% Text title            : chakrastutiH
% File name             : chakrastutiH.itx
% Category              : vishhnu, vAdirAja, vishnu
% Location              : doc\_vishhnu
% Author                : Vadiraja
% Transliterated by     : Krishnananda Achar
% Proofread by          : Krishnananda Achar
% Latest update         : June 13, 2020
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. chakrastutiH by shrIvAdirAjatIrtha guruvarya..}##
\itxtitle{.. shrIvAdirAjatIrthaguruvaryavirachitA chakrastutiH ..}##\endtitles ##
doShaughavAraNaM yasya dhAraNaM mokShakAraNam |
na vaidikaM taptachakradhAraNaM yadi manase || 1||
granthAdau ma~NgalaM tarhi kasmAnnAvaidikaM tava |
shiShTAchArAt smR^itiH kalpyA smR^iteshcha shrutikalpanA || 2||
yadi tatra tathaitasmin kinna kalpayasi shrutim |
dvArakAyAyibhiH sarvairadyApi prAkpraveshataH  || 3||
nimbAdityAnugaiH prAj~nairmAyAvAdyekadeshibhiH |
viShNusvAmimatasthaishcha rAmAnujamatAshrayaiH  || 4||
tattvavAdijanAchAryaiH shiShTashreShThairanuShThite |
kaishchichchIrNamidaM nochettyaktaM tadapi nAstikaiH  || 5||
bahushiShTajanAchAraH pramANamubhayatra cha |
svamUlagranthabhAgeShu tathA prakaraNeShu cha || 6||
nibandheShu cha sarveShu kenApIdaM na dUShitam |
anAchArastu keShA~nchidanAchAraH prakalpyatAm || 7||
tyajedekaM kulasyArthamiti nyAyaM vijAnata |
nR^isiMhaparicharyAyAM rAmArchAchandrikAdiShu  || 8||
shrutismR^itipurANoktyA tairapIdaM prasAdhitam |
na naH pUrvaiH parAkrAntaM sarvasa.npratipattitaH  || 9||
idAtInImAgrahAdeva vivadante kvachit kvachit |
durAgrahagrahaM teShAM keShA~nchinmanasi sthitam || 10||
nivartayetsuprayuktaH shrauto mantro mahAtmabhiH |
avaidikamidaM chette brahmaikyaM vaidika kutaH  || 11||
shrutayastatra chet santi na santi kimihAgamAH |
yadyeteShAmitonyorthaH kalpyate svakapholataH || 12||
shrutismR^itisamAkhyAtastatrAnyArtho na kiM shrutaH |
AgrahoyaM pareShAM chettathAyaM kintu nAgrahaH || 13||
vAdivipratipannAbhiH shrautatvaM tUbhayoH samam |
yadyashrautamidaM karma yaj~noshrautaH kathaM na te || 14||
tanmUlabhUtavedAnAmatatvAvedakatvataH |
anyArthakalpanenApi tattvavedakatA gatA || 15||
tenaivAvedakatvaM chedadhvarasya kathaM na tat |
adhunA bAdhavaidhuryAdvyAvahArikamAnatA || 16||
samobhayatra keShA~nchinmate bAdhotra tatra cha |
vedAprAmANyashaMsitvAdashiShTau tAvubhAvapi || 17||
vyAvahArikamAnatvaM mUDhAprAmANyameva hi |
ataptadhAraNaM chetsyAttanmUlenaitadAgatam || 18||
sadA taduktalAbhArthamidaM prAj~nairhiraNmayI |
pavitramudreva kushashrutimUlA pradhAryate || 19||
kimagninAparAddhaM te kiM chakreNa muradviShaH |
kiM vA sadbhiranirbhItaiH kiM purANaistrayIgirA || 20||
niShedhavAkyAdbhItistu taptAtaptA~NkayoH samA |
tatsarvaM taptagaM kurvan samaH svArthaparArthayoH || 21||
amantrAhomamUlA~NkaviShayaM kuru lAghavAt |
shiShTAchAraviruddhorthaH svasAraM chAdhirohati || 22||
ityAdau tyajyate vede kiM punaH smR^itikoNagaH |
yadi smatimanAdR^itya shrutAvanuditatvataH || 23||
vidhiM na mAnayasyenaM niShedhaH kena mAnyate |
nahi shrutisatI dharmamimaM kyApi niShedhati || 24||
