% Text title            : Vasudeva Upanishad
% File name             : vasudeva.itx
% Category              : upanishhat
% Location              : doc\_upanishhat
% Author                : Vedic tradition
% Transliterated by     : Sunder Hattangadi (sunderh at hotmail.com)
% Proofread by          : Sunder Hattangadi (sunderh at hotmail.com)
% Description-comments  :  56 /108; Sama Veda - Vaishnava upanishad
% Latest update         : Mar. 20, 2000
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Vasudeva Upanishad ..}##
\itxtitle{.. vAsudevopaniShat ..}##\endtitles ##

(sAmavedIya)

yatsarvahR^idayAgAraM yatra sarvaM pratiShThitam |
vastuto yannirAdhAraM vAsudevapadaM bhaje ||
OM ApyAyantu mamA~NgAni vAkprANashchakShuH
shrotramatho balamindriyANi cha || sarvANi sarvaM brahmopaniShadaM
mAhaM brahma nirAkuryAM mA mA brahma nirAkarodanirAkaraNama\-
stvanirAkaraNaM mestu tadAtmani nirate ya upaniShatsu dharmAste
mayi santu te mayi santu ||
OM shAntiH shAntiH shAntiH ||

(UrdhvapuNDravidhijij~nAsA)

OM namaskR^itya bhagavAnnAradaH sarveshvaraM vAsudevaM paprachCha
adhIhi bhagavannUrdhvapuNDravidhiM dravyamantrasthAnAdisahitaM me
brUhIti |

(gopIchandanasvarUpam)

taM hovAcha bhagavAnvAsudevo vaikuNThasthAnAdutpannaM
mama prItikaraM madbhaktairbrahmAdibhirdhAritaM viShNuchandanaM
mamA~Nge pratidinamAliptaM gopIbhiH prakShAlanAdgopIchandana\-
mAkhyAtaM mada~NgalepanaM puNyaM chakratIrthAntaHsthitaM
chakrasamAyuktaM pItavarNaM muktisAdhanaM bhavati |

(gopIchandanoddhAradhAraNayorvidhAnam)

atha gopIchandanaM namaskR^itvoddhR^itya |
gopIchandana pApaghna viShNudehasamudbhava |
chakrA~Nkita namastubhyaM dhAraNAnmuktido bhava |
imaM me ga~Nge iti jalamAdAya viShNornukamiti mardayet |
ato devA avantu na ityetanmantrairviShNugAyatryA keshavAdi\-
nAmabhirvA dhArayet |

(brahmachAryAdInAM dhAraNAprakAraH)

brahmachArI vAnaprastho vA
lalATahR^idayakaNThabAhUmUleShu vaiShNavagAyatryA
kR^iShNAdinAmabhirvA dhArayet | iti trivAramabhimantrya
sha~NkhachakragadApANe dvArakAnilayAchyuta | govinda
puNDarIkAkSha rakSha mAM sharaNAgatam | iti dhyAtvA
gR^ihastho lalATAdidvAdashasthaleShvanAmikA~NgulyA
vaiShNavagAyatryA keshavAdinAmabhirvA dhArayet |
brahmachArI gR^ihastho vA lalATahR^idayakaNThabAhUmUleShu
vaiShNavagAyatryA kR^iShNAdinAmabhirvA dhArayet |
yatistarjanyA shirolalATahR^idayeShu praNavenaiva dhArayet |

(tripuNDrasya trimUrtyAdirUpatvam)

brahmAdayastrayo mUrtayastisro vyAhR^itayastrINi ChandAMsi
trayo.agnaya iti jyotiShmantastrayaH kAlAstisro.avasthAstraya
AtmAnaH puNDrAtraya UrdhvA akAra ukAro makAra ete
praNavamayordhvapuNDrAstadAtmA sadetadomiti | tAnekadhA
samabhavat | Urdhvamunnamayata ityo~NkArAdhikArI |
tasmAdUrdhvapuNDraM dhArayet | paramahaMso lalATe
praNavenaikamUrdhvapuNDraM vA dhArayet |

