumbha\-dhArakakAShThAni; nirmANe.api khanitraprayojanaM bhavati |
(74) vanavAsinaH |
(75) maNDalakaraNArthaM sUchImukhAkR^iti (rajjve) shoNaprastaranyAsitashastravisheShaH |
(76) prastarabhedivR^ikShasya valkalaM mAhendraparvatAraNye upalabdhaM iti |
(77) yathAvihita lakShaNAnupAtena iti bhadropAyaH |
(78) granthirekhA valiH parvANya~NgarAgaM yathochitam | prakR^ityAnusR^iteH kuryAttada~NgasaubhagaM smR^itam | shilpAgame tR^itIyAdhyAye 14 shloke uktam |
(79) dhyAnAnusR^itaM yadrUpaM tadrUpo dhyAnavigrahaH, shilparatnakoshe 455 tame shloke |
(80) kAmastadagre samavarttatAdhi manaso retaH prathamaM yadAsIt | iti nAsadIye |
(81) shilAyA apR^ithak saMlagnarUpeNa sarvA~NgaM yatra suShamaM tadardhAkalam |
(82) sadA yauvanasampannaM peshigranthivivarjitam | daivalakShaNasaMyuktaM rUpaM suShamamuchyate | shilpAgame |
(83) tathA a~NgAni kevala rekhAchumbita a~Ngasya tadrekhA avalambane tad sparshItamiti |
(84) jyotiH pratIkabhAvanA~NguShTham |
(85) tattvaj~nAnena chittasya vikriyA.abhAvAveshena manasaH vikriyA iti | tattvabodhAt chittaM sthiraM bhavati, bhAvaprachodane manaH tattvabodhe pravilIyate, visarga iva dvayoH ekA gatiH, ato dvidhA ekatvamiti pariNAmaH |
(86) yUpasya dhvajamAnArthaM trivR^itakaraNadhyeyaM madhyanirdhAraNArthaM cha nimnordhve laghubhAgasya mAnasamprAptyarthamidaM mAnamiti bhAvaH |
(87) viMsho hi puruSho dasha dvAdashA~Ngulyo dasha yo hyA iti shatapathe uktam | dashendriyasyAdhAraH puruSha ityarthaH | yathA puruShe dashA~NgaM tathA pippalAdIyapitR^imedhena stambhAkR^itiyUpe dashA~NgaM kalpayanti R^iShayaH |
(88) aShTArayUpadevatA pratiShThAyAM vAstukarmaNi prayojanaM bhavati | ShoDashAra yUpa viShNumahAyaj~ne prayojanaM bhavati | vR^iShastambho mR^itAhe pitR^iyaj~ne vR^iShotsarge prayojanamithunastambhasya prachalanaM nAsti | (utkalabhAShAyAm) prathama dvitIya patharare kariba vR^iShastambhaM vaTa vilva udumbarare kariba |
(89) rudra vR^iSharUpeNa shuklayajurveda uktaM cha dharmavR^iShabhamiti \ldq{}vR^iSha vai dharmaH\rdq{} paippalAdasaMhitAyAM 1 khaNDe \ldq{}hiraNyashR^i~Ngo vR^iShabho ya samudrAdudAcharat\rdq{} | \ldq{}sa vR^iSha hi indra sakhA shatavAlo\rdq{} iti atharvavede uktam | tadvR^iSha pitR^irUpeNa pitR^iyUpasyAvAse upAsayanti, pitR^INAM rudra, iti tasya bhAvaH |
(90) pa~ncha prayAjAH daivapujane, AjyabhAgaH, pradhAnayAgaH, sviShTakR^it, prAshitrAvadAnam, iDAvadAnam, bhAgaprAshanam, anvAhArya\-dakShiNA anuyAjatrayam, byuhanam, sUktavAk, shaMyuvAk, patnIsaMyAja iti dashakarmabhede dashayaj~nA~NgasaMyogashIrSharUpeNa viShNukramaH tasya dashA~Ngasya bhAvaH |
(91) pratyakShadarshanaM sambhavati |
(92) brahmakIla iti madhyarekhA |
(93) aShTakAshrAddhe indraH vishvedevAH prajApatiH, saptapuruShArthaH pippalAdIyabrAhmaNAH |
(94) yathA manuShyagarbhAntare bhrUNe kR^imi \-majjA\-asthi\-mAMsa\-meda\-snAyu\-rakta\-keshAtmaka\-shirAChande\-charmAdi dashAstaraNayuktaM dashakoShThakaM kalpayanti shishuvedopaniShadi AtharvaNIyAH |
(95) yathA shatapathe svarNapuruSharUpeNa prajApatirUpaM kalpayanti hotAraH ShaShThAdhyAye uktam |
(96) maharShikAtyAyanasya shulvaM bhagavataH pippalAdasya shilpasUtramiti |
(97) rekhAkR^itiriShTakAnyAsa iti shroNiH | jyotiShTome mahAvedhAH, shroNirityAdi |
(98) atra bhaya~Nkare adbhutabhAvo vilIyate | shilpe adbhutabhAvaH UhanIyaH |
