% Text title : govindadAmodara mAdhaveti stotraM % File name : govind.itx % Category : vishhnu, krishna, stotra, vishnu % Location : doc\_vishhnu % Author : bilvamangalAchArya % Transliterated by : Damodar Godse - dgodse at aracnet.net % Proofread by : Damodar Godse - dgodse at aracnet.net % Latest update : June 16, 2019 % Send corrections to : Sanskrit@cheerful.com % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. shrIgovindadAmodarastotra ..}## \itxtitle{.. shrIgovindadAmodarastotra ..}##\endtitles ## agre kurUNAmatha pANDavAnAM duHshAsanenAhR^itavastrakeshA | kR^iShNA tadAkroshadananyanAthA govinda dAmodara mAdhaveti || 1|| shrIkR^iShNa viShNo madhukaiTabhAre bhaktAnukampin bhagavan murAre | trAyasva mAM keshava lokanAtha govinda dAmodara mAdhaveti || 2|| vikretukAmA kila gopakanyA murAripAdArpitachittavR^ittiH | dadhyAdikaM mohavashAdavochad govinda dAmodara mAdhaveti || 3|| ulUkhale sambhR^itataNDulAMshcha sa~NghaTTayantyo musalaiH pramugdhAH | gAyanti gopyo janitAnurAgA govinda dAmodara mAdhaveti || 4|| kAchitkarAmbhojapuTe niShaNNaM krIDAshukaM kiMshukaraktatuNDam | adhyApayAmAsa saroruhAkShI govinda dAmodara mAdhaveti || 5|| gR^ihe gR^ihe gopavadhUsamUhaH pratikShaNaM pi~njarasArikANAm | skhaladgirAM vAchayituM pravR^itto govinda dAmodara mAdhaveti || 6|| paryya~NkikAbhAjamalaM kumAraM prasvApayantyo.akhilagopakanyAH | jaguH prabandhaM svaratAlabandhaM govinda dAmodara mAdhaveti || 7|| rAmAnujaM vIkShaNakelilolaM gopI gR^ihItvA navanItagolam | AbAlakaM bAlakamAjuhAva govinda dAmodara mAdhaveti || 8|| vichitravarNAbharaNAbhirAme.abhidhehi vaktrAmbujarAjahaMsi | sadA madIye rasane.agrara~Nge govinda dAmodara mAdhaveti || 9|| a~NkAdhirUDhaM shishugopagUDhaM stanaM dhayantaM kamalaikakAntam | sambodhayAmAsa mudA yashodA govinda dAmodara mAdhaveti || 10|| krIDantamantarvrajamAtmajaM svaM samaM vayasyaiH pashupAlabAlaiH | premNA yashodA prajuhAva kR^iShNaM govinda dAmodara mAdhaveti || 11|| yashodayA gADhamulUkhalena gokaNThapAshena nibadhyamAnaH | ruroda mandaM navanItabhojI govinda dAmodara mAdhaveti || 12|| nijA~NgaNe ka~NkaNakelilolaM gopI gR^ihItvA navanItagolam | AmardayatpANitalena netre govinda dAmodara mAdhaveti || 13|| gR^ihe gR^ihe gopavadhUkadambAH sarve militvA samavAyayoge | puNyAni nAmAni paThanti nityaM govinda dAmodara mAdhaveti || 14|| mandAramUle vadanAbhirAmaM bimbAdhare pUritaveNunAdam | gogopagopIjanamadhyasaMsthaM govinda dAmodara mAdhaveti || 15|| utthAya gopyo.apararAtrabhAge smR^itvA yashodAsutabAlakelim | gAyanti prochchairdadhi manthayantyo govinda dAmodara mAdhaveti || 16|| jagdho.atha datto navanItapiNDo gR^ihe yashodA vichikitsayantI | uvAcha satyaM vada he murAre govinda dAmodara mAdhaveti || 17|| abhyarcya gehaM yuvatiH pravR^iddhapremapravAhA dadhi nirmamantha | gAyanti gopyo.atha sakhIsametA govinda dAmodara mAdhaveti || 18|| kvachit prabhAte dadhipUrNapAtre nikShipya manthaM yuvatI mukundam | Alokya gAnaM vividhaM karoti govinda dAmodara mAdhaveti || 19|| krIDAparaM bhojanamajjanArthaM hitaiShiNI strI tanujaM yashodA | AjUhavat premapariplutAkShI govinda dAmodara mAdhaveti || 20|| sukhaM shayAnaM nilaye cha viShNuM devarShimukhyA munayaH prapannAH | tenAcyute tanmayatAM vrajanti govinda dAmodara mAdhaveti || 21|| vihAya nidrAmaruNodaye cha vidhAya kR^ityAni cha vipramukhyAH | vedAvasAne prapaThanti nityaM