% Text title            : Balagopala Ashtakam
% File name             : bAlagopAlAShTakam.itx
% Category              : vishhnu, krishna, aShTaka, shrIkRiShNalIlAshukamuni
% Location              : doc\_vishhnu
% Author                : Shrikrishnalilashukamuni
% Proofread by          : Mohan Chettoor
% Description/comments  : From Stotras Samahara Part 1 (ed. K.Raghavan Pillai)
% Latest update         : September 4, 2022
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Balagopala Ashtakam ..}##
\itxtitle{.. bAlagopAlAShTakam ..}##\endtitles ##
deva ! tvadAmreDanalampaTena divyena nirvyAjamadhudraveNa
udIraye ki~nchiduda~nchitAbhyAM karNA~nchalAbhyAmavadhArayasva || 1||
stokottAnaM charaNakamalaM dakShiNaM bAmaja~NghA
     mUlApAnte mR^iduni dadhatI ma~nju madhyaM vahantI |
valgadbAlA~NgulidaravaladvaktranetrAbhirAmaM (netrAbhirAmA)
     vaMshImagnA vahatu hR^idi vo bAlagopAlamUrtiH || 2||
akShNAmakShNAmamR^italulitaM harShavarShaM duhAnA
     bAlA nIlA~njanapariNatirmanjuLasmeravaktrA |
a~NgeShva~NgeShvaviralavahatkAntibhAraM vahantI
chetasyAbhirbhavatu bhavatAM bAlagopAlamUrtiH || 3|| (chetasyAvirbhavatu)

barhottaMsA vipulanayanA mugdhavaktrendubimbA
     kambugrIvA karuNahR^idayA komalAjAnubAhuH |
ma~njannAbhirmR^idulajaghanA bAlapAdAravindA
     mandaM mandaM vahatu hR^idi vo bAlagopAlamUrtiH || 4||
bhUyo bhUyo visR^itabhuvanAhlAdalIlAkaTAkShA
     bhUShAbhogavyatikaraluThatpuShTakAntipravAhA |
shrImadbarhAbharaNasubhagashlakShNadhammallabhArA
     chitte nityaM charatu bhavatAM bAlagopAlamUrtiH || 5||
mAdhuryANAmavadhiravadhirma~njukaishorabhAjAM
     ma~NgalyAnAM prathamabhavanaM ma~NgalaM ma~NgalAnAm |
vaMshIvAdavyasanarasikA vishvavishvAnanashrI\-
     rvIchIbhArA taruNayatu vo bAlagopAlamUrtiH || 6||
bhAvelIlArachitatilakA bha~NgurabhrUpatAke (bhAlelIlA)
     bhadrAM mudrAM kimapi subhagaM vibhratI vibhramANAm |
shrImadvaMshIvadanavalitaiH shItashItairapA~Ngai\-
     shchittAbhogaM shishirayatu vo bAlagopAlamUrtiH || 7||
shyAmashyAmA shishirashishirApA~Ngama~NgalyalIlA
     svAdusvAduH sarasasarasasnigdhamugdhAnanenduH |
smerasmerA madhura madhurodAra bimbAdharoShThI
madhyechittaM vahatu bhavatAM bAlagopAlamUrtiH || 8|
dhArA bhAsAM tata ita iti prasphurantI samantAt
     sAndrAnandastimitalaharIbha~Ngitu~NgAnubhAvA |
sevAnamratridashapariShaddattachisAvadhAnA
     chetaHpIThImadhivasatu vo bAlagopAlamUrtiH || 9||
jagadakhilamanoj~ne bAlagopAlavAle
     kimapi kutukabhAjA kR^iShNalIlAshukena |
virachitamiti vAchAM vIchimAdhuryadhArA\-
     parimalaparipAkaM bhAvakA bhAvayantAm || 10||

iti shrIlIlAshukamunivirachitaM bAlagopAlAShTakaM sampUrNam |
##
Proofread by Mohan Chettoor 

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}