(99) yad pradarshayanti tanuShi tadbhAvaH yadIkShaNena hR^idaye sa~nchArayanti sa rasaH |
(100) tardaH (kharvata) atharva0 6\.50\.1 uktaH, annahAnikaraH pata~NgavisheShaH |
(101) chaturdashasa~Nkhyaka ityarthaH |
(102) vAg vai mantraH shatapathabrAhmaNe uktam | vAkyena saha yad prakaTayanti |
(103) yathA atharvasaMhitAyAM lakShaNam, 6\.141\.3\- sahasrapoShAya kR^iNutaM lakShmAshvinA | iti |
(104) rUpaM rUpaM vayo vayaH saMrabhyainaM pariShvaje ityuktaM atharva 19\.1\.3\.tataH viShNurUpaM, yadasti vachane.apyuktam, paippalAdasaMhitAyAM strINAM pratirUpamupAsakA tadarthaM pratirUpANi |
(105) devatAyatanamiti, tAni na kampante, daivatapratimA hasanti rudanti nR^ityanti sphuTanti sIdanti, unmIlanti nimIlanti, shatapathabrAhmaNe 7\.10\.uktam | aitareya brAhmaNe 4\.5 rUpavidyA Chandomaya daivashilpam, rUpeNa uktam | tathA shatapathabrAhmaNe 3\.2 pratirUpashilparUpeNa uktam | rUpaM vai archchArUpaM, pratirUpANi upadevatAni, anyA maNDanamiti |
(106) yathA jaiminIyabrAhmaNe (2\.4) uktaM disha u evaM vishvadevAH disho vai prANaH iti vAkyam |
(107) ahallikA bhATa ityarthaH kuntApIya ramaNIvisheShaH |
(108) tArAdi devatAH | dyaushcha ma idaM pR^ithivI cha prachetasau shukro bR^ihan dakShiNayA pipartu | atharva0 6\.53\.1 sUrya ityarthaH |
(109) AshAnAmAshApAlebhyashchaturbhyo amR^itebhyaH | atharvavede 1\.31\.1|
(110) viShNuyAjakAH | puruSho ha nArAyaNo.akAmayata | yo vaiShNavo vAmanaH, shatapathe uktam |
(111) yathA jyotiShyevaM rUpaM dadhAtIti shatapathe uktam |
(112) yathA pAkayaj~ne aupAsane cha prajApatiH, svIShTakR^it a~NgadevatA prAtaH sUryaH pradhAno bhavati tathA vishvadevArthaM devayaj~naH |
(113) ShoDashakalaM vai brahma shatapathabrAhmaNe uktam | \ldq{}ShoDasharchebhyaH svAhA\rdq{} iti ShoDashakalA uktAH | atharva 19\.23\.13|
(114) yada~NgaM charati dharAyAm |
(115) nAbhau jIvasattA rAjate prasarati cha |
(116) hR^idaye prANastiShThati |
(117) brahmarandhre tejo vibhAti, Avirbhavati |
(118) tattArakaM dvividhaM, mUrtitArakamamUrtitAraka~ncheti | yadindriyAntaM tanmUrtimat, yad bhrUyugAtItaM tadamUrtimat iti advayatArake uktam |
(119) sarvAntaraH svaya~njyotiH sarvAdhipatirasmyahaM iti svarAT yogatattvopaniShadi uktam |
(120) hiraNmaye pare koShe virajaM brahma niShkalamiti nyAyena |
(121) yathA nAradaparivrAjakopaniShadi uktam\-chakShuShA rUpagrahaNaM shrotre shabdagrahaNamityAdi | atharvavede\-rUpaM rUpaM vayovaya ityAdyuktam |
(122) tad vai brahmaNo rUpe.amR^itatvaM chaivAmR^itaM cha shatapathabrAhmaNe uktam |
(123) kauShItakibrAhmaNe kalAvidyetyuktam | pippalAdasahintAyAM 1 uktam |
(124) atharvavede (6\.133\.2) mekhalAbandhanaprasa~Nge uktam\-AhutAsyabhihuta R^iShINAmasyAyudhaM iti | parAmitrAndundubhinA hariNasyAjinena cha | sarve devA atitrasanye sa~NgrAmasyeshate | atharva0 5\.21\.7
(125) AtharvaNIye AsurIkalpe bIjamantrasya prayoga uktaH |
(126) vAg vai mantra iti shatapathe uktam | vAg vai devAnAM mantra iti kauShItakIye uktam |
(127) saMhAraNa vaM iti pUrvapAThashabdasya shaktirityarthaH |
(128) kampanamityarthaH |
(129) praj~nA ityarthaH |
(130) daNDAyamAna mUrtirityarthaH |
(131) aitareye yathoktavAhanarUpasya rUpavisheShaH |
(132) shatapathe ChAndogye choktaH eSha kramaH eShA devayajanavidyA | AtmAnandena yajanopAyena trayastriMshad devatAH tArkShye brAhmaNe uktAH |
(133) vR^iddhi jAlaM bR^ihataH shakrasya vAjinIvata iti atharva 8\.8\.6|