govinda dAmodara mAdhaveti || 22|| vR^indAvane gopagaNAshcha gopyo vilokya govindaviyogakhinnAm | rAdhAM jaguH sAshruvilochanAbhyAM govinda dAmodara mAdhaveti || 23|| prabhAtasa~nchAragatA nu gAvastadrakShaNArthaM tanayaM yashodA | prAbodhayat pANitalena mandaM govinda dAmodara mAdhaveti || 24|| pravAlashobhA iva dIrghakeshA vAtAmbuparNAshanapUtadehAH | mUle tarUNAM munayaH paThanti govinda dAmodara mAdhaveti || 25|| evaM bruvANA virahAturA bhR^ishaM vrajastriyaH kR^iShNaviShaktamAnasAH | visR^ijya lajjAM ruruduH sma susvaraM govinda dAmodara mAdhaveti || 26|| gopI kadAchinmaNipa~njarasthaM shukaM vacho vAchayituM pravR^ittA | Anandakanda vrajachandra kR^iShNa govinda dAmodara mAdhaveti || 27|| govatsabAlaiH shishukAkapakShaM badhnantamambhojadalAyatAkSham | uvAcha mAtA chibukaM gR^ihItvA govinda dAmodara mAdhaveti || 28|| prabhAtakAle varavallavaughA gorakShaNArthaM dhR^itavetradaNDAH | AkArayAmAsuranantamAdyaM govinda dAmodara mAdhaveti || 29|| jalAshaye kAliyamardanAya yadA kadambAdapatanmurAriH | gopA~NganAshchukrushuretya gopA govinda dAmodara mAdhaveti || 30|| akrUramAsAdya yadA mukundashchApotsavArthaM mathurAM praviShTaH | tadA sa paurairjayasItyabhAShi govinda dAmodara mAdhaveti || 31|| kaMsasya dUtena yadaiva nItau vR^indAvanAntAd vasudevasUnU | (sUnau) ruroda gopI bhavanasya madhye govinda dAmodara mAdhaveti || 32|| sarovare kAliyanAgabaddhaM shishuM yashodAtanayaM nishamya | chakrurluThantyaH pathi gopabAlA govinda dAmodara mAdhaveti || 33|| akrUrayAne yaduvaMshanAthaM sa~NgacChamAnaM mathurAM nirIkShya | Uchurviyogat kila gopabAlA govinda dAmodara mAdhaveti || 34|| chakranda gopI nalinIvanAnte kR^iShNena hInA kusume shayAnA | praphullanIlotpalalochanAbhyAM govinda dAmodara mAdhaveti || 35|| mAtApitR^ibhyAM parivAryamANA gehaM praviShTA vilalApa gopI | Agatya mAM pAlaya vishvanAtha govinda dAmodara mAdhaveti || 36|| vR^indAvanasthaM harimAshu buddhvA gopI gatA kApi vanaM nishAyAm | tatrApyadR^iShTvA.atibhayAdavochad govinda dAmodara mAdhaveti || 37|| sukhaM shayAnA nilaye nije.api nAmAni viShNoH pravadanti martyAH | te nishchitaM tanmayatAM vrajanti govinda dAmodara mAdhaveti || 38|| sA nIrajAkShImavalokya rAdhAM ruroda govindaviyogakhinnAm | sakhI praphullotpalalochanAbhyAM govinda dAmodara mAdhaveti || 39|| jihve rasadnye madhurapriyA tvaM satyaM hitaM tvAM paramaM vadAmi | AvarNayethA madhurAkSharANi govinda dAmodara mAdhaveti || 40|| AtyantikavyAdhiharaM janAnAM chikitsakaM vedavido vadanti | saMsAratApatrayanAshabIjaM govinda dAmodara mAdhaveti || 41|| tAtAdnyayA gacChati rAmachandre salakShmaNe.araNyachaye sasIte | chakranda rAmasya nijA janitrI govinda dAmodara mAdhaveti || 42|| ekAkinI daNDakakAnanAntAt sA nIyamAnA dashakandhareNa | sItA tadAkrandadananyanAthA govinda dAmodara mAdhaveti || 43|| rAmAdviyuktA janakAtmajA sA vichintayantI hR^idi rAmarUpam | ruroda sItA raghunAtha pAhi govinda dAmodara mAdhaveti || 44|| prasIda viShNo raghuvaMshanAtha surAsurANAM sukhaduHkhaheto | ruroda sItA tu samudramadhye govinda dAmodara mAdhaveti || 45|| antarjale grAhagR^ihItapAdo visR^iShTavikliShTasamastabandhuH | tadA gajendro nitarAM jagAda govinda dAmodara mAdhaveti || 46|| haMsadhvajaH sha~Nkhayuto dadarsha putraM kaTAhe pratapantamenam | puNyAni nAmAni harerjapantaM govinda dAmodara mAdhaveti || 47|| durvAsaso vAkyamupetya kR^iShNA sA