% Text title            : In Praise of Vishnu in His Ten Incarnations
% File name             : dashavatarastuti.itx
% Category              : vishhnu, dashAvatAra, stotra, vAdirAja, vishnu
% Location              : doc\_vishhnu
% Author                : Sri Vadiraja Tiirtha
% Transliterated by     : Anand Ravipati <aravipati at dvaita.net>
% Proofread by          : Meera Tadipatri <mtadipatri at dvaita.net>, Shrisha Rao <shrao at dvaita.org>
% Latest update         : July 14, 2000
% Send corrections to   : sanskrit at cheerful dot c om,info@dvaita.net,aravipati@dvaita.net
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. In Praise of Vishnu in His Ten Incarnations ..}##
\itxtitle{.. dashAvatArastutI ..}##\endtitles ##

proShThIshavigraha suniShThIvanoddhata vishiShTAmbuchArijaladhe |
koShThAntarAhitavicheShTAgamaugha parameShThIDita tvamavamAm |
preShThArkasUnumanucheShThArthamAtmavidatIShTo yugAntasamaye |
stheShThAtmashR^i~NgadhR^itakAShThAmbuvAhana varAShTApadaprabhatano || 1||
khaNDIbhavadbahuLaDiNDIrajR^imbhaNa suchaNDI kR^ito dadhi mahA |
kANDAti chitra gati shauNDAdya haimarada bhANDA prameya charita |
chaNDAshvakaNThamada shuNDAla durhR^idaya gaNDA bhikhaNDAkara do\-
shchaNDA mareshahaya tuNDAkR^ite dR^ishamakhaNDAmalaM pradisha me || 2||
kUrmAkR^ite tvavatu narmAtma pR^iShThadhR^ita bharmAtma mandara gire |
dharmAvalambana sudharmAsadAkalitasharmA sudhAvitaraNAt |
durmAna rAhumukha durmAyi dAnavasumarmAbhibhedana paTo |
dharmArka kAnti vara varmA bhavAn bhuvana nirmANa dhUta vikR^itiH || 3||
dhanvantare.a~Ngaruchi dhanvantare.aritaru dhanvanstarIbhavasudhA\-
bhAnvantarAvasatha manvantarAdhikR^ita tanvantarauShadhanidhe |
danvantara~NgashugudanvantamAjiShu vitanvanmamAbdhi tanayA |
sUnvantakAtmahR^idatanvarAvayava tanvantarArtijaladhau || 4||
yA kShIravArdhimathanAkShINadarpaditijAkShobhitAmaragaNA\-
pekShAptaye.ajani valakShAMShubimbajidatIkShNAlakAvR^itamukhI |
sUkShmAvalagnavasanAkShepakR^itkucha kaTAkShAkShamIkR^itamano\-
dIkShAsurAhR^itasudhAkShANino.avatusu rUkShekShaNAddharitanuH || 5||
shikShAdiyu~Nnigama dIkShAsulakShaNa parikShAkShamAvidhisatI |
dAkShAyaNI kShamati sAkShAdramApinaya dAkShepavIkShaNavidhau |
prekShAkShilobhakaralAkShAra sokShita padAkShepalakShitadharA |
sA.akShAritAtmatanu bhUkShArakAriniTilAkShAkShamAnavatu naH || 6||
nIlAmbudAbhashubha shIlAdridehadhara khelAghR^itodhadhidhunI\-
shailAdiyukta nikhilelA kaTAdyasura tUlATavIdahana te |
kolAkR^ite jaladhi kAlAchalAvayava nIlAbjadaMShTra dharaNI\-
lIlAspadorutara mUlAshiyogivara jAlAbhivandita namaH || 7||
dambholitIkShNanakha sambheditendraripu kumbhIndra pAhi kR^ipayA |
stambhArbha kAsahanaDimbhAya dattavara gambhIranAda nR^ihare |
aMbhodhijAnusaraNAMbhojabhUpavanakumbhInaseshakhagarAT |
kumbhIndrakR^ittidhara jambhAriShaNmukhamukhAMbhoruhAbhinuta mAm || 8||
pi~NgAkSha vikrama tura~NgAdi sainya chatura~NgA valipta danujA\-
sA~NgAdhvarastha bali sA~NgAvapAta hR^iShitA~NgA marAlinuta te |
shR^i~NgArapAdanakha tu~NgAgrabhinna kana kA~NgANDapattitaTinI\-
tu~NgAti ma~Ngala tara~NgAbhibhUta bhaja kA~NgAgha vAmana namaH || 9||
dhyAnArha vAmanatanonAtha pAhi yajamAnA sureshavasudhA\-
