% Text title            : bhagavaddhyAnasopAnam
% File name             : bhagavaddhyAnasopAnam.itx
% Category              : vishhnu, vishnu, dhyAnam, vedAnta-deshika
% Location              : doc\_vishhnu
% Author                : vedAntadeshika
% Proofread by          : PSA Easwaran psaeaswaran at gmail.com
% Description-comments  : Brihatstotraratnakara 1, Narayana Ram Acharya, Nirnayasagar, stotrasankhyA 211
% Latest update         : May 28, 2021
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. bhagavaddhyAnasopAnam ..}##
\itxtitle{.. bhagavaddhyAnasopAnam ..}##\endtitles ##
shrIgaNeshAya namaH ||
shrImate nigamAntamahAdeshikAya namaH |
shrImAnve~NkaTanAthAryaH kavitArkikakesarI |
vedAntAchAryavaryo me sannidhattAM sadA hR^idi ||
antarjyotiH kimapi yaminAma~njanaM yogadR^iShTe\-
     shchintAratnaM sulabhamiha naH siddhimokShAnurUpam |
dInAnAthavyasanashamanaM daivataM daivatAnAM
     divyaM chakShuH shrutipariShadAM dR^ishyate ra~Ngamadhye || 1||
vedAtItashrutiparimalaM vedhasAM maulisevyaM
     prAdurbhUtaM kanakasaritaH saikate haMsajuShTe |
lakShmIbhUmyoH karasarasijailAlitaM ra~NgabhartuH
     pAdAmbhojaM pratiphalati me bhAvanAdIrghikAyAm || 2||
chitrAkArAM kaTakaruchibhishchAruvR^ittAnupUrvAM
     kAle dUtyadrutataragatiM kAntilIlAkalAchIm |
jAnuchChAyAdviguNasubhagAM ra~NgabharturmadAtmA
     ja~NghAM dR^iShTvA jananapadavIjA~NghikatvaM jahAti || 3||
kAmArAmasthirakadalikAstambhasambhAvanIyaM
     kShaumAshliShTaM kimapi kamalAbhUminIlopadhAnam |
nya~nchatkA~nchIkiraNaruchiraM nirvishatyUruyugmaM
     lAvaNyaughadvayamiva matirmAmikA ra~NgayUnaH || 4||
samprINAti pratikalamasau mAnasaM me sujAtA
     gambhIratvAtkkachana samaye gUDhanikShiptavishvA |
nAlIkena sphuritarajasA vedhaso nirmimANA
     ramyAvartadyutisahacharI ra~NganAthasya nAbhiH || 5||
shrIvatsena prathitavibhavaM shrIpadanyAsadhanyaM
     madhyaM bAhvormaNivararuchA ra~njitaM ra~NgadhAmnaH |
sAndrachChAyaM taruNatulasIchitrayA vaijayantyA
     santApaM me shamayati dhiyashchadrikodArahAram || 6||
ekaM lIlopahitamitaraM bAhumAjAnulambaM prAptA
     ra~Nge shayiturakhilaprArthanApArijAtam |
dR^iptA seyaM dR^iDhaniyamitA rashmibhirbhUShaNAnAM
     chintAhastinyanubhavati me chitramAlAnayantram || 7||
sAbhiprAyasmitavikasitaM chArubimbAdharoShThaM
     duHkhApAyapraNayini jane dUradattAbhimukhyam |
kAntaM vakraM kanakatilakAla~NkR^itaM ra~NgabhartuH
     svAnte gADhaM vilagati mama svAgatodAranetram || 8||
mAlyairantaHsthiraparimalairvallabhAsparshamAnyaiH
     kupyachcholIvachanakuTilai kuntalaiH shliShTamUle |
ratnApIDadyutishabalite ra~NgabhartuH kirITe
     rAjanvatyaH sthitimadhigatA vR^ittayashchetaso me || 9||
pAdAmbhojaM spR^ishati bhajate ra~NganAthasya ja~NghA\-
     mUrudvandve vilagati shanairUrdhvamabhyeti nAbhim |
vakShasyAste valati bhujayormAmikeyaM manIShA
     vaktrAbhikhyAM pibati vahate vAsanAM maulibandhe || 10||
kAntodArarayairiha bhujaiH ka~NkaNajyAkiNA~Nkai\-
     rlakShmIdhAmnaH pR^ithulaparighairlakShitA bhItihetiH |
agre ki~nchidbhujagashayanaH svAtmanaivAtmanaH san
     madhyera~NgaM mama cha hR^idaye vartate sAvarodhaH || 11||
ra~NgAsthAne rasikamahite ra~njitAsheShachitte
     vidvatsevAvimalamanasA be~NkaTeshena kLLiptam |
akleshena praNihitadhiyAmArurukShoravasthAM
     bhaktiM gADhAM dishatu bhagavaddhyAnasopAnametat || 12||

iti shrImadve~NkaTeshAryapraNItaM bhagavaddhyAnasopAnaM sampUrNam ||
##
Proofread by PSA Easwaran psaeaswaran at gmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}