% Text title            : gopAlavi.nshatistotram
% File name             : gopaala20.itx
% Category              : viMshati, vishhnu, krishna, stotra, vedAnta-deshika, vishnu
% Location              : doc\_vishhnu
% Author                : vedAntadeshika
% Proofread by          : Balaji
% Latest update         : November 22, 2001
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Gopala Vinshatistotram ..}##
\itxtitle{.. gopAlavi.nshatistotram ..}##\endtitles ##
shrImAn ve.nkaTanAthAryaH kavitArkikakesarI |
vedAntAchAryavaryo me sannidhattAM sadA hR^idi ||
vande vR^indAvanacharaM valavvIjanavallabham |
jayantIsambhavaM dhAma vaijayantIvibhUShaNam || 1||
vAchaM nijA~NkarasikAM prasamIkShamANo
   vaktrAravindaviniveshitapA.nchajanyaH |
varNaH trikoNarUchire varapuNDarIke
   baddhAsano jayati vallavachakravartI || 2||
AmnAyagandharuditasphuritAdharoShTham
   AsrAvilekShaNamanukShaNamandahAsam |
gopAlaDimbhavapuShaM kuhanA jananyAH
   prANastanandhayamavaimi paraM pumAMsam || 3||
AvirbhavatvanibhR^itAbharaNaM purastAt
   Aku.nchitaikacharaNa nibhR^ihitAnyapAdam |
dadhnAnibaddhamukhareNa nibaddhatAlaM
   nAthasya nandabhavane navanItanATyam || 4||
kundaprasUnavishadairdashanaishchartubhiH
   sa.ndashya mAturanishaM kuchachUchukAgram |
nandasya vaktramavalokayato murArer\-
   mandasthitaM mamamanIShitamAtanotu || 5||
hartuM kumbhe vinihitakaraH svAdu haiya~NgavInaM
    dR^iShTvA dAmagrahaNachaTulAM mAtaraM jAtaroShAm |
pAyAdIShatprachalitapadau nApagachChanna tiShThan
    mithyAgopaH sapadi nayane mIlayan vishvagoptA || 6||
vrajayoShidapA~Nga vedhanIyaM
    mathurAbhAgyamananyabhogyamIDe |
vasudevavadhU stanandhayaM tad\-
    kimapi brahma kishorabhAvadR^ishyam || 8||
parivartitakandharaM bhayena
    smitaphullAdharapallavaM smarAmi |
viTapitvanirAsakaM kayoshchid\-
    vipulolUkhalakarShakaM kumAram || 9||
nikaTeShu nishAmayAmi nityaM
    nigamAntairadhunA.api mR^igyamANam |
yamalArjunadR^iShTabAlakeliM
    yamunAsAkShikayauvanaM yuvAnam || 10||
padavImadavIyasIM vimukte\-
    raTavIM sampadambu vAhayantIm |
arUNAdharasAbhilAShavaMshAM
    karUNAM kAraNamAnuShIM bhajAmi || 11||
animeShaniveShNIyamakShNo\-
    rajahadyauvanamAvirastu chitte |
kalahAyitakuntalaM kalApaiH
    karUNonmAdakavigrahaM maho me || 12||
anuyAyimanoj~navaMshanAlai\-
    ravatu sparshitavallavIvimohaiH |
anaghasmitashItalairasau mAm
    anukampAsaridambujairapA~NgaiH || 13||
adharAhitachArUvaMshanAlA
    makuTAlambimayUrapi~nchChamAlAH |
harinIlashilAvibha~NganIlAH
    pratibhAH santu mamAntimaprayANe || 14||
akhilAnavalokayAmi kAlAn
    mahilAdInabhujAntarasyUnaH |
abhilAShapadaM vrajA~NganAnAm
    abhilAkramadUramAbhirUpyam || 15||
mahase mahitAya maulinA
    vinatenA~njalima~njanatviShe |
kalayAmi vimugdhavallavI\-
    valayAbhAShitama~njuveNave || 16||
jayatu lalitavR^ittiM shikShito vallavInAM
    shithilavalayashi~njAshItalairhastatAlaiH |
akhilabhuvanarakShAgopaveshasya viShNo\-
    radharamaNisudhAyAmaMshavAn vaMshanAlaH || 17||
chitrAkalpaH shravasi kalayallA~NgalIkarNapUraM
    barhottaMsasphuritachikuro bandhujIvaM dadhAnaH |
gu.njAbaddhAmurasi lalitAM dhArayan hArayaShTiM
    gopastrINAM jayati kitavaH ko.api kaumArahArI || 18||
lIlAyaShTiM karakisalaye dakShiNe nyasta dhanyA\-
    maMse devyAH pulakaruchire sanniviShTAnyabAhuH |
meghashyAmo jayati lalito mekhalAdattaveNu\-
    rgu~njApIDasphuritachikuro gopakanyAbhuja~NgaH || 19||
pratyAlIDhasthitiMadhigatAM prAptagADhA~NkapAlIM
    pashchAdIShanmilitanayanAM preyasIM prekShamANaH |
bhastrAyantrapraNihitakaro bhaktajIvAturavyAd
    vArikrIDAnibiDavasano vallavIvallabho naH || 20||
vAso hR^itvA dinakarasutAsannidhau vallavInAM
    lIlAsmero jayati lalitAmAsthitaH kundashAkhAm |
savrIDAbhistadanu vasane tAbhirabhyarthyamAne
    kAmI kashchitkarakamalayora~njaliM yAchamAnaH || 21||
ityananyamanasA vinirmitAM
    ve.nkaTeshakavinA stutiM paThan |
divyaveNurasikaM samIkShate
    daivataM kimapi yauvatapriyam || 22||

|| iti shrIvedAntadeshikakR^itaM gopAlaviMshatistotraM sampUrNam ||
##

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}