dAnAya yAchanika lInArthavAgvashitanAnAsadasyadanuja |
mInA~NkanirmalanishAnAthakoTilasamAnAtma mau~njiguNa kau\-
pInAchChasUtrapadayAnAtapatrakarakAnamyadaNDavarabhR^it || 10||
dhairyAmbudhe parashucharyAdhikR^ittakhalavaryAvanIshvara mahA\-
shauryAbhibhUta kR^itavIryAtmajAtabhujavIryAvalepanikara |
bhAryAparAdhakupitAryAj~nayAgalitanAryAtmasUgalataro |
kAryAparAdhamavichAryAryamaughajayivIryAmitA mayi dayA || 11||
shrIrAmalakShmaNashukArAma bhUravatugaurAmalAmitamaho\-
hArAmarastuta yashorAmakAntisuta norAmanorathahara |
svArAmavaryaripu vIrAmayArdhikara chIrAmalAvR^itakaTe |
svArAma darshanajamArAmayAgatasughorAmanoramalabdhakalaha || 12||
shrIkeshavapradishanAkesha jAtakapilokesha bhagnaravibhU\-
toketarArtiharaNAkevalArtasukhadhIkekikAlajalada |
sAketanAthavarapAkeramukhyasuta kokena bhaktimatulAm |
rAkendu bimbamukha kAkekShaNApaha hR^ishIkesha te.a~Nghrikamale || 13||
rAme nR^iNAM hR^idabhirAmenarAshikulabhIme mano.adyaramatAm |
gomedinIjayitapo.ameyagAdhisutakAmeniviShTa manasi |
shyAme sadA tvayi jitAmeyatApasajarAme gatAdhikasame |
bhImeshachApadalanAmeyashauryajitavAmekShaNe vijayini || 14||
kAntAragehakhalakAntAraTadvadana kAntAlakAntakasharam |
kAntArayAmbujanikAntAnvavAyavidhukAntAshmabhAdipahare |
kAntAliloladalakAntAbhishobhitilakAntAbhavantamanusA |
kAntAnuyAnajita kAntAradurgakaTakAntA ramAtvavatu mAm || 15||
dAntaM dashAnanasutAntaM dharAmadhivasantaM prachaNDatapasA |
klAntaM sametya vipinAntaM tvavApa yamanantaM tapasvipaTalam |
yAntaM bhavAratibhayAntaM mamAshu bhagavantaM bhareNa bhajatAt |
svAntaM savAridanujAntaM dharAdharanishAntaM sa tApasavaram || 16||
shampAbhachApalavakaMpAstashatrubalasampAditAmitayashAH |
shaM pAdatAmarasasampAtino.alamanukampArasena disha me |
sampAtipakShisahajaM pApirAvaNahataM pAvanaM yadakR^ithAH |
tvaM pApakUpapatitaM pAhi mAM tadapi pampAsarastaTachara || 17||
lolAkShyapekShitasulIlAkura~NgavadhakhelAkutUhalagate |
svAlApabhUmijanibAlApahAryanujapAlAdya bho jayajaya |
bAlAgnidagdhapurashAlAnilAtmajaniphAlAttapattalarajo |
nIlA~NgadAdikapimAlAkR^itAlipathamUlAbhyatItajaladhe || 18||
tUNIrakArmuka kR^ipANIkiNA~NkabhujapANIravipratimabhAH |
kShoNidharAlinibhaghoNImukhAdighanaveNIsurakShaNakaraH |
shoNibhavannayana koNIjitAmbunidhipANIritArhaNamaNi\-
shreNIvR^itA~Nghririha vANIshasUnuvaravANIstuto vijayate || 19||
hu~NkArapUrvamatha Ta~NkAranAdamatipa~NkAvadhAryachalitA |
la~NkAshilochchayavisha~NkApatadbhidura sha~NkA.a.asa yasya dhanuShaH |
la~NkAdhipo.amanuta yaM kAlarAtrimiva sha~NkAshatAkuladhiyA |
taM kAladaNDashatasa~NkAshakArmukasharA~NkAnvitaM bhaja harim || 20||
dhImAnameyatanudhAmArtama~NgaLadanAmA ramAkamalabhU\-
kAmAripannagapakAmAhivairigurusomAdivandyamahimA |
sthemAdinApagatasImAvatAtsakhalasAmAjarAvaNaripU |
rAmAbhido harirabhaumAkR^itiH pratanasAmAdivedaviShayaH || 21||
doShAtmabhUvashaturAShADatikramajadoShAtmabhartR^ivachasA |
pAShANabhUtamuniyoShAvarAtmatanuveShAdidAyicharaNaH |
naiShAdayoShidashubheShAkR^idaNDajanidoShAcharAdishubhado |
doShAgrajanmamR^itishoShApaho.avatu sudoShA~NghrijAtahananAt || 22||
vR^indAvanasthapashuvR^indAvanaM vinutavR^indArakaikasharaNam |
nandAtmajaM nihatanindAkR^idAsurajanaM dAmabaddhajaTharam |
