% Text title            : abhItistavaH
% File name             : abhItistavaH.itx
% Category              : vishhnu, vedAnta-deshika, vishnu
% Location              : doc\_vishhnu
% Author                : vedAntadeshika
% Proofread by          : PSA Easwaran, Malathi Ravi Kuduvaa
% Description-comments  : Brihatstotraratnakara 1, Narayana Ram Acharya, Nirnayasagar, stotrasankhyA 211, Vishnustutimanjari 3, page 263
% Latest update         : January 5, 2020
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. abhItistavaH ..}##
\itxtitle{.. abhItistavaH ..}##\endtitles ##

shrIgaNeshAya namaH |
abhItiriha yajjuShAM yadavadhIritAnAM bhayaM
      bhayAbhayavidhAyino jagati yannideshe sthitAH |
tadetadatila~NghitadruhiNashambhushakrAdikaM
      ramAsakhamadhImahe kimapi ra~NgadhuryaM mahaH || 1||
dayAshishiritAshayA manasi me sadA jAgR^iyuH
     shriyAdhyuShitavakShasaH shritamarudvR^idhA saikatAH |
jagadduritaghasmarA jaladhiDimbhaDambhaspR^ihaH
     sakR^itpraNatarakShaNaprathitasaMvidaH saMvidaH || 2||
yadadya mitabuddhinA bahulamohabhAjA mayA
     guNagrathitakAyavA~Nmanasi vR^ittivaichitryataH |
atarkitahitAhitakramavisheShamArabhyate
     tadapyuchitamarchanaM parigR^ihANa ra~Ngeshvara || 3||
maruttaraNipAvakatridashanAthakAlAdayaH
     svakR^ityamadhikurvate tvadaparAdhato bibhyataH |
mahatkimapi vajramudyatamiveti yachChrUyate
     taratyanagha yadbhayaM ya iha tAvakastAvakaH || 4||
bhavantamiha yaH sudhIrniyatachetanAchetanaM (svadhIniyata)
     panAyati namasyati smarati vakti paryeti vA |
guNaM kamapi vetti vA tava guNesha gopAyituH
     kadAchana kutashchana kvachana tasya na syAdbhayam || 5||
sthite manasi vigrahe guNini dhAtusAmye sati
     smaredakhiladehinaM ya iha jAtuchittvAmajam |
tayaiva khalu sandhayA tamatha dIrghanidrAvashaM
     svayaM vihitasaMsmR^itirnayasi dhAma naiHshreyasam || 6||
ramAdayita ra~NgabhUramaNa kR^iShNa viShNo hare
     trivikrama janArdana triyuganAtha nArAyaNa |
itIva shubhadAni yaH paThati nAmadheyAni te
     na tasya yamavashyatA narakapAtabhItiH kutaH || 7||
kadAchidapi ra~NgabhUrasika yatra deshe vashI
     tvadekaniyatAshayastridashavandito vartate |
tadakShatatapovanaM tava cha rAjadhAnI sthirA
     sukhasya sukhamAspadaM sucharitasya durgaM mahat || 8||
trivargapathavartinAM triguNala~NghanodyoginAM
     dviShatpramathanArthinAmapi cha ra~NgadR^ishyodayAH |
skhalatsamayakAtarIharaNajAgarUkAH prabho
     karagrahaNadIkShitAH ka iha tena divyA guNAH || 9|| (ka iva)

bibheti bhavabhR^itprabho tvadupadeshatIvrauShadhAt\-
     kadadhvarasadurviShe baDishabhakShyavatprIyate | (balisha)
apathyaparihAradhIvimukhamitthamAkasmikI
     tamapyavasare kramAdavati vatsalA tvaddayA || 10||
apArtha iti nishchitaH praharaNAdiyogastava
     svayaM vadasi nirbhayastadapi ra~Nga pR^ithvIpate | (vahasi)
svarakShaNamivAbhavatpraNatarakShaNaM tAvakaM
     yadAttha paramArthavinniyatamantarAtmeti te || 11||
laghiShThasukhasa~NgataiH svakR^itakarmanirvartitaiH (sa~NgadaiH)
     kalatrasutasodarAnucharabandhusambandhibhiH |
dhanaprabhR^itikairapi prachurabhItibhedottarai\-
     rna bibhrati dhR^itiM bibho tvadanubhUtibhogArthinaH || 12|| (prabho)