sudarshanakR^itodyoganiShkaNTakitapaddhatiH |
tUShNIM sthitepi lokesminna~NgIkAra itIryate || 25||
shAstrepyapratiShiddhaM chedgIyatenumataM tviti |
yadi smR^ityuktamAchAramashrautaM manyate bhavAn || 26||
shauchAdau digvibhAgaM cha vaichitryaM mR^ittikAgrahe |
yogyAyogyadinatvaM cha dantadhAvanakarmaNi || 27||
kAShThe grAhyAgrAhyatAM cha tathAchamanapaddhatim |
gR^ihyoktaM pArvaNavidhiM bhojyAbhojyapadArthatAm || 28||
kramaM ShoDashasaMskAre shrAddhAdInAM dinAnyapi |
tarhi tyaktvA vrAtyadashAmAshraya tvavisha~NkitaH || 29||
sarvadharmAn parityajyetyAdivAkyamupAshritaH |
nAradIye bR^ihati te balaM vAkyachatuShTayam || 30||
pAdmagAruDamukhyeShu santyasmAkaM sahasrashaH |
dvaidhe bahUnAM vachanamiti nyAyena tatryajan || 31||
a~NgIkuru hareshchakradhR^itiM muktisR^itiM parAm |
aShTAdashapurANasthAnyasmadvAkyAni sarvashaH || 32||
mukhyAnyupapurANasthavAkyebhyo nahi bibhyati
pa~ncharAtrasya viShNUkteH sarvaiH prAmANyamiShyate || 33||
pratiShThAparvapUjAdyA devAnAM syuH kathaM na chet |
shrutipratIkaM sa~NgR^ihya pavitrAkhyAM pradAya cha || 34||
 tatra prathamasaMskArastaptachakrA~Nka Iryate |
tadviruddhamR^iShiproktaM duruktamiti gR^ihyate || 35||
ubhayoH kalahe sAkShI vijAtIyo hi mAnyate |
yachChAstraM li~NgapAramyaM paraM devamumApatim || 36||
tamaHpravartakaM vakti tAmasaM tatprachakShate |
iti gAruDavAkyena tathA pAdmagatena cha || 37||
viShNvAdhikyavirodhitve purANasmR^itividyayoH |
api tAmasataivoktA tatopyanyadupekShatAm || 38||
nahi tAmasamAshritya tamaH prAptuM tvamarhasi |
shrImadbhAgavataM sarvaiH pUrvairno bhavatAmapi || 39||
purANeShUttamatvena shrutaM matamupAshritam |
tatrApi viShNumAhAtmyarasAyanavirodhinAm || 40||
shaivoktiviShabindUnAM tAmasatvamudAhR^itam |
1vAchaM hInAM mayA rakShan duHkhaduHkhI bhavediti || 41||
shR^iNvanti yenyaviShayAH kukathA matinAshinIH |
te tamaH prApnuvantIti vandhyAM na bibhR^iyAdgiram2|| 42 ||
ityAdau tena choktaM naH sarvaM chArveva gamyate |
mallakShaNamimaM kAyaM kR^itvA maddharmamAshritaH || 43||
svali~NgadhAraNeneti tatroktaM chakralA~nChanam |
shrutitAtparyasid.hdhyarthe virodhaM kurvatI smR^itiH || 44||
virodhe tvanapekShaM syAdityamAnatvameShyati |
pavitraM ta iti hyekA govindurbibhradAyudham || 45||
yena devAH pavitreNa AtmAnaM punate sadA |
tena sahasradhAreNa pAvamAnyaH punantu mAm || 46||
ityAdyR^ichi yajurvede lokasya dvAramityapi |
charaNaM pUtamiti cha tathA sAmni sphuTaM vachaH || 47||
neminA taptasutanuH sAyujyaM prApnu yAditi |
urukramA~NkaiH subhagA vayamebhirihA~NkitAH || 48||
ityatharvagataM vAkyaM tathA shrutishirasyapi |
adyApi gaurjarairvipraiH paThyamAne gurormukhAt || 49||
dhR^itordhvapuNDraH shritasachchakradhArI hariM param |
yo dhyAyetsa mahAtmeti spaShTamarthAntarojjitam || 50||
santi smR^itItihAsAdyAH purANAni cha koTishaH |
sudarshanasya mImAMsA kR^itA hyasmatpurAtanaiHH || 51||
tatroddhaiteShu vAkyeShu kathameteShu saMshayaH |
yadi vAkyaM svayaM kR^itvA prAvakShyan pUrvasUrayaH || 52||
tarhyarchyanekabhedAyAM kuto vAkyaM nijechChayA |
vyAkariShyannatispaShTamanarthAntarasambhavam || 53||
