% Text title            : vidyAtArakopaniShat
% File name             : vidyAtArakopaniShat.itx
% Category              : upanishhat, devii, devI, upanishad
% Location              : doc\_upanishhat
% Proofread by          : Kasturi navya sahiti kasturinsahiti at gmail.com
% Description-comments  : aprakAshitA upaniShadaH
% Latest update         : March 20, 2020
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Vidyataraka Upanishad ..}##
\itxtitle{.. shrIvidyAtArakopaniShat ..}##\endtitles ##
shaM no mitraH shaM varuNaH \- iti shAntiH ||
\section{prathamaH pAdaH |}
athainamagastyaH paprachCha hayagrIvaM kiM tArakaM kiM tarati |
sa hovAcha hayagrIvaH | tAradIrghAnulambipUrvakaM prathamaM khaNDaM
tato dvitIyaM khaNDaM tatastR^itIyaM khaNDaM tatashchaturthaM
khaNDaM brahmAtmasachchidAnandAtmakamantramityupAsitavyam | akAraH
prathamakUTAkSharo bhavati | ukAro dvitIyakUTAkSharo bhavati |
makArastR^itIyakUTAkSharo bhavati | ardhamAtR^ikA chaturthakUTAkSharo
bhavati | binduH pa~nchamakUTAkSharo bhavati | nAdaH ShaShThakUTAkSharo
bhavati | tArakatvAttArako bhavati | tadeva mantratArakaM bhavati |
tadeva mantratArakabrahma tvaM viddhi | tadevopAsitavyam |
garbhajanmamaraNasaMsAramahadbhayAttaM tArayati | tArakamityetattArakaM
brAhmaNo nityaM mahIyate | sa pApmAnaM tarati | sa mR^ityuM tarati |
sa brahmahatyAM tarati | sa bhrUNahatyAM tarati | sa vIrahatyAM tarati |
sa sarvaM tarati | sa saMsAraM tarati | so.avimuktamAshrito bhavati ||

akArAkSharasambhUtA vAgbhavA vishvabhAvitA |
ukArAkSharasambhUtA tejasaH kAmarAjakA ||
prAj~no makArasambhUtA tArtIyA cha tR^itIyakA |
ardhamAtrA ShoDashI cha brahmAnandaikavigrahA ||
tasyAH sAnnidhyavashato jagadArandadAyinI |
utpattisthitisaMhArakAriNI sarvadehinAm ||
trikUTA bhavati j~neyA mUlaprakR^itisa~NgatA |
prakR^itiH praNavatvAchcha sA trikUTatrayAtmikA ||
evaM yachchAnyat trikAlAtItam | chatuShkUTAtmikaiva sarvakUTAtmikA
brahmamayI | turyAtmabrahmA so.ayamAtmA chatuShpAjjagataH sthAnaM
na bahiHpraj~naM nobhayataHpraj~naM saptA~Nga ekonaviMshatimukhaH |
sthUlabhugvaishvAnarAtmikAM kAmapIThAlayAM mitreshanAthAtmikAM
jAgraddashAdhiShThAyinImichChAshaktyAtmikAM kAmeshvarIM prathamakUTAM
manyante ||

iti prathamaH pAdaH |

\section{dvitIyaH pAdaH |}
svapnasthAne.anantaH sa.nj~nAsaptA~Nga ekonaviMshatimukhaH
pravibhakto.abhUt | taijasAtmikAM jAlandharapIThAlayAM
ShaShThIshanAthAtmikAM vajreshvarIM viShNvAtmikAM kriyArUpAM
svapnAvasthAnasthitirUpAmichChAshaktisvarUpiNIM dvitIyakUTAM manyante ||

iti dvitIyaH pAdaH |

\section{tR^itIyaH pAdaH |}
yatra supto na ka~nchana kAmaM kAmayate tatsuShuptam | pashyanti yat
suShuptisthAna ekIbhUtapraj~nAnaghana evAnande.abhUt | ichChAshaktirUpAM
svapnAvasthAnasuShuptidashAdhiShThAyinIM sAnandakalAM tR^itIyakUTAM
manyante ||

iti tR^itIyaH pAdaH |

\section{chaturthaH pAdaH |}
eShA sarveshvaryeShA sarvottamaiShAntaryAmyeShA yoniH sarveShAM
prabhavApyayau hi bhUtAnAm | nobhayataHpraj~nA praj~nAnaghanAM na praj~nAM
nApraj~nAmadR^iShTAmavyavahAryAmagrAhyAmalakShaNAmachintyAmavyapadeshyAmekAtma\-
pratyayasArAM prapa~nchopashamanIM shAntAM shivAmadvaitAM ShoDashAkSharIM
sphurattAdR^ishAdhiShThAyinIM chaturthakhaNDAtmikAM
manyante | sAtmA vij~neyA | sadojjvalAvidyA | tatkAryahInA
svAtmabandhaharA sarvadAdvaitAnandarUpA sarbAdhiShThAnasanmAtrA
nirastAvidyAtamomohAhameveti sambhAvyAhamoM tatsadyat parambrahma
chatuShkUTA para~njyotissAhamomityAtmAnamAdAya manasA chatuShkUTAmekakAryAM
tadA chatuShkUTAhamiti tatparAH pravadanti | yena te saMsAriNa AtmanA
virAgA eva | na saMsAriNaH | ya evaM veda sa mukto bhavati sa mukto
bhavati ityagastyaH | ityupaniShat ||

iti chaturthaH pAdaH |
(shAkta\-upaniShadaH)

iti shrIvidyAtArakopaniShat samAptA |

##
Proofread by Kasturi navya sahiti

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}