% Text title            : Vishvakarma Upanishat
% File name             : vishvakarmopaniShat.itx
% Category              : upanishhat, deities\_misc
% Location              : doc\_upanishhat
% Transliterated by     : Sunder Hattangadi
% Proofread by          : Sunder Hattangadi PSA Easwaran
% Latest update         : July 8, 2017
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. vishvAkarmopaniShat ..}##
\itxtitle{.. vishvAkarmopaniShat ..}##\endtitles ##
atha vishvAkarmopaniShat |
jyotirmayaM shAntamayaM pradIptaM\,  vishvAtmakaM vishvajitannirIsham |
adyantashUnyaM sakalaikanAthaM\,  shrIvishvakarmANamahaM namAmi ||
OM vishvakarmA dishAM patiH sa naH pashUnpAtu so.asmAnpAtu tasmai namaH |
prajApatikadro varuNo.agnirdishAmpatiH sa naH
pashUnpAtu so.asmAnpAtu tasmai namaH ||

atha puruSho ha vai vishvakarmaNo kAmayata prajAH sR^ijeyeti |
vishvakarmaNaH prANo jAyate manaH sarvendriyANi cha |
khaM vAyurjyotirApaH pR^ithivI vishvasya dhAriNI ||
vishvakarmaNo brahmA jAyate | vishvakarmaNo rudro jAyate |
vishvakarmaNo nArAyaNo jAyate | vishvakarmaNaH prajApatayaH prajAyante |

vishvakarmaNo dvAdashAdityA rudrA vasavaH sarve devatAH sarve
R^iShayaH sarvANi ChandAMsi sarvANi bhUtAni vA samutpadyante |
vishchakarmaNi pravardhante | vishvakarmaNi pralIyante |

OM atha nityo devo eko vishvakarmA | yo devAnAM nAmadhArI
eka eva vishvakarmA | virATa vishvakarmA | svarADvishvakarmA |
samrADvishvakarmA |

atha rudro vishvakarmA | brahmA vishvakarmA | shivashcha
vishvakarmA | viShNushcha vishvakarmA | shakrashcha vishvakarmA |
dyAvApR^ithivyau cha vishvakarmA | kAlashcha vishvakarmA |
dishashcha vishvakarmA | dikchakrashcha  vishvakarmA | agnishcha vishvakarmA |
Urdhvashcha vishvakarmA | adhashcha vishvakarmA | avAntarashcha vishvakarmA |
antarbahishcha vishvakarmA | vishvakarmaNo nirAkR^itiH |
vishvakarmaNa evedaM sarvaM yadbhUtaM yachcha bhavyam |
niShkala~Nko nira~njano nirvikalpo nirAkhyAtaH ||
shuddhAdvaitaiko vishvakarmA\, na dvitIyo.asti kashchit |
ya evaM veda sa vishvakarmAro bhavati  ||

OM ityagre vyAharet | nameti pashchAt | vishvakarmaNeH iti upariShThAt |
OM ityekAkSharaM nama iti dve akShare vishvakarmaNa iti pa~nchAkSharANi || OM||

vishvakarmaNa iti ShaDakSharANi |
OM namo vishvakarmaNa ityaShTAkSharaM padaM dhyAyeti |
ana prabravassarva Ayurota  |
vindate prAjApatyaM rAyaspoShakaM  gaupatyam ||
tato amR^itattvamashnute | iti evaM veda |

pratyagAnanda brahma puruShaM praNavasvarUpam |
akAra\, ukAro\,  makAra iti | tAnekadhAramamarattadetadgomiti |
yamuktvA muchyate yogI janmasaMsArabandhanAt ||
OM namo vishvakarmaNa iti mamopAsakaH sAyujye gamiShyati |
tadidaM paraM puNDarIkaM vij~nAna dhanam |
tasmAt tadidAvanmAtraM  brahmaNyo vishvakarmom |
sarvabhUtasthamekaM vishvakarmANaM kAraNarUpaM makAra
paravishvabrahmom | padaM viShTAvAkhyamiti te.api
vishvakarmAkhyopaniShadam | yo ha vai vishvakarmaNyopaniShadamadhIte |
sarvebhyo pApebhyo vimukto bhavati | sa sarvebhyaH vimuktaH
sarvAnkAmAnavApnoti | brahmatvaM cha gachChati | ityupaniShat ||
OM shAntiH shAntiH shAntiH ||

##
Proofread by Sunder Hattangadi, PSA Easwaran

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}