% Text title            : chaturviMshatyavatArastotram
% File name             : chaturviMshatyavatArastotram.itx
% Category              : vishhnu, dashAvatAra, stotra, vishnu, chaturviMshati
% Location              : doc\_vishhnu
% Transliterated by     : Dinesh Agarwal  dinesh.garghouse at gmail.com
% Proofread by          : Dinesh Agarwal, KSR, PSA Easwaran
% Description/comments  : brihatastotraratnakar 464
% Latest update         : May 17, 2015, October 6, 2018
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. shrIchaturviMshatyavatArastotram ..}##
\itxtitle{.. shrIchaturviMshatyavatArastotram ..}##\endtitles ##
shrIgaNeshAya namaH | 
pAtAlagaM kShititalaM suravR^indapAtA hatvA.a.adidaityamudadhernidadhau jalordhvam |
uddhR^itya chAtanuta yastanuto yajUMShi taM sUkaraM prathamaprathamaM namAmi || 1|| ## var ## taM sha~NkaraM
svAyambhuvaM manumapAchcha bhuvaM samastAM bhUtvA tadIyatanayAtanayo.atha hatvA || 
yaH svAtmajaiH suragaNairasuravrajaM taM yaj~naM dvitIyamabhavAya bhaje.advitIyam || 2||
prAdurbabhUva bhavadurbalachittavR^ittIn j~nAnopadesharahitAnupadeShTukAmaH |
yo devavandyacharaNo nanu devahUtyAM vande.avagAhakapishaM kapilaM tR^itIyam || 3||
yaH sUnukAmukamasUnuparodhayantaM santoShayan svajanakaM svajanArtihAtrim |
jaj~ne vidhUtabhavabhIravadhUtaveSho datto bhavaprabhavaduHkhaharo.astu turyaH || 4||
sa~NkalpamAtrakaraNAdgatakalpanaShTaM gUDhaM svatattvanigamaM sugamaM kariShyan |
dhAturvichArachaturo.ajani yashchaturdhA sevasva pa~nchamamapa~nchasharaM kumAram || 5||
satkAramarhati satAmapakArako.apItyevaMvidhAmR^iShigiraM vishadAM vidyAsyan |
yo.asheShadoShasadane madane.adayiShTa nArAyaNo vijayado jayatAt sa ShaShThaH || 6||
yaH keshave.akR^itaratiM kila shaishave.api dR^iShTvA svaduHkhaharaNaM sharaNaM tadeva |
tasmai sunItitanayAya nayAnvitAya nityaM dhruvAya varadaM varaye.ashvasaMkhyam || 7||
kiM venamutpathagataM pupuve na bhUmiM kiM dugdharUpamatha sAramadugdha yo na |
taM vai hitAya jagatAM vihitAvatAraM vande.aShTamaM pR^ithumahaM pR^ithulapratApam || 8||
pUrvaM nijAcharaNato gR^ihiNAmapUrvaM dharmaM janAya nididesha  janAntaraj~naH |
yo.ante tathaiva virajastamasAM virajyannatyarShabho.astu navamo navasiddhidaH saH || 9||
nidrAnvitasya mukhato hi chaturmukhasya srastA jale pratidade.apritamaH shrutIryaH |
hatvA tura~NgavadanaM chaturaM raNe taM saukhyehayA kila bhaje dashamaM hayAsyam || 10||
satyavratAya nijabhaktiratAya nityaM guhyaM purA vividiShuH svapurANatattvam |
yo.akAlaje pralayakAlajale vyahArShIdekAdasho jagati me gatirastu matsyaH || 11||
pR^iShThena mandaramamandabharaM giriM yaH kShIrodadhAvamaradaityakR^ite dadhAra |
niHshvAsanartitatara~Ngasura~NgalubdhaH sa dvAdasho.astu kudashopashamAya kUrmaH || 12||
sarvaM jagaddharimayaM jagatIti vAkyaM tathyaM vidhAtumatha chitratanUM vidhAya |
stambhAdajAyata sadA yatatAM durApaH so.astu triyuktadashamaH shamado nR^isiMhaH || 13||
vAtsalyamAtmapuruSheShu purupratApaH sandarshayannavirataM nirataM svabhaktau |
grAhAdamochayadamoghabalo gajendraM bhUtyai harirmanumito.astvamitopamaH saH || 14||
sarvasvameva balaye.arpayate svameSha pratyarpayattadaparaM na tadarhamagryam |
lokatraye kimapi vastu vilokamAnaH shrIvAmano vasatu pa~nchadasho mano.abje || 15||
pR^iShTAnnigUDhaviShayAn suviShaNNachitte jAte vidhAtari vidhAtR^isutaiH suvij~naiH |
udbhUya suShThutaramuttarayA~nchakAra syAt ShoDashaH paramahaMsagatiH sa haMsaH || 16||
AvirbabhUva bhuvi bhUvalayaM prapAtuM yaH sajjaneShu kila kalpapalAshikalpaH |
duShTavrajasya dahane dahano.advitIyastaM tvAM manuM puruShasaptadashaM manuShva || 17||
yo.arthAya viShNurudagherudabhUt surANAM nAnAvidhAmayavinAshavidhAnavij~naH |
pIyUShayUShaparipUrNaghaTaM gR^ihItvA dhanvantariH sukhakaro.astu karonaviMshaH || 18||
rAjanyakaM pravararAjaguNairvihInaM garvAtsvadharmaparadharmavichArashUnyam |
yo.anekavAramavadhIdavadhIritastamekonaviMshamavabudhyati ko na rAmam || 19||
pitryaM niyogamatidIrghaviyogadAyi sammAnayan manusamA vyanayadvaneShu |
yaH svIyarakShaNakR^ite vihitakShaNastaM shrIrAmamAshrayavaraM  shraya chitta viMsham || 20||
sampIDitAM manujapairdanujasvabhAvairujjIvayan vasumatIM vasudevagehe |
AvirbabhUva janatAparitApahR^it sa kR^iShNo.astu me.api gadahA gadayaikaviMshaH || 21||
kAlena naShTadhiShaNAn prabalena vIkShya lokAn parAsharamuneH sharaNe.avatIrNaH |
bhaktapriyaH shrutigaNaM bahudhA vyabhaMkta vyAso.astu me shivakaraH karanetrasaMkhyaH || 22||
loke makhAdimiShatastvasukhAdibIjAM vyAptAM prabhUtakaraNe.amitabhUtahiMsAm |
yo mUlataH kila vimUlayituM prajaj~ne chitte trinetrakalanaM kalayAmi buddham || 23||
prApteShu satsu tanutAM prachureShvasatsu dharme tirohitavati prasR^ite tvadharme |
jaj~ne.atha viShNuyashaso nilaye yashasvI kalkI prasiddhacharito.avatu siddhasaMkhyaH || 24||
  || iti shrI chaturviMshatyavatArastotraM sampUrNam ||

##
This stotram praises the 24 important incarnations
of Vishnu as described in Srimad Bhagavatam 
Canto-sarga 1 chapter-adhyAya 3 and
Canto 2 chapter 7 
with some variations.
\medskip\hrule\medskip
Encoded by Dinesh Agarwal  dinesh.garghouse at gmail.com
Proofread by Dinesh Agarwal, K S Ramachandran, PSA Easwaran

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}