% Text title            : garUDadhvajastotram
% File name             : garuDadhvaja.itx
% Category              : vishhnu, vishnu\_misc, stotra, vishnu, deities\_misc
% Location              : doc\_vishhnu
% Author                : Traditional
% Proofread by          : Balaji, PSA Easwaran
% Description-comments  : shrImadbhAgavatamahApurANe chaturthaskandhe navamo.adhyAyaH. There is another Dhruvastuti in Vishnupurana.
% Latest update         : November 22, 2001, December 5, 2021
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
| iti shrImadbhAgavatapurANe chaturthaskandhe navamAdhyAyAntargataM
dhruvakR^itaM shrIgaruDadhvajastotraM sampUrNam |
---
> | iti shrImadbhAgavatapurANAntargataM shrIgaruDadhvajastotraM sampUrNam |
> 
> (shrImadbhAgavate mahApurANe pAramahaMsyAM saMhitAyAM
> chaturthaskandhe dhruvarAjyAbhiShekavarNanaM nAma navamo.adhyAyaH)
\engtitle{.. garUDadhvajastotram or bhagavatstutiH by Dhruva ..}##
\itxtitle{.. garUDadhvajastotram athavA dhruvakR^itA bhagavatstutiH ..}##\endtitles ##
dhruva uvAcha |
yo.antaH pravishya mama vAchamimAM prasuptAM
   sa~njIyatyakhilashaktidharaH svadhAmnA |
anyAMshcha hastacharaNashravaNatvagAdIn
   prANAnnamo bhagavate purUShAya tubhyam || 1||
ekastvameva bhagavannidamAtmashaktyA
   mAyAkhyayoruguNayA mahadAdyasheSham |
sR^iShTvA.anuvishya puruShastadasadguNeShu
   nAneva dArUShu vibhAvasuvadvibhAsi || 2||
tvaddattayA vayunayedamachaShTa vishvaM
   suptaprabuddha iva nAtha bhavatprapannaH |
tasyApavargyasharaNaM tava pAdamUlaM
   vismaryate kR^itavidA kathamArtabandho || 3||
nUnaM vimuShTamatayastava mAyayA te
   ye tvAM bhavApyayavimokShaNamanyahetoH |
archanti kalpakatarUM kuNapopabhogya\-
   michChanti yatsparshajaM niraye.api nR^INAm || 4||
yA nirvR^itistanubhUtAM tava pAdapadma\-
   dhyAnAdbhavajjanakathAshravaNena vA syAt |
sA brahmaNi svamahimanyapi nAtha mA bhUt
   kintvantakAsilulitAt patatAM vimAnAt || 5||
bhaktiM mUhuH pravahatAM tvayi me prasa~Ngo
   bhUyAdananta mahatAmamalAshayAnAm |
yenA~njasolbaNamuruvyasanaM bhavAbdhiM
   neShye bhavadguNakathAmR^itapAnamattaH || 6||
te na smarantyatitarAM priyamIshamartyaM
   ye chAnvadaH sutasuhR^idgR^ihavittadArAH |
ye tvabjanAbha bhavadIyapadAravinda\-
   saugandhyalubdhahR^idayeShu kR^itaprasa~NgAH || 7||
tirya~NnagadvijasarIsR^ipadevadaitya\-
   martyAdibhiH parichitaM sadasadvisheSham |
rUpaM sthaviShThamaja te mahadAdyanekaM
   nAtaHparaM parama vedmi na yatra vAdaH || 8||
kalpAnta etadakhilaM jaThareNa gR^ihvan
   shete pumAn svadR^iganantasakhastada~Nke |
yannAbhisindhuruhakA~nchanalokapadma\-
   garbhe dyumAn bhagavate praNato.asmi tasmai || 9||
tvaM nityamuktaparishuddhavishuddha AtmA
   kUTastha AdipurUSho bhagavAMstryadhIshaH |
yadbud.hdhyavasthitimakhaNDitayA svadR^iShTyA
   draShTA sthitAvadhimakho vyAtirikta Asse || 10||
yasmin viruddhagatayo hyanishaM patanti
   vidyAdayo vividhashaktaya AnupUrvyAt |
tadbrahmavishvabhavamekamanantamAdya\-
   mAnandamAtramavikAramahaM prapadye || 11||
satyAshiSho hi bhagavaMstava pAdapadma\-
   mAshIstathA.anubhajataH puruShArthamUrteH |
apyevamArya bhagavAn paripAti dInAn
   vAshreva vatsakamanugrahakAtaro.asmAn || 12||

iti shrImadbhAgavatapurANe chaturthaskandhe navamAdhyAyAntargataM
dhruvakR^itaM shrIgaruDadhvajastotraM sampUrNam |

##
Proofread by PSA Easwaran

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}