% Text title            : OMnamonArAyaNAya aShTAksharamantramAhAtmya
% File name             : OMnamonArAyaNAyaaShTAksharamantramAhAtmya.itx
% Category              : vishhnu, narayana, stotra, vishnu, mAhAtmya, mantra
% Location              : doc\_vishhnu
% Proofread by          : Singanallur Ganesan singanallur at gmail.com
% Translated by         : https://archive.org/details/NarsimhaPuranGitapress
% Description-comments  : Narasimhapurana adhyAya 17
% Latest update         : June 6, 2013
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. OM namo nArAyaNAya aShTAkSharamAhAtmyaM ..}##
\itxtitle{.. OM namo nArAyaNAya aShTAkSharamAhAtmyam ..}##\endtitles ##

shrIshuka uvAcha \-\-
kiM japan muchyate tAta satataM viShNutatparaH |
saMsAraduHkhAt sarveShAM hitAya vada me pitaH || 1||
vyAsa uvAcha \-\-
aShTAkSharaM pravakShyAmi mantrANAM mantramuttamam |
yaM japan muchyate martyo janmasaMsArabandhanAt || 2||
hR^itpuNDarIkamadhyasthaM sha~NkhachakragadAdharam |
ekAgramanasA dhyAtvA viShNuM kuryAjjapaM dvijaH || 3||
ekAnte nirjanasthAne viShNavagre vA jalAntike |
japedaShTAkSharaM mantraM chitte viShNuM nidhAya vai || 4||
aShTAkSharasya mantrasya R^iShirnArAyaNaH svayam |
Chandashcha daivI gAyatrI paramAtmA cha devatA || 5||
shuklavarNaM cha OMkAraM nakAraM raktamuchyate |
mokAraM varNataH kR^iShNaM nAkAraM raktamuchyate || 6||
rAkAraM ku~NkumAbhaM tu yakAraM pItamuchyate |
NAkArama~njanAbhaM tu yakAraM bahuvarNakam || 7||
OM namo nArAyaNAyeti mantraH sarvArthasAdhakaH |
bhaktAnAM japatAM tAta svargamokShaphalapradaH |
vedAnAM praNavenaiSha siddho mantraH sanAtanaH || 8||
sarvapApaharaH shrImAn sarvamantreShu chottamaH |
enamaShTAkSharaM mantraM japannArAyaNaM smaret || 9||
saMdhyAvasAne satataM sarvapApaiH pramuchyate |
eSha eva paro mantra eSha eva paraM tapaH || 10||
eSha eva paro mokSha eSha svarga udAhR^itaH |
sarvavedarahasyebhyaH sAra eSha samuddhR^ItaH || 11||
viShNunA vaiShNavAnAM hi hitAya manujAM purA |
evaM j~nAtvA tato vipro hyaShTAkSharamimaM smaret || 12||
snAtvA shuchiH shuchau deshe japet pApavishuddhaye |
jape dAne cha home cha gamane dhyAnaparvasu || 13||
japennArAyaNaM mantraM karmapUrve pare tathA |
japetsahasraM niyutaM shuchirbhUtvA samAhitaH || 14||
mAsi mAsi tu dvAdashyAM viShNubhakto dvijottamaH |
snAtvA shuchirjapedyastu namo nArAyaNaM shatam || 15||
sa gachChet paramaM devaM nArAyaNamanAmayam |
gandhapuShpAdibhirviShNumanenArAdhya yo japet || 16||
mahApAtakayukto.api muchyate nAtra saMshayaH |
hR^idi kR^itvA hariM devaM mantramenaM tu yo japet || 17||
sarvapApavishuddhAtmA sa gachChet paramAM gatim |
prathamena tu lakSheNa AtmashuddhirbhaviShyati || 18||
dvitIyena tu lakSheNa manusiddhimavApnuyAt |
tR^itIyena tu lakSheNa svargalokamavApnuyAt || 19||
chaturthena tu lakSheNa hareH sAmIpyamApnuyAt |
pa~nchamena tu lakSheNa nirmalaM j~nAnamApnuyAt || 20||
tathA ShaShThena lakSheNa bhavedviShNau sthirA matiH |
saptamena tu lakSheNa svarUpaM pratipadyate || 21||
aShTamena tu lakSheNa nirvANamadhigachChati |
svasvadharmasamAyukto japaM kuryAd dvijottamaH || 22||
etat siddhikaraM mantramaShTAkSharamatandritaH |
duHsvapnAsurapaishAchA uragA brahmarAkShasAH || 23||
jApinaM nopasarpanti chaurakShudrAdhayastathA |
ekAgramanasAvyagro viShNubhakto dR^iDhavrataH || 24||
japennArAyaNaM mantrametanmR^ityubhayApaham |
mantrANAM paramo mantro devatAnAM cha daivatam || 25||
guhyAnAM paramaM guhyamoMkArAdyakSharAShTakam |
AyuShyaM dhanaputrAMshcha pashUn vidyAM mahadyashaH || 26||
dharmArthakAmamokShAMshcha labhate cha japannaraH |
etat satyaM cha dharmyaM cha vedashrutinidarshanAt || 27||
etat siddhikaraM nR^iNAM mantrarUpaM na saMshayaH |
R^iShayaH pitaro devAH siddhAstvasurarAkShasAH || 28||
etadeva paraM japtvA parAM siddhimito gatAH |
j~nAtvA yastvAtmanaH kAlaM shAstrAntaravidhAnataH |
antakAle japanneti tadviShNoH paramaM padam || 29||
nArAyaNAya nama ityayameva satyaM
saMsAraghoraviShasaMharaNAya mantraH |
shR^iNvantu bhavyamatayo muditAstvarAgA
uchchaistarAmupadishAmyahamUrdhvabAhuH || 30||
bhUtvordhvabAhuradyAhaM satyapUrvaM bravImyaham |
he putra shiShyAH shR^iNuta na mantro.aShTAkSharAtparaH || 31||
satyaM satyaM punaH satyamutkShipya bhujamuchyate |
vedAchChAstraM paraM nAsti na devaH keshavAt paraH || 32||
Alochya sarvashAstrANi vichArya cha punaH punaH |
idamekaM suniShpannaM dhyeyo nArAyaNaH sadA || 33||
ityetat sakalaM proktaM shiShyANAM tava puNyadam |
kathAshcha vividhAH proktA mayA bhaja janArdanam || 34||
aShTAkSharamimaM mantraM sarvaduHkhavinAshanam |
japa putra mahAbuddhe yadi siddhimabhIpsasi || 35||
idaM stavaM vyAsamukhAttu nissR^itaM
saMdhyAtraye ye puruShAH paThanti |
te dhautapANDurapaTA iva rAjahaMsAH
saMsArasAgaramapetabhayAstaranti || 36||
iti shrInarasiMhapurANe aShTAkSharamAhAtmyaM nAma saptadasho.adhyAyaH || 17||
##

Narasimhapurana adhyAya 17
https://archive.org/details/NarsimhaPuranGitapress

Proofread by Singanallur Ganesan singanallur at gmail.com

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}