prAvartanta kathaM pUrve sarve.apyAstikamaulayaH |
spaShTairvAkyairnachet sarvaviplavaH syAjjinoktitaH || 54||
sa vakti sarvamAmnAyaM rakShasA kenachit kR^itam |
pavitrara charaNaM' chakraM lokadvAraM sudarshanam || 55||
paryAyavAchakA hyaite chakrasya paramAtmanaH |
purANoktiriyaM chakraM pavitrAdyAkhyayAha hi || 56||
martyAnushAsanaM grAhyaM kiM punaH smArtashAsanam |
pavivattrAyate lokAniti vyutpattisambhavAt || 57||
yogarUDhibalAyAtA pavitrAkhyA sudarshane |
imAM shrutimupAdAya purANAnyeva sarvashaH || 58||
pramANayanti svoktesmiMstaptachakrA~NkadhAraNe |
atonyArthaH shruterasyAH kathaM shakyo manIShibhiH || 59||
sati netari mArgasya kimandhoktaH kramo bhavet |
pavitrapadanirdiShTamarthaM vedastameva hi || 60||
sahasradhAranAmoktyA chakratvaM spaShTayatyaho |
ShaTkoNatvAbhidhAM chakrachChAyAmadyApyupAdadat || 61||
kushagranthirasapi hyAsItpavitrAkhyo mahItale |
yathA chitrasthasiMhasya siMhasAdR^ishyamAtrataH || 62||
siMhatAyAM mukhyasiMho vanya eveti nirNayaH |
tathA pavitranAmai tachchakrasyaiveti gamyate || 63||
ShaTkoNatA sarvamate chakrasyaiva hi lakShaNam |
AgamoktaM pavitraM cha ShaTkoNagranthitobhavat || 64||
atonyArthakathA vAtAhatA shuShyalatAbhavat |
tatpavitramidaM vyAptaM yattvaM paryeShi vishvataH || 65||
iti shrutyuditaM viShNuvyAptyA vyAptatvameva cha |
chakravochitaM viprakushasyAtyantabAdhitam || 66||
prAkprasaktapavitreNa taptAtaptatvamiShyate |
pa~nchAgnikR^itatApoktau dUShaNadvayavAgatam || 67||
prasaktasya parityAgo hyaprasaktaparigrahaH |
AmatvoktyA taptachakradAhAbhAvo hi dUShyate || 68||
agni dUrasamIpasthavastunyAtmatvasAmyataH ||
shR^itAsa iti shabdArthA dAhavanto na tApasAH || 69||
pAdoktau syAt pavitreNetyetadvyarthaM padAntaram |
chakraM prayujya nibiDaM tamo nirbhidya randhrataH || 70||
anantAsanalokaM svaM prApa kR^iShNaH sahArjunaH |
iti paurANikakhyAtyA lokasya dvAratApi cha || 71||
chakrasyaivochitAnyatra shakyotortho na sha~Nkitum |
api chArthadvaye prApte samAkhyaikArthasAdhikA || 72||
tatpurANasamAkhyAnAdarthoyamavadhAryate |
mImAMsAbhidhavikhyAtasImAsAmrAjyakAribhiH || 73||
yadyapyAmnAyamArgesmin vaktuM bahu cha shakyate |
tathApyalparaNodyoge yoddhuH shUrasya nochitaM
mahAprAkArakaraNamiti matvoparamyate || 74||
kumatadhvAntanirbhedI svamatAmbhodhIsambhramaH |
hayagrIvollasachchandrapAdaH khedApahostu naH || 75||
hayagrIvapadadvandvachintanAsaktachetasA ||
yatinA vAdirAjena chakrastutiriyaM kR^itA || 76||

|| iti shrImadvAdirAjapUjyacharaNavirachitA chakrastutiH sampUrNA ||

bhAratIramaNamukhyaprANAntargata shrIkR^iShNArpaNamastu |

## Footnotes ##
1 gAM dugdhadohAmasatIM cha bhAryA dehaM parAdhInamasatprajAM cha |
vittaM tvatIrthIkR^itama~NgavAchaM hInAM mayA rakShati duHkhaduHkhI ||
2 yasyAM na me pAvanama~Nga karma sthityudbhavaprANanirodhamasya |
lIlAvatarepsitajanma nA syAdvandhyAM giraM tAM bibhrayAnna dhIraH ||
                                 \-shrImadbhAgavata (11/11/19,20)
##

Encoded and proofread by Krishnananda Achar

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}