chAbravIt kAnanavAsinIsham | antaH praviShTaM manasA juhAva govinda dAmodara mAdhaveti || 48|| dhyeyaH sadA yogibhiraprameyaH chintAharashchintitapArijAtaH | kastUrikAkalpitanIlavarNo govinda dAmodara mAdhaveti || 49|| saMsArakUpe patito.atyagAdhe mohAndhapUrNe viShayAbhitapte | karAvalambaM mama dehi viShNo govinda dAmodara mAdhaveti || 50|| bhajasva mantraM bhavabandhamuktyai jihve rasadnye sulabhaM manodnyam | dvaipAyanAdyairmunibhiH prajaptaM govinda dAmodara mAdhaveti || 51|| tvAmeva yAche mama dehi jihve samAgate daNDadhare kR^itAnte | vaktavyamevaM madhuraM subhaktyA govinda dAmodara mAdhaveti || 52|| gopAla vaMshIdhara rUpasindho lokesha nArAyaNa dInabandho | uchchasvaraistvaM vada sarvadaiva govinda dAmodara mAdhaveti || 53|| jihve sadaivaM bhaja sundarANi nAmAni kR^iShNasya manoharANi | samastabhaktArtivinAshanAni govinda dAmodara mAdhaveti || 54|| govinda govinda hare murAre govinda govinda mukunda kR^iShNa | govinda govinda rathA~NgapANe govinda dAmodara mAdhaveti || 55|| sukhAvasAne tvidameva sAraM duHkhAvasAne tvidameva geyam | dehAvasAne tvidameva jApyaM govinda dAmodara mAdhaveti || 56|| durvAravAkyaM parigR^ihya kR^iShNA mR^igIva bhItA tu kathaM katha~nchit | sabhAM praviShTA manasA juhAva govinda dAmodara mAdhaveti || 57|| shrIkR^iShNa rAdhAvara gokulesha gopAla govardhana nAtha viShNo | jihve pibasvAmR^itametadeva govinda dAmodara mAdhaveti || 58|| shrInAtha vishveshvara vishvamUrte shrIdevakInandana daityashatro | jihve pibasvAmR^itametadeva govinda dAmodara mAdhaveti || 59|| gopIpate kaMsaripo mukunda lakShmIpate keshava vAsudeva | jihve pibasvAmR^itametadeva govinda dAmodara mAdhaveti || 60|| gopIjanAhlAdakara vrajesha gochAraNAraNyakR^itapravesha | jihve pibasvAmR^itametadeva govinda dAmodara mAdhaveti || 61|| prANesha vishvambhara kaiTabhAre vaikuNTha nArAyaNa chakrapANe | jihve pibasvAmR^itametadeva govinda dAmodara mAdhaveti || 62|| hare murAre madhusUdanAdya shrIrAma sItAvara rAvaNAre | jihve pibasvAmR^itametadeva govinda dAmodara mAdhaveti || 63|| shrIyAdavendrAdridharAmbujAkSha gogopagopIsukhadAnadakSha | jihve pibasvAmR^itametadeva govinda dAmodara mAdhaveti || 64|| dharAbharottAraNagopaveSha vihAralIlAkR^itabandhusheSha | jihve pibasvAmR^itametadeva govinda dAmodara mAdhaveti || 65|| bakIbakAghAsuradhenukAre keshItR^iNAvartavighAtadakSha | jihve pibasvAmR^itametadeva govinda dAmodara mAdhaveti || 66|| shrIjAnakIjIvana rAmachandra nishAcharAre bharatAgrajesha | jihve pibasvAmR^itametadeva govinda dAmodara mAdhaveti || 67|| nArAyaNAnanta hare nR^isiMha prahlAdabAdhAhara he kR^ipAlo | jihve pibasvAmR^itametadeva govinda dAmodara mAdhaveti || 68|| lIlAmanuShyAkR^itirAmarUpa pratApadAsIkR^itasarvabhUpa | jihve pibasvAmR^itametadeva govinda dAmodara mAdhaveti || 69|| shrIkR^iShNa govinda hare murAre he nAtha nArAyaNa vAsudeva | jihve pibasvAmR^itametadeva govinda dAmodara mAdhaveti || 70|| vaktuM samartho.api na vakti kashchidaho janAnAM vyasanAbhimukhyam | jihve pibasvAmR^itametadeva govinda dAmodara mAdhaveti || 71|| iti shrIbilvama~NgalAchAryavirachitaM shrIgovindadAmodarastotraM sampUrNam | shloka 42\-45 pAThAntara govinda dAmodara mAdhaveti sthAname he rAma raghunandana rAghaveti ## Encoded by Damodar Godse dgodse at aracnet.net Proofread by Damodar Godse. Nivedita R. \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}