(vAsudevadhyAnaprakAraH)

tattvapradIpaprakAshaM svAtmAnaM pashyanyogI
matsAyujyamavApnoti | atha vA nyastahR^idayapuNDramadhye
vA hR^idayakamalamadhye vA |
tasya madhye vahnishikhA aNIyordhvA vyavasthitA |
nIlatoyadamadhyasthAdvidyullekheva bhAsvarA |
nIvArashUkavattanvI paramAtmA vyavasthita iti |
ataH puNDrasthaM hR^idayapuNDarIkeShu tamabhyaset |
kramAdevaM svAtmAnaM bhAvayenmAM paraM harim |
ekAgramanasA yo mAM dhyAyate harimavyayam |
hR^itpa~Nkaje cha svAtmAnaM sa mukto nAtra saMshayaH |
madrUpamadvayaM brahma AdimadhyAntavarjitam |
svaprabhaM sachchidAnandaM bhaktyA jAnAti chAvyayam |

(vAsudevasya sarvAtmatvam)

eko viShNuranekeShu ja~NgamasthAvareShu cha |
anusyuto vasatyAtmA bhUteShvahamavasthitaH |
tailaM tileShu kAShTheShu vahniH kShIre ghR^itaM yathA |
gandhaH puShpeShu bhUteShu tathAtmAvasthito hyaham |

(bAsudevadhyAnasthAneShu gopIchandanadhAraNam)

brahmarandhre bhruvormadhye hR^idaye chidraviM harim |
gopIchandanamAlipya tatra dhyAtvApnuyAtparam |
UrdhvadaNDordhvaretAshcha UrdhvapuNDrordhvayogavAn |
UrdhvaM padamavApnoti yatirUrdhvachatuShkavAn |
ityetannishchitaM j~nAnaM madbhaktyA sidhyati svayam |
nityamekAgrabhaktiH syAdgopIchandanadhAraNAt |

(gopIchandanabhasmanordhAraNavidhiH)

brAhmANAnAM tu sarveShAM vaidikAnAmanuttamam |
gopIchandanavAribhyAmUrdhvapuNDraM vidhIyate |
yo gopIchandanAbhAve tulasImUlamR^ittikAm |
mumukShurdhArayennityamaparokShAtmasiddhaye |
atirAtrAgnihotrabhasmanAgnerbhasitamidaMviShNustrINi
padeti mantrairvaiShNavagAyatryA praNavenoddhUlanaM kuryAt |
evaM vidhinA gopIchandanaM cha dhArayet |
yastvadhIte vA sa sarvapAtakebhyaH pUto bhavati |
pApabuddhistasya na jAyate | sa sarveShu tIrtheShu snAto bhavati |
sa sarvairyaj~nairyAjito bhavati | sa sarvairdevaiH pUjyo bhavati |
shrImannArAyaNe mayyacha~nchalA bhaktishcha bhavati |
sa samyagj~nAnaM cha labdhvA viShNusAyujyamavApnoti |
na cha punarAvartate na cha punarAvartate ityAha bhagavAnvAsudevaH |
yastvetadvAdhIte so.apyevameva bhavatItyoM satyamityupaniShat ||

OM ApyAyantu mamA~NgAni vAkprANashchakShuH shrotramatho
balamidriyANi cha || sarvANi sarvaM brahmopaniShadaM mAhaM brahma
nirAkuryAM mA mA brahma nirAkarodanirAkaraNamastvanirAkaNaM mestu
tadAtmani nirate ya upaniShatsu dharmAste mayi santu te mayi santu ||
OM shAntiH shAntiH shAntiH ||

iti vAsudevopaniShatsamAptA ||
##
Encoded by Sunder Hattangadi (sunderh@hotmail.com)

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}