% Text title            : Dashamaskandhamukhyarthagitih
% File name             : dashamaskandhamukhyArthagItiH.itx
% Category              : vishhnu, vishnu, moropanta, krishna
% Location              : doc\_vishhnu
% Author                : Mayurakavi or Moropanta
% Proofread by          : Rajesh Thyagarajan
% Description/comments  : Stotras composed by Moropanta mayUrakavi
% Latest update         : December 23, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Dashamaskandhamukhyarthagitih ..}##
\itxtitle{.. dashamaskandhamukhyArthagItiH ..}##\endtitles ##
(pa~njhaTikAchChandaH)
sachchitsukhamUrtirvidhitAtaH shrIdevakakanyodarajAtaH |
nandayashodAputrIbhUtaH pItabakIprANo.apyatipUtaH || 1||
kShiptapadAbjavichUrNitashakaTaH sAdhuShu charitaiH sutarAM prakaTaH |
lIlAlavanihatatR^iNAvartaH sharaNaM viduShAM khalasaMvartaH || 2||
stanapAne mukhadarshitalokaH shishucharitAmR^itahatabhavashokaH |
yo gopInavanItastenaH sukhayati yashasi manaHshaste naH || 3||
sa (1)mR^ido.adarshayadashane mAtre vadane vishvaM kampaM gAtre |
baddha ulUkhala bhAgasi dAmnA bahavo muktimitA yannAmnA || 4||
baddhenApi kR^itAvalamamalau dhanapatitanayAvagamau(2) yamalo |
vatsabakAdyasurakhalakAlaH padmajamohanagovrajabAlaH || 5||
dhenukakAliyamardanadakShaH suyashaHpramuditasajjanalakShaH |
balamuddhodhya pralambo nItaH pralayaM yena jvalanaH pItaH || 6||
gopakumArIjanapaTachauraH kAntyA shyAmo yashasA gauraH |
hatamAthuraviprastrImohaH praNatAkhilajanasukhasandohaH || 7||
lIloddhR^itagovardhanagotraH shakramadaharaH puNyastotraH |
yasmAnmukto varuNAnandaH prAptaH strIbhI rAsAnandaH || 8||
nandamajagarAnmunishApAttaM yo mochitavAnatitApAt taM |
gopIharadarachUDArAtiH strIjanavarNitaveNukhyAtiH || 9||
lIlAleshadhvastAriShTaH keshivadhAnanditabahushiShTaH |
guNara~njitanAradamunipAlaH shishudasyuvyomAsurakAlaH || 10||
durlabhadarshanasukhitAkrUraH sannihitopyabhavad vrajadUraH |
yatra ghane khalakalasho nyubjaH (3)pATIrArpaNatAritakubjaH || 11||
nAshitamAthurajanahR^itpIDaH krIDAnihatakuvalayApIDaH |
bhujasamarapramathitakhalamallaH smitarasabharaparishobhitagallaH || 12||
raNavelAhelAhatakaMsaH (4)sAtvatamAnasahaMsavataMsaH |
(5)sadanugrahagurukulajanitanayaH projjIvitasAndIpanitanayaH || 13||
uddhavamukhahatagopItApaH kubjArativaradakusumachApaH |
AshritadAnapatipriyakartA pitR^ibhaginIchintAjvarahartA || 14||
asakR^itkR^itamAgadhabalavilayaH sAgararachitAtyadbhutanilayaH |
kAlayavanamativa~nchanadakShaH kR^itamuchukundakShitipatirakShaH || 15||
magadhamahIpatikaitavabhItaH raivatajAdevara iti gItaH |
bhIShmakakanyA rAkShasavidhinA yena hR^itA karuNAmR^itanidhinA || 16||
rukmiNyAmutpAditakAmaH svIkR^itajAmbavatImaNibhAmaH |
kAlindIM mitrottaravindAM hR^itavAn satyAmapi gatanindAm || 17||
bhadrAjAnirmAdrIbhartA dvayaShTasahasrastrIpriyakartA |
vaidarbhIchetoharanarmA anumatarukmivadhAgrajakarmA || 18||
premabharasamaranirjitasharvaH shAtitabANAsurabhujagarvaH |
nR^iganR^ipasadgativitaraNavittaH kR^iShTataraNijAgopIchittaH || 19||
pauNDrakakAlaH kR^ityAshamanaH krUradvividamahAkapidamanaH |
halalIlonmUlitanAgapuraH suramunimohakaracharitachaturaH || 20||
mAgadhanR^ipavadhavismitavaidyaH kShatasAdhvapachityasahanachaidyaH |
dharmamakhAhR^itabhUsuradAsyaH kurvadhamaskhalitoditahAsyaH || 21||
shAlvaghno (6)dantAdvaktraghnaH pApelvalahatavipropaghnaH |
shrImaddharmanareshvaradUtaH kShitibharakhalavadhaparanarasUtaH || 22||
shrIdAmadvijadAridryaharaH svavirahamagnasuhR^iddattakaraH |
sutadarshanahR^itamAtR^ikleshaH svasR^iharaNAnumataguDAkeshaH || 23||
uddhR^itabahulAshvashrutadevaH pApivR^ikatrAtamahAdevaH |
bhR^igugItAtulashAntisushIlaH bhUsurasutAnayanAdbhutalIlaH || 24||
bhaktamayUradayAmR^itajaladaH satatasvachAritavarNanabaladaH |
tamahaM vande khagapatiketuM sukhahetuM bhavasAgarasetum || 25||
anupadametad dhruvapadamuditaM vitaratu rasikAnanupamamuditam |
(anuShTupachChandaH)
dashamaskandhamukhyArthagItireShA.aghahAriNI |
sampUrNA yAdaveshAnakR^iShNasantopakAriNI || 26||

iti mayUrkavIshvaravirachitA dashamaskandhamukhyArthagItiH samAptA |

TippaNi
1| mR^idaH ashane bhakShaNe mAtre yashodAyai vadane vishvaM gAtre cha kampamadarshayadityanvayaH |
2| agamau vR^ikShau yamalArjunau |
3| pArishchandanam |
4| sAtvato.akarastasya mAnasaM tasyAla~NkR^itihaMsaH |
5| madanugrahAya lokasa~NgrahAya gurukule janitaH adhItaH nayo nItishAstraM yena tAdR^ishaH |
6| dantAdvaktro vaktradantaH |
##
Proofread by Rajesh Thyagarajan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}