(134) prANo vai mahiSha iti shatapathe uktam |
(135) meSha iva vai saM cha vi chorvachyase iti | atharva 6\.49\.2|
(136) sUryasya vA eka rashmirvR^iShTida iti shatapathe uktam | sa savitA ratheneti |
(137) vR^iShabho.asi svarga R^iShInArSheyAn gachCha iti | atharva 11\.1\.35|
(138) haMseti shabdArthaH sarveShu deheShu vyApto vartate iti haMsopaniShadi uktam |
(139) dvA suparNA sayujA sakhAyA samAnaM vR^ikShaM pariShasvajAte iti | R^i 1\.164\.20; atharva 9\.9\.20|
(140) enA vyAghraM pariShasvajAnAH siMhaM hinvanti mahate saubhagAya iti | atharva 4\.8\.7|
(141) vAstuvede idamupadaivataM pratirUpamityarthaH | pratirUpaM shatapathabrAhmaNe ekAdashakANDe uktam | teShAM charyyA jaiminIyabrAhmaNe \-pratya~NgaM hyeSha sarvANi rUpANi ya AdityaH sa pratirUpamityuktaH |
(142) vaishvAnaro vai sarve.agnaya iti shatapathe uktam |
(143) asau vaishvAnaro yo.asau tapati (pachati) iti shatapathe |
(144) puruShe yenedamannaM pachyate iti shatapathe uktam |
(145) sendrasya patnIti gobhilagR^ihyasUtre uktam |
(146) jIvasyA.avayavAtmikA |
(147) agnirvai mR^ityuriti kauShItaki brAhmaNe, mR^ityurvai tasya shatapathe cha |
(148) aitareye vAruNI rAtririti uktam |
(149) ilA vai annamiti atharvavede uktam |
(150) tamashChAyA |
(151) uShA devI vAchA saMvidAnA vAgdevyuShasA saMvidAnA iti atharvavede uktam |
(152) dyaurityarthaH | bhUtabhaviShyadabhIShTavIryA lakShmIrvalamiti atharvavede uktam |
(153) seyaM devAnAM patnIti shatapathe uktam |
(154) tejasA vai gAyatrI prathamamiti tANDyabrAhmaNe |
(155) vAk sAvitrIti gopathabrAhmaNe uktam |
(156) sArasvatarUpaM aitareye uktam |
(157) savitA rAShTraM rAShTrapatiriti shatapathe cha 11\.4\.3\.14|
(158) ambA atharvavede uktA |
(159) bheShajarUpA ambAliketi vAjasaneye uktA |
(160) \ldq{}devAH pitaraH pitaro devA | yo asmi so asmi,\rdq{} atharva 6\.123\.3 kANDe | sa vishvedevA tathA pitara upadevA vasupitara rudrapitAmaha Aditya prapitAmaha iti pitR^iyUpa protthanamantrANi 24 sUktoktaM cha |
(161) mu~nchatAMhasoaMhasa iti vadanti | atharva | 31\.2\.ye dakShiNato juhUti jAtavedo dakShiNAyA disho.abhidAsantyasmAn iti tyAgaH | atharva 4\.40\.2\.indrAsomA tapataM rakSha iti vadanti | atharva 8\.4\.1\.viSheNa bha~NgurAvataH prati sma rakShaso jahi iti bhogaH atharva 8\.3\.23 |
(162) svAhA vai satyasambhUtA brahmaNo duhiteti | shatapathe uktam |
(163) etena viShNoH shrIdevI bhUdevIti vR^ittidvayaM sUchitam |
(164) sarasvatIM devayanto havante sarasvatImadhvare tAyamAne | sarasvatIM sukR^ito havante sarasvatI dAshuShe vAryaM dAt || atharva 18\.4\.45|
(165) laukika siddhyarthe yA vidyA sA bhUtavidyA |
(166) mana iva hi prajApatiH taittirIyabrAhmaNe uktam | (2\.2\.1\.2)
(167) prANo vai hariH sa hi haratIti | kauShItakibrAhmaNaM (17\.1) |
(168) yadddhAmaM chakrurnikhananto agre kArShIvaNA annavido na vidyayA | (atharva 6\.116\.1) |
(169) gobhilagR^ihyasUtre uktam |
(170) shimi\-karma, tajjAtAH |
(171) stotR^iyovacha shR^iNu vaddha cha me iti atharvasaMhitAyAm |
(172) kuntApasUktAdayaH khilapAThAH | yathA shunaH sheShasya shatagAthA iti |
(173) yoShitkAmA gandharvA gandhena vai rUpeNa charantIti shatapathe uktam |

##
Footnotes are assembled together and marked
with number in {} parenthesis in the text.

Proofread and rearranged by K.S. Sheshadri

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}