vandAmahe vayamamandAvadAtaruchimAndAkShakArivadanam |
kundAlidantamuta kandAsitaprabhatanuM dAvarAkShasaharam || 23||
gopAlakotsavakR^itApArabhakShyarasasUpAnnalopakupitA |
shApAlayApitalayApAmbudAlisalilApAyadhAritagire |
svApA~Ngadarshanaja tApA~NgarAgayutagopA~NganAMshukahR^iti\-
vyApArashauNDa vividhApAyatastvamava gopArijAtaharaNa || 24||
kaMsAdikAsadavataMsAvanIpativihiMsAkR^itAtmajanuSham |
saMsArabhUtamiha saMsArabaddhamanasaM sArachitsukhatanum |
saMsAdhayantamanishaM sAttvikavrajamahaM sAdaraM bata bhaje |
haMsAditApasariraMsAspadaM paramahaMsAdivandyacharaNam || 25||
rAjIvanetra vidurAjIva mAmavatu rAjIvaketanavasham |
vAjIbhapattinR^iparAjIrathAnvitajarAjIvagarvashamana |
vAjIshavAha sitavAjIsha daityatanuvAjIshabhedakaradoH |
jAjIkadambanavarAjIvamukhyasumarAjIsuvAsitashiraH || 26||
kAlIhR^idAvasathakAlIyakuNDalipakAlIsthapAdanakharA |
vyAlInavAMshukaravAlIgaNAruNitakAlIruche jaya jaya |
kelIlavApahR^itakAlIshadattavaranAlIkadR^iptaditibhU\-
chUlIkagopamahilAlItanUghusR^iNadhUlIkaNA~NkahR^idaya || 27||
kR^iShNAdipANDusutakR^iShNAmanaHprachuratR^iShNAsutR^iptika ravAk |
kR^iShNA~NkapAlirata kR^iShNAbhidhAghahara kR^iShNAdiShaNmahiLa bhoH |
puShNAtu mAmajita niShNAtavArdhimudanuShNAMshumaNDala hare |
jiShNo girIndradhara viShNo vR^iShAvaraja dhR^iShNo bhavAnkaruNayA || 28||
rAmAshiromaNidharAmAsameta balarAmAnujAbhidha ratim |
vyomAsurAntakara te mAratAta disha me mAdhavA~Nghrikamale |
kAmArtabhaumapurarAmAvalIpraNayavAmAkShipItatanubhA |
bhImAhinAthamukhavaimAnikAbhinuta bhImAbhivandyacharaNa || 29||
sakShveLabhakShyabhayadAkShishravogaNajalAkShepapAshayamanam |
lAkShAgR^ihajvalanarakShohiDimbabakabhaikShAnnapUrvavipadaH |
akShAnubandhabhavarUkShAkSharashravaNasAkShAnmahiShyavamatI |
kakShAnuyAnamadhamakShmApasevanamabhIkShNApahAsamasatAm || 30||
chakShANa eva nijapakShAgrabhUdashashatAkShAtmajAdisuhR^idA\-
mAkShepakArikunR^ipAkShauhiNIshatabalAkShobhadIkShitamanAH |
tArkShyAsichApasharatIkShNAripUrvanijalakShmANi chApyagaNayan |
vR^ikShAlayadhvajarirakShAkaro jayati lakShmIpatiryadupatiH || 31||
buddhAvatAra kavibaddhAnukampa kuru baddhA~njalau mayi dayAm |
shauddhodanipramukhasaiddhAntikAsugamabauddhAgamapraNayana |
kruddhAhitAsuhR^itisiddhAsikheTadhara shuddhAshvayAna kamalA |
shuddhAnta mAM ruchipinaddhAkhilA~Nga nijamaddhAva kalkyabhidha bhoH || 32||
sAra~NgakR^ittidharasAra~NgavAridhara sAra~NgarAjavaradA\-
sAraM gadAritarasAraM gatAtmamadasAraM gatauShadhabalam |
sAra~NgavatkusumasAraM gataM cha tava sAra~NgamA~Nghriyugalam |
sAra~NgavarNamapasAraM gatAbjamadasAraM gadiMstvamava mAm || 33||
grIvAsyavAhatanudevANDajAdidashabhAvAbhirAmacharitam |
bhAvAtibhavyashubhadhIvAdirAjayatibhUvAgvilAsanilayam |
shrIvAgadhIshamukhadevAbhinamyaharisevArchaneShu paThatA\-
mAvAsa eva bhavitAvAgbhavetarasurAvAsalokanikare || 34||
\centerline{iti shrImadvAdirAjapUjyacharaNa virachitaM}
\centerline{shrIdashAvatArastutiH sampUrNam.h}
\centerline{\LARGEdvng bhAratIramaNamukhyaprANAntargata shrIkR^iShNArpaNamastu}
##
Encoded by Anand Ravipati
Proofread by Meera Tadipatri(mtadipatri@dvaita.net), Shrisha Rao (shrao@dvaita.org)

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}