% Text title            : Balaye Prahladaproktam Vamana Pradurbhava Varnanam
% File name             : balayeprahlAdaproktaMvAmanaprAdurbhAvavarNanam.itx
% Category              : vishhnu, dashAvatAra
% Location              : doc\_vishhnu
% Proofread by          : PSA Easwaran
% Description/comments  : from Vishnudharma Upapurana. Adhyaya 76
% Latest update         : December 25, 2021
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Balaye Prahladaproktam Vamana Pradurbhava Varnanam ..}##
\itxtitle{.. balaye prahlAdaproktaM vAmanaprAdurbhAvavarNanam ..}##\endtitles ##
prahlAdaH prAha daityendraM  baliM vairochaniM tadA
vatsa j~nAtaM mayA sarvaM yadarthaM bhavatAmiyam |
tejaso hAnirutpannA tachChR^iNu tvamasheShataH || 17||
devadevo jagadyonirayonirjagadAdikR^it |
anAdirAdirvishvasya vareNyo varado hariH || 18||
parAparANAM paramaH paraH paravatAmapi |
prabhuH pramANaM mAnAnAM saptalokagurorguruH || 19||
sthitiM kartuM jagannAthaH so.adityA garbhatAM gataH
prabhuH prabhUNAM paramaH parANAmanAdimadhyo bhagavAnanantaH |
trailokyamaMshena sanAthameSha kartuM mahAtmAditijo.avatIrNaH || 20||
na yasya rudro na cha padmayonirnendro na sUryendumarIchimishrAH |
jAnanti daityAdhipa yatsvarUpaM sa vAsudevaH kalayAvatIrNaH || 21||
yo.asau kalAMshena nR^isiMharUpI jaghAna pUrvaM pitaramasheShaH |
yaH sarvayogIshamanonivAsaH sa vAsudevaH kalayAvatIrNaH || 22||
yamakSharaM vedavido viditvA vishanti taM j~nAnavidhUtapApAH |
yasminpraviShTA na punarbhavanti taM vAsudevaM praNamAmi devam || 23||
bhUtAnyasheShANi yato bhavanti yathormayastoyanidherajasram |
layaM cha yasminpralaye prayAnti taM vAsudevaM praNamAmyachintyam || 24||
na yasya rUpaM na balaM prabhAvo na cha svabhAvaH paramasya puMsaH |
vij~nAyate sarvapitAmahAdyaistaM vAsudevaM praNamAmyachintyam || 25||
rUpasya chakShurgrahaNe tvageShA sparshagrahItrI rasanA rasasya |
shrotraM cha shabdagrahaNe narANAM ghrANaM cha gandhagrahaNe niyuktam || 26||
na ghrANachakShuHshravaNAdibhiryaH sarveshvaro veditumavyayAtmA |
shakyastamIDyaM manasaiva devaM grAhyaM nato.ahaM harimIshitAram || 27||
yenaikadaMShTrAgrasamuddhR^iteyaM dharAchalA dhArayatIha sarvam |
grastvA sa shete sakalaM jagadyastamIDyamIshaM praNato.asmi viShNum || 28||
shAM!vatIrNena cha yena garbhe hR^itAni tejAMsi mahAsurANAm |
namAmi taM devamanantamIshamasheShasaMsArataroH kuThAram || 29||
devo jagadyonirayaM mahAtmA sa ShoDashAMshena mahAsurendra |
surendramAturjaTharaM praviShTo hR^itAni vastena bale vapUMShi || 30||

iti viShNudharmeShu ShaTsaptatitamo.adhyAyAntargataM balaye prahlAdaproktaM
                      vAmanaprAdurbhAvavarNanaM sampUrNam |

##
Proofread by PSA Easwaran 

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}