na vaktumapi shakyate narakagarbhavAsAdikaM
     vapushcha bahudhAtukaM nipuNachintane tAdR^isham |
triviShTapamukhaM tathA tava padasya dedIpyataH (tathA divi)
     kimatra na bhayAspadaM bhavati ra~NgapR^ithvIpate || 13||
bhavanti mukhabhedato bhayanidAnameva prabho
     shubhAshubhavikalpitA jagati deshakAlAdayaH |
iti prachurasAdhvase mayi dayiShyase tvaM na che\-
     tka itthamanukampitA tvadanukampanIyashcha kaH || 14||
sakR^itprapadanaspR^ishAmabhayadAnanityavratI
     na cha dvirabhibhAShase tvamiti vishrutaH svoktitaH |
yathoktakaraNaM vidustava tu yAtudhAnAdayaH
     kathaM vitathamastu tatkR^ipaNasArvabhaume mayi || 15||
anukShaNasamutthite duritavAridhau dustare
     yadi kvachana niShkR^itirbhavati sApi doShAvilA |
taditthamagatau mayi pratividhAnamAdhIyatAM
     svabuddhiparikalpitaM kimapi ra~Ngadhurya tvayA || 16||
viShAdabahulAdahaM viShayavargato durjayA\-
     dbibhemi vR^ijinottarastvadanubhUtivichChedataH |
mayA niyatanAthavAnayamiti tvamarthApayan
     dayAdhana jagatpate dayita ra~Nga saMrakSha mAm || 17||
nisarganiraniShTatA tava nira.nhasaH shrUyate
     tatastriyugasR^iShTivadbhavati saMhR^itiH krIDitam |
tathApi sharaNAgatapraNayabha~NgabhIto bhavAn
     madiShTamiha yadbhavetkimapi mA sma tajjIhapat || 18||
kayAdhusutavAyasadviradapu~NgavadraupadI\-
     vibhIShaNabhuja~NgamavrajagaNAmbarIShAdayaH |
bhavatpadasamAshritA bhayavimuktimApuryathA
     labhemahi tathA vayaM sapadi ra~Ngadhurya tvayA || 19|| (ra~NganAtha tvayA)

bhayaM shamaya ra~NgadhAmnyanitarAbhilAShaspR^ishAM
     shriyaM bahulaya prabho shritavipakShamunmUlaya |
svayaM samuditaM vapustava nishAmayantaH sadA
     vayaM tridashanirvR^itiM bhuvi mukunda vindemahi || 20||
shriyaH parivR^iDhe tvayi shritajanasya saMrakShake
     sadadbhutaguNodadhAviti samarpito.ayaM bharaH |
pratikShaNamataH paraM prathaya ra~NgadhAmAdiShu
     prabhutvamanupAdhikaM prathitahetibhirhetibhiH || 21||
kalipraNidhilakShaNaiH kalitashAkyalokAyatai\-
     sturuShkayavanAdibhirjagati jR^imbhamANaM bhayam |
prakR^iShTanijashaktibhiH prasabhamAyudhaiH pa~nchabhiH
     kShititridasharakShakaiH kShapaya ra~NganAtha kShaNAt || 22||
ditiprabhavadehabhiddahanasomasUryAtmakaM
     tamaHpramathanaM prabho samuditAstravR^indaM svataH |
svavR^ittivashavarti tattridashavR^itti chakraM punaH\-
     pravartayatu dhAmni te mahati dharmachakrasthitim || 23||
manuprabhR^itimAnite mahati ra~NgadhAmAdike
     danuprabhavadAruNairdaramudIryamANaM paraiH |
prakR^iShTaguNakaH shriyA vasudhayA cha sandhukShitaH
     prayuktakaruNodadhiH prashamaya svashaktyA svayam || 24||
bhuja~Ngamaviha~NgamapravarasainyanAthAH prabho
     tathaiva kumudAdayo nagaragopuradvArapAH |
achintyabalavikramAstvamiva ra~Nga saMrakShakA
     jitaM ta iti vAdino jagadanugrahe jAgratu || 25||
vidhistripuramardanastridashapu~NgavaH pAvako
     yamaprabhR^itayo.api yadvimatarakShaNe na kShamAH |
rirakShiShati yatra cha pratibhayaM na ki~nchitkvachit\-
     sa naH pratibhaTAnprabho shamaya ra~NgadhAmAdiShu || 26||
sa kaiTabhatamoravirmadhuparAgajha~njhAmaru\-
     ddhiraNyagiridAraNatruTitakAlanemidrumaH |
kimatra bahunA bhajadbhavapayodhimuShTindhaya\-
     strivikrama bhavatkramaH kShipatu ma~NkShu ra~NgadviShaH || 27||
yatipravarabhAratIrasabhareNa nItaM vayaH
     praphullapalitaM shiraH paramiha kShamaM prArthaye |
nirastaripusambhave kvachana ra~Ngamukhye vibho
     parasparahitaiShiNAM parisareShu mAM vartaya || 28|
prabuddhaguruvIkShaNaprathitave~NkaTeshodbhavA\-
     mimAmabhayasiddhaye paThata ra~NgabhartuH stutim |
bhayaM tyajata bhadramityabhidadhatsa vaH keshavaH
     svayaM ghanaghR^iNAnidhirguNagaNena gopAyati || 29||

iti shrIvedAntadeshikapraNItaH
shrImadve~NkaTanAthapraNIto.abhItistavaH sampUrNaH |

(shrIra~NgakShetre)
##
Proofread by PSA Easwaran psaeaswaran at gmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}